Saturday, August 14, 2010
السلام عليكم ..

اليوم وصل طلبنا من كبب وفطاير والخ ..

كنا طالبينه يوم الخميس ..

الطلب قسمين قسم لاخوي و قسم لنا هذيل ملوتنا..

كبة دياي بالكرافت ..
كبة برغل
كرواسان مشكل ميني ..
كبة بطاط ..
فطاير مشكل سواريه << يعني كاشخه لعرس خخخ..

هذيل نماذج منهم ..

اممم الفطاير والكرواسان شويه يابسين انا توقع منا لانه في بعضهم احتراقوا من فوق فقلت للخدامه تدهنهم بزيت :\ ولا شرايكم في طريقه احسن ؟؟

وهم كبة البطاط تفلشت اتوقع لانه دهن حار:\

مميزاتهم :

1- طعهم زين مو وااو..

2- حجمهم صغير ينفع للتقديم او للرجيم ..

3-اسعارهم رخيصه مالقيت اعلانهم كنت بتاكد من اسعارهم بس هذيل كلهم تقريبا ب9 وشي..

4- توصيل مجاني للبيت ولكل مناطق الكويت ..

امم انه الطلبيه توصل عقب جم يوم ميزه اذا كان الطلب متجهز خصوصي لنا يعني فرش :)

دورت عيوب مالقيت مخي فازي :\

عنوانهم :

صبحان الصناعية

تلفونهم :

24724443

26 comments:

~أم حرّوبي~ said...

عليكم بالعافيه ^^

خاتون said...

بدزه ايميل مدام منتج وطني بدعمه
و تسلمين على التبليغ
و عليكم بالعافية و مطرح ما يسري يمري
^_^ تشكرات جزيلات

BookMark said...

مشكورة بجربهم
لأن مبتلشين بالكبب السنة :/
الي طلبنا ومادري شصار عالطلب
والي اوصولوا ومادري شلون صايرين
وسانديا ما نتجرأ نطلب منها تسوي شي
يالله تلحق على لوية الفطور :/

هديــل said...

بالعاااااااافية =)

bu-saad said...

يا حبكم حق هالسوالف...

؛)

عوافي

مهرة سالم said...

السلام عليكم..
عليكم بالعافيه
عاد أنا احب شي إسمه كبه خصوصا باللبن
..
في حفظ الله

Unknown said...

etha el kuba shway tetfalal saweeha belfren bs reshay fee cooking spray eybee3ona
beljam3iya ;)

ZeeZoo said...

والله اختي دقت عليهم وطلبت وقالوا راح يوصلون بعد يومين ومرت هاليومين وماوصلوا لنا :(

قلب طفله said...

حقول لماما عنهم عشان
اكون انا بعيده *_^

بالعافيه عليكم :)

Anonymous said...

بالعافية ان شاءالله
نصيحة لا تقلين الكبة نهائيا
ترا احنا جربنا بالبيت نقليها بكل الطرق و اخرتها تفكك و تخرب و من داخل باردة
أحسن حل الفرن الكهربائي الصغير حطها فيه 20 دقيقة و ادعيلي

ROro Mania said...

يشوقون
خصوصا كبه الدياي بالكرفت شكلها عجيب
يبيله :p

alB6h said...

وعليكم السلام
عليكم بالعافية
حدي اشتهيت الكرواسان

Anonymous said...

مساء الورد
رورو من زمان عن بوستاتج الونيسه :)
مبارك عليج الشهر

امم انا أقطر عليهم ماي لانه يخليهم لينين شوي و مو ناشفيين :p

يااي شهيتيني بكبة برغل باللبن
مشكوووووووووره ;*

رورو الشخبوطه said...

هلا ام حروبي..

الله يعافيج يارب..

مشكوره..

رورو الشخبوطه said...

هلا خاتون..

معا ندعم المنتج الوطني :)

في كويتي << شخباري..

الله يسلمج ويعافيج يارب..

عفوات ..

حياج الله..

رورو الشخبوطه said...

هلا بوك..

العفو ولو..

اهما ترا مثل مستوى وطعم ملوت الجمعيه في نوع لذيذ لي حصلته بقولكم عنه ان شاءالله..

وحياج الله..

رورو الشخبوطه said...

هلا هدوله..

الله يعافيج يارب...

مشكوره..

رورو الشخبوطه said...

هلا اخوي بوسعد..

بالاكل انتوا تغلبونا :)

والله يعافيك يارب..

مشكوره..

رورو الشخبوطه said...

هلا نهار..

وعليكم السلام والرحمه..

والله يعافيج يارب..

عاد اليوم سوينا بس اختي تقولها نقصها شي وتصير احلى لي ضبطت بقولكم ان شاءالله..

وحياج الله..

رورو الشخبوطه said...

هلا زبوطه ..

صج مشكوره ع النصيحه بطبقها ان شاءالله..

رورو الشخبوطه said...

هلا زيزو..

وي وليش ماكلمتوهم عقب؟

احنا طلبنا الخميس وقالوا بيون السبت ..

الظهر اهما عند الباب ..

وحياج الله..

رورو الشخبوطه said...

هلا قلب..

الله يعافيج يارب..

وان شاءالله تستمرين وتضعفين بصحتج يارب..

حياج الله..

رورو الشخبوطه said...

هلا حنون..

ع حسب مو كل الكبب تتبطل حسب النوعيه ترا..

والله يعافيج يارب..

اهي تصير ميمده من داخل اذا ع طول غليتيها اما اذا طلعتيها فتره وخليتي الثلج يذوب بتصير زينه ان شاءالله..

وبجرب طريقتج لانه فرن الكهربائي حاطينه ديكور :\

ومشكوره..

رورو الشخبوطه said...

هلا رورو..

انا اكثر وحده عجبتني اهي واهلي عادي عندهم :\

وحياج الله..

رورو الشخبوطه said...

هلا بطه..

الله يعافيج يارب..

اي اهو حلو بس طلع يابس حسافه او معنى ادق مقرمش حاليا انا ماحب جذي ..

بس طلع احنا غلط لانه ينقلي واحنا حاطينه بالفرن :\

ماكو الا اطبق فكرة زبوطه عليه :)

وحياج الله..

رورو الشخبوطه said...

اهلين سارونه..

مساء النور والسرور ..

عاش من شافج استانست لما شفت ردج :)

علينا وعليج يتبارك يارب..

عقب ولا قبل لا اندخلهم الفرن؟؟

سكتتي جربتها اليوم طلعت نص ونص بجرب طريقة 2 جود تضبط..

العفو ولو..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads