Tuesday, October 12, 2010
السلام عليكم ..

باجر ان شاءالله راح يكون اول يوم لمعرض الكتاب ..


وكالعاده بيكون بارض المعارض بمشرف ..

وللي مايدله  هذي خريطة توضيحيه ..



وبيستمر من باجر 13 - 10 لي 23 -10 ..

ان شاءالله ..

ولما كنت احوس بقوقل حصلت موقع حلو كان مخصص للمعرض ال30 ..
في وايد معلومات وصور منها صور المعرض من ال1 الى 30..

والاحلى فيه قسم اسمه ابحث عن كتابك يسهل عليك عملية البحث عن والتاكد من وجود كتابك ومكانه وسعره جان زين يسون منه نسخة لهالسنه ..

لزيارة الموقع (اضغط هنا )

*لستتي*


مبدأيا جهزت لستتي ..

هالسنه المعرض بيكون مميز بالاصدارات الشبابيه ومنهم زملاء وزميلات من المدونين ..

- لاحمد الحيدر (خنفروشتين- ساره ) الاول كتاب ساخر وهو الجزء ال2 اما الاخير فهو روايه وتعد اول تجربة له ..

-بنت بطوطة - لابرار الغصاب (انجو)..

-لقلادة اياها لسارة الميكمي (سبمبوت) مجموعة قصصية ..

جنه بس ؟؟

في احد غيرهم منزل ؟؟

- ولم كنت احوس حصلت هالروايه وعجبتني فكرتها اسمها المعازيم تاليف  مزيد مبارك  المعوشرجي

لقرأة التفاصيل (هنا)

-طبعا باخذ اخر اصدار لوليد الرجيب اما بعد و بدور بدريه وان شاءالله احصلها ..

- ورواية ارض النفاق ليوسف السباعي ..

-الجنية لغازي القصبي..

-فسوق لعبده خال ..

وباخذهم من دور النشر لانه ارخص :)

اللي اشتريه برا ب3ونص القى عندهم بدينار ونص فرق :\

وبحاول ماخمط ع غير سنع واحدد ميزانيتي ب40 بس ..

لانه العام شريت فوق ال100 ونصهم ماقريتهم :\

وجان زين ايبون عربانة لانه الجياس ثقيلة :)

سايت المعرض هنا

14 comments:

Engineer A said...

أما بعد رواية رائعة بمعنى الكلمة وايد حبيتها .. وبادور للكاتب كتب أخرى

عندج لغازي القصيبي وايد اصدارت منها الاخير اقصوصة الزهايمر ودي اشتريها

والله يوفق الكاتبات الجدد والكتاب الجدد بعد ومتطلعين لقراءة اصداراتهم ومتشوقين للمعرض :)

cutemum said...

هلا شخبووطه
ناايس انا بعد اتريا يفتح المعرض عنا بسير اخذ لي رواياات
بس لحد الحيين ما حطيت لسته

ناعمة الهمس said...

شخبوطة
مشكورة على المعلومات
وعن نوعية الكتب

ri7ana said...

انا كتبي عتيجه الي حاطه عيني عيلهم
ابي من الذي حرك قطعه الجبن خاصبه بي
كيف تحقق اهدافك
كابتن مصر
وابي جم كتاب عن النمو وعلم النفس
وابي كتب مثل استمتع بحياتك
بالنسبه للروايات انا مو حيل وياهم وابي كتاب عن جون كنيدي وان شاء الله القى
بس ولله حدي مفلسه مستحيه اطلب من الوالده :p

Amwaj said...

أتوقع الكل متشوق حق المعرض وينطره
الله يعينا على الزحمة :p

صج ودي أقرا روايات بس موادي هالكورس كلها عملي وحدي مضغوطة
حلى بلوقي صارلي فترة مادري عنه
واليوم دخلت

موفقة حبيبتي بس عاد خفي عالميزانية :p

Unique Girl said...

والله حدي حدي حدي متشوووقه لهالمعرض

انا بروح له يوم الخميس ان شاء الله مو زحمه بس

مووفقه ان شاء الله

خاتون said...

يا حلوج عربانة عاد ههههههههههههه

شكلي هالمعرض ماراح اروح جدولي وايد بزي اهي اهي اهي
مالي الا جرير

موفقة حبيبتي *_^

رورو الشخبوطه said...

هلا انجو ..

في عنده بالفارابي روايتين بعد موستيك واليوم التالي للامس ..

وبدريه بس مو موجوده بالكويت ..

وفي الطلقة بصدر الشمال شريتها من رابطة الادابء وفي شغله 2 بعد نسيتها :\
بس هم موجوده برابطة الادباء..

انا كنت ابي الجنيه ومالقيت دار النشر :\

امين يارب..

مشكوره..

رورو الشخبوطه said...

اهلين كيوت مام ..

ان شاءالله ..

انا كل ماجهز لستته نصه مالقاها :\

بس الحلو انه تعرفين شنو اللي تبين وماتضيعين وقت وانتي تحوسين..

وحياج الله..

رورو الشخبوطه said...

هلا ناعمه..

العفو ولو..

حياج الله..

رورو الشخبوطه said...

هلا ريحانه..

بس حلوين كتبج انا كنت ابي كتب تنمية ذات بس مامداني اجهز اللسته :\

فكتفيت بلرواية ..

كنت ابي فعل شي مختلف ..

لو ادري جان خذيتج معاي :)

وشريت لج اللي تبين :)

وحياج لله..

رورو الشخبوطه said...

هلا امواج..

لا بالعكس عمري ماشفت معرض الكتاب زحمه عكس معرض لعطور ..

وموفقه بدرستج.

اشتريهم حق عقب لانه في شغلات ماتكون متوفره ع طول ..

وحياج ..

رورو الشخبوطه said...

هلا يونيك ..

رحت له الخميس الصبح وكان زين ..

مو زحمه ..

اجمعين يارب ..

مشكوره..

رورو الشخبوطه said...

هلا خاتون..

خخخ ..

عاد ماحب جرير احب فيرجن اكثر..

وهم العجيري تونس ..

بس حاولي تزرقين له وتكونين مجهزه لسته فيه اسم الكتاب والمولف ودار النشر واتجهي لدور النشر ع طول ماراح تطولين انا سويت جذي وبسرعه خلصت ..

اجمعين يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads