Monday, January 10, 2011
واخيرا بعد 3 اشهر ..

اليوم رحت سويت اظافيري ..

اتصلت ع اول صالون رد علي انسر ماشين وال2 مشغول وماردوا الا ال3 الحمدالله ال3 ثابته خخ..



وايد عجبني مدخلهم احب اللون الابيض شرح ماشاءالله ..
  مكان السبا اهما 2 بس ال2 انا مرتزه فيه خخخ ..


وهذي ضيافتهم لي ..

حبيت الكاكاوه واخترت جاي اخضر..
 انا :)ودلاغي يمي خخخ ..


اخترت هالصبغ ..

وهذا اسمه ..

والنتيجة داخل الصالون ..

برا الصالون ..

نسيت اقولكم اني اخترت كلاسيك مانيكير وبديكير..

تضبيط اظافر و برافين و وسنفره هذا الذكره للايد والريول في كريم بعد زياده ..

سعره : 14 د.ك ..

اللي سوت لي اسمها كوماري..

رايي :

حبيت المكان والشغل زين والستاف ماشاءالله اينن معاملتهم وايد محترمه وراقيه سواء اللي خدمتني او ال2 او صاحبة الصالون حتى الزبونه اللي قبلي كانت حليوه :)
وماحسيت بالوقت لاني تميت اقرق مع صاحبة الصالون خخخ تونس ماشاءالله ..

في شغلات يديده عندهم بجربها لما توصل وعندهم مساج واسعارهم حلوه الله يتمم :)

و اي صبغ زويا عندهم مجموعة كبيره ماشاءالله وسعره ب1.750 د.ك ارخص مكان لي الحين الاغلب يبيعه ب3 وفوق ..

عنوانهم :

الشعب البحري ,ق8 ,شارع بن سلام ,عمارة 42 الدور الاول ..

ALSHAAB ALBAHRY - BLOCK 8 ,BIN SALLAM ST , BLDNG 42 1ST FLOOR .
TEL #:22665737. 99433222.
 
FB : LINK

مادري احس حدي مستانسه ودي الفح ودي ايبب خخخ..

24 comments:

شاي الضحى said...

كلولولولوليييييش

اخيرا سويتيهم

ما شاءالله شكلهم وايد حلو ومرتب

واللون وايد حلو

وان شاءالله دووووم الوناسه :)

chatterbox said...

والله شكله خوش مكان بجربه :)

Anonymous said...

بالعافية بالعافية

عيل أنا صارلي 5 شهور مو داشة الصالون هههههه أمبيه مبدعة بنفسي
لا حواجب ولا أظافر
كله أسويهم بالبيت ومالي خلق

سعر صبغ أظافر زويا حلو بس معقولة أصلي؟

أنا أمس رحت لمودا شوب اللي باللولو اللي بالري وسعره بـ 3 أرخص من بيوتي بار اللي ب 3.250 بس تحسفت أشتريه

شكلي بروح لهم إن شاءالله وألقي نظرة على أصباغهم
مشكورة

~أم حرّوبي~ said...

ههههههههه الله يديم الفرحة ...احسج وايد تحبين هاللون اتوقع قبل بعد حطيتيه لما كنت رايحة صالون ...

زويا جني سامعة بهالماركة ..تمدحينه عشان ادورها :)

Bint ilKuwait said...

LOOOOOOOOOOOOOOOOOOOOOL wakheeeeeeran! 3ogo 3anaaa' 6aweeeel!!:P 3alaaaaich bil3afyaa 7abeebtii;***

Eee ana chinii mara 3ala hal 9alooon o shakla 9ij mureee7 yabeela enjarba:P

الجودي said...

عليج بالعافيه

يا حلاتج رورو ودج تلفحين

لفحي يا قلبي و احنا انصفق لج

بس تبين الصج روحة الصالون تنعش اتخلي الكل في هالمود مود اللفح و التيبب

;D
شكلي بجربه شوقتيني

Sweet Revenge said...

مبروك واخيرا الصراحة معاج حق
يحوشني هالاحساس
السعيد لما اسوي اظافيري احس بالانتعاش
مري مدونة فريج لج مفاجاة هناك

1871
مبروووووووووووووووووووووووووووك

http://www.fereej.com/?p=3541

خاتون said...

عليج بالعافية
بس ختامية البوست
لوووووووووووووووول
خجيرة خخخخ
*_^يا حلوج

Anonymous said...

هههههههه الله يسعدك دوووم

ماشاء الله الصبغ والشغل حلوو

عليك بالعافية موفقه

رورو الشخبوطه said...

هلا جايونه ..

خخخ..

مرسي ..

وياج يارب ..

رورو الشخبوطه said...

هلا شاتر ..

اذا كوماري اكدي عليها انه ماتسحك اليلد حيل ..

وحياج الله..

رورو الشخبوطه said...

هلا حنان ..

الله يعافيج يارب..

انا الحمدالله مااسوي حواجبي ..

اي الاصلي ماعتقد التقليد اذا رحتي تاكدي اضمن ..

اي مودا يقولون كان ب5 الا :\

ان شاءالله..

والعفو ولو..

حياج الله..

رورو الشخبوطه said...

هلا ام حروبي..

امم احب الفوشي بس هذي الدرجة اول مره استخدمها صاير اغرب للعنابي ..

يعني بسبا احطها اما اذا بيتنا ماكو اشكال اجرب كل الوان :)

زويا هالماركة اغلب السبا يستخدمونها وتنباع برا بدبل السعر من جذي يبت طاريها وبالنسبه لي تعتبر عاديه :)

وحياج الله..

Made n Q8 said...

مابغيتي تسوينهم خخخ

والله حلو مكانهم مشالله

بعدين بسالج عن مكانهم بالضبط

علييج بالعافية

رورو الشخبوطه said...

هلا بنوته..

السطر الاول مافهمت الا واخيرا خخ ..

والله يعافيج يارب..
مشكوره..

وان شاءالله تجربينه ويعجبج ..

رورو الشخبوطه said...

هلا الجودي..

الله يعافيج يارب..

خخ تخيلي انا بالنص الفح وانتوا تصفقون ..

اي خخ تغير جو واذا كانت النتيجة حلو غير بعد..

اذا بتجربين شي للاظافر وعند كوماري اكدي عليها بسالفة التسحك ..

وحياج الله..

رورو الشخبوطه said...

هلا سويتي ..

الله يبارك فيج ..

مشكوره :*

والله يبارك فيج يارب..

رورو الشخبوطه said...

هلا خاتون..

والله يعافيج يارب..

خخ مرسي..

رورو الشخبوطه said...

هلا رندا..

وياج يارب..

ويعافيج واجمعين يارب..

مشكوره..

رورو الشخبوطه said...

هلا مدمد..

اي واخيرا خخخ..

ان شاءالله..

والله يعافيج يارب ..

مشكوره..

سياسية said...

ما شاء الله..وأخيرا :)

مبروك مبروك..ما بغيتي هههههههه

بس والله حلوين و شغلهم زين

أنا تصدقين للحين في مرحلة ادور مكان استقر عليه حق اظافري..كل اسبوعين اجرب مكان يديد لما أحسه واو عشان اصير زبونتم .. و سو فار استقريت على ان ستايل اللي بالبستان حق تدليع نفسي..و اذا عالسريع صالوني اللي احف فيه خخخخخخخ

Anonymous said...

Ok what we take advantage of this topic

I hope people respect the customs and traditions

Fear of God in yourselves

رورو الشخبوطه said...

هلا سياسيه ..

الله يبارك فيج يرب اي والله اخيرا خخ تدرين انا كتبت مواقفي هال3 اشهر مع الاظافر اوصل لي صالون ويصير شي واكنسل :\

اسي الحمدالله بس لو ماتسحك الزايد احس يعورني منهم بس الحمدالله..

انابعد ادور لي الحين التوب ببلز بس ماجربت بديكيرهم ع يوم اروح اجرب البديكير بس ان شاءالله..

وتنصحين اجرب ان ستايل ؟

اي خخ ساعات لجود بالموجود..

خخ ..

ومشكوره..

رورو الشخبوطه said...

هلا غير معرف..

اي اهم شي المعامله وطبعا مع خدمه زينه...

لانه جربت مكان حشاج حاطين وحده بالاستقبال مادري شقول عنه غبيه ع ماديه :\

كرهت المكان والساعه اللي حجزت فيه..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads