Friday, November 26, 2010
9:32 PM
السلام عليكم ..
اليوم سويت جوله مكوكيه ادور نفانيف لمناسبات قريبه ماشاءالله الشهر الياي ملئ بالاحداث السعيده دوم يارب..
ولقيت هالنفنوف عجبني..
في منه لون 2 اهو الافويت بس حبيت الاسود اكثر ..
اسمه :
'ROMANTIC' FLOWER DRESS
من ورا ..
والخام من قريب بشكل اوضح ..
موجود بزار المارينا ..
سعره 19ونص ..
وهالجنطة عاجبتني من h&m فاختي قالتلي اطقمها معاه اخذ الحمرا وجوتي وانتوا بكرامه نفس اللون ..
بس ماخذيته وجني بلشت اتحسف :\
ابي اماكن تبع نفانيف حلوه وناعمه واسعارها مثل هذا ؟
Labels:
fashion
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
32 comments:
مادري الصراحة
امم النفنووف حلو جدا
بس يختي جنه واايد قصير =\
مثل حالتج الايام اليايه اشكثر عزاايم
يبيلنه نجيل نفانيف
شوفي خبر بالمهلب ( ادري شخبااري وحدا اغبره ) في محل ما ادري شنو اسمه يم مانقو عليهم فانيف عجيبه بس خبري بهالكلام قبل سنتين ما ادري اذا لي الحين بضاعتهم حلوه ولا لا
و بالنسبه لاسعارهم معقوله ومو وايد اوفر
و ترى الحنطه الحمرا مع الاسود حدى خيال و الجوتي و انتي بكرامه وتحطين ورده حمره او شريطه
او تعلقين برووش ورده حمره
حدج بتصيرين كيووت
جني ببوق نفوفج =p
مساء الخير
Allaaaaah shaklaa eshaweg...wallah tara ilma7lat il3adya wayed 9ayreen ebe3on nafs il hal 6aga mara ib H&M shift nafnof yeshbaha eshaweg ..
رورو حلو النفنوف انصحج تشترينه و تلقين نفس الشي بريفر ايلاند و في محل بالافنيوز يم ماكي مو عارفة اسمع و في واحد مجابلة بضاعته اكثرها صينية هالمحلين في شغلات حلوة و مو جاي على بالي اييي مجمع البحر فوق في جم محل نفانيفهم روعة و غريبة و اسعاره معقولة ووو في بالفنار محل اسمه كارميل في اشيا مميزة و راقة و مطقمين لج النفنوف مع الجوتي او جنطة هذا الي جا على بالي للحين
الحين الموضه هالورد نفس فالنتينو
عندي نفس هالجنطه ورديه
وعندي نفنوف وردي تقريبا نفس الجنطه بس طويل مو قصير
تبين الصراحة أهوا حلو بس أحسه وايد قصير
وبالنسبة لي مستحيل ألبس جذي
مع إنه وايد حلو وذرب
في بالمهلب نفانيف حفلات حلوين بس مو بالسعر هذا
يمكن تلاقين بحدود 30 - 40 دينار
وفي من 90 - 120
شكككله يننن عليج بالعافيه
في محل أويسس نفانيف حلوه وبسيطه بس أسعارا متوسطه
النفنوف حلو
والجناط انا شارية الوردية والحمرا
بس تبين الصج .. وااااايد قصير النفنوف !! مانصحج تشترينه
هلا اخوي عبدالله..
خخ حتى لو عندك فكره بيكون بعيد علينا..
وحياك الله..
هلا حديث..
انا قايسته طلع اطول من جذي بشوي لاني اقصر من المليكان ..
بس يصير ترقيعنه تلبسين هيلهوب مثلا:\
قصدج ستراديفاريوس؟؟
عاد احبه رحت للفنار ادور جنطه ماحصلته بروح المهلب عيل..
اي حده بيكون عجيب بس ماخذيته :\
حلالا زلالا عليج..
ومدام عندج وايد مناسبات خل اقولج شنو لقيت ..
لقيت نفنوف بنيولوك ب16ونص قصير ون شولدر (طرزان)
والشغل على الجتف سمبل وحلو وفي منه فوشي وبنفسجي..
بس اخر جم حبه :\
وفي نفنوف جنه الخامه اسمه جرسيه اللي تتجفس نسيت شنو الموديل بالضبط بس هم بسيط وسعره اقل من 20 ..
ادور نفنوف من h&m
تايغر يونس هم قصير وبف وكت ورخيص ب11و900
وخامته ستان..
وفي تايغر شيفون بس حلو ع عصله لانه طبقات فيتفخها شويه وخامته شيفون وسعره ب16 ..
وودي اشوف سيرز ساعات في شغلات حلوه ..
وضروري امر المهلب ..
خخ قرقت وايد..
ومساء النور والسرور..
حياج الله..
هلا بنوته..
اي صاجه ورخاص بعد..
h&m عاجبني نفنوف تايغر موجود بالسايت بس بالمحلات لا :\
ومشكوره..
هلا اميره..
وااو مشكوره ..
بشوفهم ان شاءالله..
السلام عليكم
هالنفنوف موضه هالأيام وين ما أسير ألاقيه حتى بالقريه العالميه موجود
...
ما اندل في الكويت :)
موفقه:)
هلا جايونه..
اي مو توه من زمان انا قبل سنتين لابسه نفنوف نفس هالفكره وهم كان طويل واسود بس البطانه بيج..
وحياج الله..
هلا امواج..
راح يطول عليج لانه احنا مو طول المليكان..
وهم تقدرين تضبطينه مع هيلهوب مثلا..
واهو حلاته اطول بشوي ..
يبيله المهلب ..
مشكوره :)
هلا يونيك..
يعافيج يارب..
بس ماخذيته :(
ومشكوره..
هلا غير معرف..
اي شفته هالمره مو منزل وايد شغلات..
العام خذيت منه نفنوف اموت عليه خخخ..
وايد حبيته افتريت اشوف غيره ماقدرت الا اخذه ابيه خخ..
ومشكوره..
هلا غير معرف..
بالعافيه عليج الجناط يارب..
علي اطول من المليكان :)
بس صح حلاته اطول بشوي ..
ماراح اشتريه لانه خذيت واحد من نيولوك ..
ومشكوره..
هلا نهار..
وعليكم السلام والرحمه..
خخ صج انا اول مره اشوف هالسنه عندهم قبل كنت ماخذ مثل فكرته بس طويل ..
المحلات العالميه نفس البضاعه :)
واجمعين يارب..
مشكوره..
روحي سيرز
حلوو والله
روحي
riverisland
انا قبل فترة طلبت منهم هذا
http://www.riverisland.com/Online/women/dresses/going-out--evening-dresses/navy-one-shoulder-feather-dress-596058
بس ما ادري اذا موجود بالكويت ولا لا
واااايد خطير على اللبس والله
هلا غير معرف..
ان شاءالله..
بمره..
ومشكوره..
هلا من اكون..
غريبه ردج وصلني بالايميل مو موجود بالمدونه عاد نقلته :)
بالعافيه يارب..
انا مريت المحل بس مادققت وايد الصراحه يبيله ان شاءالله..
ومشكوره..
لا مو سترادافيريوس
بينه وبين مانغو
بنصهم صااير
خووش والله شكلهم حلوين النفانيف
لازم انروح انشوفهم
مشكوره
حديث الفجر
هلا حديث..
ولكم باك..
صج ان شاءالله اروح المهلب واشوفه..
والعفو ولو حياج الله..
وروحي باقرب وقت لانه بسرعه يطيرون ماشاءالله..
دبنهامز في شغلات جذي انا اذا بغيت اروحلهم بدال الحوسه
بس شوي اغلى
بس بالتنزيلات بعض المرات احصل عندهم شغلات حلوة على 9 و10 دنانير بس يبيلج اتنبشين عدل
هلا مدمد..
رحت له هالمره مو نزلين شي يسوى ..
ومشكوره..
KAREN MILLIN t79len 3nda nfanef mo mkrra o na3ma \ coast b3d o as3arhom monasba ... :)
عليج بألف عافية
النفنوف وايد حلو وراقي
لا تتحسفين ولا شي روحي
اخذي الجنطة سو كيوت
I think
ديالا اللي بالسالمية
وin love... froggy
المهلب فيه تشكيلات حلوة
360 في عندهم محلين ما اعرف أسمائهم بس كلهم من طقة هالنفنوف وأحلى ان بغيتي حدهم عجيبين بس يعتمد شنازل لهالموسم
Good luck!
^_^
هلا غير معرف..
شفت كوست بشوف الثاني ان شاءالله..
مشكوره..
هلا خاتون..
حاليا شريت غيره وخلصت المناسبه والمناسبه ال2 استقبال بمستشفى ماينفع لها.
والله يعافيج يارب..
ومشكوره ..