Wednesday, September 15, 2010
10:51 PM
السلام عليكم ..
امس كنت احوس بيوتي بار بشوف عينات الشامبو والبلسم اللي عطوني اياها اتناسب اي نوع شعر لقيت هالمنتج ..
dry shampoo = الشامبو الجاف ..
يعني يستخدم بدون ماي ع الشعر الناشف ..
وموجود باكثر من ماركه قبل جم سنه شفته ينباع بمنتدى بس مو ذاكره كان من اي ماركه :\
هذا اهو مال بيوتي بار.
والنبذه اللي عنه منقوله من سايتهم ..
إنّه شامبو جاف، خالٍ من مادة الطلق ويكافح آثار الشيخوخة. صُمِّمَ هذا المستحضر المميّز خصّيصاً ليمتصّ الإفرازات الدهنيّة الزائدة ورواسب منتجات العناية بالشعر والأوساخ بلطف وعناية فائقة.
مفعوله
يحافظ على تسريحة شعرك مدّة أطول، وينعشه بشكلٍ فوريٍّ بين الغسلة والأخرى. يعيد للشعر حيويته ويتركه نظيفاً وناعم الملمس يفوح بعطرٍ منعش.
ما الحاجة منه؟
• يساهم التخفيف من غسل الشعر في حمايته من الأضرار الناتجة عن تعرّضه للحرارة القويّة كما ومن بهتان اللون.
• إنّ 'دراي شامبو' أشبه بـ'عدّة استحمام متكاملة وضعت في عبوة'، إذ ينظّف الشعر بعمق كما لو تمّ غسله بالطريقة التقليديّة. بالتالي، فهو مناسبٌ للاستعمال في الأيّام التي تريدين تنظيف شعرك إنما تفتقرين فيها للوقت لخوض عملية الغسل والرغو والشطف مرة بعد مرة.
• هو الوسيلة المنشّطة المثاليّة التي تضع الانتعاش والحيوية في متناول يديك. أبقي 'دراي شامبو' في حقيبة اليد أو حقيبة الرياضة لإعادة الحيوية لشعرك قبل الخروج للاستمتاع بعد عناء يومٍ طويل في العمل.
• قد يكون تسريح الشعر المغسول للتو أمرٌ صعبٌ إن أردت القيام بتسريحات تتطلّب رفع الشعر، لذلك إستخدمي 'دراي شامبو' لإضفاء الحجم والرونق والملمس الناعم إلى شعرك، ما يُسهِّل عملية تصفيف الشعر النظيف.
الإرشادات: أميلي العبوة ورجّيها بلطف بالقرب من جذور الشعر لرشّ المنتج. دلّكيه بأطراف أصابعك حتىّ يتمّ امتصاصه، ثمّ سرّحي شعرك وصفّفيه كما ترغبين.
سعره : KD.9.900
وسويت سيرج بقوقل عنه وحصلت موضوعين عجبوني :
(1)
يحتوي الموضوع ع معلومات عنه وطريقة استخدامه وافضل 8 منتجات منه ..
(2)
يحتوي الماء في بريطانيا على الجير وهو أحد الاملاح المعدنيه التي تسبب تقصف الشعر,ويوصي الخبراء بضرورة عدم غسل الشعر بالماء المحتوي على هذا الملح ,ولذا لاتغسل
البريطانيات شعوروهن اكثر من ثلاث مرات في الاسبوع ,ويزكي لهن خبراء العنايه بالشعر الشامبو الجاف الذي يعد بمثابة سلاح سري للحفاظ على نظارة الخصلات .جربي شامبو Magic Dry Shampoo
الذي يعمل على تكثيف الشعر وإنعاشه في الوقت ذاته.
رايي :
كفكره مو وايد متقبلها بس احس يفيد باوقات معينه اللي مانقدر فيها نتسبح لظروف صحيه ,ولما كلش ماعندنا وقت , واتوقع يفيد وايد البنات اللي شعرهم دهني لانه مهم يتسبحون بسرعه يدهن :\
ومن ناحيه 2 مفيد للدوله بحيث انه بنوفر ماي خخخ..
في احد مجربه من قبل؟؟
**ملاحظه بيوتي بار مو سايتي ولا انا الوجه الاعلاني او الاعلامي مالهم بس جربتهم مره وعجبني منتج فضفته بس توضيح عساس مايصير عندكم لبس الله لو اهو مالي جان بدعت خخخ البضاعه اخلصه ع نفسي :)
Labels:
beauty
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
38 comments:
انا اذكر دازيلي ايميل عن منتج نفس طقه الي انتي حاطته بس ماجربته
خوفج يدبق الشعر
يعطيج العافية
اول مرة اسمع عن هالمنتج بس مو متقبله الفكرة كلش ...
اول مره اسمع فيه غريبه
شلون اغسل شعري بدون ماي ؟؟
نعيش ونشوف
يعطيج العافيه ومشكووووره
كللش مللش مو متقبلة فكرته!
الشعر لازم تطلع فيه ريحة و ما يوخرها غير التسبح والغسل
بس يعطيج العافية على هالخبر، حدج صدمتيني لووول
...
السلام عليكم وايد يعجبني بلوقج ومواضيعج بس ولا مره
أرسل كومنت علي اي شي
الصراحه الفكره كلش ما اعجبتي احس ما ينظف الشعر
زين الدهون وين تروح ؟تختفي مستحيل
احس راح يدبق الشعر من الشامبو
يسلمو علي المواضيع الحلوه
jarbeeeh 3aleech gabel b3den golilena etha yeswa wella la2 lol :P
سمعت عنه وايد واعتقد يفيد وقت الحرج احد يايج على غفلة والا ظرف طبي
بس مادري ليش احس ماينظف !
تصدقين مومتقبله فكره اغسل شعري بدون ماي
حلاته رغوه وتغمضين عيونج ويدخل الشامبو وتطلعين عيونج حمرا ههههههه
اهم شي اثار الشيخوخه وماده الطلق ؟؟
تصدقين عندي واحد من بوتس صارله سنه عندي وما ايا على بالي اجربه !!!!
أول مرة أسمع فيه
بس اعجبتني فكرته!
يصلح حق الشعر الدهني مثل ماقلتي
وحق الحالات المستعجلة
أو تخلينه بالجنطة مثل ما قالوا يمكن يدهن الشعر فجأة ;p
يعني مفيد للطوارئ :)
انا ماجربت هالشامبو بالذات بس جربت من نفس البراند... وايد وايد حلوين منتجاتهم واسعار غالية شوي بس شنو يفيدون الشعر وينعشونه... ودي اطلب من بيوتي بار بس للحين مو متحمسة...بالعافية اغراضج
يابختي معاج
انا شعري من صبغته صار دهني بطريقه مو طبيعيه
اغسل شعري والله بدون مبالغه ثاني يوم يبدي يدهن :/ لوع جبدي انا خبري الصبغ ينشف الشعر ما يسوي جذي
تسلمــين عالبوسـت المفيد
انا جربته بس من شركه ثانيه اخذته من لندن
هو مكون من بودره مضغوطه ترشينها علي الشعر وتدلكينه وبعدين تمشطينه عشان تتخلصين من البودره الزايده
مفيد حق الطوارء
شكل الشعر يكون فرش ومنفوش
بس ما يعطي شعور النظافه لكن ينقذ عند الحاجه (:
فكرته غريبة صج
مادري جربوه وشوفو ينفع لنا والا لا :)
اعتقد فكرته مثل الجل اللي نغسل فيه ايدنا من غير ماي .. بس مادري اذا يصلح على الشعر والا لا؟ :))
يعطيج العافية
مساء العسل :)
اول مره ادري عنه وبشرة
اختي يننها شعرها دهني :/
يعطيج العافيه خيتو
هلا مدمد..
تهقين ؟؟
ماعتقد يكون مثل طريقة الشامبو العادي من ناحية التدبق :\
والله يعافيج يارب..
مرسي..
هلا جيز..
حتى انا مو متقبلته بس تنفع لاوقات معينه مو بشكل دوري ..
وحياج الله..
هلا يونيك..
من قال تغسلينه بدون ماي..
اهو الشامبو طريقته جذي نفس مستحضرات الشعر ال2 ..
والعفو ولو..
وحياج الله..
هلا حنان..
شدعوه الريحه خخخ ماتطلع الا اذا قطنتي ..
وبعدين هذا تستخدمينه عقب يوم او يومين بالكثير من سباحتج ..
مو عقب مايرجخ دهن وتطلع ريحته قطع خخخ..
وحياج الله..
هلا ذهب..
وعليكم السلام والرحمه ..
مشكوره من ذوقج :)
شوفي بالنسبه لي احس للاوقات معينه مثل ماقلت عقب يوم او يومين بالكثير من السباحه مو عقب فتره لما يرجخ الشعر دهن او عقب خلطات وخرابيطنا لا احس ماينفع..
واعتقد مايدبق ..
الله يسلمج يارب..
حياج الله..
هلا سويره..
خخ الا شعري ماجرب عليه وعليه انقرض ..
وحياج الله..
هلا فيوليت..
حتى انا احس مابنظف اهو حلاته اذا مضطره مثل ماقلتي مو ع طول ..
وحياج الله..
هلا كريزي..
لا وي مو حلاته يدش بعيوني مااحب هالشعور خخ..
اهو طبعا مو مثل الشامبو العادي ولا راح نستخدمه باستمرار بس الاوقات محدده ولما نكون مضطرين بعد..
لا تدقيقين بالكلمات خخ ..
وحياج الله..
هلا الوتين..
اذا مانتهى جربيه وعطيني خبر بليز ..
ومشكوره..
هلا بوك..
اي مفيد بس مايندرى شلون النتيجه .؟؟
مادري اتهور واجربه خخخ..
وحياج الله..
هلا بخ بخ..
وين مدونتج؟؟
حتى انا جربت العينات ومبدائيا زينه..
وصاجه اسعار شويه غوليه بس اذا مفيده تسوى نقط فلوسنا عليها ..
وليش مو متحمسه؟؟
حياج الله..
هلا كوكو..
وي كلمتي الصالون اللي صبغتي شعرج عندهم يمكن عندهم حل ..
اي رفيجتي جذي شعرها دهني وايد بس اهو طبيعته جذي..
الله يسلمج يارب..
حياج الله..
هلا غير معرف..
انتي اول مره تردين بمواضيع ولا ع طول ؟؟
لانه في غير معرف كل ترد واستانس ع ردودها اتوقع انتي :)
ومشكوره ع عرض تجربتج ..
اي اهو تقزوره لمواقف معينه ..
وحياج الله..
هلا انجو..
الله يعافيج يارب..
وانتي جربي المعقم ع شعرج خخخ لا اتغشمر :p
انا اذا حصلته بمحل جدامي بشوفه اذو ولمني شكله باخذه ان شاءالله..
وحياج الله..
هلا قلب..
مساء النور والسرور..
مسائج قيمر :)
ان شاءالله تجربه ويفيدها ..
ويعافيج يارب..
مشكوره..
بيني وبينج يخوف
مع انه كفكرة حلوة
بس أكاد أجزم وركزي على أكاد أنه له مضار والكيميكال اللي فيه إلا ما تبين آثاره على المدى البعيد بس مو وايد بعيد
ما اتوقع أجازف أجرب شي جذي غلا بعد أستشارة طبيب ومعرفة التكنيك و الفكرة العلمية اللي من وراه
بس يعطيج العافية على المعلومة اليدية ولأنج مخليتنا مواكبة الحدث
*_^
مدونة ممتازة
بالتوفيق
www.abirelshouq.com-
www.abirelshouq.com/vb
ودي اجرب هالشامبو
ينباع ب سيفورا بعد
انا سامعه فيه من قبل جم اسبوع وزين انج كتبتي عنه لاني كنت ابي اعرف شنو فايدته بالضبط وشلون استعماله
ومشكوره انج سويتي هالبوست
ويعطيج الف عافيه
هلا خاتون ..
وي وي مافكرت انه مضر :\
بس عموما اهو مو اللي دايما للحالات طارئه مو دايمه وان شاءالله مايضر ..
الله يعافيج يارب..
وحياج الله..
هلا عبير الشوق..
مشكوره..
واجمعين يارب..
هلا رورو..
صج بروح اشوفه واذا جربتيه عطينا خبر لو سمحتي..
ومشكوره..
هلا امول..
العفو ولو..
والله يعافيج يارب..