Friday, September 24, 2010
11:28 AM
السلام عليكم ..
امس كنت بجولة كوكية بربوع منطقتي الحبيبه :) واكتشفت وايد شغلات حلوه فيها والاهم انه اختي اللي كنت تبي تشتري اغراض اخر شي انا اللي شريت واهي لا خخ..
ومرينا ماكس هالمحل احبه وايد والقى عنده سوالف حلوه باسعاره حلوه بس مو كل مره مرات اطلع خمه المحل ومرات اطلع ايد جدام وايد ورا ..
امهم لما كنت احاسب عطوني هالبرشور لبرنامج شكرا ..
وفكرته باختصار:
تجميع نقاط وكل ربع سنه يكافئونك ع حسب عدد نقاطك اللي تعتمد ع قيمة مشترياتك , واهو قبل اسمه نادي الامتياز تبع سنتر بوينت ..
والحلو فيه :
-فكرته (أن برنامج "شكراً" هو طريقتنا للتعبير عن شكرنا لعملائنا الأوفياء) << منقول من المؤتمر الصحفي المنشور بجريدة السياسه على لسان الرئيس الإقليمي لمجموعة لاندمارك في الكويت سايبال باسو ..(1)
-انه كسب النقاط مستمر وديم حتى بفترة الخصومات والعروض ..
-تنوع الجهات المشاركة بالبرنامج , واتوقع نه شامل 7 دول حاليا حسب ماهو مذكور بالخبر بدايته بتكون في الكويت وعمان وقطر وعقبها اعتقد باجي الدول الخليج اضافة انه قريبا سوف يطرح هلبرنامج للمره الاولى بالاردن .. (2)
*الجهات المشاركة*
هي طبعا التابعه لمجموعة لاند مارك ..
بشكل اوضح :
"ماكس" و"شوإكسبريس" و"نيولوك" و"كيرت غايغر" و"كاسا هافانا" و"سنتربوينت كافيه" و"جنغل فود كورت", إضافة إلى العلامات المشمولة سابقاً وهي "سنتربوينت" و"جونيورز" و"شومارت" و"سبلاش" و"لاف ستايل" و"هوم سنتر" و"بابريكا" و"بوسيني". (3)
وناسه اغلب المحلات المذكوره احبها :)
ولما كنت املي الاستماره ضحكت ع اجابات هالسؤال قلت لاختي باختار اني شيخه بس طبعا ماتهورت بالمستقبل احتمال اصير شيخه سهالات ماراح اسوي انقلاب لاتخافون خخ بس اخذ شيخ واصير شيخه :) الصبيان مايصيرون شيوخ مايصر احنا البنات سهالات خخ..
وهذي بطاقتي هي تكون ورقية مؤقتا لي ما ايمع 250 نقطة ..
ونظام تجميع النقاط يكون ع هالاساس :
أن البرنامج يتيح للعملاء الحصول على ما يصل إلى 12.5 نقطة مقابل كل دينار كويتي ينفقونه. (4)
ومن ورا لازم توقعون عشان ماحد يبوق بطاقتكم او يزورها :)
Labels:
عروض
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
32 comments:
حلووووه الفكره فرررش لوول
عليج بالعافيه وان شاء الله تجمعين النقاط مثل ماتبين _^
مووووفقه يارب
والله فكره حلوه ^^
=)
نايس :>
فكرتهم حلوه
اما اللقب خخخخ اول مره اشوف يحطون الشيخ والشيخه
تو يوم الخميس قالت لي عنها رفيجتي
عليج بالعافيه رورو :)
ان شاء الله تيمعيين النقاط
زادت كروت المحلات صارت اكثر من كروت البنك في بوكي
;)
هم انا احب ماكس سعارهم حلوة لا ومرات يسون تنزيلات هههههه
عليج بالعافية .. اممممم اول مرة اسمع بهالبطاقة .. واغلب المحلات اللي ذاكرتهم احبهم ..
فـ(المطيري)ـدكـ
^_^
أحسن شي يسونه ..
في الغرب أغلب المحلات عندها مثل هالنوع من البرامج والبطاقات اللي تجمعين منها نقاط على مشتواتج ويكافؤنج بسوالف حلوة وخصومات أروع..
وترى تعتبر طريقة تسويقية بعد تشجع العملاء على أنهم يشترون أكثر من هالمحلات رغبة في المزايا الحلوة والخصومات والسوالف المجانية اللي ممكن يحصلون عليها ..
خوش فكرة وعليج بالعافية :)
اي
انا طرشوه لي البيت
وايد حلو
انا عندي كرتهم من زمان
واحصل بين فترة وفترة كوبونات للشراء عندهم
تختلف قيمتها حسب مشترياتي
ياليت كل المحلات يسوون جذي
وناسة
والله فكرته وايد حلوة
وبالنسبة لي وايد أحب ماكس وسنتربوينت
عاد إن شاء الله تيمعين نقاط وايد
خوش حركة وايد حلوة وتشجع
إنزين سؤال شقاقي وحده جوهري
ما يصير أختار خيارين مثلا
د.+الشيخةو حط عند غيرها خاتون
لوووووووووووووووول
اتوقع راح يعرفون اني خوش كوستمر خخخخخ
صراحة فكرة البرنامج حلوة والمحلات اللي ذكرتيها وايد أحبها بالذات بابريكا.
يعطيج العافية رورو :*
والله حلووو
والله حلوة البادرة هذي
فايدة للكل
ع فكرة اختي شخبوطة
انا غيرت عنون البلوق
انت عندج القديم و ملغي
هذا الجديد
http://na3em8alhms.blogspot.com/
وحياج الله
انا شفته اليوم في واحد من المحلات بس نسيت اسمه
مشكوره ع البوست
يعطيج الف عافيه
هلا يونيك..
الله يعافيج يارب..
ان شاءالله..
واجمعين يارب..
مشكوره..
هلا دلوعه..
اي ..
بس انا من اخذ بطاقه محل بعد ماشتري منه خخخ..
حياج الله..
هلا هديل..
جدا..
ثانكس :)
هلا مبدعه ..
اي خخخ يرضون جميع الطبقات :)
ومرسي..
هلا طفله..
اي اتوقع توها يديده..
لانه قبل اسبوع رحت ماكس وماكانوا حاطين اعلاناته يوم ..
والله يعافيج يارب..
ومرسي..
هلا ستار..
ان شاءالله..
خخ صاجه اكثر شي بالبوك الكروت :\
ومشكوره..
هلا فدك..
بس لتنزيلات نادر ماتلقين شي حلو ..
لانه رخيص فبسرعه اغراضه تخلص ماشاءالله..
الله يعافيج يارب..
اي الظهر يديده لانه توه يعلنون عنها ..
وحياج الله..
هلا انجو..
صجه اهو مو بس جذي الغرب يتميز بالتواصل مع الجمهور بالنت بعد ..
غير العروض المغريه والهدايا الثمينه ..
احنا عندنا نفس المحلات بس لاتنزيلا ولاهم يحزنون قصدي ماك ولوكستيان ولاش ..
والله يعافيج يارب..
مشكوره..
هلا مي..
انا اول مره اشترك معاهم ..
اي والله جان زين الاغلب يسون جذي ع الاقل محلات الشايع خخخ..
وبالعافيه عليج..
هلا امواج..
ي حلوين واسعارهم احلى وجوده واغراض متنوعه..
ان شاءالله..
عاد اليوم رحت ماكس وماعجبني شي :\
خخ..
وحياج الله..
هلا خاتون..
اي يصير ليش لا ..
بس زيدي عليها رورو :)
اف كورس :)
وحياج الله..
هلا حنان..
اي حلوين ومتنوعين..
الله يعافيج يارب..
مرسي..
هلا ملاك..
الاحلى مرورج :)
حياج الله..
هلا ناعمه..
مشكوره ع التوضيح بضيفه ان شاءالله ..
والله يحيج..
هلا امل..
انا شفته بعد اليوم بماكس بس فرع غير للي سويته عندهم..
الظاهر توها مبلش..
والعفو ولو..
الله يعافيج يارب..
مرسي..
عاد توني رايحه سنتر بوينت ماعطوني
لما اروح بسال عنها
عليج بالعافية
هلا مدمد..
انا عطوني اياها بماكس واختي عندها القديمه مالتهم لم راحت ماكس قالوا جدديها بس بالتلفون ..
والله يعافيج يارب..
شكرا..