Thursday, November 4, 2010
السلام عليكم ..

قبل سنتين شفت فواحة عجبتني تشتغل كـ USB وحبيت فكرتها لانه مااحب الشموع واخاف من النار :\

ومن فتره كنت احوس بقوقل ادورها جان احصل نوع احلى حطيت عنه قبل (هني) احس شكله حلو بس اتوقع مجرد مايخلص محتواه ينقط او مايستخدم معاه الا تعبئة خاصه يعني روايح محدده ..

ولقيت 2 شكله عادي جنه فلاش ..


 وهني واهو مركب ع الجهاز بشكل اوضح :)


ميزتها :

-غير انه حجمها صغير..

- وغير انه  مانتقيد بريحة معينة ..

- وغير انه ماتحتاج شمعه او بطارية او كهربا ..

انها تنحط باكثر من مكان مثل :
-في مسجل السيارة (أن وجد به مدخل USB وفي الأغلب موجود)
-في الابتوب..-في الكمبيوتر
-أستيريو المنزل -في شاشة LCD (اذا في مكان لـ USB)
-في أجهزة الريسيفر الحديثه .... ألخ

 

وهم يتعلق بميداليه المفاتيح عشان مايضيع وتقدرون تستخدمونه باي مكان << توني اثبت ماعندي ميداليه :\ لانه ماعندي مفاتيح خخ..

وكل فواحة معاه غرشة للزيت معطر  بس من الحجي جنه فاضيه :\..

الالوان :

وله اكثر من لون مثل ماهو موضح بالصوره ..

سعرها :
موجوده بالسعوديه 25 ريال تقريب دينارين كويتي ..

اممم شفتوه بالكويت نا لي لحين ماحصلتها :(


المصدر: Link

28 comments:

Katkoota xD said...

يعطيج العافية

lil.D said...

اول مره اشوفها :)
يسلمووو حبيتها كتير كتير

Anonymous said...

وناسة والله فكرتها حلوة
أنا حدي أخاف من الفواحة والشمعة. صرت دايما أحطها يم الطوفة وأبعد كل شي عنها لأن تعقدت من النار عقب ما احترق مطبخنا قبل سنة ونص.

مهرة سالم said...

السلام عليكم..
شكلهم نايس
أول مره اشوفهم

Khalid said...

fekra...bs mo mshroo3!

نـ(المطيري)ـازكـ said...

والله حلوة صج هم انا اخاف من اللي بالشموع ..

مافي الا تطلبينها من برة ..

^_^

daloo3a said...

حلوه فكرته

اول مره اشوف شي جيه

Engineer A said...

حلوه الفكره

تقدرين تطلبينها من الانترنت :)

ذهب صافي said...

الصراحه فكرتها حييل حلوه حق وانتي
قاعده على اللاب او بالسياره
بس المشكله بالعطورات شلون تشمينها اذا تطلبين من
النت ودج تاخذينها وانتي عارفه شنو
الله يعطيج العافيه

Anonymous said...

يبيله شكله يشوق

خاتون said...

فكرته حلوة بس لي اللحين ماشفته

اتمنى تلقينه
*_^

رورو الشخبوطه said...

هلا كتكوته..

الله يعافيج يارب..

شكرا..

رورو الشخبوطه said...

هلا ليلي..

مي تو ..

الله يسلمج يارب ..

وحياج الله كتير كتير ..

رورو الشخبوطه said...

هلا حنان..

اشوه مو بس انا :\

الله يكفينا وياكم شر النار والحرايق ..

وحياج الله..

رورو الشخبوطه said...

هلا نهار..

وعليكم السلام والرحمه..

حتى انا دورتها ماكو للحين مانتشرت :\

وحياج الله..

رورو الشخبوطه said...

هلا اخوي خالد..

احنا نبيها استعمال شخصي مو مشروع خخ..

حياك الله..

رورو الشخبوطه said...

هلا نازك..

ماحصلها الا بسايتات سعوديه ومااحب اطلب من النت اغلب الاغراض مقلب :\

ومشكوره..

رورو الشخبوطه said...

هلا دلوعه..

اي ببلوقي كل جديد وفريد خخخخ..

حياج الله..

رورو الشخبوطه said...

هلا انجو..

مثل ماقلت لنازك ..

ماحصلها الا بسايتات سعوديه ومااحب اطلب من النت اغلب الاغراض مقلب :\

وحياج الله..

رورو الشخبوطه said...

هلا ذهب صافي..

اعتقد ماتقيدين بنوع معين انتي حطي اي زيت تحبينه ..

والله يعافيج يارب..

مشكوره..

رورو الشخبوطه said...

هلا لوير..
حده..

حياج الله..

رورو الشخبوطه said...

هلا خاتون..

ان شاءالله..

مشكوره..

jawaher said...

نايس
بس مادري ليش ما عجبتني لوول

بس كفكرة وايد حلوة

Made n Q8 said...

لا والله ماشفتها بالكويت

انا مره شفت تاجره يايبه مثل فكرت الي حاطتها بس اكبر هذي شكلها صغير واذرب

يعطييج العافية

رورو الشخبوطه said...

هلا جواهر..

اهي شكلها مو ذاك الزود جنها فلاش ..

بس ميزتها فكرتها ..

وحياج الله..

رورو الشخبوطه said...

هلا مدمد..

الورديه اللي جنها نجمه مو؟؟

هذي اللي تبيعها توها توفت الله يرحمها ..

والله يعافيج يارب..

مشكوره..

Mohamm3d said...

والله صج صج فكرتها حلووه

حتى لو خلصت الزيووت العطريه اخذي الموجوين بتروفاليو

وشغل عدل يبيله

لو جبت لكم من برا تشترون لووووول

سلام

رورو الشخبوطه said...

هلا اخوي محمد..

وعليكم السلام..

اي الحلو انه ماتقيد بزيت معين..

اذا سعر زين اكيد :)

ونسويك دعايه بعد خخ.

وحياك الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads