Sunday, March 6, 2011
امس كان اخر يوم معرض وانا احبهم واللي شوقني بوست بنوته (هني) عن الفوط.

فرحتله مع اختي ومرت اخوي ..



شرينا هالصناديق مقسمه من داخل تنفع للملابس الداخليه والدلاغات وبجرب وحده لاصباغ اظافري ..


ليفه ومفراكة احتاجهم :\

صابون غار مكتوب انه زين للشعر التساقط والقشره وحده لي و الباجي بوزعهم لرفيجتي وبنت عمي يحبون الصابون..

وهذا صابون صغار يشوق ويقول زين كان ب3 ونص خذيت ل2 بخمس وهم بوزعه..

مرطب من بي فارما كنت مجربه نوع منهم وكان عجيب ..

ماكنت بشتري واللي معاي ماخلوني بس لانهسوت لي عرض خذيتهم :)

جنه الصابونه 4 والطين ب5 بس قالت لي  احسبهم كلهم ب7 فخذيتهم ..
وخذينا بجايم و فوط وروب شكلين مثل بنوته ..

اللي ضحكني سالتها بجم الروب ؟؟

ردت :الروب نص ب3 والعادي ب5 ..

قلت : شدعوه قايلين لي النص ب4 ..

اختي زين ماانجلطت خخخ مااستوعبتت الا لما اختي نبهتني :\

 عيبه زحمه و اللي يبيعون اغلبهم نفسيه :\

10 comments:

daloo3a said...

حلوووو ^^


تتهنييين ان شاء الله ^^

nnosha2011 said...

لوووووول انا ابي الصابون الي جنه طابوق ببط راس واحد فيه لوول

شاي الضحى said...

عليكم بالعافيه

ضحكتيني على سالفة الروب

Bint ilKuwait said...

shakhboooooo6aaa 3alaaaaaaich bil3afyaaaaaaaaa;********** zain sawaitaw ro7taw!!;) bes la7tha ma fahamt al7een khathaiteeh ib chem ilroob?!! lana ekhti galatli ib 4 khathita

Made n Q8 said...

انا رحتله اخر يوم

وااي زحمه وغثى
وصاجه اللي يبيعون نفسيه وعلى فكره اسعارهم غاليه

احنا خذينا حلاو وشعر بنات ومكسرات سوالف ايران وسوريا
وخذيت زيت جنين القمح على قولته طبيعي وهم مو هين غرشه صغيره ب5

اهوا اسمه استهلاكي وصج مستهلك نبي شي يديد ملينا منهم

رورو الشخبوطه said...

دلووعه..

شكرا:)

رورو الشخبوطه said...

ننوشا..

خخ بتفيدينه لانه ينفع للتساقط و القشره خخخ.

رورو الشخبوطه said...

جايونه..

مشكله اذا تنحت :\

والله يعافيج يارب..

مرسي..

رورو الشخبوطه said...

بنوته..

الله يعافيج يارب..

الروب العادي =5

واللي نص يعني مثل مالج ب3 ..

واللي للراس ب750 ..

اي في بوث ثاني سالنها بجم قالت ب4 ومال راس بدينار :\

بس اشوه عقب ماشرينا :)

رورو الشخبوطه said...

مدمد..

حتى انا..

اي ومايرضون يرخصون قطع :\


ليكون مال نسيت شسمه اللي يمدحون وتبيعه غراس اقصد عن الزيت :\

اي اهو مكرر مثل كل مره بس هالمره الزحمه بزود :\

ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads