Monday, October 18, 2010
السلام عليكم ..

اليوم خلصت كتابين من حصيلة المعرض اولهما..

كتاب جديد من تأليف زميلاتنا انجو ..

عباره عن مذكرة فتاة جابت العالم بحث عن ضالتها والتي لا تعرف ماهيتها ..
تنقلنا معها من مصر الى الامارات ثم اسطنبول مرور بلندن بعدها فرنسا الى اسبانيا ثم سويسرا حتى تايلند و ماليزيا وكوريا لتختتم مذكراتها ببلاد العم سام معلنة ان هناك جزء 2 لهذه السلسلة .
في البداية اعتقدت انه الكتاب يندرج تحت الادب الرحلات لكن بمجرد قرائتي لبدايته اكتشفته انه بمثابة مذكرات خيالية ذات طبع شخصي واقعي :)

أي عبارة عن مجموعة من المقالات التي تمثل مواقف عاشتها البطلة بمختلف البلدان مليئة بمزيج من مشاعرها من حزن وخوف واسى وفخر وفرح وملل .. الخ ..

 

رايي :
كنت اتمنى انه يكون من كتب ادب الرحلات ومطعم بالصور ..
بس عقب ماقريته ولاني اعرف كتابات المؤلفة عن السفر بمدونتها حسيت انه هذا الطبع اللي تفضله اكثر من تقارير السفر..
تقيمي له انه جيد كتجربة اولى :)



p.s :طوفوا البدليات لانه من زمان مو كاتبه فصحى والا اكتب خخخ اخاف ينضب قاموسي بروحي غصب حافظة جم كلمة خخ..
 

26 comments:

~أم حرّوبي~ said...

انطر معرض الكتاب عشان اخذه واقراه :)

Unique Girl said...

والله وااايد عجبني الكتاب وااايد واايد ما شاء الله عليها

Anonymous said...

شكله ماكو أحد ما قراه غيري
الخميس إن شاءالله رايحة المعرض
شكرا على النبذه والله يوفقج أبرار :)

ri7ana said...

للامانه انا ماتشوقت اقراه بصراحه
والحين انتي بعد قلتي رايج لول

Anonymous said...

قريت منه اول ١٠ صفحات وهديته

ان شاءالله اكمله

شاي الضحى

Anonymous said...

الكتاب وايد حلو استانست عليه حيل

خخخخخخخخخخخخخخخخخ
اهم شي الجمله الي معتذره فيها عن البدليات اهي كلها بدليات
طوف = طوفو
بروح = بروحي

خخخخخخخخخخخخخ ضحكتيني من قلب
يعطيج العافيه
اخوج:
حمود

Bint ilKuwait said...

Im not with reading books unless etha 9ij ilkil 7an 3alay o 9ar eni i read o esawon laja 3aleh bes mashallah 3alaich o 3alaikum jad allah etamaim 3alaikum hatha shay zain enkum tigroon:D
Keep up the great job:D

Nora said...

كتاب جميل ماشالله عليها زارة أماكن كثيره عقبالنا يارب ^_^

AM.SA.CHANNEL said...

لا عادي بالعكس عربيتج حلوة و مرتبه و ماحسيت بالبلديات ههه اللي دخلتيها
و أنا الصراحة متحمسة أقرا هالكتـــاب بس ما نزل عنا لين الحين و أتريا معرض الكتاب

رورو الشخبوطه said...

هلا ام حروبي..

ان شاءالله تاخذينه ويعجبج :)

وحياج الله..

رورو الشخبوطه said...

هلا يونيك..

زين ماشاءالله..

انا عجبني انها تسافر وايد خخخ..

وحياج الله..

رورو الشخبوطه said...

هلا حنان..

لا في غيرج:) لا تحاتين ..

ان شاءالله..

والعفو ولو..

حياج الله..

امين..

رورو الشخبوطه said...

هلا ريحانه..

خخ رايي مو مقياس وايد قروا وعجبهم ماشاءالله..

وحياج الله..

رورو الشخبوطه said...

هلا جايونه...

لي خلصتي ابي رايج :)

وقراءه ممتعه ان شاءالله..

رورو الشخبوطه said...

هلا اخوي حمود..

خخ وي توني انتبه لهم عدلتهم مشكور ع التنبيه ..

بس انا مو قصدي هالبدليات اللي حرف ناقص او زايد لانه كيبوردي متنح قصدي لبدليات اللي تعطي معنى غير عن المطلوب ..

وتنفع مصحح لغوي لي بدلياتي وايد خخخ..

وحياك الله..

رورو الشخبوطه said...

هلا بنوته..

خخ القراءه متعه جربيها بتحبينها بس اختاري بمجال انتي تحبينه ..

ومشكوره..

رورو الشخبوطه said...

هلا نوره..

اي ماشاءالله وامين يارب..

حياج الله..

رورو الشخبوطه said...

هلا شانيل..

ميرسي :)

ان شاءلله ينزل وقرين ويعجبج :)

وحياج الله..

Amal Kh said...

بالنسبة للبدليات مو مشكله احنا مو ابلات عربي :P
والكتاب شكله حلو للاسف انا توني راده من المعرض لو ادري جان شريته بس ان شاء الله القاه بجرير او فيرجن
مشكوره ع البوست والكتاب شكله حلو

خاتون said...

شكرا على اطلاعنا على
الجديد في العالم
أعلاميتنا النشيطة
فاصل ونرجع لج
*_^

Unknown said...

هالكتاب له صيت قوي شكلي باخذه

رورو الشخبوطه said...

هلا امل..

خخ لا اذا في غلط نبهوني عادي مابي اتعلم :)

اتوقع تحصلينه ..

واهما يوصلون للبيت ..

العفو ولو..

حياج الله..

رورو الشخبوطه said...

هلا خاتون..

مشكوره ع التشجيع..

وحياج الله سويتي..

رورو الشخبوطه said...

هلا اميره...

ان شاءالله ..

وحياج الله..

V I E W said...

للاسف ماعجبني الكتاب ، بس بدايه موفقه اكيد
.. الله يوفقها ويعطيها العافيه

مشكورة

رورو الشخبوطه said...

هلا سويت..

امين ..

والعفو ولو..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads