Wednesday, December 8, 2010
8:27 PM
من الشغلات اللي احبها النوم ..
مستانسه , ضايق خلقي ,ملل ,زعلانه ,تعبانه حتى لو بلبي نداء الطبيعه انام @@
اهلي لي فقدوني يلقوني نايمه !!
صج صج النوم سلطان ..
عادي انام من 11 بالليل لي 3 العصر خخ مره سويتها بالعيد نمت بيت يدتي وعقب قعدوني كملت نومي بالطريج بين بيتنا وبيت يدتي اكثر من نص ساعه وعقب كملت بداري ولما قعدت حاولت انام ماقدرت :\
و لازم انام الظهر ..
اختي الصغيره تسميني فطيست نوم :\
مو بس جذي حتى لو قاعده ماقدر اقوم من الفراش تم اتقلب ع اقل نص ساعه عقب اقوم, حتى اسكر المكيف ماكو فايده :\
اساسا مره قطعوا الكهربا بالليل وكنت نايمه قمت من النوم تحسبت عليهم وفزيت بقوم جان ارد انام ماوعيت الا راده الكهربا :\ تقريبا بو 3 ساعات نايمه بالخيسه لا ومتلحفه بكنبل ..
عادي انام بالازعاج اقوم اصرخ عليهم وعقب ارد اكمل نومتي خخ..
بكل مكان انام هالحجي اول حاليا افضل بداري بس اول كنت انام بالسياره و بالصاله و الاستقبال وبيت يدتي ..
ومره امي تسولف معاي جان انام :\ ومره كنت اسولف بالمسنجر مع مدمد وكنا ننطر صلاة الفير ماوعيت الا عقب فتره وانا نايمه خخخخخخخخخخ امبيه قمت مستغربه شالسالفه :\
ومرات ادرس بليله الامتحان ماوعى الا وانا نايمه ع الكتاب خخخ ..
ومره قريت بالجريده انه طق مطر عندنا قلت لامي واختي هذيل يالفون اختي ردت علي امبلى طق مطر وانت نايمه وصار غبار بعد وانتي هم كنتي نايمه !!
ولما كنت صغيره كنت امشي وانا نايمه !!
هذي المقدمه ترا ..
انا ماعندي مشكله بكثرة النوم لانه عادي اقدر اتحكم فيه نوعا ما مشكلتي بالاحلام ..
هالمشكله بلشت بشكل خفيف بالثانويه..
- يعني مره احاتي اسقط بماده مع اني مو كسلانه وعمري مايبت مقبول والجيد ايبه عادي بس يكون كل المواد أي الا وحده جيد فيضبط الوضع ..
المهم حلمت اني رايحه اشوف الدرجة وكنت يايبه نسبه معينه, بالصج لما استلمت الشهاده كانت اهي النسبه بالضبط !!
مره بالجامعه هم كنت احاتي ماده وانا ماحب البي كلش ملش احب ال أي المهم حلمت انه اختي تكلمني تقولي انتي يايبه أي ماينس واي وبي قلت لها البي بشنو وتميت اصرخ بالحلم ; بالصج كنت مو شايفه الا الاي ماينس الاي والبي ماشفتهم الا عقب الحلم !!
بس 2007 ..
تغير منحنى احلامي صارت عكسيه !!
يعني مره كان عندنا مشروع لماده تصوير وماخلصته بالصج , نمت جان احلم اني مصوره وانا منسدحه بصحن وبدون حجاب وبدراعة البيت وحركات خخ قلت وي امبيه الدكتور بيشوفني بدون حجاب !!
بنفس الكورس كنت بقدم برزنتيشن..
حلمت اني اقدم والصبيان ناموا والدكتوره تقولي سرعي !! بالصج صار العكس قالت لي بطئي !
حاليا : هالايام 9000 حلم مره اني انبقت وكان بوكي في 3 دنانير وعفسوا كي نتي !! ومره هم انبقت بس البنت اللي معاي بالدوام اهي باقتني وحذفت اغراضي وكي نتي علي ; (توه من جم اسبوع الاول قبل العيد وال2 عقب مابلش مسلسل البوقات بادارتنا) << وانا من المشتبه فيهم خخخ ياتنافقينهم ياكل بلاوي تطيح ع راسج..
مره حلمت اني اصرخ على مسئولتنا واطقها خخخخ حتى تليتها من جاكيتها انا بالصج اطول منها بوايد فبالحلم اتلها من جاكيتها لي فوق وعقب في بنت مو عاجبها الوضع جان اعطيها طراق !! << توه من جم اسبوع
زهيوي:
ومره حلمانه اني لاحقه زهيوي بالنعال وانتوا كرامه جان ينجلط هخخخخ (قبل فتره)
ومره طقيت زهيوي بالحلم وما مات يت امي طقته ومات :\ (توه)
ومره بالصج طقيت زهيوي شلون مادري مع انه اخاف منه لدرجة اني اهستر واصرخ المهم نمت جان احلم اني بنص الدار ودار مداري زهيويه بيهجمون علي !! ( من سنين)
ومره حلمت اني اتعافر مع بعير لونه ازرق انا اصكر الباب واهو يدزه اخر شي قلبته خخخ;<< جنغر
ومابقى احد ماحلمت فيه ومابقى احد من اهلي ماحلمت فيه مفنقش..
ومره حلمانه اني متعلقه بطوفي وصبي يايبلي صندل شانيل اهو يعطيني اياه جان اقلب الجوتي وانتوا بكرامه و اطالع جم سعره طلع جنه 7 وربع خوش شانيل خخخ..
وهم بالجامعه حلمت اني متزوجه صبي طويل وبيتنا غرفة السيكورتي اللي تصير عند باب الكليه واحنا طوال ماتكفينا وريولنا تطلع برا الدريشه وستايلنا مثل 5 نجوم لمسلسل يعني مرقع وشغلتنا نبوق دلاغات انا الهي البياعه واهو يخمط الحصيله خخخ
وايد احلم اني اشتري جواتي ومره نفانيف ومرات اظافري ومره اشتغل بسبا والخ الخ ..
وشكثر عيلت يبت يمكن 6 او 7 صيبان وبنت و اختي توها حلمانه فيني والده ويوعانه :\
وكل مافسر حلم مايعجبني وكل ماحد فسرلي حلم زواج اوف مليت ابي تفسير غير خخخخ..
تحرصون ع تفسير احلامكم ؟؟ وتحبون النوم ؟؟
Labels:
شخبوطة
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
40 comments:
امبيه رورو بوستج عجييييييييييب
شنو هالاحلام
الي اعرفه ومااقدر افتي ولا افسر ان الحشرات زهيوية
والجوتي زوج
والله اعلم
يابختي
هههههههههههههه
شنو هالأحلام؟
أنا مرات تييلي فترة أحلم ألف حلم وفترة ما أتحلم كللش
مادري ليش؟
الله يا حلات النووووووووووووم
سلطان من غير سلطنة
ام الاحلام
طبعي احب افسر
بس الله وكيلج ثلثة ارباع الحلم ناسيته
:)
لووووووووووول مت ضحك عليج
ضحكتيني والله يارورو
طلعتي عبيطه
الله يتمم عليج هالشخصيه
وبوست حلووو
هلا يابختي..
عاش من شافج ..
شسوي قطيت ع سلوى المطيري خخخ..
قصدج الزهيوي عدو ولا ريل بعد؟؟
في وايد احلام بجوتي وهم ذهب بس ماكتبتها بيصير مجلد :\
ومشكوره..
هلا حنان..
خخخ شسوي مو ع كيفي اختارها ..
اي ترا ساعات تحلمين وتنسينهم فحسبالج مو حلمانه :\
وحياج الله..
هلا ناعمه..
اي حلاته بدون قعدت الصبح ..
اي انسى ساعات ودي اكتبه ع ورقه خخخ..
بس تفسرينه بكتب او نت او عند مفسرين.؟؟
وحياج الله..
هلا اخوي محمد..
عاد عبيطه خخخ الحين مادحني ولا تذمني ؟؟
حلو بوجودكم ..
مشكور..
وااي بطني شهالحلوم؟
الا الجمل الازرق .. لايكون لفلي كمل مال المنتخب
ههههههه
هلا فوفو..
لا تطنزين من يعيب علي يبتلي..
لا قبل كاس الخليج خخخ..
وحياج الله..
لووووول والله أقرا وأضحك
يا حلوج يا رورو ويا حلو بوستاتج
آنا أحب النوم بس لما أكون متضايقة أو معصبة أو تعبانة يطير النوم من عيني
أما أحلامج عجيبة :p
الظاهر لي نمتي يشتغل عندج الستلايت
ما خليتي زهيوي إلا وحلمتي فيه لوووول
أما تفسير الأحلام فأول كنت أفسرهم بس الحين لأ لأن أحس للحين مافي أحد فسري أحلامي عدل
يعطيج العافية وسوري ع الإطالة :)
ويييه شخبوطه انا عكسج تماما النوم ما اطيقه ارقد من وقت وانش من وقت وياويله اذا حد من عيالي رقد وايد مادري ليش اتضايق ،،،،
Made n Q8
خخخخخخخخ
صكيتي علي بالنوم عيل.. عبالي بس انا مينونه نووم
بس الحلو فيني اني احلم بس مااذكر الحلم هذا احلى شي
والبعير الازرق اخاف بعير الوطني عشان جذي بسرعه انقلب :p
السلام عليكم...
أحببببببببببببه
وااااااااايد
عزيز علي الصراحه النوم وغالي عندي
مره نمت 14 ساعه متواصله :)
...
الأحلام
أغلب الأحيان تكون حلم والحلم ماله تفسير يكون مجرد خواطر متيمعه فراسج
أما الرؤيا فهي أمر آخر
يكون واضح وسريع وبسيط بنفس الوقت
ومن تقولينه لمعبر دايركت يقولج التفسير أما السيناريوهات فهي إما خرابيط أو من عمل الشيطان والحلم إلي ما يعيبج
إتفلي عن شمالك ثلاث وإستعيذي من الشيطان
...
وأحلام سعيده :)
انا اعاني نفس مشكلنج بالنوم الزايد و الاحلام اللي مالها داعي فقالولي انه النوم الزايد اهو اللي ايب هالاحلام
و هم الاحلام اللي تفسيرها صح تكون باوقات معينه مثل قبل صلاة الصبح و جذي
و نومة الظهر كلها خرابيط
انا ارد من المدرسه تعبانه فاحلم بالاشياء اللي كنت افكر فيها طول اليوم و اذا صارتلي مشكله تبدا الكوابيس لوول
انا ما افسر اي حلم بس بعض المرات ايلي احساس انه لازم افسر هذا الحلم بالذات و تفسيره يصير صج !
اوف قررقت وايد لول
يعطيج العافيه
ههههههههههه ضحكتيني
انا ما احب النوم وانقهر اذا طولت بالنوم اكره عمري
حتى نومة الظهر ما اعترف فيها
اما عن الاحلام
امبي احلامج خيالية ههههههه
تصدقين يمكن من وعيت احلامي ما تعدوا ال ١٠ ناااادر احلم
وحتى هالجم مرة ناسية شنو كان حلمي :/
{ورو الحال من بعضه انا نفس حالتج تقريبا بس مرات الاحلام تصيب معاي و رمات تخيب
مساء الخير..
ماشاء الله عليج..الله لا يغير عليج يارب..
النوم حلو ..بس عاد أي شيء يزيد عن حده ينقلب ضده..
ووايد أشياء تفوتك وأنت نايم..
بس يمكن فيه سبب ثاني لنومج الطويل !!(سبب طبي/او علمي(
بس أحلامج شيء ثااني :)مادري اسميهن أفلام أو أحلام كوميدي..
أنا أحب أفسر أحلامي بس مب كلهن..بس إلي أحس أنه لها معنى..
والله يجعل مناماتج كلها خير يارب..
ولكِ مني كل الود والإحترام..
رقادي نفس رقااادج
بس احين احس خفييت
و احلاامي نفس الشي تقريبا بس ما تتحقق ولا يستوي شي منه
يلاا نوم العوافي
و احلاام سعييييده ^^
رورو انتي مو صج ضحكتيني لدرجه اني نسيت لا اسوي ابروفمنت حق الكومنت مالي جيكي من الفجر وانا قاريه هالحجي
توني ارد البيت واقعد اتقرى بالتعليقات ولا اشوف الكومنت مالي موموجود لوووووول اثاريني دخت من كثر الضحك ونسيت عمري
عاد هالله هالله احلمي فيني ما اوصيج ;p
يقولج تفسير الزهيوي وطقيتيه بنعال هذا باشره شر وانتي جعمتيه ورديتيه عاد مادري على حظ اللي يفسرون هههههههههههههههههههه
هلا امواج..
وياحلو ردودكم :)
اي يمكن يحوشج ارق انا ساعات جذي :\
خخ انفع بمكافحة الحشرات :p
مثلي مليت ونا افسر :\
الله يعافيج يارب..
وبالعكس ماكولتي :)
مشكوره..
هلا بربل..
انتي احسن ماشاءالله..
انا حب النوم + فاضيه !
وحياج الله..
هلا مدمد..
علامج متنكره خخخ..
اي انا ماشاءالله الاولى بلا منازع رفيجتي تقولي متى اتصل عليج صبح ظهر عصر مغرب كله نايمه خخ..
حتى انا في احلام انساها وفي احلام اتم ببالي ..
قصدج الحصاله..؟
ومرسي..
هلا نهار..
وعليكم السلام والرحمه
...
ي عيل حب مشترك خخخ
:)
...
مشكوره انا اسوي جذي لانه ساعات صج اتكدر من حلم معين فاحاول اطبق السنه..
جزاج الله خير..
وان شاءالله اجمعين..
مشكوره..
هلا ماجيك..
اي اتوقع هذا السبب..
وايد احلم بهالوقت :\
اي اذا تعبانه وتحاتين شي عاد بشري باحلام :\
صج انا كنت افسر والحين مليت لانه مايصير او يطلع تفسير يخرع :\
لا بالعكس عادي ..
حسستيني اني طبيعيه خخخ..
والله يعافيج يارب
وحياج الله
هلا هديل..
اي عكسي :)
تحلمين بس تنسين ..
بعد تبين اسلفج من احلامي خخخ..
وحياج الله..
هلا اميره..
قصدج كتفسير او نفس الحلم يتحقق..
اا عمري مافسرت حلمي عند ناس ثقه :\
وحياج الله..
لوووووووووووووووووووووووول
لأ مو صج
انا احلامي طوال يعني عادي تكون مدة حلمي 3 ايام و انا نايمة 5 دقايق
و مرة حلمت اني فريت الكويت كلها بثلث ساعة
و لما اقوم من الحلم احي جني نايمة من اسبوع
لدرجة مرة رديت من المدرسة جان انام لما قعدت اخترعت عبالي صار الفير و انا ما درست امتحاني اخر شي طلعت قاعدة الساعة 5 المغرب
هلا مياسه..
مساء النور والسرور..
الله يسلمج:)
اي صاجه..
لا انا غالبا ماسوي شي لا اكون نوعا ما مخططه له اذا وراي شي ماقدر انام :\
اي افلام كوميديه خخ وساعات رعب و اول باباي :\
انا احب بس بالنت احس كله تفسيرات غلط..
اجمعين يارب..
جزاج الله خير :)
حياج الله..
هلا دلوعه..
عيل الشيبه بيمل بروحه خخخخ..
خفيتي لانه عندج شي لهيتي فيه ..
اي مثلي :\
الله يعافيج يارب..
اجمعين :*
مشكوره..
هلا اماني..
دوم مستانسه وتضحكين يارب..
اي لا توصين حريصه خخخخ..
لازم تختمينها بوالله اعلم :)
ان شاءالله يكون جذي..
ومشكوره..
هلا مبتسمه..
خخ
..
يعني مثل حالتي فيلم مو حلم..
انا مره حطيت تلفوني غفوه ع ابو 5 دقيق واقوم للدوام جان احلم اني وصلت الدوام وقاعده اشتغل :\
واي شعور خايس مجربته الله يعينج ويوفقج بدراستج يارب..
حياج الله..
LOOOOOOOOOOOOOOOOOOOOOOOOOOOOOOOOOOOOOOOOOOL a7laaaaaaaamich et'tha7iiiiiiiik wallah ma etkhari3 Hehehe:P shofay etha 7ilamtay 7ilm az3ijach ta3wthay min ebleeees o a7sen latgoleeen 7ag a7ad..3al aqal mu 3ala 6ool
o 9idagtay ilnoum ilsul6aaaaaaaaaaaaaaaaaaaaaaaaaaaaaaan o noum il3awafii;****
هههههههههههههههههههههههه
انا نفسك اموووووووووووت على النوم بس مستحيل انام الا بفراشي
اما الاحلام فحدث ولا حرج العالم تموت خرعة لما اقول لهم حلمت فيكم
هلا بنوته ..
خخ اي عجيبين..
والله يعافيج يارب..
مشكوره:*
هلا لوسم..
حتى انا حاليا افضل ع كرفايتي بس اول عدي..
صج خخخ انا حاليا افلام كوميديه ع رعب:\
وحياج الله..
لوووووووووووووووووووووول
قصتج يا النوم قصة
تقريبا كل نومج من خلال أحلامج تعالجين مشاكلج اليومية وعبارة عن تنفيس وتفكير ليلي
وكثرة النوم تدل على القدرة على الإبداع مع فقد الوسيلة لمن تلاقين
نفسج بهواية أو شي تحبينه بيقل نومج
بس النوم يقولج يساعد على الرشاقة
خوش معلومة مو ههههه
أنا أهمت بالنوم لكن تمر علي شهور تقريبا خمس أيام بالسبوع ما انام فيهم أكثر من خمس ساعات وأعوض بالعطل بس مو أكثر من عشر ساعات
وما احب نومة الظهر لأنها تقتل اليوم وأحب اسهر
وأحب أفسر أحلامي *_^
أحب هالموضوع بالمناسبة جان عندج تلفون مفسر أحلام لا تبخلين علينا أنت كريمة واحنا نستاهل
هههههه *_^
هلا خاتون ..
صاجه لانه من اشوف شي او اسمع عنه احلم فيها غالبا :\
هم صح ماعندي شي اسويه فانام :\
هم صح اوس تربيع خخخ لانه متاكلين انا بالعطل وايد اخف :\
انا كنت جذي لما كنت بالجامعه ومره كنت دوام ودوره فكان يوم متروس كنت انام مبجر والظهر ان كثر ساعه بس ..
انا اذا ماعندي شي انا ولا اتم مصدعه وماقدر لازم انام 10 ساعات :\
لا والله ماعندي مع اني احب افسر احلامي ..
بس في واحد يطلع بقناة ابوظبي جنه وايد يعجبني لما يفسر الاحلام..
ومشكوره..
عجيبه في نومك
الاخلام غالبا تكون على الشيء اللي كنتي تفكرين فيه خلال اليوم
نومي قليل خصوصا ايام الدراسه بالليل ان كثرت 7 ساعات
احلى نوم هو نوم الصباح ايام الشتاء ماودي اطلع من البطانيه ولا ودي اداوم
تفسير الاحلام ما افكر افسر حلمي ابدا واصلا ما أؤمن بتفسير الاحلام بالطريقه اللي في الكتب
بس فيه حلم كان مرره مزعجني وكان مرعب "محاولة قتل لي من شخص اعرفه بس دايم يتنهي الحلم قبل يقتلني واقوم من النوم وانا مرعوبه هذا الحلم حاولت تفسيره من شيخ بس الحمدلله ما تفسر وانقطع عني الحلم
هلا مبدعه..
اي صح بخصوص الاحلام وهم بالنسبه لتفسيرها مو اي احد يعرف:\
اما بالنسبه لايام الدراسه فللويه تاثر ع النوم وتقلله..
وعن نفسي اعوض هالشي بالخميس واليمعه..
حتى انا ماقدر اشلع نفسي من الفراش حتى لو اقوم قبل المنبه اول مايرن ارد انام :\
حلمج خير ان شاءالله ..
ومشكوره..