Thursday, February 10, 2011
قبل فتره نزلت بوست عن صبغ اظافر بوبا (هني) وعيزت ادوره ماحصلته لي الحين ..

بس قبل جم يوم كنت احوس مع اختي الكبيره تبي مكياج بطلعتنا عقب ماحاسبنا جان اشوف اظافر نفس طريقة بوبا سالتهم وين هالنوعيه ومامداني اشوف اختي تلتني حصيلتي الاوليه كانت لونين بس ..

احمر رقمه 04

وادعم (بني) 03 ..


اهو عباره عن 3 اصباغ اظافر:

1- الاول البيس كوت اهو القاعده ولونه ابيض ..
2- اللون وفيه الفكره اهو اللي يتقشر..
3-واخر شي الشفاف اهو التوب كوت ويحافظ ع اللون ..

طريقته :

1-تحطين الابيض ..
2-عقب اللون .
3-اخر شي الشفاف بدونه بسرعه يخترب ..

براويكم صور للاحمر بس الباجي ماصورتهم ..

شوف لونه يشوق اكثر واحد حبيته هاللون ..

قبل التضبيط الصبع الاول بلش ينشف اهو اللي ع اليمين اما ال2 اللي ع يسار توني حاطته ..

هني ال2 بلش ينشف ..

والابهام النتيجة بالصج احلى :(

وماكنت حاطه التوب كوت ..

تجاربي :

جربت 3 الالوان ادعم وبنفسجي واحمر ..

جربتهم باكثر من طريقه :

مع توب كوت وبدونها :\

مع قاعده اللي اهي البيس لون غير الابيض كان لون ذهبي من سالي هانسن وماضبط :(


رايي فيه :

حبيت انه حصلته وبسعر رخيص , بس مااحس بمستوى بوبا حبيت بوبا اكثر ..
مو وايد عملي :\
ويبيله معابل بالمسح خصوصا اذا كنتي مكثره ..

سعره :

مثل ماهو مكتوب عليه 900 فلس واحتمال كبير تحصلونه ارخص ..

وين تحصلون؟؟

المكان اللي حصلته فيه الالوان السنعه خلصت دزيت السايق اول امس صدمني كنت ابي كميه لرفيجاتي كل مااختار لون يقولون خلص واخترت تراكواز يابت لي بنفسجي :\


18 comments:

شاي الضحى said...

بالصج شكله وايد احلى من الصور

وحسافه خلص

خاتون said...

السلام عليكم
ما في على ماركة بوبا دايما فيها رونق هالماركة على أنها تعد من الماركات اللي مو حيل غالية بالنسبة للانكوم ونيناريتشي وشسيدو

بس همن اللي حاطته حلو
والقالب غالب *_^
عليج بالعافية ^_^

NoOoR 3eny said...

طريقته حلوه اول مره اشوفها
الف شكر لج ع المعلومه :)

NoOoR 3eny said...

طريقته حلوه حيل
اول مره اشوف هالصيغ الف شكر لج:)

NoOoR 3eny said...

طريقته وايد حلوه اول مره اشوفها الف شكر لج:)

Unknown said...

very nice w 3alaich bil3afya

Anonymous said...

بليييييييييييييييييييييييييييييز قوليلي من و يييييييييييييييين ؟؟؟

بلييييييييييييييييز ردي علي من تكشتين فيني مثل بعض الناس ؟

Made n Q8 said...

والله زين مشالله

انا ناويه اذا رحت سوق الديره ادوره جود احصله
يعطيج العافية

Anonymous said...

يعطيج العافية بألف عافية إن شاءالله
من وين؟

Anonymous said...

؟؟؟؟؟؟؟
ماقلتي من و ييييين؟
و لا بس بتعلقينا ؟؟؟

رورو الشخبوطه said...

هلا جاايونه..

اي وايد احلى بالصج..

اي حسافه بس بدور جود احصل منه .

رورو الشخبوطه said...

هلا خاتون..

وعليكم السلام والرحمه ..

صج مااعمري جربت منهم شي

الا ست كريمات دلع يالي هديه ..
بعد عمري عيونج الحلوه ..

الله يعافيج يارب..

مرسي..

رورو الشخبوطه said...

هلا نور عيني..

اي هبه يديده ..

العفو ولو..

حياج الله..

رورو الشخبوطه said...

هلا ام الحمن ..

مرسي..

والله يعافيج يارب..

رورو الشخبوطه said...

هلا غير معرف..

منو اللي كشت فيج خخ..

قلت انه مخلص لو موجود جان كتبت لكم مكانه ..

رورو الشخبوطه said...

هلا مدمد..

ان شاءالله تحصلينه لانه ماحصلته الا بمكان واحد وخلص ..

والله يعافيج يارب..

مرسي..

رورو الشخبوطه said...

هلا حنان..

مثل ماقلت بالبوست خلص :(

والله يعافيج يارب..

مشكوره..

رورو الشخبوطه said...

انتي منو؟؟

ماعلقت احد كل شي كاتبته بالبوست ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads