Friday, November 5, 2010
السلام عليكم ..

قبل فترة وانا احوس بقوقل لقيت سايت كله اظافر تشوق ماشاءالله وسيفته لاني ماخلصته واليوم كملت الباجي وطلع سايت صالون بلندن ..


بعض الصور ..





ياحبي له :)

وهذا لميمه :)


هني اقرب ..

يسون ع اسامي بعد وحروق وكلمات :)



هذا جو الكويت باليوم الواحد باستثناء القوس قزح خخخ..

فيونكة ميني ماوس .. 
شوقوني احط صبغ اظافر بيج او لحمي :\

كلاسيك :)
 طبعا سبونج عاجبني بدون شك بس هم هالو كاتي المليغه شكلها حلو هني :)

وفي غيرهم وايد ..

سايتهم : Link

ان شاءالله اروح لندن واجربه :)

متشوقه ارسم ع اظافري تعرفون صالون يضبط الرسم ع الاظافر؟؟ 

38 comments:

~أم حرّوبي~ said...

ناااااااااااااسه حبيتهم ..أبي حد يرسم على أظافري..
فنانين ..
رورو جان رحتي وديني وياج ^^

Unique Girl said...

ونااااااااسه اشكاالهم تشوووق

بس حسافه اهم مايصلون يعني عادي يظل عليهم شهر خخخخ

هديــل said...

نااااااااايس شكل الاظافر يشوق

خصوصا سبونج بوب وميني ماوس

صج عجيب

ما اعرف :(

يلا ان شاء الله تسافرين وتاخذيني معاج :p

يعطيج العافية

Katkoota xD said...

ونااسه

ابيي جذي اسوي حقي

رورو شرايج تتعلمين و تعلمينا

او تفتحين صالون حق الاظافر

نسويلج دعاية افا عليج

صدقيني مشروع ناجح

Engineer A said...

يشوقون :)

jawaher said...

ابي هالو كيتي :( احبببها

وسبونج بوب والفيونكه عجيبة

ثانكس ع الصور

Unknown said...

شكلهم حلو رنيم ماشي حاله

bokeh of magic * said...

وااي يشوقووون !!

لو احطهم اتحسف اشيلهم لول

يعطيج العافيه

ميمة السبيت said...

ليش ماشريتيلي اظافر ميمة السبيت

Anonymous said...

الله روعه ماشاءالله
جان زين في محلات هني تسوي مثلهم

Made n Q8 said...

وااو صج فنانين مع ان اظافيرهم قصار بس قدروا يرسمون عليهم

يعطيج العافية

أحمد محمدي said...

ما ادري ليش الاولاد للحين ما صبغو اظافرهم
لان الاشكال تشجع بصراحة

Anonymous said...

رورو في بمارينا مول محل يسوي ستامب اشكال على الاظافر مقابل محلات النظارات و سينابون عند الدرج

ذهب صافي said...

صالون الشرقيه بخيطان يسوون رسم على الاظافر
ورسمهم. عجيييي انصحج فيه

مرام said...

أشكال روعه
صراحه مبدعات

Bint ilKuwait said...

loooooool eshawgoooooooon

Anonymous said...

alllllaaaaaaaaaaaaah ma eyeeboon elstaff 3ndna blkuwait :P

خاتون said...

السلام عليكم

بالكويت مافي رسم يضبط على الاظافر غير الستيكرز
بس ما يندره جان اهل فيلجا سوولنا صالون ذرب خو ما خلو شي
^_*

رورو الشخبوطه said...

هلا ام حروبي..

اي ماشاءالله..

ولا يهمج السكن عليج والتذاكر علي :P

وحياج الله..

رورو الشخبوطه said...

هلا يونيك..

بس الصبغ يومين 3 ويبهت ويتقشر ..

وحياج الله..

رورو الشخبوطه said...

هلا هدوله..

اي ماشاءالله..

ان شاءالله ..

مثل ماقالت ام حروب السكن وانا التذاكر وانتي المصرف عيل خخخ..

يعافيج..

مشكوره..

رورو الشخبوطه said...

هلا كتكوته..

ماحب هالمشاريع احب ابدع ببلاش الابداع ماينباع..

خخخ..

لا صج انا مو مال تجاره وهالسوالف ..

بس ودي اتعلم الرسم ..

ولي تعلمت ولا يهمج اعلمج ان شاءالله..

مشكوره:*

رورو الشخبوطه said...

هلا انجو..

جدا جدا ماشاءالله..

حياج الله..

رورو الشخبوطه said...

هلا جواهر..

تعالي معانا لي لندن :)

ولكم ..

رورو الشخبوطه said...

هلا اميره..


مااحب رنيم :\

ومشكووره..

رورو الشخبوطه said...

هلا ماجيك..

اي خليه ليما يخترب خخ..

والله يعافيج يارب..

مشكوره..

رورو الشخبوطه said...

هلا ميمه..

هذيل رسم عطيني صبعج اسفره معاي والتذكره عليج :P

وحياج الله..

رورو الشخبوطه said...

هلا حنان ..

اي ماشاءالله..

جان زين :)

وحياج الله..

رورو الشخبوطه said...

هلا مدمد..

اي ماشاءالله اتا قلت ابي قلب سولي اياه معوق ..

الله يعافيج يارب..

مشكوره..

رورو الشخبوطه said...

هلا اخوي احمد..

الاجانب سوها بس ماتوقع من صجك تتحجى :\

وحياك الله..

رورو الشخبوطه said...

هلا غير معرف..

قصدج كشك مثل هذا ؟؟

http://trendygirl87.blogspot.com/2010/05/konad.html

ولا اهما يسون لي مثل صالون؟؟

ومشكووره..

رورو الشخبوطه said...

هلا ذهب ..

ويمدحون بديكيرهم ومنيكيرهم بعد شكلي بمره :)

مشكوره..

رورو الشخبوطه said...

هلا مرام ..

اي ماشاءالله..

وحياج الله..

رورو الشخبوطه said...

هلا بنت الكويت..

حياج الله..

رورو الشخبوطه said...

هلا سوكومو ..

انا راضيه اسافر لهم خخخ..

وحياج الله..

رورو الشخبوطه said...

هلا خاتون ..

وعليكم السلام والرحمه ..

وفي الطباعه بعد ..

بس اتوقع انه في يبيله ندور ..

وان شاءالله نحصل..

مشكوره..

lil.D said...

RAAAAAW3AAAAAAH

I just fall in love :D so cuuuuuute

رورو الشخبوطه said...

هلا ليل..

حياج الله معانا بنسافر قروب :)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads