Monday, August 30, 2010
السلام عليكم ..

العام باخر شهر 12 رحت معرض العطور وهناك كالعاده خمطت مع اني مفلسه :\ وكاهم قشي (هنا)

ومريت بيت الصابون اللبناني ع ابو ابي اشوف خلطه عندهم عاد قالي انه عندهم عرض ..

انه اذا شريت هال3 شغلات :

(1)

سنفرة بالشوكولا ..

مكتوب ع المغطاة :

انها منعمه ومجدده ..

وع القوطي مكتوب :

- الخصائص:

تقشير طبيعي للجسم بالشوكولا المضاده للهرم منشط ومنعم غني بالمغنيزيوم المريح للاعصاب والهرم .يساعد ع ازالة الخلايا الميته والاوساخ .

-الاستعمال :

مرتين بالاسبوع قبل الحمام او المغطس , فرك الجسم به بحركة دائرية والتشديد ع المناطق الخشنة ويتم غسلة بالماء الفاتر .

*رايي :
امم من خلال استخدامي لها اكتشفت اني مااحب ريحة الككاو :\ اهي زينه مو ويع بس مو من الروايح المفضله عندي , اما النتيجة اللي حصلت عليه اول شي عيبها انها تزيت الجسم يعني لما اغسلها جني حاطه طبقة زيت ماحب جذي :( بس عادي يروح بالصابون و الحلو فيها تعطي نعومه حلوه للجسم ..

(2)
*الخطة الملكية بالشبه *
قبل لا اتحجى عنها لازم اوضح انه الخلطه الملكيه في منها نوعين هذي اللي بالشبه وال2 اعتقد بالكركم ..

اخترت هذي لانه تناسبني اكثر ال2 اعتقد كانت للكلف والحمدالله مافيني هالشي ..

مكتوب ع المغطاة مثل ماهو مبين عندكم :

لتبيض الاماكن الداكنه من الجلد وتوحيد لونه..

وع العلبه مكتوب :

-الخصائص:
خلطة ملكيه مبيضه ومنعمه للاماكن الداكنه من الجسم . تضب المسام فتنعم الجلد وتهدئ التحسس فيه , توحد لون البشره وتعطيها الاشراقة .لها مفعول مزيل للتعرق ولرائحة الجسم .
-الاستعمال :

مرتين في الاسبوع للوجة اوالجسم ,يرغى على الجلد ويترك لمدة 5 دقائق ثم يفرك بالليفة ويشطف بالماء الفاتر.
يستخدم مع الحمام البخار او الحمامات المغربيه .

رايي:

امم الصراحة مالتزمت بطريقة الاستخدام , بس عموما الزين يفرض نفسه بس نفسيا ماشفت اي تغير حتى لو بسيط هذا بالنسبه لجسمي لويهي مره استخدمتها او مرتين وقفت لانه اخاف استخدم اي شي لويهي بروح بسرعه يقب اهي اهي..

سعرها :
15 د.ك


(3)

*كريم للجسم بالبابونج*
مكتوب ع المغطاة :

مريح للاعصاب ومهدئ ..

اما العلبه فمكتوب عليها :

-الخصائص:

كريم للجسم بزيت الزيتون مرطب غني بالمواد المغذية والمهدئة كالبابونج , العسل والشوفان .

-الاستعمال :

يستعمل لترطيب الجسم خاصة بعد الحمام ..

*رايي :
كمرطب زين ويتم فتره طويله تقريبا يوم او اقل بشوي يعني لما تغسلون تحسون فيه , اميمتي عاجبتها ريحته اول كنت احط ميبو كل مادش تزفني خخخ..

سعره مو متاكده ي10 او 8 ..

لانه الاغراض ال3 طلعوا ب33 اذا ماخب ظني :\

وعطوني هالشغلات هديه :


اهماالصغار اللي جدام صابونتين وسنفرة ويه ..

مو ذاكره اسمهم الذاكره عندي ميح :\ بس الصابونه هذا من احلى الشغلات اللي جربته منهم حبيت وايد احس حلاتايدي مادري شلون اوصفها لكم وحدة لونها - صفتها احس بكتب فيها قصيده خخخ..

والسنفره توني استخدمه هم تخلي طبقة زيته خفيفه للويه بس تنفع للبشره الجافه مثلي اريح بدال لا احط مرطب :)

+

صابونة الشبه قلت لكم عنها من قبل (هني)

وبس جنه طولت خخ..

اي دايما انسى :

p.s : هذي تجربتي الشخصيه البحته عادي جدا امدح شي ومايولمكم لانه في وايد اختلافات ..

- طريقة الاستخدام..
-نوع البشره..
-تفاعل الجسم ..

34 comments:

هديــل said...

بالعافية عليج

سنفرة شوكولا مادري شلون

تذكرت لما مرة طلعوا معجون كاكاو لوول

ثانكيو =)

alB6h said...

وعليكم السلام
توني من قبل جم يوم ماصار لي اسبوع
رحت انا ومرت اخوي وخمينا وايد سوالف
لما الحين ما جربت شي بس سنفرة اللي
ع كاكاو ما حبيت ريحته ماادري
حسيته كاكاو خايس في احلى.
خذيت من عندهم صابون وشغله جنها
صابونه بس مو صابونه تنحط ع الجسم
حبيته ريحته وان شاءالله بجربهم
والله يستر

يعطيج العافية

Anonymous said...

شكلي بروح اجرب و اشوف شو عندهم

تراني daloo.oo3atuae ^^

ROro Mania said...

انا عندي سنفره كاكاو مالت بودي شوب
انا احب ريحه الكاكاو و عندي صابون بعد من ماركس :)

شوقتيني على سنفره الشبه
موجود بالكويت هالمحل و لا بس بالمعرض ؟
انا خبري اكو محل صابون بالافينيوز فيس تو فوق مادري تحت بالداعوس اللي يم بربري بس ناسيه اسمه :\

bokeh of magic * said...

تسلم ايدج على هالمواضيع الحلوه
مشكوره :)

Anonymous said...

يعطيج العافية و ألف عافية أنا ما أواطن ريحة الكاكاو بالجسم بس يمدحون كريم الكاكاو لشد الجسم. هالمحل كل ما أبي أدشه أتردد لأن أحس اللي يشتغلون فيه نشبة و يعلقون بالبلعوم لين يخلونج تشترين غصب

مشاكس said...

شفييييييه صابون رقي زين :) بس ما اقول الا مثل ما قال العم بوصالح ( الروس نامت و العصاعص قامت ) من بعد صابونه العجيب قمنا ناخذ مال لبنان

الكويتي انفع يا بنت الناس :) بس

بطوفها لكم هالمره بس المره اليايه ترى شكاي

سين لام يعني سلام

ميمة السبيت said...

** صباح الخير

جربي سنفرة الليمون مع الجنجر ريحتها وايد حلوة

اما الشبه طلعت قيم اوفر

Made n Q8 said...

يعطييج العافية

عاد اتصدقين السنفره تكرمين للحين بالحمام

هبيت جم مره استخدمتها وما استمريت كل عاده ام هبه!

يتراوالي انتهت لان مده صلاحيتهم سنه

mazyona said...

شكله المنتجات حلوه
تسلمين رورو

maram said...

تسلم ايدج على هالبوست الحلو
مشكوره :)

elham bakhour said...

مشاركتنا تجربتك للمنتجات
تمنحنا فرصة للتعرف عليها قبل
المسارعة لشرائها
وفي
الحقيقة هو مجهود تشكرين عليه
لذلك سعدنا بالتنويه عن مدونتك عبر
صفحة
vimtoarabia
على موقع الفيس بوك
لمنح معجبي فيمتو متعة الاطلاع على جولاتك الممتعة والاستفادة من تجاربك

شكرا مرة اخرى :)
الهام بخور
محررة vimtoarabia

قلب طفله said...

صباح الورد :)

كل اللي اخذتيهم ما جربتهم
بس لا يطوفج سنفرة الزنجبيل بالليمون عجييييبه نعومه و طراوه و هم الخلطه الملكيه بالكركم جنها صابون مغربي عجيبه و صابونة الويه اللي بالكركم عن تجربه هذول ربعي :)

و اللي ما يدلون بيت الصابون اللبناني فرعهم اللي بالافنيوز بداعوس يم بربري و روائع جنيف و السبا

ri7ana said...

عليج بالعافيه
يعني ماجرب عندهم الا الصابونه :P

رورو الشخبوطه said...

هلا هدوله..

الله يعافيج يارب..

مو بس سنفرة ككاو فيه عندهم ماسك الككاو ..

وبالجمعيات هم في ماسك ككاو وشامبو وبلسم والخ ..

بس معجون ماشفته بشوفه ان شاءالله..

ولكم ..

رورو الشخبوطه said...

هلا بطه..

خخ انا كنت ادور سوالف ع ككاو فجاءه يتلي هالهبه بعد فتره ان شاءالله بحط لكم ماسك الككاو وان شاءالله..

وريحتها مو ذاك الزود صاجه..

بالعافيه عليكم الاغراض شوقتيني اشوفهم خخخ..

مامنهم مضره ان شاءالله لانهم طبيعين ال2 شنو اسمها مو مكتوب عليها شي؟؟

الله يعافيج يارب..

مشكوره..

رورو الشخبوطه said...

هلا دلوعه..

وان شاءالله يعجبج :)

حياج سويتي..

رورو الشخبوطه said...

هلا رورو ..

عندي بعد ماسك الككاو جربتيه؟؟
من الجمعيه مو منهم ..

واهما عندهم بعد هالشغله بس ماخذيتها وشميها جود تعجبج وجان تبين مالتي ماتغلا عليج خخ..

اي موجود بالافنيوز وجنه بالبيرق بعد..

اي هذا اهو اذا ماخب ظني :)

ومرسي..

رورو الشخبوطه said...

هلا ماجيك..

الله يسلمج يارب..

والعفو ولو..

حياج الله..

رورو الشخبوطه said...

هلا حنونه..

لا ريحتها مو قويه بالجسم لانه اغسل عقبها بصابون ..

الله يعافيج يارب ..

مشكوره..

اي اغلبهم جذي ماحب هالحركات :\

رورو الشخبوطه said...

هلا اخوي مشاكس..

جنه مجربته قبل :\

بشوف شنو فوايده واذا والمني بجربه مره 2 ان شاءالله..

خخخ عند منو؟؟

حياك الله ..

رورو الشخبوطه said...

هلا ميمه..

صباح النور..

ان شاءالله بس فايدتها شنو؟؟

والشبه زينه للتعرق :)

اكثر من التفتيح..

ومشكوره..

رورو الشخبوطه said...

هلا مدمد..

يعافيج يارب..

انا بعدهم باجيلهم جم شهر اتوقع انتي مثلي ..

حتى انا وخصوصا اذا شفت انه الشغله مالها اي نتيجه مرضيه..

ومشكوره..

رورو الشخبوطه said...

هلا مزيونه..

الله يسلمج يارب..

وحياج الله..

رورو الشخبوطه said...

هلا مرام..

الله يسلمج يارب..

والعفو ولو..

حياج الله..

رورو الشخبوطه said...

هلا الهام..

مشكوره اسعدني هالشي :)

والله يعطيج العافيه يارب..

رورو الشخبوطه said...

هلا طفله..

صباح النور والسرور..

عاش من شافج :)


شوقتيني عليهم ان شاءالله اجربهم :)

مشكوره :)

رورو الشخبوطه said...

هلا ريحانه..

الله يعافيج يارب..

جربي اللي يوالمج مابي استاثم فيج هه..

وحياج الله..

Summer said...

shakil sh'3ilhom zain!!

sa5er said...

البابونج هذا مال ولدي الصغير ..
يسمونه "ماي لوبه" .. ولا انا غلطان ؟

رورو الشخبوطه said...

هلا سمر..

زين مو وااو..

وحياج الله..

رورو الشخبوطه said...

هلا اخوي الساخر..

سالت امي تقول لا مو اهو ..

وحياك الله..

خاتون said...

تسلمين وياحلو هالتجارب كثري منها
منكم نستفيد عزيزتي

وعسى الله يحليج وينور ويهج

^_*

رورو الشخبوطه said...

هلا خاتون..

الله يسلمج وان شاءالله..

بعد عمري اجمعين يارب..

ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads