Sunday, October 10, 2010
السلام عليكم ..

امس كنت احوس بربوع قوقل وحصلت وايد شغلات عجبتني :\

منها هالورده ..


مثل ماهو مبين بالصوره اهي 4 الوان وكل لون له ريحة مختلفه كلهم عرفتهم الا البيضا يعني اي ريحة ليكون النويره ويع خخخ..

واهما usb فواح بعبق الزهور :) احس حلوين مع لاب توب اكثر من جهاز الدوام ..



اهني بشكل اقرب ..
سعرها :

ب $9.99 يعني تقريبا بالكويت 2.822 د.ك من غير الشحن والخ ..

طبعا هالسوالف حلاتها نشمها قبل لانشتريها ..

صج حاسه الشم عندي شبه مفقودة بس رحمة للامه وعشان مانستاثم فيهم :) 

شفتوها بربوع بلادي ؟؟

المصدر (هني)

السايت الاساسي (هني)

24 comments:

Unique Girl said...

واااي حلاتهم والله

بس هذيل مال نشمهم بعد خوفي يطلعون مثل ابلتنا ريحتها ورد خايس (هنديه)لووول

بس عجيبين اشكالهم وجنه جنه فيهم سماعه

يعطيج العافيه

star said...

soooo cute

thanx roro

:)

ساره النومس said...

صج شكلهم حلو بس احسه بناتي وايد ما يلبأ لي بصراحة

كوكتيل said...

صباح الخير :)

شكلهم حلو لو بشتري باخذ الوردي بس لازم أشمهم أول :)

يسلمو :)

ناعمة الهمس said...

الله مشوق جدا

Sami said...

حبيته

~أم حرّوبي~ said...

نايس ..امم انا اذكر كان عنا معرض في بوظبي كان شي محل يبيع فلاشات باشكال حلوه انا شريت واحد على شكل شبشب هلو كاتي
بس اما هذيل المعطرين مادري

Anonymous said...

حلوين

اشتريهم كلهم
وشميهم .. والي تعجبج استخدميها
والي ما تعجبج
خليهم هديه

بتصير فنتق ترا

تخيلي لو ربطتي شريطة ناعمة على ساق الوردة وعطتيها زيلتج بالمكتب أو صديقتج
أتوقع بيستانسون

she is me

ri7ana said...

الاااه احب هالسوالف
بس ماعمري شفت وان شفت بلقاها عند الحريم
سعرها بصير 20 دينار مو دينارين لول

رورو الشخبوطه said...

هلا يونيك ..

اي خخخ ..

ماعتقد سماعه اتوقع هذا مكان اللي تطلع منه الريحة..

الله يعافيج يارب..

مشكوره..

رورو الشخبوطه said...

هلا ستار..

ولكم :)

رورو الشخبوطه said...

هلا طموحة..

لا يلبا لك بس نزيد عليه ام علي :)

وحياج الله..

Mohamm3d said...

شكلهم حلووو ، زقررررت

رورو الشخبوطه said...

هلا كوكتيل..

البيضا احلى :)

الله يسلمج يارب..

حياج الله..

رورو الشخبوطه said...

هلا نعومه..

حياج الله..

رورو الشخبوطه said...

هلا خوي سامي..

حبتك العافيه :)

وحياك الله..

رورو الشخبوطه said...

هلا ام حروبي..

بعدجم يوم بنزلكم واحد ع شكل فلاش اتوقع متوفر عندنا..

وحياج الله..

رورو الشخبوطه said...

هلا شي..

اخاف ولا وحده تعجبني :\

خخ ..

خوش فكره ..

مشكوره..

رورو الشخبوطه said...

هلا ريحانه..

هذا غير التوصيل خخ واخر شي شغل الصين :\

وحياج الله..

رورو الشخبوطه said...

هلا اخوي محمد..

ي يبيله :)

مشكور..

خاتون said...

يا كثر خوفي من هالسوالف
لانه أذكر أختي مرة شرت شي جذي وحطته بدارها وكان بعد ماركة
بس كل ما ادخل دارها ويرش احس اني انصرعت ريحته فضيعة
فعلى قولتج لازم نشم قبل اذا في ريحة فراولة وفنليا ديما يكونون أوكي
^_*

رورو الشخبوطه said...

هلا خاتون..

اي خخخ مو مضمونه عطورهم..

الفانيليا حلوه احبه بس اكثر شي مالت بودي شوب جربت من لاند مارك ماحبيتها ..

ومشكوره..

Anonymous said...

يااااي
يشووق :)

ما شفت منها في ربوع البلاد

رورو الشخبوطه said...

هلا برنسس ..

اي وايد..

ان شاءالله نحصلها وتكون زينه..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads