Sunday, November 7, 2010
السلام عليكم ..

قبل جم يوم دودو نزلت بوست عن جديد ستار بكس واهو نيو يورك تشيز كيك (هني)

اليوم مريت الفرع اللي العاده اروح له بالبدايه مالقيتها عقب لما رديت انتبهت انها موجوده فطلبتها ..

اهي تشيز كيك عادي ..


ومعاها نوع صلصه << مو متاكده من التسميه  متوفره 3 انواع..

-التوت..
-الشوكلا ..
-كراميل مع مكسرات..

كنت محتاره بين اخر 2 واخترت الجوكلت لانه مجربه الكراميل مالتهم النوع القديم ..

سعرها :

1.850 د.ك

رايي :

الكيكه نفسها زينه الذ من جيز كيك الستروبري عندهم لانه ال2 (الستروبري)اخف بشكل مليغ اللي طعمها ما جنه جيز كيك , والككاو اقل من عادي ..

تحديث اميمتي توها ذاقتها تقول الابيض مو حلو قصدها عن الجبن و اهي تخلط معاه الككاو عشان يروح طعمه 
سالتها عن الككاو ؟؟
 قالت عادي ولازق :\

22 comments:

خاتون said...

السلام عليكم

شكل الجيز كيك جنها جبن ماتشهي يمكن الطعم حلو بسمفروض يحطون
عليها شي يعطيها شكل

عليج بألف عافية عسولة *_^

Unknown said...

شكلها حلو بس انا ما احب ستاربكس بشكل عام احس اكلانه ثقيلة و طعمها مو لهناك

ebtsamh said...

عوافي

Anonymous said...

bel3afya inshalla
a7iss'ha wayed dassma

ناعمة الهمس said...

عليكم بالعافية

DoDoq8 said...

عاااد شكلها كان دماار


عليج بالعافيه رورو

:*

ميمة السبيت said...

** ستاربكس حدهم بلوبري مفن و حلوم بانيني مو اكثر مع امريكانو كوفي

بسج تجرب بهالكيك و المطاعم و الاظافر

رورو الشخبوطه said...

هلا خاتون..

وعليكم السلام والرحمه ..

اهو معاها الصلصه وانتي تختارين النوع اللي تبينه وتحطين كثر ماتبين مثل كنتاكي:)

والله يعافيج يارب..

مشكوره..

رورو الشخبوطه said...

هلا اميره..

اي صح :)

وحياج الله..

رورو الشخبوطه said...

هلا ابتسامه..

الله يعافيج يارب..

مشكوره.

رورو الشخبوطه said...

هلا حنان ..

الله يعافيج يارب..

لا عادي لانه انتي تتحكمين بصوص..

ومرسي..

رورو الشخبوطه said...

هلا ناعمه..

الله يعافيج يارب..

مشكوره.

رورو الشخبوطه said...

هلا دودو..

اهي زينه مو وااو ولا يع خخ..

والله يعافيج يارب :)

:* مشكوره

رورو الشخبوطه said...

هلا ميمة ..

احب اجرب :\

زين الكريمات شلتيهم من لسته خخ..

الفال تتحلطمين ع جوجو :)

وحياج الله..

lil.D said...

كان ودي اجرب
ولكن الاحداث الراهنة والحروب القائمة مع الميزان تمنع الجيزكيك ههههههه

بالعافيه

noynoy said...

ذوقي تشيز كيك كاريبو اتينن احلى جيز كيك بالكويت
مالت جيز كيك فاكتوري لا تطوفج
اي و ذوقي الاوريجينال

Amwaj said...

عليج بالعافية
بس مادري ليش حسيت شكلها ما تشجع

Katkoota xD said...

كنت ناويه اجربها بس يوم رحت ما حصلتها

انشالله المره الياية احصلها و اجربها

بالعافية يارب

رورو الشخبوطه said...

هلا ليل..

ان شاءالله تضعفين بصحتج يارب..

الله يعافيج ..

مشكوره..

رورو الشخبوطه said...

هلا نوي..

اذا قصدج الساده مجربتها بس من زمان وجربت اللي فيها ككاو جنه وكانت الذ :)

ومشكوره..

رورو الشخبوطه said...

هلا امواج..

حرام خخ شكلها مثل الجيز كيك العادي ..

والله يعافيج يارب..

مشكوره..

رورو الشخبوطه said...

هلا كتكوته..

ان شاءالله تجربينها وتعجبج..

والله يعافيج يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads