Tuesday, September 7, 2010
السلام عليكم ..

اليوم البنات بالدوام يقولون اقروا او بيقرون انه المرضيات ماتزيد عن 10 ايام بالسنه عساس تحصلون الاعمال الممتازه !!!

اذا صج مو خوش قرار ..

وحتى لو بيسون المفروض السنه اليايه يبلش مو السنه ..

لانه يقولون بياثر ع تقارير هالسنه :\

فااذا صار يسمحولي قمة التخلف ..

وهالحجي بالنسيه للقطاع الحكومي :(

حسافه طافة ليلة القدر ولا جان عطينهم دعوه ارض جو خخخ..

واتمنى تكون اشاعه ومو صج :(

20 comments:

ebtsamh said...

يارب اشاعه

ولا مو خوش خبر

daloo3a said...

ان شاء الله خيير ^^

مركبنا said...

قولي لهم ..

اخونا بخصوص المرضيات انتوا شايفين الجو وغباره ..

لو انا مكاين المكاين خبرت من هل جو تبون اوادم ما تمرض !

may said...

مشكلة
بعض الناس مصخوها بالمرضيات
والظاهرة هذي زادت حيل بالفترة الأخيرة

اتوقع هذا اللي خلاهم يطلعون / بيطلعون هالقرار

الله يستر من الجاي

Unique Girl said...

انا مالي شغل بس مو خوش خبر كلللش

وان شاء الله خير الي بيصير

Anonymous said...

والله ما عندي فكرة... بس بعرف يعني المرضيات لمدة سنة كاملة و لا شنو؟

Unknown said...

يا رب لا
انا الي اعرفه قبل سنتين الي ياخذ اكثر من 15 يوم طبية ما ياخذ امتياز و بعدها صار في خصم يعني بعد 15 يوم يبتدون يخصمون من المعاش بس ما يأثر بالامتياز

Katkoota xD said...

ويي مساكين

شدعوا ما يكفون عاد

و حتى لو بطبقونه

المفروض السنه اليايه مو هالسنه

الله يعينكم بصراحة

رورو الشخبوطه said...

هلا ابتسامه..

يارب..

حده :(

ع اقل انتوا ارحم منه ماتداومون 12 شهر ..

وحياج الله..

رورو الشخبوطه said...

هلا دلوعه..

ان شاءالله..

مشكوره..

رورو الشخبوطه said...

هلا اخوي مركبنا..

اي والله ..

ومشكور..

رورو الشخبوطه said...

هلا مي..

اهو اللي مصخها باحسابه ومايقصرون بالخصم..

وصح هذا السبب اللي سمعته بس مو عذر :\

امين..

مشكوره..

رورو الشخبوطه said...

هلا يونيك..

ع ماتوظفين الا لغيين المرضيات :\

ان شاءالله..

مشكوره..

رورو الشخبوطه said...

هلا حنان..

اي ع سنه الكامله..

الحين 15 يوم اذا زادوا عن ال15 يصير خصم ع معاش نص اليوميه ..

والحين يقولون احتمال يخلونهم 10 بس ..

ومشكوره..

رورو الشخبوطه said...

هلا اميره..

احنا ياثر..

لازم 15 بس حتى لو حولتي الزياده لاجازه ..

يعطونج امتياز بس المكافاءه تقل ..

يتليعنون وانا اختج :)

ومشكوره..

رورو الشخبوطه said...

هلا كتكوته...

اي المفروض وهذا اقل شي بعد..

لانه القرار نزل او بينزل عقب نص السنه :\

وامين..

مشكوره..

Made n Q8 said...

لا عفيه

شنو هالقرارات الخورائيه

قطيعه

يعني بالسنه كلها نستمرض 10 مرات!

استغفر الله المفروض على جونا المتقلب يعطونا 20 مرضيه

خاتون said...

أنا ما في معلوم ^_^
بس وكالة يقولون حجيها وايد
وسألي الجهة المختصة و الا نطري التعميمات

رورو الشخبوطه said...

هلا مدمد..

ان شاءالله تكون اشاعه..

اي والله ..

ومشكوره..

رورو الشخبوطه said...

هلا خاتون..

واحد دعله بالاداره قال سالنا الجهة المختصه قالوا لا بس هالدعله اهو اللي يقيمنا :\

لا وقال الوحده وخله الباجي ع عماهم @@

وان شاءالله تكون اشاعه..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads