Monday, November 29, 2010
السلام عليكم ..

انكمل السلسلة :)

قبل حطيت لكم ج1 , ج 2 , ج3 منها ..




جنطتي الطعام ايام الروضة :)


اليوم لقيت هالجنطة بيتنا اول ماشفتها حسبالي مالتي لما شفتها عدل طلعت مو اهي انا عليها صورة بنت حاطة حنه :p

انا دخلت الروضه عقب الازمه ع طول فماكان يعطونا اكل فكنت اخذ جنطتي معاي وكله جنطتي ضايعه :\

وكان عندي صديق والله خوش صبي كان يخليني اكل معاه وجنه عقب قام ايب لي اكل معاه ابتلش فيني خخخخ..

حسافه نسيت شسمه بس اذكر الصبي اللي طقني :\

عموما صديق الطفوله شكرا ع الشروكة صار بينا عيش وملح , وليدوو الله حسيبك لما كنت اطقني لي الحين مو ناسيه بس اخوي قالي انك مت اذا صج مسامحتك اذا لا بينا ثار :\


تذكرونها ؟؟مرت عليكم ؟؟

29 comments:

Hadeel said...

ههههههه.. ذكريات الطفولة

أذكر من روضتي روان .. كانت حييل دلوعة بس كنت أحبها.. وأغار منها

وأذكر إبراهيم ..كان كل يبجي ويحن من الصبح لي نهاية الدوام..كان سوري .. كان مليييق

وعزوز .. أحسن صبي بالروضة .. ما يطق وشاطر وهادي .. كنت أحب ألون معاه

عكس الصبيان الباجي كله يتحرشون ويمجعون

كانو يؤذوني .. بس كنت أسكت وأوخرهم عني

إييييي والله أيام

شاي الضحى said...

ما مرت علي هالجنطه

عيل انا كنت اطق الصبيان لوووول

le Koweit said...

ويييييه
×_×
هالشغلات للحين موجودة !

baby phat85 said...

ههههههه
انا مااذكر الا البسكوت الي يوزعونه بأخر الدوام يعني اروح الروضة بس عشان البسكوت
p; لووووووول

Anonymous said...

هههههههه ايااام

انا اذكر شنطتي كانت كششششخه على هيئة مسجله لوووول

احط بمكان الكاسيت الفطيره والسماعات العصير بالسماعه الاولى والسماعه الثانيه ماي

ههههههههههههههه

cutemum said...

هيه شنط ماال اوول جي كاانت بسما شليت منها
بس ماشااء الله بعدج محتفظه فيها

Engineer A said...

يحليلج عنونه :)

انا حزتها كنت عيوز فما مرت عليّ مع الأسف :(

خاتون said...

هههههههههههه
وناسة يا حلو الطفولة
اهم شي نسيتي اسم المحسن
أنا مالحقت أنا لحقت على نقار الخشب
ههههههههههههه
*_^

مهرة سالم said...

هههههههه
حسبي الله على إبليسج
حرام عليج سامحي الصبي حي أو ميت
ذكرتيني بحرمة أخوي زاخه علي من يوم أنا صغيره وخلوني أسبقها لأني اصغر عنها أصيح
ولليوم ذالتني على السالفه
صج سوالف :)

Amwaj said...

ما مرت علي
بس عاجبتني فكرة الذكريات

يعطيج العافية :)

ناعمة الهمس said...

امبيه شخباري

واي يا حلاته كانت يابسة و قوية

amani said...

الله يرحمه اللي طقج

واحنا كل وحده فينا لازم يكون فيه واحد معاها بالروضه ودابغها
بس انا طلعت اشطر منج لاني انا اللي كنت مأذيته وكله اطقه بالعلم

يا حلوووو هالذكريات والله دمعتي طفرت بعيني بس تذكرت هالايام

بس والله جنطتج كشخه تخبرين بعد ايام اول اللي جنطتها جنها صندوق هذي محظوظة لوول

اقولج عزيزتي انا اسفه ذاكرتي خانتني انا اذكر اني ذكرتلج بصدمج من صراحتي على تعليقي يعني كان ممكن تفهمين ردي كان شويه دفش فاقلت خل امون عليج شويه لا اكثر
غير جذي ماعندي اي شي بصدمج فيه

ماعليه حلجي كبير يقول كلام الدنيا عادي الا اذا كان في شي ثاني قلت بصدمج فيه الله اعلم نسيت
وولا يهمج عزيزتي واسفه على النسيان انا مو من عادتي انسى شي او كلام انقال بس هني خانتني الذاكره شويه

وتصبحين على خير وعلى احلى ذكريات طفوله متعينا اكثر خلينا نبجي شويه

رورو الشخبوطه said...

هلا شي..

خخ اي والله ايام انا بس اذكر وليدو وبنت الابله..

والباجي اذكرهم لانه صاروا معاي بمراحل 2 بعد ..

وحياج الله..

رورو الشخبوطه said...

هلا جايونه..

مو هينه خخخ..

صج مامرت عليج عاد احنا نفس السنه معقوله دور السنه انقرضت :\

وحياج الله..

رورو الشخبوطه said...

هلا لو كويت..

ابيتنا اي موجوده خخخ..

وحياك الله..

رورو الشخبوطه said...

هلا بيبي فات..

انا مالحقت عليه حسافه..

بس خوش دافع هههه..

وحياج الله..

رورو الشخبوطه said...

هلا بنوته..

لا كشخه مامرت علي خخخ..

وحياج الله..

رورو الشخبوطه said...

هلا كيوت مام..

لا هذي مو مالتي هذي وحده مثلها..

وحياج الله..

رورو الشخبوطه said...

هلا انجو..

بنات الدوام مواليد السبعينات تحديدا 76 و75 ولحقوا عليها..

سالي يمكن ناسيه :)

وحياج الله..

رورو الشخبوطه said...

هلا خاتون..

اي حسافه ولا كان خوش صبي خخخ..

نقار الخشب !!

وحياج الله..

رورو الشخبوطه said...

هلا نهار..

لا مو مسامحته اذا حي كان مسويلي توتر نفسي..

خخخ..

اي حتى انا ماسكين علي سوالف :\

وحياج الله..

رورو الشخبوطه said...

هلا امواج..

صوج اختي كبرج لحقت عليها :\

حتى انا حابتها :)

والله يعافيج يارب..

مشكوره..

رورو الشخبوطه said...

هلا ناعمه..

اي كانت خوش جنطه :)

وحياج الله..

رورو الشخبوطه said...

هلا اماني..

امين ..

اي اظاهر خخ انا ماذكر شكنت مسويه له:\

اي ايام ..

صج اشوه خفت اني اثريه خخخخ..

لا وي عادي تمونين وردج مو دفش بالعكس..

وانتي من اهله..

ان شاءالله لي حصلتهم بحط ..

وبنسمتع فيهم بدون بجي ان شاءالله..

وحياج الله..

AM.SA.CHANNEL said...

ههههههههههههههههههههه أويه ما أصدق هي كنت أشل نفسها بس مب هالصورة غير ... أوييييييه إنتي من وين طلعتيها ماشاء الله زين ميوده أغراااااضج خخخخخ

رورو الشخبوطه said...

هلا شانيل..

خخ لاهذي مو مالتي انا مالتي الرسمه اللي عليها غير..

وحياج الله..

Made n Q8 said...

طبعا مرت شلون ما مرت

عاد نتفنتق فيها وانقيها نقوه جنه صج خخخخخ

Made n Q8 said...

بس ترى مامداني اتهني فيهم لان صار الغزو

لول صج قبسه خخخخخ

رورو الشخبوطه said...

هلا مدمد..

خخخ وي ..

عسى ماباقوها بعد خو اهما دناوة نفس الله يزولهم..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads