Tuesday, October 19, 2010
7:41 PM
السلام عليكم ..
اليوم كنت ادور صابون سائل وحصلت هالمنتج من ديتول وعجبتني فكرته وبالنسبه لي اول مره اشوفه ..
اسمه بدون لمس جهاز غسل اليدين ..
وفي 3 انواع للصابون :
1- بالخيار ..
2-بالشاي الاخضر والزنجبيل..
3- الاصلي (ماحصلت صورته بقوقل)..
واذا خلص الصابون مو لازم تشترون جهاز يديد بس تاخذون الصابون ينباع بروحه ..
والعلبه تحتوي :
ع الجهاز , والصابون و4 بطاريات ..
طريقة استخدامه :
وحبيت انه ع العلبه محطوط هالستيكرز تشمون ريحة الصابون قبل لا تشترونه ..
تجربتي :
توني جربته انا واختي ع ابو الصابون يطيح ع ايدي اول ما مليت و خرتها جان ينزل ع ايد اختي خخخخ ..
اهو مكتوب من داخل انه قد تحتاج الى تحريك يدك تحت الفوهة عدة مرات قبل ان يبدا بالضخ الاول مره ..
والحلو انه مكتوب كل شي ع العلبة وفي رسومات توضيحة في تعليمات مذكره برا وفي داخل العلبه (طريقة التركيب , كيفية الاستخدام , المشكل اللي ممكن تواجهنا , طريقة تنظيف الجهاز.. الخ )
وين حصلته ؟؟
لولو هايبر , اسواق القرين ..
سعره ؟؟
3.750 د.ك ..
رايي فيه :
حبيته من اول نظره :)
انظف , واستخدامه سهل وينفع للحمامات وانتو بكرامه اللي كل من يدشها مثل حمام الصاله والضيوف او الديوانيه وهم لغرفة المريض مستشفى ..
فيديو توضيحي (هني)
السايت (هني)
هم فيه فيديو...
fb :link
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
30 comments:
شكلللهم حددده يشووق
يعطيج العافيه
شكله حلو
ونظيف
يعطيج العافيه
خووووش فكره بشتريه حق اختي تحب كل منتجات ديتول
ثانكس رورو
^_^
حلو ونظافة لايعلى عليها
وبالعافية على اياديكم خخخخ
ان شاء الله اشتريه قريبا
كوني بخير
عليج بالعافيه
بس اعتقد ينفع حق الدوامات والمدرسات الاماكن الي فيها ايادي وايد لول
حلو حلو
حق اللي فيهم وسواس زايد
و هم حلو للكل
يعطيج العافيه الرصاحه خوش منتج وخوش بوست رورو
شكلي باجر بروح آخذلي واحد بدال الحوسه الي عند المغسلة
بس الصابون نوعه يروح بسرعه ولا كانه صابون مواعين يبيلك ربع ساعه تفرك عشان يروح ؟
ياحلوج يارورو
وياحلو سوالفج
:)
صباح الورد
حلوة فكرته ومنتجات ديتول وايد حلوة
يعطيج العافية :)
فكرته حلوة
بالعافية
يبيله
بس المو حلو بصابون ديتول ان ينشف الاييد
صراااااااااحة عجيب عاد انا اموت بهالسوالف
عاجبتني فكرته
يعطيج العافيه
هذا فعلا خوش منتج
حده يستاهل الواحد يشتريه
ميغسي بوكوو
كرينا
^_^
هلا يونيك ..
يعافيج يارب..
شكرا..
هلا اموله..
اي وايد ماشاءالله..
ويعافيج يارب..
شكرا..
هلا ستار..
بالعافيه عليها مقدما :)
ولكم :)
هلا رندا..
الله يعافيج يارب خخخ..
ان شاءلله..
ومشكوره..
هلا ريحانه..
اي وايد مفيد للاماكن العامه ..
ويعافيج يارب..
مشكوره..
هلا ناعمه ..
اي صاجه :)
وحياج الله..
هلا اخوي بوفلان..
يعافيك يارب..
ان شاءالله..
لا نوعا ما بسرعه يروح بس احس ينشف الايد شويه :\
بس انا اغسل ايدي بذمه وضمير :)
بس اهم ارحم من غيره :)
وحياك الله..
هلا مي..
مساء النور ..
:)
مرسي..
هلا اموج ..
الله يعافيج يارب..
شككرا..
هلا هديل..
الله يعافيج يارب..
مشكوره..
هلا رورو..
اي ينشفها شويه..
وبينا الشتا يبيلنا ترطيب دايما :\
وحياج الله..
هلا اميره..
اي يشوق..
وحياج الله..
هلا مرام..
الله يعافيج يارب..
مشكوره..
هلا خاتون..
اي انا من شفته خمطته وشوقت خالتي وشرت لها واحد خخخ..
دوغيا سويتي..
حياج الله..
شكله حلو :(
بس لو دوف بشتريه
خلاص استويت ماحب الديتول يقطع ايديني :)
شكرا شخبوطه!
هلا ليل..
في حل وحيد انه تشترينه وتفرغين اللي بالغرشه وتغسلينها عدل وتحطين الصابون اللي تبينه :)
والعفو ولو..
حياج الله..