Thursday, March 3, 2011
بيصير لنا10 سنين مع برامج المواهب بشكل مكثف..

اخرها ..

Got Talent

على قناة mbc
 


طبعا انا مو ضد برامج المواهب لانه تساعد بابراز بعض المواهب ..

بس هالبرنامج لي عليه ماخذ..

واهي متعلقه بالمواهب..

(1)

حلا الترك

شاركت فيه ..


وقبل كنت مشاركة ببرنامج ستاار صغار ..
  هذا غير ان موهبتها عقدها وبعدها ياهل ..

(2)

باسل الدوسري..

شارك فيه ..


وقبل بفتره بسيطة كان مشارك ببرنامج فرصة للي انعرض في قناة سما دبي ..

هذا غير ظهوره بمقابلات ..

(3)

اللي صج ماله داعي يشاركون ..

فرقة بابا فين اهما معروفين المفروض :\


بس خسروا خخخ..

تدرون شلون ناقصهم ......؟


منو؟!؟!






رحمة ..



فله.. شمعة .. مكررة @@

انتوا مع هالشي ولا ضده ؟؟


24 comments:

AM.SA.CHANNEL said...

و أنا أقول وين شايفتنه الدوسري
طلع في برنامج الفرصة

أما عن المواهب انا أشوف مهما كان العمر في موهبه، لأني كنت قبل أتابه بريتنس قوت تالنت و في يهال مشاركين و أبدعوا و نافسوا للنهائيات

فالموهبة مالها عمر، لكن إذا كانوا مشاركين في مكان و ترشحوا للجولات أحس المفروض ما ينقبل في البرنامج الثاني إلا في حالة رفضه في البرنامج الأول
و ثاني شي فرقة بابا فين، هم من الأساس مشهوورين شو يايبنهم ..

بس في شي مب عايبني في هالبرنامج، ما أحس في مواهب غريبة أحس أغلبها رقص لو لاحظتي

ما في شي نتعجب منه ..
بس أشوفه أحسن عن البرامج كلها ..

و على فكرة تراها فلة شمعة منورة مب مكررة

رورو الشخبوطه said...

شانيل ..

مو سالفة عمر اهي البنيه موذك الابداع وانه طلعت ببرنامج من قبل..

واهو الفكره من البوست بالعنوان وانتي مافهمتيه حسبالج انا مخربطة فيه ..

الفكره باختصار عن المواهب المكرره..
لنفس الاشخاص ويطلعون بكذا برنامج

اي نادر المواهب القويه اللي فيه..

اللي ضحكني وحده مع اختها تهز بطوق :\

وحياج بس ركزي خخخ..

شانيل انتي مو الاصلية الاصليه لازم ههههههههههههه وينها ماشفتها اليوم :p

i-Found said...

والله البرنامج فيه مواهب بس الحكام مالهم داعي يعني نجوى اوكي على اساس انها مغنيه وتفهم بمجال الفن بس حاطيلي هالاصلع فله كلش ماله داعي هذا اشعرفه بالمواهب ومرات احسه منافق ايكون عاجبه وفجاه يغير رايه او العكس والثاني مدير جامعه شكو بالمواهب ؟؟؟؟؟ وبعدين ناس وايد ماكلن لهم داعي يقبلونهم احس كل شئ شخصي

Moda Modello said...

البرنامج حلو و كويس بس وايد اشياء مكرره مثل رقصه مايكل جاكسون و رقص البريك دانس و في اشياء مالها داعي الي ترقص بالطوق هذي مو موهبه كلنا نعرف طوق يعني قليل موهبه تتعجيبن وايد بس حلو البرنامج

شاي الضحى said...

ما تابعت البرنامج

شفت لقطات منه

صاروا مملين وكله تقليد

daloo3a said...

البرنامج حلو و كل شي
بس هم مب محددين شو يبون بالضبط

يعني عمر اي شي يخص ام كلثوم يباه
و يقنعهم انهم يوافقون
في اشياء سخيفه
و يوافقون عليها ماعرف ليش
يعني المفروض يحددون الشي اللي يبونه

AM.SA.CHANNEL said...

ههههههههه لأني كنت أنوود برقد و لفتني موضوووعج من جي ف من كتبتلج رقدت مب متفيجة للظحك


و أنا أقوول بعدللها حليلها يمكن سامعة غلط
قبل لا يردون عليج خخخخخ

ميمة السبيت said...

** انا اقول ياشين السرج عالبقر من اسووون شي الغرب قلدووه و تكفين شوفي من لجنة الحكم عمر اديب ويع البرنامج كله خايس و ماله داعي

مرام said...

ما عجبني البرنامج أحس المواهب عاديه مو مثل النسخه الامريكيه احلي وفي مواهب تستاهل المشاركه في البرنامج

يعطيج العافيه

Anonymous said...

مع البرنامج
بس في ناس مو من صجهم
أحس ماعندهم موهبة كلش
وحلا الترك صوتها مو حلو! ليش اختاروها؟

Kawkawii said...

بصراحه جبتيها ...
لو لاحظتي اساسا اهم يبون برنامج مواهب
بس فعليا ما عندنا مواهب
اغلبهم يرقصون مايكل جاكسون
والباقي غناء او تقليد لمواهب طلعت على مواقع اجنبيه
يعني ما في شئ سبشل
وواااااايد من الي طلعو ما يستاهلون الموافقه الاولى بس مشوهم وقدروهم لان ما في وايد متقدمين

~أم حرّوبي~ said...

حلا ترك بصراحة مافيها شي مبدع مجرد طفلة تغني لا أكثر ولمن خلوها تعدي كان تعاطفا لا أكثر لو فيها إبدداع كان غنت شي غير عن الأغنية اللي قدمتها بستار صغار

الدوسري بصراحة حبيته ودايما يي بحوار يديد انقهرت يوم في فرصة فازت موهبة الغنا
ملينا من الغنا نبغي شي يديد

فررقة بابا فين كانوا وايد واثقين بأنهم بيعدون لشهرتهم ولكن طلع النقيض

إذا بيسوون برامج مواهب خلي يستثنون الغنا والرقص لأنه ملل ومليون برنامج مختص بهالشي

وبعدين ..شفيها لقنوات العربية ما تعرف تقلد إلا البرامج اللي مش ولابد يعني

يعني ليش ما يقلدون برنامج the american inventor
على الأقل يخلي عقل شبابنا يشتغل بشي مفيد مو رقص وغنا

^^

رورو الشخبوطه said...

اي فوند..

اي في مواهب بس المميزه

نادره ..

ولجنة الحكم تجميع صيني ويقلدون لجنه برا بالحركات..

وصح وايد يجاملون..

ومشكوره..

رورو الشخبوطه said...

مودا..

اي التكرر مخربه سواء بالمواهب والادهى الاشخاص بعد مكررين :\

خليها ام طوق حده ماعندها سالفه..

انا بروح عزف مثلث خخخ..

ومشكوره ع المشاركة..

رورو الشخبوطه said...

جايونه..

انا بعد مو متابعته عدل بس اختي اتابعه وشوف لقطات منه معاها وهي قايله لي عنهم وعن اساميهم خخ..

وحياج..

رورو الشخبوطه said...

دلوعه..

اي صاجه مومحددين لاعمر ولا مواهب معينه ..

عيل يهال 3 سنين مشاركين!!

وحياج الله..

رورو الشخبوطه said...

شانيل..

نوم العوافي يارب..

خخخ

مرسي :)

رورو الشخبوطه said...

ميمه ..

خخخ وياريتيقلدون شي سنع و له فايده ..

ومشكوره ع المشاركة

رورو الشخبوطه said...

مرام..

ماشفت من النسخة الاصليه الا جم مقطع دزينهم لي بالواتس اب وكانوا عجيبين خخخ..

الله يعافيج يارب..

ومشكوره ع المشاركة..

رورو الشخبوطه said...

حنان..

انا قصدي مع او ضد مشاركة الشخص نفسه باكثر من برنامج؟؟ ..

اي في وايد ماعندهم سالفه :\

اختيارها اشكره مجامله لانها ياهل ..

ومشكوره ع مشاركة..

رورو الشخبوطه said...

كاكاويه..

اي الظاهر بس في جم موهبه عجبوني الشايب اللي سوى عرض ماشاءالله واللي يرسم ..

والمرحله ال2 ابيخ من الاولى :\

ومشكوره ع مشاركة..

رورو الشخبوطه said...

ام حروبي..

اي حدها مو مميزه واشكره مبين مختارينها كسرت خاطرهم خخخ..

اها بس هم احس اثبت نفسه ببرنامج

وجنه مشاركته بهالبرنامج قبل حلقه فرصة نهائيه بشوي ..

اي حرام الفرقه خخ وماعطوهم مجال يكملون ..

صاجه ملينا نبي شي يديد ..

يبون اللي يضمون يمشي ويربحهم ماهمتهم الفايده كثر الفلوس !!

ومشكوره ع مشاركة..

Made n Q8 said...

رحمه شتطلع هذي؟

وفرقه بابا فين شخباري من وين طالعين خخخ

البرنامج شفت لقطه منه يغثون ولا عاد هذا بو لمبه منوره


كالعاده العرب تقليد بتقليد

رورو الشخبوطه said...

مدمد..

هذي عرقيه شاركت باكثر من برنامج

سوبر ستار - ستار كاديمي- نجم الخليج !

اي ماكو ابداع:(

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads