Tuesday, December 7, 2010
7:24 PM
السلام عليكم ..
كل عام وانتوا بخير بمناسبه العام الهجري ويارب تكون سنة خير علينا :)
مو قلت لكم حبيت هالفكره :)
للي اول مره يدش بلوقي او يشوف هالسلسله هذي الاجزاء القديمه منها ..
هالمره جهاز مو انا اللي استخدمته لا يدي الله يرحمه يارب ..
رادو يدي :P
لما دشيت الجامعه الدكتور كان يشرح وياب طاري هالرايود انا حسبالي بس يدي يحبه ويحطه ع قنفته المفضله ويلزقه باذنه لما بيسمع منه شي طلع عادة شيابنا (الله يطول بعمر الحي منهم ويرحم الميت منهم يارب )
وهم استغربته انه لي الحين موجود وينباع حسبالي انقرض انا حصلته بكارفور وهذا سعره :
وامي تقول موجود بالمباركيه بعد..
اتوقع لي رحت المباركيه بسوي مليون جزء لسلسله خخخخ..
مر عليكم ؟؟
p,sاللي عنده اضافه لهلسلسة ياريت يدز لي اياها ايميل :)
p,sاللي عنده اضافه لهلسلسة ياريت يدز لي اياها ايميل :)
Labels:
ذكريات
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
40 comments:
لووول
نفس رادو الوالد الله يحفظه
للحين يسمع فيه الاخبار
:)
السلام عليكم
كل عام وأنتِ بخير وإلى الله أقرب..
عندنا النسخه الجديمه من هالراديو
بس حجمه أكبر
ذكرتيني برادو يدي الله يرحمه و جنه للحين موجود عن الوالد :)
Wentay ib khair;****
LOOOOOOOOOOOOOL ilradio eshaweg!!:P
هذا مشهور عند الشياب يحطونه عند المخده وينامون
في واحد مسكين مو صاحي اسمه مفيد مشهور بالكويت يحط هالرادو باذونه ويركض بالشارع
اااي شخباااااااااااري نفسه طبق الاصل عند يدتي تحطه بالمطبخ و تشغله وتبسط على الارض وترتب خضرتهااا ما ادري شنو :السر في حبهم حق هالرادووD
وكل عام وانتي بخير وان شاء الله تكون سنه حلوه على الجميع ...
شخبااااري رورو
بس ترا يدتي للحين عندها واحد
وما تعترف بالتلفزيون
عندها هذا الراديو أحلى
هالرادو شكله تحفه قيمه عند كل الشياب
اكيد مر علينا جدتي الله يحفظها ويخليها لي اللحين تستعمله
واخذت هالعاده منها وشريت لي رادو اتطمش على اخبار العالم بنص الليالي او لما اكون بالبيت
لوول شكلي عجوز وانا مادري
بس اول مره اسمع انه هالرادو ما انقرض بروح اشتريلي واحد مثله خصوصا انه يذكرني بجدتي لما تنسدح فتره الظهر وتتسمع له وتغفي عليه ههههههه
والله سالفه الاجزاء والذكريات القديمه ممتازه حبيتها حيل منج
thakartene ebyadi allah yer7omah .. 3ad tadreen yaditi le al7een 3ndaha wa7ed bas matesta5dimah o yaweeel ele ejesah
هالراديو هذا من الانتيكات الأثرية بس من النوع الي ماينقرض:)
الله يستر من باجي السلسة الي بتحطينها:)
شخبوطه اليوم انا وانتي عندنا توارد خواطر انا بعد اليوم كاتبه بوست عن زمان اول ،،، وعن الرادو احيد يدتي الله يرحمها عندها منه يعني لاحقه انا عليه بس ما شفته ينباع عندنا للاسف
تذكرت ايام الغزو
شلون ما مر علينا واحنا للحين نتوارثه
من يدي الله يحفظه لبوي ان شاء الله بستلمه من وراهم كتذكار مو اسمع له :)
الله يارورو
صح مثل يدي الله يرحمة كان عنده هالرادو ولازم يلقونه علي الاذن ما ادري ليش
الله يرحمهم
ويييييييييي ذكرتيني بايام رادو ابوي ..لازم قبل لاينام يحط قناة الاخبار ويرقد والرادو صوب راسه ..
^^
ويــه قدييييييييم ..
ليحينه عند يدتي ^^
هلا اخوي لو كويت..
صج ماشاءالله الله يخليله لك يارب..
توقعته شباب :\ يعني بالربعينات ..
وحياك الله..
هلا نهار..
وعليكم السلام والرحمه..
وانتي بخير واجمعين يارب..
صج في نسخ ..
انا مامر علي الا هذا اذا ماخنتني ذكرتي :\
وحياج الله..
هلا بيس..
الله يرحمه..
اي ذكرى حرام ينقط..
وحياج الله..
هلا بنوته ..
مرسي :*
عيل يبيلج واحد خخخ..
وحياج الله..
هلا جايونه..
نا يدي كن يستخدمه بالصاله ماذكر اذ يحط يم حتى واهو نايم..
وعليه وين اهله عنه :\
الله يعينه..
وحياج الله..
هلا جيز..
الظاهر اهو المتوفر بعدين حجمه صغير ومايحتاج كهربا ..
وانتي بخير وامين يارب..
مشكوره..
هلا امواج..
اهو موجود بس اللي يستخدمه عندنا الله يرحمه يارب..
وحياج الله..
هلا اماني..
بالعكس حق السدحه الراديو احسن من التلفزيون خخخ..
والله يخليلج يدتج يارب..
مشكوره ع لاطراء حتى انا حابتها :)
وحياج الله
هلا دول..
الله يرحمه يارب..
والل يخلي يدتج الظاهر ما الحب فما ترضى احد يجيسه ويخربه :)
وحياج الله..
هلا مجرد..
تهقين ماينقرض؟؟
خخ اذا عندج ساعديني :)
وحيااج لله..
هلا بربل..
خخ نا صارلي فتره احوس بذكرياتي
..
جيكي بكارفور اتوقع تحصلينه ..
وحياج الله..
هلا اخوي سامي..
ايام تنذكر وماتنعاد يارب..
عاد صامد ؟؟
وحياك الله..
هلا اخوي انا ..
الله يحفظهم يارب..
ي خشه يسوى انتيك :)
وحياك الله..
هلا سويتي..
الله يرحمه يارب..
الظاهر موروث شعبي ..
وحياج الله..
هلا ام حروبي..
الله يحفظه يارب..
موجود ولا اخترب؟؟
وحياج الله..
هلا صفحات ..
اي قديم ..
وحياج الله..
يا قدمه والله
حاليا ما أتذكر شي والله
هلا حنون..
اثري خخخ..
وحياج الله..
made n kuwait
هذا موجود في بيتنا خخخخ
والله بعد سعره مو هين عبالي ينباع بربع دينار
هلا مدمد..
حافظي عليه..
خخ بس ماركته زينه ومعاه كفر خخخخ..
وحياج الله..
امي عندها نفسخ لول
هلا رورو..
يعني لي الحين مستخدم ..
عيل من عذرهم يبيعونه خخخ..
وحياج الله..
أييييييييييييييه هالرادي ذكريات
كنت كله أشوف خالي الكبير لمن يزور
حزة العصاري يلزقه باذنه وأسمع وياه اخبار جهينه
ويدي طبعا عنده منه جم واحد
وفي في بيتنا واحد شرينا لهم ههههه
وجنه بسوق المباركية ارخص
وطبعا
هلا خاتون..
اخبار جهينه جنه مار علي :\
وماشاءالله ويد لج ذكريات معاه..
ي اتوقع بالمباركيه ارخص..
وحياج الله..