Sunday, August 8, 2010
السلام عليكم ..

من الشغلات الي كنت بجربها وسجلتها بنوتي هالكافيه وبما انه حظي حلو نسيت النوت بالبيت :\ >> الكويت

فلما رحت دبي مول اول مره تميت احوس ادور بحرف البي وكان زحمه فمليت :\

وعقب دزيت مسج لاختي بالكويت دزت لي اسمه ورحت جربته وهالتجربه بناء ع مدح اكثر من شخص جربه ..



المنيو ماله ..

انا من المدح والحجي حسبالي هالكافيه مايبع الا الصمونه طلع لا :\



وهذا اللي اخترته..

وخذيته تيك اوي لانه اللي معاي يبون يجربون شغلات 2..


كالصمونه ..


رايي :

اقل من عاديه صمونه وبنص حاطين زبده امم ماحسيتها شي يديد والمميز :\ بس الحلو انها فرش كنت بصوره عقب اول لقمه او قرمه بالاصح بس نسيت من الصدمه خليها ورحت طلب شي 2 :\

والهوت جوكلت خفيف وماصخ ..

واهم شي اللي معاي ماجربوه ولا جان شيفكني من لسانهم خخ بيتمون سنه جدام يعايروني فيه خخ..

37 comments:

Unique Girl said...

يمكن عندهم شي ثاني حلو ..!!

لووول الحمد الله ماطلبو

جاكليته said...

عليج بالعافيه
..
عسى طلبتي معاهم شي ثاني ..
:))

يابختي said...

اممم.. شكلها ما تشجع..مع اني احب المعجنات

~أم حرّوبي~ said...

بالعافية عليج ^^

Engineer A said...

شوفي انا أؤمن ان الناس أذواق ..

انا شخصياً صادفني موقفين ناس امدحولي أكل مطعم ووصلوه لي السما ولما رحت انصدمت لأن أكله أقل من العادي وماله طعم بعد!

وناس امدحولي مطاعم بصراحة كل مطعم أحلى من الثاني وعجبني بس تظل مسألة أذواق ويمكن اللي يعجبني ما يعجب غير والعكس بس التجربة حلوة أكيد :)

swera said...

ana weeen knt 3n hasowalif?! kella lahya belswega :P

bel3afia wenshallah elmarra elyaya bajrba :D

شاي الضحى said...

حتى انا سمعت عنه امدحوه خاصة الكرك

بس لما رحت دبي ما جربته لان شكله ما يشجع

بالعافيه

--------------

كل ما ادش الام اس ان بكلمج يعلق او يطفي الجهاز او كالعادة ما يوصلج الحجي

لابتوبي خرف اكثر من قبل

:(

Crazy Girl in aGood Way said...

علييييج بالعافيه

حلاتها حارة وبوقتها تنوكل .. واحلى مشروب الكرك عندهم معاها

في من التعليق قالو معجنات ... اهي سويت :)

من ناحيتي اعجبتني واعجب اخوي ومرته .. ماتفشلت لما قلت يمدحونه ههههه

رفيف said...

عليك بالعافيه رورو

موفقه يارب

مهرة سالم said...

السلام عليكم..
ما اعرف هالمحل
الصراحه ماقدرت ألف دبي مول كامل
بس المهم جربيته وخبرتينا عن نتوهق
...
في حفظ الله

ROro Mania said...

هالمحل جنه ماليزي او تايلندي شغله جذي :)
اذا رخت دبي بذوقه :)
بالعافيه ولو انه ماعجبج :p

CaRolliNa HeRrera said...

عليــج بألف عآفيـة

تصدقين على كثر روحاتي ويياتي لدبي ولا قط مرة قعدت فيه
ههه

تحيآتي لج

ChuBBy-Doll said...

Bl3afiyah .. ana no3i ajarib ba3ad 3ad ele ye6la3 ye6la3 :P~

رورو الشخبوطه said...

هلا يونيك..

اي اكيد ..

بس انا اتحجى عن اللي جربته..

اي والله الحمدالله خخخ..

مشكوره..

رورو الشخبوطه said...

هلا جاكليته..

الله يعافيج يارب..

اي لما ماعجبني رحت طلبت غدا من مطعم 2 :)

ومرسي..

رورو الشخبوطه said...

هلا يابختي..

اي عاديه صمونه بزبده..

وحياج الله..

رورو الشخبوطه said...

هلا ام حرب رب..

الله يعافيج يارب..

مشكوره..

رورو الشخبوطه said...

هلا انجو..

اي اكيد حتى انا اومن بهالمبدا ومو بس جذي ساعات انتي تجربين نفس المكان ونفس الطلب اول مره حلو والمره 2 لا ..

فماكو مقياس للاكل :)

وحياج الله..

رورو الشخبوطه said...

هلا سويره..

عكسي انا مابي سوق ابي اجرب سوالف 2 :)

ان شاءالله..

والله يعافيج يارب..

مشكوره..

رورو الشخبوطه said...

هلا جايونه..

الكرك ماجربت خاطري اجربه بالمرات اليايه ان شاءالله..

انا لما شفتها انصدمت :\

والله يعافيج يارب ..

مرسو..

--------------

وهو البرنامج نفسه مخرف لاب توبج يحتضر الظاهر درا انج بتغيرينه فتيليعن..

وانا كل ما برد عليج القاج بالخارج..

رورو الشخبوطه said...

هلا كريزي..

الله يعافيج يارب..

اي انا كليتها بنفس المجمع بس ع ماوصلنا صوب المطاعم..
والكرك ودي اجربه مع اني مو وايد مع الجاي..

صج انا حسبالي صمونه عاديه خخخ..

اي اشوه خخخ وبالعافيه عليكم يارب..

حياج الله..

رورو الشخبوطه said...

هلا صحوه..

الله يعافيج..

واجمعين يارب..

مشكوره..

رورو الشخبوطه said...

هلا نهار..

وعليكم السلام والرحمه..

انا ماتوقع لفيته كامل بس ع طول ادور بالخريطه واروح للمكان اللي ابيه وطبعا اذا لقيت شي بويهي ادشه خخ..

اذا تحبين هالسوالف جربيه :)

شكرا..

رورو الشخبوطه said...

هلا رورو..

والله مادري ماثبت ..

ان شاءالله..

الله يعافيج يارب خخ..

ومشكوره..

رورو الشخبوطه said...

هلا كارولينا..

الله يعافيج يارب..

خخ ان شاءالله بالمرات اليايه ..

مشكوره..

رورو الشخبوطه said...

هلا دول..

الله يعافيج يارب..

اي ياحلات التجارب خخخ..

متعه خصوصا لما تصيب ..

ونكسه اذا كنت ميمعه ناس يجربون معاج :\

وحياج الله..

AM.SA.CHANNEL said...

بالعكس لذييييييييذ .. أنا وايد أحبه لو ما طلبتي هوت جوكلت لو طلبتي جاهي حليب أحلى

ما تدرين شقى أحب خبزتهم بس وحده تكفي لأنها متروسه زبد

Made n Q8 said...

علييكم بالعافية

بس شنو ميزته هالكافيه ماعمري سمعت فيه!!

Anonymous said...

شكل الصمون حلو بس المشكلة الزبدة :S
عليج بالعافية ان شاءالله

رورو الشخبوطه said...

هلا شانيل..

اهو الكرك قصدج او غيره؟؟

ماطلبته لانه مو واايد احب الجاي بس ودي اجربه ..


اي انا ماكملته :\

وحياج الله..

رورو الشخبوطه said...

هلا مدمد..

الله يعافيج يارب..

مثل ماقلت مادحين صمونته قلت اجربها :\

وحياج الله..

رورو الشخبوطه said...

هلا هوبيلس..

بالعكس الزبده محليها بدونها بتطلع صمون اقل اقل من العاديه :\

والله يعافيج يارب

مشكوره..

AM.SA.CHANNEL said...

هي هو نفسه جاهي حليب هو الكرك
بس الكرك زيادة جاهي

رورو الشخبوطه said...

اها مرسي شانيل..

خاتون said...

ههههههههههههههه
مسكينه أكيد فرحانه كنتي وفجأة
لوووووول شعور صعب بس تجربة و مرة ثانية لا تسمعين كلام اللي قالوا لج
و عليج بالعافية
^_^

رورو الشخبوطه said...

هلا خاتون..

ياشماته خخخخ..

لا مو هالدرجه جان احبطت ..

اهو قريت عنها بالنت يمدحونها وانها مزيج بين الحلو والمالح اخر شي طلع صمونه بالزبده :\

الله يعافيج يارب..

مشكوره..

Anonymous said...

allaaaah mafee a7la menah. wallah 3ageeb wa marah 7elo

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads