Saturday, December 25, 2010

3 اشهر  ماسويت اظافري :\

مادلعت نفسي :(

كل مره ابسويهم يصير شي ..

خل افضفض لكم ..

(1)
مره اتصلت ع صالون علبو ابي بديكير ومنيكير وشغله 2 بعد ..

جان يقولون اللي تسوي الشغله ال2 مو موجوده !

شدعوه صالون بكبره مافي الا 1 تسوي هالشغله وياريت شغله عاديه لااساسيه !

(2)

اتصلت على صالون قلت لها ابي بديكير ومنيكير  بجم؟؟
 قالت 3 وترد واهي مالها خلق مثل اللي فوق ..

مادري ليش يحطون ناس ماعندها اسلوب ترد ع التلفون جنه نطر منهم وبيسون لنا ببلاش سليحط ترا الكويت متروسه صالونات..

المهم قلت بشوف الفخم عندهم بجم اهما صالون عادي مو فخم او سبا ..

قلت لي ب18 اللي خطر لا قلبي يوقف ولفيت بدون لا ارد عليها خخ شدعوه 18 اسوي اظافري وباحسن سبا ودلع بالموعد مو اقعد انطر 7 قبلي و ع قولت اختي نشك بنظافتهم واختي الكبيره تقول يسطرونا يم بعض جنه غنم خخخخ قصدها ماكو خصوصيه :\

(3)

بعرس رفيجتي اكيد رحت الصالون المهم قلت ابي اقص شعري واسويه وشغله بناتيه  ومكياج وابي منيكير قالت ماكو !!

كلشي فيه الا المنيكير تبين موجود بالصالون اللي يمنا هالحجي الساعه 6 على ماخلصت كل شي رحت الصالون اللي يمهم كانت الساعه تقريب 8 وثلث قالولي مافي وقت بنسكر الساعه 9 شدعوه عليكم لا وعقب تسالني تبين صبغ بس !

اعرف اصبغ بروحي الحمدالله والشكر !!

محافظه شكبرها صالون سنع مافيها ..

(4)

قبل جم يوم اتصلت ع سبا ايي لي البيت ..

الصدمه الاولى رد علي ريال @@

الصدمه ال2 تعودت عليها اسلوب زفت اساسا ماخلاني اتحجى بس قلت الو قالي ديو اسبيك انجلش ؟ قلت لا قصدي بساله اذا اهو السبا او لا ماعطني مجال رقع التلفون بويهي ..

استغفرالله شالعاهات ..

وبعدين سبا حريم شكو هالاثول يرد !!

(5)

في نادي بمنطقتنا سمعت انه عندهم سبا ويمدحون بديكير ومنيكير قلت خل اجربه اتصلت كله مشغول ! ع الاقل ارحم من انه يرقعون بويهي خخخخ..

اتمنى اسويهم هالشهر لانه في احد فقرني انا اعرفه واهو حسباله مااعرفه قليل ادب يرد بغير معرف بس عادي جبان وماعنده ذرة رجوله لو فيه جان رد باسمه :p

الا مال الله ماسوى تنزيلات خخخخخخخخخخخخخخخخخخخخخخخ << نغزه مو تصدقون :@

22 comments:

chocolate said...

loool kel hal salonat elly bel kuwait malech 7ath..etha tabeen ana 3endy lista 6weela afewdech feha;)

رورو الشخبوطه said...

chocolate هلا ..

اي استغفرالله..

وانا ابي اجرب شي يديد غير عن اللي جربتهم قبل ..

اي بليز ابي صالونات سنعه ..

ومشكوره..

خاتون said...

السلام عليكم

ههههههههه
أهم شي الريال يرد لا ويرقع شكووووووووو
خخخخخخخخخخخ

اللحين بعد هالروحات أظن صار عندج خبرة بلا صالون بلا بطيخ
وإلا سوي صالونج الخاص
*_^ شرايج

شاي الضحى said...

Loooooooool

مال الله هااااا هههههههههههه

انا طالعه الحين اذا رديت اعلق عدل

بس ضحكت على الي ببالنه ههههههه

رورو الشخبوطه said...

هلا خاتون..

وعليكم السلام والرحمه..

خخ اي بط جبدي عيزت اتصل عليه ابيه يرد مارد الظاهر يدري شبسوي فيه خخخ..

لو اعرف سويت ومارحت لها بلامنتهم واسعارهم المبالغ فيها ..

بس ماعرف :(

وحياج الله..

رورو الشخبوطه said...

هلا جايونه ..

خخخخخخ اي كنت ناطره ردج..

اوكي طلعه موفقه يارب..

ناطرتج..

عاد مامداني ارد عليج اول امس لانه انشغلت عاد قبي متروس خخخ..

وبالمره جيكيلي ع مال الله ابي جم دلاغ اذا ماعليج امر خخخ..

Anonymous said...

لووووووووووووووووووول الله يعيييينج شهالموالقف مو شييييي كلش ،،

امممممممممم انا مره رحت برج جاسم اللي يم مجمع الوزارات ،، نسيت اسم السبا بصراحه ،، اتوقع نيلز سبا ،،

بس البدكير و المنكير و يختلف السعر حسب النوع اللي تبينه ،،

احسن شي اللي بالحليب سعر البدكير و المنكير لهالنوع بالعشرينات تقريبا ،،

بس جد جد ما تتحسفيييييييين انا قعدت فيهم شهر و شي ما اختربوا و ريلي و ايدي حددددددددددهم ناعميييين ..

بس لازم حجز تقريبا ما يخلون اكثر من 6

رورو الشخبوطه said...

هلا غير معرف..

اي حدها مو شي خخخ..

و اي ببلز جربته بس كمنيكير ..

ويسوى اسعاره لانه دلع..

لحظه ارويج تجربتي ..

http://trendygirl87.blogspot.com/2010/03/bubbles-nail-spa.html

و

http://trendygirl87.blogspot.com/2010/03/blog-post_22.html

اذا خلصت من كل السبا برد له مره 2 ان شاءالله..

ومشكوره..

Bint ilKuwait said...

loooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooool wyyyyyyyyyyyyyy shinooo hal maqalib eli ga3da et9eeer feeeeeech!!! allah mu katiblich:P hehehe:P

رورو الشخبوطه said...

هلا بنوته..

اي خخخ..

ياشماته خخ..

صاجه الله مو كاتبه وخيره ان شاءالله..

شاي الضحى said...

شفيهم عليج

ما ردوا عليج بالفيس بوك؟ شكو ريال يشتغل

البيديكير والمينيكير في صالونات يبدعون بالاسعار ما يسوى وكلهم نفس النتيجه حتى لو سبا

انا الصالون الي اروحله ب ٤ دنانير قبل دينارين زادوا لووول

ماكو الا اتعلم وايي اسويلج بدينار هههههه

اقول الجو جنه برد يبيله دلاغات مو؟ هههههههههههههههههههه

amani said...

نفس المشكله تواجهني كل شهر
وكل مره اقول بجرب صالون جديد
تقريبا اغلبيه السبا المختصين بالاظافر جربتهم و 80% ما عجبني شغلهم والستاف اللي عندهم كلهم فلبن و ألوان اصباغ الاظافر متكرره وعاديه او المواد التقشير والترطيب من صيدليه بوتس

جربت جوسيب سعره حلو بديكير و تقشير عادي و ترطيب عادي وصبغ اظافر ب 5 دنانير
بس الشغل لج عليه شويه يعني تحتاجين تسوينهم مره ثانيه بعد اسبوع او اسبوع ونص

bubble nail spa

شغلهم حلو وتدليع على الاخر واصباغ روعه وحركات ومساج والكرسي مريح بس الاسعار نار
انا انغشيت وعقب ما خلصت دفعوني 28 دينار غير البقشيش

بس للامانه شغلهم حلو حيل بس حيل غالين حتى البديكير والمانكير العادي ب 14 دينار !

في صالون انا احبه حيل اسمه the cutting edge

اللي تسوي بس وحده وهنديه بس مختصه بالاظافر ونفسها حلوه وتاخذ وتعطي وماتحسين انها شغاله وبس بالعكس تفرض احترامها باسلوبها الرائع
واسعارها ثابته 3 دنانير للايد و 5 دنانير للرجل انا قليل ما اسوي رجولي كله ايدي واحب احط صبغ الاظافر ويطلع حسابي كله 5 دنانير لانها تسوي مساج وتقشير وترطيب وتحط لج مواد تحفظ الاظافر وتعالجهم و طريقه وضعها للصبغ حيل بروفيشنال يعني بالاخير تعتقدين انه اظافرج تركيب من كثر الدقه
وشغلها يدوم شهر كامل وياي ما احتاج اسويهم كلش بس لازم التزم بالترطيب اليومي لا وبعد لي حطيتي صبغ الاظافر ما تحتاجين تنطرين ينشفون لانها تحط قطره التنشيف السريع وبصراحه كل ما اسوي عندها واحط لون الكل يسألني عن ايديني من كثر ما شغلها دقيق

اهيا بنفسها تقولي انه في شخصيات و صالونات معروفه تحاول تاخذها وتشغلها عندهم وبراتب خيالي بس اهيا ماتبي لانها تحب المكان اللي تشتغل فيه وشلون لها مكانه بين اللي يشتغلون وستافهم كله سويديات و من شرق اوربا يعني مافي فلبينيه بس اللي تنظف

انا ما احب شغل الفلبينيات يقصون من الاظافر حيل و يقصون من الجلد الزايد حيل بعد وهذا اللي يخلي الاظافر تخترب
nail it

هم حلو وألوانهم واو والستاف فلبيني بس نفوسهم حلوه وراعيه الصالون نفسها حيل حيل حلوه وتاخذ وتعطي حتى مع الجهال واسعارهم ثابته 5 للايد و 5 للرجل مع الصبغ والترطيب والتقشير بالنكهه اللي تحبينها
بس شغلهم لج عليه شوي اللي يخليني ممكن اعيد التجربه عندهم نفسهم الحلوه واجواء الصالون المريحه وفيها خدمات مشروبات و كب كيك وتلفزيون على كيفج وهم نقطه سلبيه بحقهم يستخدمون ادوات البديكير والمانكير حديد يعني مو خشب وهذا شي مرفوض جدا على االظافر لانه لو كانت اظافرج قويه وسليمه لازم تخترب و تصير جافه عقب فتره لانها تحك الطبقه الاساسيه

طبعا نصيحتي لج جربي The cutting Edge

تلقينه بجانب الجامعه الامريكيه خلف مجمع بلازا اللي بشارع سالم المبارك - السالميه

وهالله هالله بالتدليع والاظافر الروعه

Sweet Revenge said...

عاد ماشاء الله عليج احسج تهتمين وايد باظافيرج
شوفي عندي مكانين مجربتهم وعجبوني
واتمني يعجبونج
اكو صالون بالسرة اظن اسمة اطياف
مرة دخلت وكنت مستعيلة قلت لها عندج بس نص ساعة وطلبت فرنسي
عقب ماخلصت شفت اظافيري روعة ماتحتاج فرنسي
وكان ب3
والفلبينية تشتغل بهدوء وركادة بس ضابطة شغلها وهمن خلصت بنص ساعة
عجبتني صراحة دقة وسرعة
الثاني يمهم بالضبط
نيلتيني
احبه لانه صغيرون وتحصلين موعد قريب يعني دقي عليهم قبل بيوم
وهمن شغلهم مرتب ودقيق ومتخصصين منكير وبدكير بس مايسون اي شي ثاني و فلبينيات
وانت لج الاختيار

رورو الشخبوطه said...

هلا جايونه..

ولكم باك..

خخ مادري شفيهم علي !

لا ماردوا ناطرتهم :\

من زمان ماجربت الصالونات واللي جربتهم قبل مو ذاك الزود السب وايد احسن ..

خخ وين صاير ؟؟ وحاشهم غلاء الاسعار :\

الله يديم الرخص وجان ببتعلمين علي ماعندي مانع هههه..

اي دلاغ لهديه مال بابا نويل..

ودلاغ بو اصابع ..

وجم دلاغ فوق الركبه وتحتها لزوم الستر خخخخخخخخخخخخخخخخخخخخخخخخخخخخ..

مامريت ع مال الله :@

رورو الشخبوطه said...

هلا اماني ..

اي شغلاتهم عاديين وفي بعضهم الاصبغ شويه !!

صج عيل مابيه جوسيب حلاته لنتيجة تدوم :\

bubble nail spa

مثل رايي فيه اهو من الاغلى الموجودين بس يعتبر من المميزين يعني لما تقطين عليه يسوى ..

كنتيجة ودلع ..

the cutting edge

ماشاءالله عيل يبيله ماترسم ع الاظافر؟؟


عيل انا عكسج مايرضون يقصون اظافري يقولون حرام !!!!

اها اذا عندج فكرة عن الادوات الزينه للاظفر بليز قوليلي لانه ناويه اشتريلي عدتي الخاصه فيني ..


اي ان شاءالله بجربه حدج شوقتيني عليه بس بسالج جم رقمهم مايبيله حجز ؟؟

ومشكوره مشكوووووووووووووووووووووووره وايد فدتيني :*

رورو الشخبوطه said...

هلا سويت..

اي وايد احبهم ..

حبيت الصالون الاول النتيجة شكلها تشوق ماشاءالله..

مايخالف عنوانه بالتفصيل ؟

ومشكوره :*

Made n Q8 said...

ويييه حتى بالصالونات مالنا حظ يعني بالله شنسوي :s

جربتي من هذول السبا الي مره دزيتيلي اللنك ماالهم؟

ترى دلاغات مال الله شغل عدل كد ومد يوصلون لي بلعومه :P

رورو الشخبوطه said...

هلا مدمد..

حظنا عند الله والله يكبره يارب..

اي اللي طلع لي الريال كان واحد منهم :\


خخخخخخخخخخخخخخخخخخخخخخخخخ

يبيله حدي مستبرده :p

Unique Girl said...

رورو والله مال الواحد يسوي اشتراك شهري معاهم خخخ

والله يبطون الجبد الله يعينا عليهم

purpleyah said...

اه يا رورو لا تذكريني بسالفة الصالونات والسباز لانهم عاهات بس تعرفين اني افتكيت من قمت اروح لسباز ما يشتغلن فيها جنس العربيات يعني شغل فلبينيات واجانب وهنديات رااااااااااحه نفسيه لا حد يرد باسلوب زفت ولا حد مب عارف راسه من ريوله انصحج مكان فيه عربيات يشتغلون لا تروحيله بترتاحين

رورو الشخبوطه said...

هلا يونيك..

الاشتراك ماينفع الا مع الاماكن السنعه ..

امين ..

رورو الشخبوطه said...

هلا بربل..

كل المواقف اللي قلتها ماعدا لريال كانت مع عرب..

وهم مواقف مباشره معهم يبطون الجبد وايد يتفلفسون جنه اسكت..

وبدورلي صالونات اجانب مادحين لي 1 وان شاءالله يكون اوكي ..

ومشكوره ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads