Friday, September 17, 2010
11:56 PM
السلام عليكم ..
هالسنه سنة تحقيق الامنيات والتجارب والمجازفات ..
شغله بلشت فيه لما كان عمري 15 قبل 7 سنين وشي هالسنه سويتها الحمدالله ..
واغلب الشغلات ع صعيد النفسي والجمالي ..
ويارب تحقق امنياتي ع صعيد الاجتماعي و الديني وبكل المجالات :)
وايد اشياء كنت بجربهم هالايام حصلتهم وجربتهم ..
منها هالشغله ..
اي هالمفراكة كنت اشوفها وبجربها احس شي ومفيده ..
لما رحت دبي خذيتها من السوق الصيني كاسرتها بعد خخخخ صح هالسنه صايره اكاسر بعد اول استحي ..
جنه ب25 درهم عقب المكاسر واهي موجوده بالكويت بس اغلى بشوي ارخص شي شفتها ب4 وشريتها من هناك لانه ابي اشتري اي شي المهم مارد فاضيه خخخ..
مالكم بالطويله << شعقب خخخخ ..
هذي الصوره رقمتها لكم عساس يصير اسهل واوضح بالشرح ..
هالاله فيها 5 روس وكل راس له فايده معينه :
1- هالراس انا اسميه مفراكة الدلع للجل شور واحسها ماتنظف عدل :\ عن العموم اللي مثل هالنوع اتكلم لانه هذي ماجربتها ..
2-للتنظيف (جربتها )..
3- مادري انحولت او نثولت وخليت هذي للبديكير وفركت فيها قاعة ريلي خخخ وقلت لاختي تونس ناعمه طلعت خامه مو صخره او شي صلب عقب قريت انها لشي 2 :\ بس عقب ماخربتها تنتفت خخخخ..
4- للبديكير كنت بجربها بس مالي خلق وعقب ماجربت رقم 3 احس ماستفدت شي ريولي صارت اخشن مادري ليش :\
5-للمساج ..(جربتها)
رايي :
عقب ماجربت الاغلب خخخ اول مره جربتها بالراسين رقم 2 , 5 وكانت تجربه فاشله بجداره :
1- تون امم يعني تطلع جس مزعج جنه قطو ذار او ياهل موذي :\
2- الاهم من بعيد تشتغل اوكي من استخدمها توقف ماتتحرك الليفه بس الحس موجود يعني تشتغل بس من بعيد:\
3- الاخيس 2 يوم اختربت خخخخخخخخخخخخخخخ مادري ليش يمكن دشها ماي بس مو معقوله يخربها الماي او الباتري بوطقه او بالاحرى اهي بكبرها بوطقة خخ..
4- مادري وين احطها بالحمام وانتوا بكرامه كنت ماخذتها مع القوطي البلاستك مالها :\ يعني صعبة التخزين..
بس فيها مزايا تستحق الذكر:
1-استخداماتها متعدده نظر لتوفر رووس عده معاها ..
2- سهلة وعملية بتغير الرووس ..
3- رخيصه ..
4- اقدر استخدمها اوالافضل استخدامه بشكل يدوي اقصد بدون لا اشغلها ,بما انها عصاة اسهل بالتفريك ..
*ملاحظة الصور منقولة من قوقل ..
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
32 comments:
يعجبني موقفج انتج تبين تسوي اشياء ببالج حتى لو صغيرة ما شاء الله عليج انا خاطري خاطري اتعلم الرماية ادعيلي اقدر اسوي هالخطوةة
بالعااااافية عليج
وان شاء الله دوم كل شي تبينه يتحقق وكل شي فيه خير لج يصيرلج
=)
كله جذيه اتحمس واخرتها تقولين مو زينه لوول
بس شكلها تشوق صراحه
وبالعاافيه وان شاء الله تستانسين فيها
ويعطييج العااافيه _^
ياي تعيبني هالسوالف وااااااااايد
من زمااان مارحت دبي
ان شاء الله هالويكند
هع
السلام عليكم...
بالعاااافيه عليج حبوبه
والله يحقق كل أمنياتج يارب
.........
على قولتج بوطقه
هالصيني حظ
جد مرات ناخذ أشياء وتكد سنين ومرات من نوصل البيت خربانه
..
دمتِ بخير
مساء الخير :)
أولا كل عام وإنت بخير
ثانيا عليك بالعافية يارب وأخير يارورو حصلتيها :)
وإن شاء الله تحققين كل أمانيك :)
الله يحقق أمانيج وكل اللي تبينه إن شاءالله :*
كلش كلش مو دعاية للمنتج خخخ أنا استعملت الليفة اللي فيها عصاية ولونها زجاجي من بوتس ولما يكون فيها ماي ما أحطها بالحمام تكرمين كله برا عشان تحوشها الشمس وآخرتها تفتت من الحر! حدها ردية
عليج بالعافية
وعسى الله يعطيج اللي
تتمنينه وأكثر
يا اخي مدونتج تذكرني بالأنوثة وتدليع النفس اللي نسيتهم من ثالثة ثنوي يوم دخلت علمي
لوووووووووووووول
موفقة ومبدعة ديمن *_^
ماشاء الله
عليج بالعافية
:)
صارلي فتره ودي اشتري هاذي
وشكلها الي عندج يونس
شكرا ع الريفيو :)
الله يحقق كل اللي في بالج يا رب
وشي حلو التجربه حتي لو فاشله
الله يوفقج يا رب
وبالنسبه للسبن سبا احس شغل الصيني دائما ابو طقه
خصوصا اللي يجوون في ارض المعارض
بس حلو التجربه
عليــج بالعااااااااافية
بس جنة منتدى كويتيات طايح سعرها
فقلت دام سعرها طايح مامنها فايدة..
^_^
Kint sharya nafs-haa ham mn hnaak o mashtaghlaaaat .. 3ad mamidani aredha lohom aslan 7atah flos etaxi akthar mn si3irhaaa .. :(((
الصراحة من كلامج أول شي كنت بشتريها و شهيتيينييي أسيييير دراجون الصراحة يبالي أحووطه شوي من زمــــــــــان ما سرتله
بس آخر شي يوم قريت إنه إخترب قلت لا ما تنفع بدور وحجه نفسه في دراجوون أهم شي المساااج يبالي و الله
علييج بالعافية
وان شاء الله تتحق امنياتج يارب
هلا اميره ..
اهو الشي مهما كان صغير بالنسبه لي ياثر علي :)
ان شاءالله يارب تقدرين تسوين هالخطوه وكل شي بالج :)
حياج الله..
هلا هديل..
الله يعافيج..
واجمعين يارب..
مشكوره..
هلا يونيك ..
خخ اوفر عليكم :)
اي شكلها حلو بس استخدامها مو ذاك الزود ..
الله يعافيج يارب..
مشكوره..
هلا دلوعه..
مثلي..
ان شاءالله وتروحين بالسلامه وتستمتعين :)
حياج الله..
هلا نهار..
وعليكم السلام ..
الله يعافيج واجمعين يارب..
مشكوره
.........
صاجه من واقع تجربه
..
حياج الله..
هلا كوكتيل..
وإنت بخير
الله يعافيج يارب من زمان محصلتها بس توني شريتها وجربتها ..
اجمعين يارب..
مشكوره..
هلا حنان ..
اجمعين يارب..
مشكوره :*
اي جنه طيحت حظها خخخ ..
وي توقعت مالت بوتس زينه مالت بودي شوب زينه مجربتها قبل ..
وحياج الله..
هلا خاتون..
الله يعافيج ..
اجمعين يارب ..
خخخ من تتخرجين ببتفرغين لهالشغلات ..
اجمعين يارب..
مشكوره سويتي :*
هلا مي..
الله يعافيج يارب..
مشكوره..
هلا دودو..
ماانصحج فيها اهي حلوه كشكل وتحسين مفيده بس كاستخدام مو شي..
وحياج الله..
هلا ليل..
العفو ولو..
حياج الله..
هلا ذهب..
اجمعين يارب..
اي صاجه ع اقل ماحطيتها بخاطري ..
اجمعين يارب جزاج الله خير ..
لا للامانه في شغلات حلوه ..
وجوده ..
ومشكوره..
هلا فدك..
الله يعافيج يارب..
انا شفتها بكويتيات اغلى من برا غير التوصيل :\
وحياج الله..
هلا دول..
وي حتى انتي :\
عيل البلا فيها مو مني اشوه :)
وصاجه سعرالتاكسي للسوق الصيني وايد لانه بعيد :\
وحياج الله..
هلا شانيل ..
اي يونس هالسوق ..
اي لا تاخذينها ماتسوى انا قبل حطيت جهاز مساج يونس وهناك المحلات تشوق للمساج :)
وحياج الله..
هلا مدمد..
الله يعافيج..
واجمعين يارب..
مشكوره..