Wednesday, March 9, 2011
تذكرون هالبوكيه ؟؟

كان هدية مدمد بعيد ميلادي..


وداخل الظرف القش فيه هالظرف ..

كابون من سبا..

شكله من داخل ..

من معدن ورا مكتوب عليه رقم بس << المفروض يحطون مدة استخدامه ..

حسافه خذوه ابيه :(


اول صدمة انه مختاره لي نوع غالي اذا ماخاب ظني اغلى نوع ..

قالولي اقعد هني..

من قريب ..
للريلاكس بس كان حار اكثر من لازم ..


طاسه - الباديه لاظافر ايدي..

لما شفت الصخر قلت وناسه هوت ستون قالت لي نو !

اخترت هالصبغ ..

اسمه :
اللي بط جبدي تميت ساعه وشي ريجي ناشف عطشاااااااااااااااانه كنت بقولها تعتقني وتطلع الماي من جنطتي مدام ماراح ايوبون لي شي اشرب عقب لما خلصت وحطت لي الماسك ولفت ايدي بنايلون قالت تبين جاي اخضر ؟؟
قلت شنو فيه غيره
قالت جاي عادي..
قلت: اوكي يبي اخضر..


لما خلصت وطلعت قالت لي اللي بالرسبشن بس تدفعين نص للجاي ..

خخخخ حزتها انصدمت  قلت لها صج @@

اول مره بحياتي ادفع فلوس للضيافه باجر ذا زرت احد باخذ معاي خرده اخاف العزايم تصير بفلوس !!

لما قلت لمدمد قالت المفروض يغدونج ببلاش  خخخ..

المهم :

النتيجة :

2 شي ماعندهم سليبر لانه سالتني اذا بصبغ اظافر ريولي؟؟
 لما قلت اي قالت شلون جوتيج مسكر قلت لها يايبه معاي صندل :\

رايي:

اول شي مشكوره مدمد وايد استانست بالهدية ومن زمان خاطري اجرب هالسبا ووايد كلفتي ع نفسج واحرجتيني بكرمج :*

اكثر شي حبيته بشغلهم انه وخروا مسماري لحم كان يعورني مع البديكير وايد ارتحت الحمدالله ..

وشغلهم عموما زين بس مو ذاك الدلع ..

وهم حبيت شكل كرتهم مميز بس خذوه :(

والحلو انه على طول فاضي حجزت قبل ساعه بس ..

والاحلى انه موجود بالافنيو :)

برشورهم  (هني)

18 comments:

Amwaj said...

عليج بالعافية

تستاهلينه :)

Sweet Revenge said...

اولا عليج بالعافية
بس بعلق علي شغلة وحدة
يا مال الفقر يدفعونج فلوس الضيافة
اسلوب بايخ الصراحة
مرات والله رورو في اماكن مو زود بس ترجعين من اسلوب التعامل والذرابة
كنت مفكرة اجربة بس الصراحة الحين لأ

Made n Q8 said...

علييج بالعافيه وتستاهلين اكثر

وااي فشله ماهقيت جذي

انا بعد لما رحتلهم ماطلبت شي فما كنت عارفه انهم فقر لي هالدرجه

وانا لما اخترت لج هالنوع قالتلي ان هذا احسن شي قلت الحين بدلعونج دلع ماصار ولا استوى!!


في اماكن ارخص منهم ودلع ومعامله حلوة ويقدمون لج هالهوت جوكليت والكابتشينو وطبي وتخيري


ماتعرفين منو صاحبه هالسبا؟

ياريت لو تسنع السبا مالها او تسكره احسن لها


اي صح توني استوعب الكلام والشرح للعلاج الي سويتي واايد والي سوولج ياه شويه وتقريبا نفس الي سوتلي ياه هم انا حطتلي هالحصم تلقين ملقطينه من سكه بيتهم !

ماادري مايازولي وفاشليين حدهم وصج حدي مفتشله منج

Anonymous said...

بالعافية إن شاءالله
شكو ضيافة بفلوس؟ وماكو سلبر نفس غيره؟؟
مو عشان جذي الظاهر فاضي

What I Like said...

i like the interior of the nail spa....nice mani ;) 3alech bil3afya

كوكتيل said...

بالعافية رورو

تستاهلين اكثر سويتي

بس صدموني بسالفة الجاي ابداع

واهم شي اسنانستي وتغير واكشن بعد

دمتي يخير

Bint ilKuwait said...

Wanasaaaa 3alaaaaich bil3afya 7abeebtii;*****

Bint ilKuwait said...

Wanasaaaa 3alaaaaich bil3afya 7abeebtii;*****

خاتون said...

عليج بالعافية
يعني صج ماعندهم غير هالجاين بس!!!
بس بشكل عام ديكورهم حلو
والصبغ عجييب لونه وترتيبه
*_^

رورو الشخبوطه said...

امواج ..

الله يعافيج يارب ..

مشكوره..

رورو الشخبوطه said...

هلا سويت..

الله يعافيج يارب..

اي استغفرالله المفروض من الاول تقولي انه بفلوس :\

صاجه المكانه مو بالشكل الخدمة والمعامله اهم ..

ومشكوره..

رورو الشخبوطه said...

اهلين مدمد..

الله يعافيج يارب ..

مشكوره..

وبعد عمري ماقصرتي ..

لا وي خل يولون و بالعكس وايد استانست من هديتج ومابقى احد ماقلت له عنها ..

وكل من يمدح الهدية والبوكية ..

والله احرجتيني بكرمج وكلفتي ع عمرج
غيرج حتى بكلمه ماذكرني:*

احتفلتي و اهديتيني بعيد ميلادي وغيره شبي كثر من جذي ..

الله يخليج لي يارب :*

رورو الشخبوطه said...

حنان..

الله يعافيج يارب ..

مشكوره..

ولانه غالي ومكانه مدعوس ..

رورو الشخبوطه said...

وت ..

الله يعافيج يارب ..

مشكوره..

رورو الشخبوطه said...

كوكتيل..

الله يعافيج يارب ..

مشكوره..

اي الحمدالله استانست ماقصرت مدمد ..

رورو الشخبوطه said...

بنوته..

الله يعافيج يارب ..

مشكوره..

رورو الشخبوطه said...

هلا خاتون..

الله يعافيج يارب ..

مشكوره..

مو سالفة انه نوعين بس السالفه انه ضيافتهم بفلوس :\

اي حبيته الصبغ يربي انا ذويقه خخخخ..

Unknown said...

انا جربته حده روعه بس اذكر عطوني قهوة فري غريبة اخذو منج مبلغ

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads