Tuesday, January 18, 2011
اول كنت انصدم من ستايلها بس صدمات خفيفه موخرا قمت انصدم صدمات اللي بتخليني ياابجي يا شق بجامتي خخخ..

الموزوع الاول هني ..

منو قصدي ؟؟

اممم ..

مابينا ثار او احتر منها بس مايعجبني لا ستايلها من لبس اومكياج ولا تقديمها بتقولون شبقى !

بقول لكم  اللي بقى برنامجها ساعات تكون في فقرات حلوه  ..

اخليكم مع الصور وتعليقات طبعا :p

من قريب :


بعيد شوي ..
رفيجتي  شافت هالصورتين تقول عادي بدي اسود..



قلت :والكراكيش البيض للي عليه ؟


قالت :مو هذا الكرسي اللي قاعده عليه !!

قلت لا تبع بدلتها خخخ..

ووريتها هالصوره..
مو واضحه الصوره بس مبين الموديل :\



مادري شالحكمه منها احس هالسولف اقرب للفنتازيا تنلبس بعروض الازياء وهالسوالف مو برنامج رايحه ممشى و صالون !

بدون الكراكيش اتصير يمشي ع الدانه ..

مع الكراكيش لما شفتها طرى علي دعاية ريد بول بيعطيك جوانح :p

53 comments:

Abd-alrhman said...

السلام عليكم اول شي

ههههههههههههههه
ضحكتيني والله
احسها تتلزق في ليدي قاقا
هههههههههههههههههههههههههه
هههههههههههههههههههههه

تقبلي طلتي

Anonymous said...

hatha min ta9meem Noor khraibut itha mani ghal6ana , lana kanat labsita in 52 degrees hatha her blog

http://www.addicted-fashionista.com/

Sweet Revenge said...

لوووووووووووول
ابي بدعت الحجية
يبا اهي تبي تسوي شي غيرها ماسواه
بس مو ضابطة معاها
;)
الله يعينها علي هالتلوث البصري

may said...

والله حسافة عليها..
اول ما بدت بالتلفزيون كانت شحليلها ..

بس والله انا حسبته كرسي @@

ساره النومس said...

الله يهداها وايد هببت بروحها

Engineer A said...

والله حتى أنا علبالي كرسي أول شي

;p

AM.SA.CHANNEL said...

هههههههههههههههههههههههههههههههههههههههههههههههههههههههههههههه

أنا بعد تحسبت الكرسي ههههههههه

الله يهديج شحقى ما طولتي أكثر في هالبوووووست هههههههههه

Anonymous said...

حرام عليها مملوحة بس لا لبس مثل الاوادم

ولا ميك أب قديم وثقيل

وتسريحتها من سنة الطواعين ما تغيرها

أتمنى الى تعرفها تنصحها لانها قاعدة تهبب بروحها

amani said...

@@

شوفيها بسرعه جريده الوطن لعدد اليوم ( الثلاثاء )

مقابله وياها وشوفي النفنوف اللي لابسته الاخضر

يعني عمتها رسمي

~أم حرّوبي~ said...

هههههههههههههههههه أنا بعد حسبالي الكرسي ..جنه كريمة الكيك خخخ
بس يمكن هذا موستايلها البرنامج هم اللي يلبسونها مو !!

Sn3a said...

اهيا حلوة وناعمه
بس عايشه زمن 3 سنين ورا

خلاص غيري الستايل والميك اب والشعر تكفين
والمفروض شخصيتها تكون قويه ماتقبل تلبس اي شي للدعايه
وجسمها حلو ليش تضيعه بهالسوالف

هذا غير اسلوبها خلاص حفظناه

انزين وانزين
وانتي شلون كانت بداياتج
شنو دور الاهل
صعب ولا سهل

خلاص حفظنا الاسئله والاجوبه تختلف باختلاف الوجوه

Unknown said...

شيفيكم على حصونة يــــا أخي المرة تبي تبدع و تعيش حياتهاو محد كامل
حلو التغير حتى لو مو حلو :)

Anonymous said...

انا عبالي الكرسي ههههه


انا احب تقديمها بس ستايلها صج قدييم

رورو الشخبوطه said...

هلا اخوي دحيم..

وعليكم السلام والرحمه..

خخخ حلوه ..

حياك الله..

رورو الشخبوطه said...

هلا غير معرف 1..

توقعت تصميم كويتيه..

ومشكوره ع التوضيح..

رورو الشخبوطه said...

هلا سويت..

اي حلوه الوحده تتفنتق كلنا نحب نكشخ بس بدون لا نبالغ :\

وتقدر تبرز نفسه لم تطور قدراتها بالتقديم :)

ومشكوره..

رورو الشخبوطه said...

هلا مي..

كانت تهول بس بحدود المعقول ..

خخ يعني مو بس رفيجتي :)

وحياج الله..

رورو الشخبوطه said...

هلا طموحه..

امين يارب ..

وصاجه..

حياج الله..

رورو الشخبوطه said...

هلا انجو..

خخ يلله انتي ال3 ..

خل نشوف الباجي ..

ومرسي..

رورو الشخبوطه said...

هلا شانيل ..

انتي الرابعه خخ..

اكثر من جذي !

خخ ادري فيج تحبين هالسولف :p

وحياج الله..

رورو الشخبوطه said...

هلا غير معرف 2..

اي مره قبلوه وقلوا لها عن شعرها ..

قلت ماتبي تغيره عشان الكاريزما !

مادري شكو ؟

بس الظاهر ماتحب تغير بشكلها وايد كمكياج وشعر بس بالهدوم جريئة ..

اتمنى احد ينصحها :)

وحياج الله..

رورو الشخبوطه said...

هلا اماني ..

امبيه خخخخخخخخخخخخخخخخخخخخخخخخ

جنها طلعه من هوشه شهلموديل والله اللي حاطته بلبوست ارحم..

وردودها ع فقرة للوغاني وبس وسر النجاح تبجي !

ومشكوره..

رورو الشخبوطه said...

هلا ام حروبي ..

خخ انتي الـ5 ..

نقول لبرنامج يلبسها وليوم بمقابلتها بالجريده ؟

http://alwatan.kuwait.tt/ArticleDetails.aspx?Id=82870

اتوقع هذا ذوقها ..

ومرسي..

رورو الشخبوطه said...

هلا سنعه..

مثل ماقلت لغير معروف 2 ..

هي تقول عن شعرها نه كاريزما خخخ ..

يبيله تغير اهي غيرت لون شعرها بس كان مو حلو للسوء ..

يبيلها تنعم ستايلها اكثر ..

وتطور اسلوبها..

جيكي ع مقابلتها خصوص فقره اللوغاني وبس

وهذي الفقره بعد..

سر النجاح

< ولماذا لم تستمري في «صباح الوطن»؟
- لم استمر فيه لانني لم ار نفسي فيه فانا اهوى النزول الى الشارع والاختلاط بالناس والتحدث معهم بأريحية وبرنامج «صباح الوطن» حتى لو كانت فيه حوارت فإنها تكون في اطار مقيد ومرسوم وانا احب الانطلاق، انما هذا لا يعني انني لا احب برنامج الحوارات بشكل مطلق بل العكس بشرط عدم تقييدي بأسلوب السؤال والجواب لانني احب ان آخذ واعطي، و«اسولف» وهذا سر نجاح «بنات وبس».

جنه ترد علينا خخخ..

http://alwatan.kuwait.tt/ArticleDetails.aspx?Id=82870

ومرسي..

رورو الشخبوطه said...

هلا اميره..

الناس اذوق اذا انتي تحبينها وتشوفينها توب ..

احنا قعدين نشوف فيها قصور وانتقادنا له اشكره لانه نبيها تتعدل البرنامج حلو بس تقديمها يبيله تطوير وستايلها يبيله تعديل ..

ما مسينا شخصها ..

وماشوفها سوت اي تغير بالعكس !

رورو الشخبوطه said...

هلا هديل ..

انتي الـ6 جنه خخخ..

هو مو سالفة قديم كثر ماهو وافر

وحياج لله..

Bint ilKuwait said...

LOOOOOOOOOOOOOOOOOOOOOOOOOOOOOOOOOOOOL umbaaaaaaaaaaaih ee shift il7alqaa!!!!! laa o wain labsitaaa??? BIL MAMSHAA!!!!

~حَدِيـثُ الفَـجْـر~ said...

@@ ابيه انا توني اعرف بالضبط البدله شلون صايره

خخ اقولج شنو عبالي هالشي الي وراها
عبال جنحان يعني اهيا اينجل لوول
سلمج الله انا الحلقه تابعتها و اهيا سايلنت و ياريت اتسمينها متاابعه والله ما ادري شالطبخه

المهم الي فهمته ان البنت فيها شي و حصه سوت لها او حققت لها شي تبيه
ف جنها الاينجل

طبعا قلت بنفسي شنو حتى اوبرا ماا سوت جذي

اثاري بدلتها جي صايره

ما اقول الا بكلتا الحالتين و حلو =\
ههه

daloo3a said...

حرام تتحرا عمرها كاشخه

Fishah said...

لوووول رورو حتى انا عبالي الابيض تبع الكرسي

الحمدالله والشكر :<

انزين جاااااان لقطتي لنا صورة من ظهرها نشوف شلون مثبتينه هاالابيض خخخخخ

:)

Fishah said...

امبييييه

توني شفت نفنوفها الاخضر اللي قالت عنه اماني في تعليقها

شيييييي مو طبيعي!! مادري شنو لابسه في ريولها @@ اصابعها طالعه لول

Made n Q8 said...

خخخخخخ
حبيت يمشي على الدانه :P

انا خابره تلبس من تصاميم شروق سالمين ماادري عاد هذا من تصميمها ولا لأ

اهيا حلوة ودي اشوفها بمكياج خفيف والله بتطلع احلى واذرب

والتفخ الي مسويته مالا داعي ترى يعني لازم تتفخون عشان تصيرون حلوين!

purpleyah said...

اممممم انا ما فهمت السالفه لين شفت صورتها وهي واقفه ،،، يعني صراحه انا speachless
يعني الله يهديها مافي حد من اهلها من جيرانهم من اللي في الاستوديو لو حتى الفراش ما في حد قالها الله يهديج شو هذا يعني صراحه ما ادري شو اعلق مب لهالدرجه الذوق

Unknown said...

شكلها جنه لابسة مهفة مو ؟ تصميم نور خريبط عدل بس نور خريبط مقلدة مصمم اجنبي واهوا بول كا

Anonymous said...

عاد حرام
حصة نعومة وحلوة بس لبسها مو شي

رورو الشخبوطه said...

هلا بنوته..

اي ميترقع لا هو حلو ولا لابسته بمكان مناسب..

وحياج الله..

رورو الشخبوطه said...

هلا روح..

خخخ خوش استنتاج ..

البنت للي معاها ع كلام امي مالفه قصه :)

وحياج الله..

رورو الشخبوطه said...

هلا دلوعه ..

اي خخخ..

يبيله نطقم انا وياج
نلبس مثلها ونفتن الشيبه خخخ..

ومرسي..

رورو الشخبوطه said...

هلا فيشه..

ممم انتي تقريبا ل6 جنه..

مالفت وبليلله قدرت اصور :\

ومرسي..

رورو الشخبوطه said...

ولكم باك فيشه ..

اي والنفنوف خطير جنه طالعه من هوشه الظاهر صندل عشان يبين الصبغ خخخ..

رورو الشخبوطه said...

هلا مدمد..

خخ..

لا جنه شروق لبسته بول برنمج طلعت فيه برمضان مع بشار..

انا ودي اشوفها بدون مكياج..

والتفخ مكبرها :\

ومرسي..

رورو الشخبوطه said...

هلا بربل ..

خخخ يمكن كلهم مثل الذوق :\

ومرسي..

رورو الشخبوطه said...

هلا زبوطة..

مرسي ع التوزيح ..

وصاجه جنه مهفة..

رورو الشخبوطه said...

هلا حنون..

انا شوفه عاديه وحرام التهول اللي تسويه من لبس ومكياج ..

ومرسي..

baby phat85 said...

LOOOOOOOOOOOL
هذي استخفت؟؟!!
اوكي اذا المصممه ماكو ذوق انتي ياحصه ماتشوفين الموديل الي يفشل !!!

lil.D said...

لول والله تحريته الكرسي

Anonymous said...

حصة ستايلها وايد قديم من شعر وميك اب
وكملتهم باللبس الخربوطي
بالله عليج هذا ستايل طالعة فيه الممشى
البساطة حلوة ترى

Anonymous said...

Ashek enech a9lan tefhemen bel motha! sh3arefech shnu style w shnu la! latetfalsefain wayed w khalech 3ala ayyyy shyy ghair el fashion! shofay the biggest fashion designers men John galliano w alexander mcqueen w ghairhom wayeed entay tefhemen akthar menhom? leana 7etan ohma stylehom ghareeb! YA GHETHKOM LE TEFALSAFTAW 3ALA SHNU 7ELO W SHNU LA! entay darsa fashion? tegrain majalat nafs vogue? tegrain kotob? ashek fa law sama7tay latgolen ena mu 7elo .. golay raych entay bs w ma7ad ghairch w lat7awlen etbaynen ench fahma wayed

رورو الشخبوطه said...

بيبي فات ..

مادري في ناس المهم غريب وبس !!

رورو الشخبوطه said...

ليلي..

الاغلب جذي ..

هههه..

رورو الشخبوطه said...

غير معرف..

حده البساطه حلوه والتغيير حلو ..

يبيله نيولوك شامل..

رورو الشخبوطه said...

غير معرف اللي داشه من اقصاها..

شوي شوي لا ينط لج عرج ..

مو انتي اللي تعلميني اتحجى عن شنو واخلي شنو ..

منو يب طاري هالمصممين ؟؟

حافظه لي اسمين وبتفلسفين فيهم !

احنا شكو بستايلهم ..

واذا غريب مو كلشي غريب حلو ..

احنا ماتفلسفنا انتي اللي تتفلسفين فوق ال20 وحده ماتفهم وانتي اللي اسكت !!

ليش ادرسه !! التقييم والذوق مايبيله درسه شي بالفطره ..

لا بقول مو حلو وايب اليهد بعد لانه هذا رايي وانا حره فيه ..

مو عاجبج مو لازم تعلقين و تشوفين بوستاتي :\

اقريلج كتابين بالديمواقرطيه وتقبل الراي الاخر والتعبير عن الراي والمناقشه بشكل ارقى وايد احسن لج من الموضه خخخ...

Anonymous said...

أدري يايه متأخر :-P
بس والله صدقتي يا رورو... ياحلو البساطة
وموكل شي غريب حلو
والذوق مايبيله دراسة
مشكلة الجماعة عندنا يبون لفت الأنظار بأي طريقة، حتى لو طلعت أشكالهم عبيطه
مساكين

ماأقول إلا الحمدلله والشكر
ومشكوره:-)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads