Saturday, December 18, 2010
السلام عليكم ..

من زمان كنت بقولكم عن هالمنتج مجربته قبل سنه تقريبا ..

ونسيته وماذكرته الا لما قريت بوست بربل (هذا اهو)

اسمه :

Finger Teeth Wipes

 وهو عباره عن 12 منديل  لتنظيف الاسنان واللسان واللثة , بنكهة النعناع ..

*التعليمات وطريقة الاستخدام*


وشكل المناديل كل واحد يكون مغلف بروح ..

وكاهو من داخل (تلبسونه ع الصبع)
 رايي :

الحلو فيه انه كل واحد مغلف بروح انظف , وحجمه صغير سهل حطه بوكي , ومايحتاج ماي ولا معجون فقدر استخدمه بكل مكان ..

وبعد ماجربته حسيت بانتعاش ونتيجته تقريبا مثل التفريش بالفراشة والمعجون بس الطريقه التقليديه تتفوق عليها طبعا :)

وين تحصلونه ؟؟

شريته مرتين مره من كارفور و مره من مركز السلطان ..

سعره ؟؟

مو ذاكره بالضبط بس جنه بحدود الدينار وربع ..

ماخلص البوست :)

هم عندي منتج 2 نفس فكرته  ماخذته من دايسو..

اسمه:
Tooth Care Pile



كاهو من داخل مثل الفوطه وكل جيسه فيها حبتين بس :\

امم كمقارنه بين المنتجين ..

الاول احسن من ناحية التغليف مثل ماقلت كل واحد بروح فنظف وهم مايضر اذا طلعنا من العلبه الكبيره لانه مغلف , هذا اذا طلعناه لازم نستخدم و نرده ع طول عشان مايتوصخ ..

الاول نتيجته افضل لانه في ماده مثل المعجون وبنكهة النعناع فيعطي شعور بالانتعاش , ال2 لا مجرد فوطة بدون اي نكهة او ماده ..

الثاني اعتقد يمكن استخدامه اكثر من مره عكس الاول بس استخدام واحد , بس لاعاده الاستخدام يبيلها غسيل فعباله الموضوع :\

29 comments:

~أم حرّوبي~ said...

حلو حق الطلعات ..بس انا ماقدر استخدمه :(
العتب عالتقويم اللي لوع جبدي ..

يعطيج العافيه

رورو الشخبوطه said...

هلا ام حربرب..

اي انا مثلج :)

بس استخدمته للساني ولثتي قبل كنت افرك كل ضروسي فيه ..

الحين ماقدر :(

ولله يعافيج يارب..

مشكوره..

Unknown said...

صاجة ام حربوبي يفيد بأوقات معينه

Unknown said...

صاجة ام حربوبي يفيد بأوقات معينه

رورو الشخبوطه said...

هلا اميره..

اي اكيد مو ع طول..

انا قصدي اذا انتوا برا البيت اسهل استخدمه من الطريقة التقليديه..

وحياج الله..

Katkoota xD said...

حلو حق السفر بعد بالطياره

خاصة اذا السفره طويله

يعطيج العافية

Amwaj said...

أحب السوالف هذي

بس عجبني الثاني لأنه بدون نكهة

يعطيج العافية :)

شاي الضحى said...

ينفع في وقت الازمات

Kawkawii said...

شكله عجيب @@
بدور في كارفور قطر يمكن احصله بعد
مع اني ما اظن شفته

ثانكس دير
وبلوقج حلووو

^_^

مهرة سالم said...

السلام عليكم
عيبني الأول أكثر
يسلموو

candy cotton said...

الصراحه وايد حلو وصج ينفع
ومشكوره

خاتون said...

صح أنا معاج الأول أفضل
أتذكر تكلم عنه الأخ
قلم ومساحة
حلو انج قلتي لنا عن تجربتج له
بس وين تستخدمينه
إن بابليك وإلا بالحمام
أحس محرج حتى لو بالحمام
بالبيت أحسن مكان
خو خبرج أحنا الكويتين لقافة لو أحد سوا شي يعتبر غريب الكل بيطيحله خز لووووووووووووول
أنتِ شرايج ؟؟؟
وين نستخدمه؟ انطنش الناس وإلا لأ؟

Bint ilKuwait said...

Yabeeeeeeeeelaaaaaaaaaaaaaaaaaaaa askhithli wa7ed:D 3alaich bil3afya ;*****

Sufer-Cati said...

أحلى شي حق السفر خاصة لو طيارتج 12 ساعة متواصلة ويمج واحد خامر مايتحرك

رورو الشخبوطه said...

هلا كتكوته ..

صاجه ..

والله يعافيج يارب..

مشكوره..

رورو الشخبوطه said...

هلا امواج..

الثاني حجمه زين بس انا اعكسج احس عيبه انه بدون نكهه ..

والله يعافيج يارب..

مشكوره..

رورو الشخبوطه said...

هلا جايونه..

اي بس اذا مضطره اما الاوقات العاديه ماكو بديل عن الطريقة التقليديه..

رورو الشخبوطه said...

هلا كاو كاوي..

ان شاءالله تحلصين..

وولكم :)

ومشكوره ع الاطراء..

رورو الشخبوطه said...

هلا نهار ..

وعليكم السلام والرحمه..

حتى انا:)

والله يسلمج يارب..

رورو الشخبوطه said...

هلا شعر بنات..

اي وايد..

والعفو ولو..

حياج الله..

رورو الشخبوطه said...

هلا خاتون..

اي صح واذكر صلحت له معلومته خخخ..

انا عادي عندي بمكتبي ماخذه راحتي خخخخ..

اهو للاستخدام اللي برا فشي طبيعي استخدمه سواء بحمام المكان وانتي بكرامه او عقب ماخلص اكلي بالمطعم نفسه ..

ومرسي :)

رورو الشخبوطه said...

هلا بنوته..

الله يعافيج يارب..

مشكوره..

رورو الشخبوطه said...

هلا سفر كاتي..

اي ينفع ,,

واي يكرهم اللي يلزقون بمكانهم :\

purpleyah said...

واااو تسلمييين شخبوطه وايد عيبني خاصه اللي من دايسو وانا مفكره اسير دايسو هالكم يوم فبخذه

رورو الشخبوطه said...

هلا بربل..

ان شاءالله تحصلينه ويعجبج ..

lil.D said...

انا كنت استخدمهم ايام الجامعه
اختراع مفيد وجميل :)

يسلمو

رورو الشخبوطه said...

هلا ليلي..

الله يسلمج يارب..

ومشكوره ع مشارمة بتجربتج :)

Anonymous said...

يعطيج العافية
أحس إن الأول أفضل من الثاني

رورو الشخبوطه said...

هلا حنان..

لله يعافيج يارب..

عن تجربه لاولى احسن :)

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads