Friday, December 31, 2010
1:30 PM
اليوم اخر يوم ب2010 يعني باجي شهر وشي ع يوم ميلادي خخخخخ مادري شسوي فيه من الحين اخطط افكاركم بليز :)
طبعا 2010 مثل اي سنه فيها شغلات مميزه وشغلات سيئة حبيت اسوي استفتاء بسيط للاحسن والاسوء :
1: احسن فيلم ؟ اغلب الافلام الهنديه حبيت وهبيت فيها هالسنه مثل ماي نيم از خان , هم حبيت السينما السداسيه الابعاد كسينما وامكانيات مو فيلم..
اسوء فيلم ؟ هم وايد مثل 3 يشتغلونها , الصلاة والحب والبلعه .. الخ
2- احسن اغنية ؟مرت سنه , هذا انا
اسوء اغنية ؟ماذكر لانه ماسمع اغاني وايد واذا سمعت اعلق عليها..
3- احسن اعلان ؟نبي عيديه مال بنك الوطني,دعاية الوطنيه اللي برمضان , دعاية اسنان الجزء ال2 اللي تحر اللي خطبها خخ..
اسوء اعلان ؟اعلانات اذاعة لمارينا :\
4- احسن رواية او كتاب ؟القلادة اياها لسارة الميكمي
اسوء رواية او كتاب ؟ كتابين لمدونين معانا اخاف يزعلون لي قلت شنو هما :p
6- احسن مسلسل ؟امم يمكن عايزه اتجوز ماتابع وايد:\
اسوء مسلسل ؟ اميمه في دار الايتام..
ودي اقول احسن كريم وسبا بس احس ذاكرتي اندثرت خخخ بس بيمع المعلونات ببوست خاص ان شاءالله ..
واهم شي اسوء واحسن انجاز سويتوه ب2010 ؟
الحمدلله 2010 كنت سنه خفيفه صج روتينيه وطويله بس مافيها احداث سيئة ومقارنة ب2009 تهبل 2010..
الاحسن انه سويت شغله كنت بسويها او بالاحرى بلشت فيها لم كنت بالثانويه عمري 15 سنه ب2003 هالسنه كملتها وان شاءالله ب2011 تخلص يارب متشوقه اشوف النتيجة ..
وامنياتكم ب2011 ومخاوفكم منها ؟؟
اتمنى اشوف نتيجة حلوه للشغله اللي فوق :)
ويكبر حظي ..
اذا تعدل وقام عزالله كل شي ابيه صار والله كريم :)
ودي اضعف واصير تحت الوزن المثالي بس الاغلب يقولي مو حلو :(يعني ابيه 50 وانا حاليا 57 :\
شخاف منه ماكو الله كريم ويخليها سنه حلوه علينا وعليكم يارب..
وبس كل عام وانتوا بخير :)
ودوركم جابوا :)
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
34 comments:
Best movie : Social network
Worst movie : Salt
Best song : Edward Maya, This is my life
Worst song : I wanna be a billionaire
As for books and stuff, I don't read books..
Maybe I should start reading!
كل عام وأنتِ بخير يارب
=)
2010
بكل أيامها ..
السعيدة والحزينة عشناها ..
التفكير بأنها أنتهت يبعث شعور بالحزن احياناً ..
حين نفكر بأنها بإنتهائها ستطوي كل الاحداث التي جرت فيها وبمسماها ..
على امل أن تكون السنة الجديدة سنة خير يارب
=)
أرق التحايا لكِ ..
كل عام وانتي بخير الغاليه وعساها سنة خير عليج وعلى الجميع يارب وتتحقق كل امانيكم
على فكره انا نفس وزنج ونفس الوزن اللي ابا اوصله
هلا اخوي ..
صاج سولت مو حلو توقعته اقوى ..
لا اهو مو معقوله ماتقرا كلش اكيد تقرا مثل مقالات او مواضيع بسايتات عن اهتماماتك وهالشي مهم لتطوير ذاتك وامكانياتك اذا جذي اوكي ماتحتاج تقرا كتب لانه في بديل :)
ومشكور ع الاجابه ..
هلا بين ..
وانتي بخير..
وامين يارب ..
مشكوره :)
هلا بيربل..
امين يارب وانتي بخير وصحة وسلامه..
انتي جم طولج ؟؟
انا 167 وودي اطول بعد :p
ومرسي..
إن شاء الله يارب يكون عام 2011عام مميز مليء بالخير والسعاده والتوفيق لنا ولكل الامة الإسلامية يارب العالمين :)
ويارب تحققين فيه كل أمانيك :)
دمتي بود غاليتي
هلا كوكتيل..
اجمعين يارب..
واي ليش ماتجاوبون ع الاسئله :\
Inshallah allah allah yaktiblich eli entay tabeena we7agig kil eli fe balich ;**
Best movie: law abiding citizen
Worst movie: umbaaaih ib bali bes mani gadra athkera!:S
Best song: wallah wayed
Worst song: et9adgoon ma 7abait eghnyat iljasmi il6air ;/
Wentay ibkhair 7abeebtii;**
Ana ma garait ela qi9tain ib 7ayati looool ilsajena o banat ilryath bes;p
Best Movie: =/ I can't remember
Worst Movie: A lot
Best/Worst Songs: I'm not into those things
In General I hope that 2011 bring me happiness as I had on 2010 :) .. inshallah I finish my MBA on 2011 and Travel to my top 10 distinctions (at least 2 of them!)
كل عام و انتي بخير
كل عام وانتي بخيير
احسن فيلم ماي نيم از خان
اسوء فيلم ماادري
احسن اغنية منسيه منسيه :P
اسوء اغنيه الطير للجسمي وايد خبونا فيها
احسن مسلسل عايزه اتجوز
اسوء مسلسل مال الراشد الي طلع بالام بي سي
بالنسبه لانجازاتي لسنه 2010 ماكو بصراحه
انا متفائله بالسنه اليديده ان شاء الله تكون سنه خيير عالكل ويقوم حظي وحظج وحظ كل الي طايحه حظوظهم
سنة 2010 سنه حلوة
و انشاء الله 2011 احلى منها بعد
كل عام والكل بخير انشاء الله
والله يحقق كل امانينا و بعدين ترى وزنك حلو بس ما كو باس تنزلين اثنين كيلو
تحياتي لك وتقبلي مروري
HaPPy new year :) wish you all the best inshsllah :)
Best thing: My trip to Ferrari World :)
Worst thing: lost a dear friend :(
هلاشخبوطه
الغاليه انا عكسج في هالشي طولي في الخمسينات ولا ودي اطول
عن الاسئله
احسن فلم هالسنه هندي مع اني من سنين ما شفت افلام هنديه بس هذا ريلي يابه قالي حلو
كان لاميتاب بدور معلم لوحده معاقه ذهنياً
أسوأ فلم
وااااااااايد هالسنه بالنادر شفت افلام حلوه
احلى اغنية
وايد صراحه ،،، المطار حق ابوبكر سالم ،،، اغاني ميحد كلها عندي حلوه ،،، اغنية راشد الماجد جبار
عن الاعلانات ما انتبهلهم
احسن كتاب
هو كتاب عن تطوير الذات كيف تغير حياتك بس مب ذاكره اسم الكتاب بالضبط والمؤلف صاير تحت كومة كتب
والكتاب الثاني هو asian slim secrets
اسوأ كتاب
كم كتاب لتطوير الذات حسيتهم لا اسلوب ولا فايده
احسن مسلسل
غريب عجيب
زوارة الخميس
اسوأ مسلسل
ما اقدر اقول أسوأ بس مسلسل ما حبيته هو مسلسل حياة الفهد الاخير واللي قبله واللي قبله ،، كله نكد الله يهديها الواحد مب ناقص قمت من اشوف اي مسلسل حقها اغير القناه رغم اني احبها
احسن انجاز سنة 2010
اخيرا خذت الليسن اخيراااااااا (لانه اول منقود تخيلي)
اسوأ شي
فيه اشياء بسيطه بس الحمدالله مافي اشياء كبيره سيئه يمكن الحين بما اني يالسه اطبع ذكرت اسوأ قرار اتخذته هو شراء لابتوب توشيبا مع اني مقروصه سابقا من توشيبا من زمان ورديت شريت هاللاب اللي بيتغير باذن الله عقب كم يوم
امنيتي هالسنه
اول شي الستر والصحه وربي يخلي ريلي وعيالي واهلي
ادخل دورة تصوير
مثلج انزل وزني على الاقل 5 كيلوات
كل عاانت بخير عزيزتي شخبوطه
وان شالله تتممين اللي بدأتيه من زمان هالسنه
أفضل فلم كان : ماكو
أفضل اغنية: the moon and the sky - sade
الأسوء : أي اغنية لهيفا الهايفه
أفضل كتاب : رواية سِتر
أسوا كتاب : ماذكر بس اعتقد الشفق الثاني
كل عام وانتي بخير
نسيت : أفضل حدث : ولادة وهابي ولد اختي لأني دشيت غرفة الولادة وشفته واهو ينولد
** كل عام و انتي بخير يا ام الفناتق
يله امشي نسويلج عيد ميلاد في 360
و انا بسويلج كيكة على كريم و اظافر
كل عام وانتي بخير
هلا بنوته..
اجمعين يارب:*
الطير كل سمع انه البنات يبدعون فيها بالعروس عاد لما رحت عرس ماحطوها كنت بضحك خخخ..
وفازت بالتوب ون جنه بالمارينا ..
2 والقصتين اثاروا ضجه و2 واقعين :)
:pشكلج تحبين هالسوالف
ومرسي :*
هلا ليلي..
يارب يتحقق كل اللي تبينا..
وموفقه..
وانتي بخير مرام..
مرسي..
هلا مدمد..
وانتي بخيير
خخ احلى شي منسيه ..
امبيه الطير بالعروس البنات يبدعون فيها خخخ..
امين يارب..
ومرسي..
هلا الوسم..
امين يارب..
انا جربت لي 52 من جذي بجرب الاقل..
والحمدالله اعتبر ضعيفه :)
واجمعين
ومشكوره..
هلا اخوي بنانه..
ان شاءلله ..
وي الله يعوضك يارب ..
ومشكور..
اهلين بربل..
انا خاطري ب170 :) وان شاءالله يارب تضعفين وانتي بصحتج وعافيتج وتحافظين على هالشي..
مثلي من زمان عن الافلام الهنديه وهالسنه وايد تابعت وشريت وحتى سينما رحت :)
صاجه الاغلب سيء ومكرر..
استفدتي من الكتاب؟؟
اي بعضهم مجرد هذره مالها داعي او بديهيات ..
اي مثلي ماحب مسلسلات حياة الفهد مالي خلق نكد والقصص اغلبه مكرره , اما غريب عجيب اهو مسلسل اماراتي عدل؟
حلو ماشاءالله واكيد شريتي سياره يارب يعطيج خيرها ويكفيج شرها , بالبديه كل شي عيب عقب يصير عادي :)
اي الحمدالله كانت سنه خفيفه انا بعد لاب توبي توشيبا بس الله وكيلج مو راحمته خخخ..
امين يارب الله يحقق كل امانيج ..
مشكوره :*
هلا الوتين..
وانتي بخير ..
امين ..
مشكوره للاجابه..
وي سلم قلبه يارب ماتدور هالسنه الا ومعاج ظناج :*
هلا ميمه ..
وانتي بخير ..
اوكي خخ عاد حسافه 360 مافي سبا :\
ناطره كعكتي ..
ومرسي..
هلا اخوي احمد..
وانت بخير يارب..
مشكور..
kel3am wentay b5eeeer ya 7elwa :*
هلا سويره..
وانتي بخير يارب ..
مشكوره :*
صراحة هالسنة الحمدلله يا رب مرت خفيفة وبس اللي كدرني إن أول السنة توفى واحد بالعايلة بحادث سيارة الله يرحمه...
إن شاءالله هالسنة تكون أخف
وعلى الأفلام والله مادري شكثر شفت أفلام وكلهم عاديين وبعضهم مليغ
أغاني ما أسمع ولا أحبهم
أما الكتب ما قريت وايد صراحة لأن صج ضغط الدراس يلهي
هلا حنان ..
الله يرحمه يارب..
ويارب تكون سنة خير علينا ..
ومثلي لما كنت بالجامعه ماكنت اقرأ ..
والاغاني استغفرلله خففت وعقب رديت :\
ومشكوره..