Monday, September 20, 2010
8:16 PM
السلام عليكم ..
اليوم رحت مع رفيجتي صالون ليلي فالي اهو يديد توه مفتوح من شهرين وصغيرون لبنات كويتيات وعرفته من اعلانه بمنتدى كويتيات ومن تجارب البنات ومن صاحبته بالها وسيع وتجاوب ع كل استفساراتنا عن صالونها بالنت ..
ملاحظه ماصورت شي وكل الصور ماخذتها من اعلانهم ..
الرسبشن ..
صوب الواكس والشيره والمساج ..
واهني وحده من داخل ..
بار مال الاظافر..
واللي جربته عندهم شغلتين :
الاولى :
الواكس وعندهم انواع له اهما :
واكس اللؤلؤ للبشره المفرطة الحساسيه
واكس الكرستال مبيض للبشره
واكس الزيت الزيتون للبشره الجافه
واكس الاناناس لجميع انواع البشره
واول مره اجربه بصالون اول كنت استخدم الجاهز من الجمعيات بالبيت و النوع اللي احبه قطعوه :( وكنت اعرف للريولي بس ايدي لا :\
واليوم لما جربته صج فرق عن الوسائل التقليديه :(مميزاته)
1- انظف بحيث انه يشيل الشعر القصير بعد..
2- العوار وايد اقل يعني بالنسبه لي بسيط لايذكر..
3-اسرع واحس هالشغله تعتمد ع اللي تسوي لج :)
4- وبالنسبه للصالون ميزته انه ارخص من برا وانه في انواع له ..
والشغله ال2 اللي جربتها :
اهي الحنه من زمان متشوقه اجربها ..
في عندهم اكثر من طريقه لها ..
- جلسة حنه مع خلطة واهي ب5 الجلسه والكورس ب20يتضمن 5 جلسات..
-الحنه العاديه 3 بس حنه وبخار بدون خلطه او اي شي
-الحنه منكم بس يحطونها لكم 2.5
واللي جربت اول نوع وكان كالتالي :(منقول من صاحبة الصالون)
طريقة جلسة الحنه عندي تتكون من اربع مراحل :
1- صنفرة حق فروة الراس علشان افتح المسام وأوخر القشره وبعدها خلطة زيوت وصبار طبيعي على جذور الشعر
2- بعدها الحنه على فروة الراس وكل الشعر وتحت البخار من 45 – 30 دقيقه
3- غسيل الشعر بماء دافئ علشان ما اسكر المسامات اللي انفتحت من البخار
4- بعدها ماسك طبيعي (( خلطة )) تنحط على فروة الراس وباقي الشعر وتحت البخار مدة 15 دقيقه مهمته التقويه والترطيب واللمعه بعد الحنه بعدها غسيل الشعر بماء بارد علشان اسكر المسامات اللي انفتحت من البخار
رايي :
عجبني الواكس وايد ماشاءالله نتيجته حلوه وبسرعه خلصت , الحنه شعري احس فرش ونظيف بس يبيله اكثر من مره عشان احكم ..
حبيت اللي تشتغل اسمها ماريا اهي اللي سوت اللي الشغلتين حليوه ومحترمه و هم سوت لرفيجتي عكس ال2 اللي معاها كانت فاجه ..
عنوانه :
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
24 comments:
شكله حداا نايس
ان شاء الله احاول اروح له على يوم
مشكوره ع البوست والاسعار حيل حلوه
شكله حلو وشغلهم نظيف
مشكله بالكويت ..خل يفتحون فرع عندنا :)
ونعيما ^^
شكله حلوو وايد ونظيف شغلهم
عيل اذا جربتي كذا مره قوليلنا مو تنسين بليز
ومووووفقه ياارب
السلام عليكم..
ماشاء الله شكله ناااايس
بألف عافيه عليج..
..
أعرف ناس لو سمعوا عن الحنه قصوا تذاكر دايركت الكويت
...
في امان الله
شكله حلو ونظيف
وديكوراته تهبل
ان شاء الله لنا روحة
shakla 7loo o as3arah 7lewah
حلو والله
جيه صغيرون و شغلهم اوكي
و ان شاء الله يتموون على هالحال ^^
يعطييج العافية
يمدحون شغلهم واسعارهم بالمنتدى
وفي وحده قالت عن تجربتها بالحمام المغربي او شي جذي
ابي اسوي وااكس حق ويهي بس ادري بقب علي حبوب وحساسية انا بس حدي اشيل صوب خشمي
وشلون ادوات البديكير والمنيكير يديده ولا مستعمله؟
مساء الخير
نعيما
:)
يعطيج العافية
ودي أجرب الحنة بس الصالون بعيد علي
مشكورة و ودي أجربه شكله حلو و مرتب
عجيب شكله اهم شي أنه
بنفسجي لوني المفضل
وشكله عندهم امانه بالشغل
شوقتيني
تسلمين على النقل
مراسلتنا النشيطة
*_^
هلا امل..
انا لما رحت له توقعته احلى طلع صغيرون بس حبيت شغلهم الواكس ..
والعفو ولو..
حياج الله..
هلا ام حروبي..
ان شاءالله يفتحون عندكم ..
او حياج جربيه :)
شكرا :)
هلا يونيك ..
ماتوقع اجرب الحنه مره 2 بس الواكس بجربه ان شاءالله..
اجمعين يارب..
مشكوره..
هلا نهار..
وعليكم السلام والرحمه..
الله يعافيج يارب..
..
حياهم الله
...
في امان الكريم
هلا فيوليت..
اهو ديكوره زين بس صغيرون ..
وان شاءالله تروحين له ويعجبج..
شكرا..
هلا دول..
اي :)
حياج الله..
هلا دلوعه..
ان شاءالله..
مشكوره..
هلا مدمد..
الله يعافيج يارب..
اي وعندهم حمم مغربي للتبيض ودي اجربه بس ماحبيت سالفة الخيمه وهم مو متجرءه استحي :\
مادري ولا ماجربت شمع الويه بس مدام مو زين لاتتهورين ..
الانواع اللي ذكرتها نا لجسم مو الويه..
لا شكلها مستعمله ماجربتهم بس شفتهم حاطينهم بجهاز التعقيم وانا ماحب شغل الصالونات للبديكير ولمنيكير واللون لوردي ع الاظافر..
وحياج الله..
هلا فشونه..
شلونج وان شاءالله نفسيتج اوكي..
ولهت عليج :)
ومشكوره :)
هلا حنان..
اذا عندج بريك بالجامعه جربيها :)
واهي زينه مو وااو والحلو ريحها خفيفه مو قويه ..
والله يعافيج يارب..
مشكوره..
هلا عسل ..
العفو ولو..
ان شاءالله تجربينه ويعجبج..
وحياج الله..
هلا خاتون ..
الله يسلمج يارب..
عاد هالايام طاخه خخخ..
بس بجدد نشاطي ان شاءالله..
شكرا..