Saturday, September 25, 2010
السلام عليكم ..
 
لاب توبي تنح ساعتين الا ربع اعابل فيه عشان انزل البوست وماكو ماقدرت الا لما غيرت الجهاز اهي اهي ..
 
المهم اليوم رحت سيتي سنتر وكان بالي اجرب جم شغله منهم ستك هاوس..
 
 

واهو برد ايطالي عرفته من الفيس بوك ..



اللي يميزه انه نكهاته متنوعه وطبيعيه ..

نكهات المتوفر :

نقل من صفحتهم بالفيس بوك :



مانجا

فراوله

بلاك بيري ( توت أسود )

روز بييري ( توت أحمر )

رقي

ليمون ونعناع

كاكاو

فانيلا

حليب

باشن فروت

كيوي

أناناس

قهوة

جوز الهند

شمام

برتقال

نوتيلا

بندق

بيذان <<  اختي لما شافته بالكشك تقول بيذان وايطالي خخخ قلت لها اي اهما حاطين الاسم الكويتي منه ..

فستق

موز

رمان

خوخ

منتجات نص & نص
فراولة وأناناس

كيوي وأناناس

كيوي وفراولة

منجا وفراولة


وهذا طالبي ..

اخترت نوتيلا ..

تقدر تضيف على طلبك 4 انواع من المكسرات:

جوز الهند

بندق

حبوب القهوة

فستق

بس ماخترت منهم شي ..
وفي هم 4 انواع صلصه :

شوكلاته سوداء

شوكلاته

شوكلاته بيضاء

شوكلاته ممزوجة بمكسرات البندق ..

انا اخترت الكاكاو العادي ..
هالصورة  حبيتها :)

سعره :

البرد بس ب850 فلس ..

اضافة صلصة الكاكاو 100 فلس..

رايي :

طعمه حلو مع اني ماحب البرد وايد والعاده اذا باكل برد انطره يذوب بس هذا كليته ع طول وتقريبا كنت باكله كله بس ذاب وتلفني ..

وين موجود ؟؟

مثل ماقلت فوق بسيتي سنتر السالميه -السوق الحمر ..
 صوب المطاعم يمه مطعم الخباز ..

وهم عندهم توصيل هذا رقمهم :

25730010

صفحتهم بالفيس بوك (هني)

46 comments:

BookMark said...

لازم أجرب كل بررد يديد

يعطيج العافية :)

Katkoota xD said...

اخر صوره تشوق حدهاا

شكله لذيذ

بيبله نجرب

يعطيج العافية

Amal Kh said...

شكله يونس
ونكهة الرقي لازم نجربها لول
ثانكس ع البوست

mrk said...

برد اب 850 فلس ليش !!!!! و كل تاب اب 100 ..... حسافة على ايام الخمسين فلس :)

daloo3a said...

يمي يمي شكله لذيذ وايد حلو ^^

بالعافيه عليج

swera said...

hatha 3endena @@?! hala waaallah :) lazem aroo7la o 3alech bel3afia ya rb :*

ROro Mania said...

شكله عجيب
هههه انتي اللي مختارته شكله يغت كاكاو بـ كاكاو لو بنت اختي جان اختارت مثلج :p
ان شاء الله بجربه قريبا :D

مرام said...

صراحه شكله لذيذ
لازم أجربه

يعطيج العافيه

هديــل said...

يشوووق

يعطيج العافية

نـ(المطيري)ـازكـ said...

عليــج بألف عافية ..

شايفة صفحتهم بالفيس من قبل بس الشكل احس عادي

يعني ماشجعني اتعنى له ..

احبك هاقن داز بالجيز كيك احلى ..

بس مايمنع اذا رحت ستي سنتر اذوقة ^_^

هني وعافية ع البج لوول

Unique Girl said...

ايييي هذا شفناه بالمعرض يننن ما شاء الله

بس الي شفناه الشباب مسوينه شباب الكويت

عليج بألف عافيه

لمار said...

عليك بألف عافية00حبيبتي

ميمة السبيت said...

** واااااااااي اذا ياتج النوتله فوق الوافل و اهو حار اي رجيم اي بطيخ

مهرة سالم said...

السلام عليكم..
بالعااافيه عليكم
أنا ابي بالباشن فرووت احب الحامض
...
وتوني أقرا بطاقة شكرا
لازم أستفسر إذا موجوده عندنا في الإمارات
لأن ماكس ما يتبع لسنتر بوينت عندنا مفصول عنهم
..
دمتِ بخير

Made n Q8 said...

عايسكريم خووش شي

عليكم بالعافية

لي تيمعنا ان شاء الله نطلب منه

بنات عبدالغني شربت said...

شكله لذيذ
بالعافيه ان شاءالله

ناعمة الهمس said...

الله حده يشوق .... يبيله تجربة
مشكورة عالمعلومة

المجهول said...

شكله طعمه لذيذ مرة .. ولهت عليه

~أم حرّوبي~ said...

ونااااااااااسه شكله يشوق ..أول ما قريت اسم المحل عبالي ستيك لحم ودياااي خخخخ
انصدمت طلع اسكريم ^^

بالعافية عمووو:)

خاتون said...

مدام ايطالي ما يبيله كلام لا نجربه ولازم يكون حلو مدام ايطالي *_^
وعليج بألف وستين مليون عافية
غريسياس كرينا =شكرا عزيزتي
بالطلياني *_^

Fishah said...

الله عاد انا احب البرد اللي جذي
لااازم اجربه

طافج امس ادمنت على كولومبيا مال كي دي دي والله لا يوريج لما تلفني لوول
عاد لونه لون الفيمتو خخخخ

بالعافيه

Anonymous said...

بالعافية إن شاءالله
يهبل ماشاءالله :)

رورو الشخبوطه said...

هلا بوك..

ان شاءالله تجربينه ويعجبج..

والله يعافيج يارب..

شكرا..

رورو الشخبوطه said...

هلا كتكوته..

اي انا حبيتها حسيتها ابداع خخخخ..

وان شاءالله تجربينه وتعجبج ..

والله يعافيج يارب..

مشكوره..

رورو الشخبوطه said...

هلا امل ..

خخ انا كان ودي لبرتقل والكيوي والفراوله بس ابي صلصة الككاو وخفت تطلع مو حلو معاهم :\

ولكم ..

حياج الله..

رورو الشخبوطه said...

هلا mrk..

لاتقارنه باول قارنه بينك بري وانواع لبرد اللي توها نازله ..

يا مثل السعر او اغلى ..

وحياك \ج لله..

رورو الشخبوطه said...

هلا دلوعه..

تبين اطرش لج ؟؟

والله يعافيج يارب..

مشكوره..

رورو الشخبوطه said...

هلا سويره ..

اي بس الظاهر توه يديد ..

وان شاءالله تجربينه ويعجبج..

والله يعافيج يارب..

مرسو..

رورو الشخبوطه said...

هلا رورو..

كان ودي اجرب نكهات 2 مثل الفراوله او البرتقال او الكيوي بس خفت ماتطلع حلوه مع صلصة الكاكاو..

فخذيت كله كاكاو وبالعكس مايغث لانه مثل لولو جان تذكرين مره نزلوه كله ككاو كنت احبه :)

وان شاءالله تجربينه ويعجبج ..

وحياج الله..

رورو الشخبوطه said...

هلا مرم..

ان شاءالله تجربينه ويعجبج ..

الله يعافيج يارب..

مشكوره..

رورو الشخبوطه said...

هلا هديل..

الله يعافيج يارب..

مشكوره..

رورو الشخبوطه said...

هلا نازك ..

الله يعافيج يارب..

انا حبيت نكهاتهم :)
اما شكله صاجه عادي مثل اللي بالجمعيات بس اللي يميزه انه طبيعي :) وممكن تضيفين له اللي تبين ..

صج حلو بجربه عيل انا من هاقن داز احب اللي بالكاكو :)

ان شاءالله وهم يوصلون :)

الله يعافيج ويهنيج يارب..

مشكوره..

رورو الشخبوطه said...

هلا يونيك..

اي اهو مشروع شبابي بس اتوقع ماخذين وكالته مو فكرتهم :)

الله يعافيج يارب..

شكرا..

رورو الشخبوطه said...

هلا لمار..

الله يعافيج يارب..

ومشكوره..

رورو الشخبوطه said...

هلا ميمه...

اخييييييييييييييييييه اجرام ..

مااحب طاري الرجيم :\

وحياج الله..

رورو الشخبوطه said...

وعليكم السلام والرحمه..

هلا نهار ..

الله يعافيج يارب..

اطرش لج :)
...

احنا مفصولين كمكان بس ماكس تابع له كشركة ..

شكرا ..

رورو الشخبوطه said...

هلا مدمد..

الله يعافيج يارب..

ان شاءالله :)

ومرسي..

رورو الشخبوطه said...

هلا بنات..

الله يعافيج يارب..

مشكوره..

رورو الشخبوطه said...

هلا ناعمه..

ان شاءالله..

والعفو ولو..

حياج الله..

رورو الشخبوطه said...

هلا اخوي مجهول..

اي طعم حلو..

وحياك الله..

رورو الشخبوطه said...

هلا ام حروبي..

خخ بقولهم يضيفون نكهة البرد باللحم خخخ ..

والله يعافيج يارب..

مشكوره..

رورو الشخبوطه said...

هلا خاتون..

اليطالي عندج شي مقدس جذاب بلا عذاب خخ..

الله يعافيج يارب..

العفو ولو وشكرا ع المعلومه :)

وحياج الله..

رورو الشخبوطه said...

هلا فيشه..

صح هالنوعيه عيبها لما تذوب تتلف :\

بس لون الفيمتو حلو كحمره خخخ..

والله يعافيج يارب..

وبالعافيه عليج بعد :)

مرسو..

رورو الشخبوطه said...

هلا حنان..

الله يعافيج يارب..

مشكوره..

كندري said...

أمس جربت برد شركة يديدة تنباع في السوق
وهالويك اند شكلي بجرب برد من هالمحل الإيطالي

طرشلولي إيميله عنه لكن بدون التفاصيل
حصلت التفاصيل من عندك
وحصلت على صفحتك من الفيسبوك

رورو الشخبوطه said...

هلا اخوي كندري..

ان شاءالله تجربه ويعجبك ..

:)

حياك الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads