Tuesday, February 1, 2011

السلام عليكم ..

قبل فتره نزلت لكم بوست عن مشتريات من beauty seeds (هني)

 




 نبلش بالسنفرات بس الموضوع راح يقتصر على رايي بس اي تفاصيل 2 موجوده بالبوست الاولي (الرابط فوق)..

(1)

خلطة فيري داست Fairy dust



بتحجى عنها من ناحيه التاثير الاولي من نعومة وريحة :
تعطي نعومه بسيطة بس ماحبيت ملمسها حسيتها ناشفة شوي وحبيبتها مثل حبيبات السكر ..
وبالنسبه للريحة وايد حبيت ريحتها , بس الظاهر دخلها ماي ونشفت واختربت وريحتها صارت مخمره ويع اخر مره تفركت فيها هفتني الريحه ع طول وخرتها وماكملت وغسلت ويبت سنفره 2 ترقع الموقف :(




(2)

خلطة ويك آب Wake Up

 ريحتها قهوة تونس جنه داشه كافيه مع اني ماحب هالريحة بس حبيت هذي :)


ملمسها مثل الاولى بس اشوه هذي خلصتها وماختربت :)
(3)
Cotton Candyكوتون كاندي



كلش ماحبيته لا من ريحة ولا ملمس ..


انا احب ريحة شعر البنات هذا ريحته مو اهي اللي احبها :(


وماترغي حطيتها ع ليفه فركتها بايدي ماكو جنها علج :( مادري بس انا اللي صارلي جذي ولا كل اللي استخدموها ..


اساسا من اول ماشفتها انصدمت توقعتها مثل صورة شعر البنات الحاطينها صابون لزج اخففه بماي ..


بس استفدت من غرشتها سويت فيها خلطة :)
(4)
الصابون الفوار
Bath BomBs

اسمه :إن لوفin Love


ماجربته ماعندنا لا جاكوزي ولا بانيو بنات اللي عندها تعزمني واعطيها نصها خخخ..

(5)
Lip Scrub


هوليوود لبسhollywood lips


وايد حبيتها احلى سنفره استخدمتها احلى من مالت لاش ..

و وايد حبيت نتيجتها تعطي لون ونعومة و ترطيب مايحتاج احط وراها زبدة كاكاو ..

18 comments:

Engineer A said...

عليج بالعافية

منتجاتهم تشوق يبيله :)

Amwaj said...

عليج بالعافية

وحياج عندي بانيو بحمام داري :p

شاي الضحى said...

توقعتهم زينين

خاصه الكوتن كاندي قلت شكله ريحته عجيبه

عندي بانيو بس ما اواطنه يلوع جبدي لووول

احلى شي الجاكوزي

شرايج نتحاطط ونشتري واحد؟

maha said...

ذكرتيني بالفواار كان ابوي جايبه من برا الديره وبيتنا مافيه بانيو ههههه المهم اقولج شتسوين فيه جيبي طشت ماي حار وحطيه فيه وخليه يفوور وحطي رحولج فيه وينعم وينضف حلوه الطريقه كنت مسويتها لايديني قبل لا اسوي منكيير

bent el deera said...

عليج بالعافيه

ومشكوره على الريفيو :>

Made n Q8 said...

يعطيج العافية

انا اول وحده حبيتها ومالت الشفايف اكثر شي استانست عليهم

واذا عالبانيو ماكو الا تاخذيلج طشت اليهال انا ودي اخذلي واحد خخخ

خاتون said...

عليج بالعافية

يعني الخلاصة أحسن شي
منتج رقم 5

من قبل عرضتي لنا منتج الشيا والصابونة الأفريقية حدهم عجيبين

الله يعطيج العافية على
هالعرض الحلو والمنتجات المفيدة

تشكرات أفندم

^_^ موفقة *_^

رورو الشخبوطه said...

هلا انجو ..

الله يعافيج يارب..

رورو الشخبوطه said...

هلا جايونه ..

انا مو بس توقعتهم زين توقعتهم وااو..

كلهم نوعا ما زينين ماعدا الصابون :\

اي حلو الجاكوزي

خخخ وين نحطة بدوار دسمان

رورو الشخبوطه said...

هلا امواج..

سوري خطرتج بالغلط ..

يعافيج يارب..

دزي العنوان خخخ

رورو الشخبوطه said...

هلا مها..

خوش فكره بجربها ان شاءالله ..

مشكوره..

رورو الشخبوطه said...

هلا بنت الديره..

عاش من شافج ولهت ع مذكراتج ..

والله يعافيج يارب..

والعفو ولو..

حياج الله..

رورو الشخبوطه said...

هلا مدمد..

الله يعافيج يارب..

يعني مثلي :)

خخ شكلي بسوي جذي :)

ومرسي..

رورو الشخبوطه said...

هلا خاتون..

الله يعافيج يارب..

اي اهو التوب فيهم والمميز ..

اي قلتيلي مره وقلت لج حق شنو وشلون استخدمتيهم مارديتي لانه جربتهم وماحبيتهم :\

الله يعافيج يارب..

مرسي..

حياج الله..

اجمعين يارب..

Anonymous said...

يونس وين صاير هذا؟

رورو الشخبوطه said...

موجودين بالفيس بوك..

جيكي ع البوست القديم فيه التفاصيل:)

خاتون said...

الله يسلمج سلام مربع للجدعان
في كل مكان وكل زمان

الصابونة الأفريقية: للجسم وللويه طبعا أشتري ثنتين وإكانت عندج جربيها للوي>> مو كل يوم تستخدمينها يعني يوم وترك وإذا كان ويهج ناشف لاتغسلين فيها غسلي بغسولج العادي

تنظف بعمق وتشيل المكياج بثواني قبل كنت اعابل فيه بس الحين بسرعة


الشيا>> شغلها شوي في عباله
أول شي تآخذين كمية من الشيا وتسوين لها حمام مائي وتضيفين لها زبدة الككاو والمنجا حمام مائي وزيت جنين القمح وتخلطينهم
أو الشيا بروحها وتقدرين تحطينها بعد بشعرج

وتحطينها على ويهج كماسك مرة او مرتين بالاسبوع
والجسم على طول تشيل السواد بسرعة وتصفي وتعطي نضارة وتاخر الشيخوخة
وأقري عنها بالسايتات
بصراحة روحت آثار الشمس من أيدي بسرعة عجيبة بأختصار


كان هذا موجنا المملل
خاتون *_^

رورو الشخبوطه said...

هلا خاتون..

لا خلصت وماحبيتها
الصابونه :\وايد نشفت جسمي والصابون مايناسب ويهي :\

والزبده بجربها نفس ماقلتي كماسك وليدي وريولي ..

ومشكوره ماقصرتي :*

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads