Saturday, January 22, 2011
قبل اسبوعين تقريبا اختي قالت لي عن هالمحل شافته ببرنامج نوف بس حسبالها مزرعه لانه ماثبتت ع اللقاء عدل , وعقب جم يوم شفت موضوع عنه بكويتياات للعضوه miss botamba  (هني)

وكل مره بروح له يصير شي بس اليوم قدرت روح له الحمدالله :)



لقطات من المحل :

هني في مربى وتمر ووصحون وسلال..

زيوت وماي ورد والخ ..

اعشااب وحبوب ..

قسم الماعين (الاوني)

زوم ع جزء صغير منه ..

وعقب رحنا صوب الالبان والاجبان وهو يصير بمحل صغير يمه بس تبعه ..

والحلو انه في نفس جدور صغار جذي عشان تذوقون قبل لا تشترون ..

وفي بعد ركن برا جبال المحل في خضره انتاج االمزرعه ..
من المنتجات اللي لفتت انتباهي هذا..

مهياوة ايطالية :p

مشترياتنا:

بصل لاختي تنقنق فيه خخ من ركن الخضره ..


مربى لمامي و معبوج لاختي ..

جاي ابيض بذوقه وصابونه طبعا حقي :)

جبن نوعين ولبنه وزبده ..

الفاتوره عساس يكون عندكم فكره عن الاسعار ..
مميزات المحل :

1- منتجات طبيعيه عضويه ..
2- انه مخصص  جزء ارباحه رح يكون ريع لامراض السرطان وعلاجها ..

عنوانه :

سوق شرق - سوق السمج والخضار..

ساعات العمل :
من 8 ص الى 10 ليلا ..

وعندهم خدمة توصيل اعتقد مجانيه رقمهم :

22454302

28 comments:

i-Found said...

فكرته حلوه بس اشدعوه المعبوج بهالسعر مادري اشلون اسعاره بالجمعيات مااعرفلهم بس اعتقد مبالغ فيه

Unknown said...

allaaaaah im craving cheese now! yum
o as3araa 7lwaaa mahsallah wide range o swalf 7lwa
thanks

star said...

بالعافية يا رورو

Unique Girl said...

شكله المحل وايد حلو والله

يعطيج العافيه حبيبتي

شاي الضحى said...

شهر 5 الي طاف لما رحت بس فول بس فلافل شفته

بس ما شريت منه شي


عليكم بالعافيه :)

Anonymous said...

بالعافية إن شاءالله ويعطيج العافية على هالمعلومات
وريت أمي تقريرج وعجبها
لأنها تحب هالشغلات

Anonymous said...

ما شاء الله فكرتهم حلوة


مشكورة =)

خاتون said...

السلام عليكم..
عليكم بستين ألف مليون عافية

هذا خوش بوست وخوش محل حده مفيد ويونس وبالذات انه طبيعي
ومنو ما يحب الجبن
بس على سالفة المهياوة
يمكن عايش بايطاليا ومنتجات ايطالية

انا ماجربت المهياوة
بس دام ايطالية بجربها
*_^
ثانكس وايد وايد وايد

Bint ilKuwait said...

3alaaaaaich bil3afyaa;**

purpleyah said...

ما شاء الله محلاتكم في الكويت فيها ابداع فيها افكار يديده لاحظت هالشي من بوستاتج رورو وباجي البلوقات الكويتيه

كوكتيل said...

صباح الخير :)

عليكم بالعافية يارب :)

حبيت فكرته إنه أكله عضوي وأن في أرباحه ريع للمرضى الله يشافيهم اللهم أمين يارب العالمين :)

يسلمو :)

Sweet Revenge said...

ماشاء الله خوش فكرة
صناعة محلية
وطبيعي
عليكم بالعافية

حسـّون الملعـون said...

آنا صاحبي صار له فترة هاب بالشغلات الأورغانيك وخرابيط الماكروبايوتيك

معاشه كله رايح على هالأشياء, بس هو دايما يتعامل مع أرض الطبيعة

راح أجرب أروح للمحل عقب ما اطلع من الدوام

شكرا رورو

رورو الشخبوطه said...

هلا اخوي اي فوند..

اهو في شغلات غاليه بس حسب اللي اعرفه انه المنتجات العضويه اغلى من المنتجات العاديه ..

وحياك الله..

رورو الشخبوطه said...

هلا ساره..

اي في شغلات متنوعه واسعاره هم متنوعه في شغلات غاليه بس اللي خذيته اسعاره زينه ..

ولكم ولو..

وحياج الله..

رورو الشخبوطه said...

هلا ستار..

الله يعافيج يارب..

مرسي..

رورو الشخبوطه said...

هلا يونيك..

اي يونس..

والله يعافيج يارب..

مرسي..

رورو الشخبوطه said...

هلا جايونه..

اي بسطرته انا حسبالي هالمحل يديد بس لما سالت الحجي قال بيصيرله سنه وشي :\

الله يعافيج يارب..

مرسي..

رورو الشخبوطه said...

هلا حنان..

الله يعافيج يارب..

اي اذا تحب خل تمره يونس..

ومرسي..

رورو الشخبوطه said...

هلا هديل ..

وايد ماشاءالله..

والعفو ولو..

حياج الله..

رورو الشخبوطه said...

هلا خاتون..
وعليكم السلام والرحمه

الله يعافيج يارب,.

اي انا احب هالسوالف ملينا من المواد الحافظ والوان الصناعيه ..


تي الظاهر جذي ..

لي جربتيها قوليلي :)

ولكم ولو..

وحياج الرحمن ..

رورو الشخبوطه said...

هلا بنوته..

الله يعافيج يارب..

مرسي..

رورو الشخبوطه said...

هلا بربل..

حتى انتوا عندكم سوالف حلوه ماشاءالله..

وحياج بالكويت :)

رورو الشخبوطه said...

اهلين سوسو..


الله يعافيج يارب..

امين يارب ..

اي ماشاءالله وايد حلوه..

يسلمج..

ومرسي..

رورو الشخبوطه said...

هلا سويتي..

اي ماشاءالله..

والله يعافيج يارب..

مشكوره..

رورو الشخبوطه said...

هلا اخوي حسون..

صج عاد جرب الكافيه والمطعم الاورجانيك..
واذا يحب خرابيط البشره هم في منزلين لاين بوتس وهم باوكستيان ..

بس مادري اذا رجالي او لا :\

اهو يم ارض الطبيعه خل يمره جود يناسبه..

ان شاءالله تمره ويعجبك..

اذا مريته اذا ماعليك امر ابي رايك :)

العفو ولو..

حياك الله اخوي ..

Made n Q8 said...

لوول مهياوه ايطاليه

هالسوالف تموت عليها اختي خل اقولها عنه

يعطييج العافية

رورو الشخبوطه said...

هلا مدمد..

اي خخ خطيره..

والله يعافيج يارب..

مرسي..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads