Monday, December 20, 2010
8:17 PM
السلام عليكم ..
الاسبوع اللي فات عرفت هالكتاب من برنامج تو الليل تحديدا فقرة العبدالجليل ..
اللي كنت لاهيه بلاب توب اسمع شوي من الفقره واكمل اقرا وحوس بالنت بس لما حطوا مقابلته شلت كنبلي وخليت لاب توبي وجابلت التلفزيون :)
واليوم قابلوه بالمارينا اف ام ولو بيقابلون بعد بسمع او اشوف بدون ملل لانه وايد احب هالموضوع ..
واهو متعلق بالموسوعه اللي اصدرها الباحث خالد الرشيد وفيها بحث وجمع وشرح العديد من الكلمات الكويتيه القديمه اللي اندثرت او مازالت متداوله بينا ..
بين معناها ومتى استخدمها واصلها << حسب اللي فهمته لانه لي لحين ماشريته.
امثلة :
الفرق بين لهجة اهل شرق وهل جبله ؟
شرق يقولون كرفايه اما جبله سرير << وامثله غيرها وايد..
زتات و نفنوف و ترجيه << اصل هالكلمات تركي ..
بطيخة معناه حسب ماذكر واقول الكرفايه الكبير وسموها بطيخة الفيلجاوين لانه كانوا طرق الفراش (بس فراش اظاهر ماكانت متوفره الكرافي) فكان واحد عراقي اعتقد سواله كرفايه واسمه مادري شنو بطيخ فسموها عليه :) << هذا اللي اذكره طبعا قد يكون الخطا وارد :)
وفي وايد معلومات عن متى نقلب حرف (الجيم) الى (الياء)..
اتوقع وايد بتكون قرأته ممتعه ومفيده خصوصا وانه الحلو فيه ان اهو مو مجرد كتاب مقروء لا مزود بقرص مدمج (سي دي) يحتوي على الكلمات وطريقة نطقها بشكل صحيح هذ اذا ماخب ظني :)
سعر الكتاب :
12 د.ك ..
متوفر في :
مكتبة العجيري بس حاليا بصدد توفير طبعه يديده ..
سايت الكتاب (هنا)
من جانب اخر في بلوق بنفس الفكره واهو متخصص باللهجة الكويته اسمه حجي (اضغط هنا) هم مفيد بهالمجال ويعتمدون على العديد من المصادر اللي وثقت هالمواضيع :)
ملحوظة :البوست مجهود شخصي فالخطا وارد خصوصا انه معتمد على ذاكرتي قصيرة المدى ..
مصدر الصوره (هنا)
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
-
عرض منتجات9 years ago
Ads
23 comments:
يوم عن يوم تزيدين تألق
شكرا على هذه المعلومات
وشكر اكثر على توفير سايت حجي وسايت الكتاب
حمستيني أشتريه
أحب الكتب اللي من هذا النوع
يعطيج العافية :)
عندي الكتاب من زمان
قريته يونس
بس مو نفس الكلام الي بالمقابله والي قلتيه
يعني مثل الموسوعه من حرف الالف الى الياء
وكل كلمه شنو معناها
حلو يكون عندج لانه بالنهايه موسوعه
خوش كتاب والله ..
المؤلف عجبني والله ذاك اليوم !
امس سمعت اللقاء مع الكاتب على الماريناوانتي حمستني زياده اني اشتريه بس والله في كلمات للحين ننطقها وما اندثرت
ومشكوووره وايد على المعلومات
صباح الخير :)
فعلا كلامه ممتع لأن الموضوع ممتع
شفت المقابلة مالت الوطن وكانو من فترة منزيلين إعلانات الكتاب في الجرائد فكرة الكتاب حلوة :)
يسلمو:)
والله ماجنه بالكويت الا اهل شرق وجبله
هلا اخوي مزاجي..
مشكور ع الاطراء..
ومن ذوقك ..
هلا اخوي ابن السور..
العفو ولو..
حياك الله..
هلا امواج..
انا بعد..
والله يعافيج يارب..
ومشكوره..
هلا جايونه..
يعني بمثابة المعجم؟؟
توقعت مثل اللي قله بالمقابله بيطلع احلى ..
هلا اخوي الساخر..
خخ ماينعرف جدك من غشمرتك ,,
عموما المؤلف لقاءه ممتع بس عبدالجليل ماعطاه مجال يتكلم..
وحياك الله..
هلا شعر بنات..
اي مو كلها اندثرت في بعضها موجود..
والعفو ولو..
حياج الله..
هلا كوكتيل..
اي بس ماعطوه مجال بالوطن ..
الله يسلمج..
حياج الله..
هلا غير معرف..
ليش ركزتي ع هالنقطه بس؟؟
عموما يمكن الكتاب اغلبه عن هالمنطقتين..
بس في وايد كتب غيره مخصص بلهجات الكويت ال2..
واتوقع الباحث ركز ع هالشي لانه ابن احد هالمنطقتين ..
وحياج الله..
احب هالكتب :)
هلا ليلي..
اي اتوقع لانج تحبين السفر :)
فتحبين هالسوالف..
زين هذا حق اختي جنجر لأنه لسانها حده عوي بالكويتي حدها انجليزي وهالأيام تحاول تبحث عن جذورها الكويتية
فراح ادعيلج اذا تعدل السانها وحتى لو ما تعدل بدعيلج خخخخ تستاهلين
يسلمو حبيبتي ^_^
هلا خاتون..
خخ ان شاءالله يفيدها..
والله يسلمج يارب..
مرسي..
وين السوريه عنه كااااااك
هلا مدمد..
خخ تقولج يايبلها واحد ..
بس لهجة اصله يعني محدد خخخ..
فيما اعلم ان هناك فارق بين لهجة اهل المرقاب وجبله .. حيث ان اهل جبله وبعضا من اهل شرق يتكلمون بذات لهجة اهل جبله
فمثلا اهل المرقاب يقولون ليش بينما اهل جبله يقولون شحقه
واهل المرقاب يقولون مالي خلق واهل جبله يقولون مالي مقاقه
واهل المرقاب يقولون مفوحش
واهل جبله يقولون مفوشح
اما عن كرفايه
فبعض اهل المناطق ينطقها
كرفاجه