Tuesday, November 16, 2010
السلام عليكم ..

اليوم رحت هالفيلم اول مره ماوقف بطابور التذاكر لانه قبل جم يوم شريت لي كرت السينما ع ابو بينزلون اكثر من فيلم بالعيد اخر شي نزلوا 3 بس :\

واحد من اللي ابيهم بس اللي موجود ..

بطولة

أحمد حلمي, زينه , شيري ,ايمي سمير غانم << اكتساح نسائي

المخرج

خالد مرعى

تأليف /
خالد دياب

النوع

كوميدي, عاطفي

مدة الفيلم

110 min

تصنيف

PG



اعلان الفيلم :(هني)



القصة

تدور أحداث الفيلم حول شاب يقع فى غرام فتاتين ويرتبط بكل واحدة منهما، ثم يقرر فجأة أن يختار بينهما فيذهب لطبيبة نفسية لتحل له المشكلة، لكنه يجدها تعانى الأزمة نفسها.

تعليقي:

اللي سمعته وقريته انه هالفيلم يعد 3 تعاون بين الكاتب واحمد حلمي كانوا مع بعض بفيلم 1000 مبروك وعسل اسود ..

من جذي اقول اذا بقارنه ب1000 مبروك فهالفيلم وايد احلى هذاك يدوخ , اما مقارنه بعسل اسود هذاك قصة افضل ..

واي ع طاري الدكتور بالفيلم اهي قايله انها دكتورة عظام مكتوب باكثر من سايت انها دكتورة نفسيه !!

والفيلم باختصار انه البطل بلبل يحب بنتين بنفس الوقت الاول عازفه وكول وماهمها شي ولا تغار عليه ومشيته ع كيفه , اما الثانيه فهي رقيقه و اي شي يقوله اوكي ..

راح يحتار بينهم اكثر منا مره بيرتبط بوحده منه او 2 او ولا وحده لما تشوفونه بتعرفون :p

رايي :

الفيلم ممتع ويضحك , قصته عاديه بس فيها عبره لشباب انه مو تعلب ع البنات ترا كيدهن عظيم :p

*المعلومات اللي فوق منقولة من سايت السينما بتصرف !

30 comments:

Sn3a said...

انا متشوقه اروحله استاانس على احمد حلمي

و عيدج مبارك خيتوو

DoDoq8 said...

ناايس زين شكله حلو عيل

بروحله باجر

:)

ebtsamh said...

عاد خواتي يحبون أحمد حلمي

شكلي بعزمهم على الفيلم

شكرا رورو

رورو الشخبوطه said...

هلا سنعه..

اي يونس وافلام مافيها لقطت خايسه :)

ايامج سعيده..

مشكوره..

رورو الشخبوطه said...

هلا دودو..

اي يونس روحيله تغير جو ومزاج..

ان شاءالله..

وحياج الله..

رورو الشخبوطه said...

هلا بتسامه..

اي انا اليوم عزمت خواتي عليه بس خليتهم يعزموني ع الغدا خخخ..

والعفو ولو..

حياج الله..

Made n Q8 said...

عليكم بالعافية

ويسلموو عالتقرير

ميمة السبيت said...

مو مهم لا القصة و لا التذاكر اهم شي انچ استانستي

oyoon al maha said...

والله شوقتيني عليه

احمد حلمي دمه خفيف وافلامه نظيفه على عكس الفنانين الثانيين

افلامه حلوة والعايله تقدر تطالع دون اي خدش للحياء

=)

ان شاااااء الله دووووم مستانسة ومبسوووطة

رورو الشخبوطه said...

هلا مدمد..

الله يعافيج ويسلمج يارب..

مشكوره..

~ فجر ~ said...

والله شكله روووعه
مادام احمد حلمي يمثل فيه اكيد عجيب :)

رورو الشخبوطه said...

هلا ميمه..

اي الحمدالله..

مشكوره..

رورو الشخبوطه said...

هلا عيون..


اي صاجه افلامه محترمه وممتعه و غالبا فيها قصه..

اجمعين يارب..

مشكوره..

رورو الشخبوطه said...

هلا فجر..

اي يونس..

وان شاءالله لي شفتيه بيعجبج..

وحياج الله..

نـ(المطيري)ـازكـ said...

عليج بالعااااااافية

اليوم كنت مفكرة اني اروح السينما بس خربوا علي ههههههه

^_^

Shaikha said...

بصراحة احمد حلمي دمه خفيف ويضحكني :)

يبيله نشوف الفلم

مشكووورة

Abdulwahab said...

اختي تموووت على هالنوعية من الأفلام هه و انا اكرههههها لوووووول و كل مرة جذي نختلف بالسينما , بس هذا حسب وصفج شكله حلو, بنروح له انشالله بس على مسئوليتج لووول, مشكورة :)

رورو الشخبوطه said...

هلا نازك..

الله يعافيج يارب..

ان شاءالله جريب تروحين وسينمتنا الافلام تخيس فيها خخخ..

ومشكوره..

رورو الشخبوطه said...

Twinkle هلا ..

اي يونس ..

ان شاءالله..

العفو ولو ..

حياج الله..

رورو الشخبوطه said...

هلا اخوي وهابي..

اي انا عجبني والبنات تقريبا نفس الذوق..

اهو عائلي مافي اسفاف ..

ان شاءالله يعجبك واذا لا بيعجب اختك ..

خخخ..

اذا شفته ابي رايك :)

والعفو ولو..

حياك الله..

Bint ilKuwait said...

9ij 7iloo?? ana wa7da a3rifha galat ena kilish mu 7ilooo o etgool la7ad ero7la ma yeswa ;/

Amwaj said...

حلوة كيدهن عظيم :p

ثااانكس :)

Katkoota xD said...

انا بروحله يوم الخميس

بس شوقتيني عليه زياده

رورو الشخبوطه said...

هلا بنوته..

عن نفسي اشوفه يونس صج القصه عاديه بس حلو كتغير جو..

وحياج الله..

رورو الشخبوطه said...

هلا امواج..

لي شفتيه بتقولين اي والله صاجه رورو :)

ولكم..

وحياج الله..

رورو الشخبوطه said...

هلا كتكوته..

ان شاءالله تروحين له ويعجبج..

وحياج الله..

peaceful-space said...

شكرا على التقرير :)

ناعمة الهمس said...

وناسه

زين تسوين رحتي بسرعة قبل الزحمة

رورو الشخبوطه said...

هلا سبيس ..

العفو ولو ..

حياج الله..

رورو الشخبوطه said...

هلا ناعمه..

اي بس هم عند حجز التذاكر الطابور فل ماشاءالله..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads