Thursday, July 22, 2010
السلام عليكم..

اول هالشهر مريت الديسكفري وشفت هالفته تونس بس ماقدرت اصورها الا اليوم ..<< مادري من متى موجوده شفتها لانه رحت مع رفيجتي فاول مره اشوف مواقفهم , العاده انزل عند الباب..

بالبداية استغربت بس هم نفس الوقت استانست انه مخصصين مواقف خاصه للحوامل وخصوصا انها بتروح هالمجمع ومعاها ياهل فبدال لاتعابل بنفسها وباليهال ,توفير هالشي وايد يريحها ..




موجود بمكان 2 ولا بس الديسكفري؟؟

انا اول مره اشوفها بهالمجمع ماشفتها بمجمعات 2 ..

46 comments:

Hadeel said...

هههههه
ما انتبهت له ولا مرة

ساره النومس said...

وليييه الحين الكل يحمل

والحين الكل ياخذ معاه حامل بكل طلعة سوق

الكويتييين ماحترموا ذوي الاحتياجات الخاصة علشان يحترمون الحامل ..

حامل ؟؟ وخير ياطير يعني نرقص لج ؟

خل يمشون ترا المشي رياضة حق الحامل :)

رورو الشخبوطه said...

هلا شي..

انا انتبهت له لانه جدامي ..

وحياج الله..

رورو الشخبوطه said...

هلا طموحه..

@@

بيه شفيج..

خل يحملون الله يزيدهم خخخ..

توني ادري في بطاقه حمل :\

لا تجمعين مو الكل جذي ..

هو يا حافظ علامج معصبه ..

مو كل وقت زين واهو مو لازق يم المجمع في فجه ..

مشكله الواحد لم يفكر بنفسهم وبس :)

Made n Q8 said...

الله وناسه اول مره اشوفها

عيل بحطلي مخده بدبه سيارتي عشان اذا مالقيت موقف بحطها ابطني خخ

يابختي said...

رورو..اثاري المواقف للحامل..انا حسبت للحريم بس,,,

اكو بمارينا مول بس مو للحمل.. للنساء...اشوف الاعلان بس ولا مرة شفت المواقف نفسها..شكيت بعمري

اقول رورو..انا خابره ديسكفري لليهال وفيه العاب..انتي شنو موديج؟؟؟

جاكليته said...

ههههههههههههه

اللي حامل بتوأم .. لها موقفين ؟؟؟
!!!

:))

Maram said...

فكره حلوه , بس اشك الناس يتقيدون صج أذا ذوي الاحتياجات الخاصه ما حترموا مواقفهم الحين بيحترمون مواقف للحوامل ؟؟
بس أرد و أقول فكره حلوه يراعون ظروفها
يعطيج العافيه

swera said...

ya slaaaaaam wallah 7rakat lol

Anonymous said...

ماشاءالله تطورنا و صكينا على باجي
الدول المتطورة و اللي تحترم النظام

بس ظلم::p

Katkoota xD said...

أنا أول مرة أشوف هل لافته بالكويت
بس حلوه الفكره
بس انشالله الناس يقدرون

شاي الضحى said...

اي صح كنت شايفتها قبل فتره

بس ما شفتها الا بديسكفري

:)

ebtsamh said...

والله شيء حلو

الله يجزاهم خير

alB6h said...

وعليكم السلام
وناااااسه فرحتيني احس في اهتمام بديرتنا الحبيبة .. الحين الواجب علينا نحترم هالشي ونشجع عشان يحطون حق اغلب المجمعات الثانية ..

يعطيج العافية:)

Gray said...

بالعكس الفكره حلوه
في حريم يتعبون بالحمال

و انا اقول خلونا نتفائل شوي بس شوي! اذا كل واحد ضبط نفسه
و قيم افعاله و احترم النظام الاكيد ان الوضع ماراح يكون جذي :)

BookMark said...

ما مر علي !

أذكر مرة شفت بالافنيوز موقف أم وأبو وعربانة ياهل

مافهمت شنو يعني موقف للعائلات فقط؟ ;p

خدمات البحث العلمي said...

مره فكرتهم حلوه

ورااقيه

بمراعاتهم لضروف الحمل والتعب

mazyona said...

حلو الفكره
المفروض يسوون بعد موقف للأم اللي معاها يهال

le Koweit said...

الديسكفري هذا مجمع؟
@_@

Anonymous said...

حلو شكل اليافطة تذكرني بمستشفى الولادة لول زين يسوون وجان زين لو تنتشر بكل مكان مو بس بسكفري عن نفسي توني أشوفه ومادري عنه..

ثانكس

هديــل said...

ما شاء الله يراعون الحامل والله زين

اول مرة اشوفها

مشكورة :)

قلب طفله said...

ما شاء الله خوش شي
اول مره اشوفها و ادري عنها
ربي يقوم كل حامل بالسلامه
و يعطيهم العافيه اصحاب الفكره

نـ(المطيري)ـازكـ said...

ههههههههه يونس حتى لونة كيوووت ..

حلوة فكرتهم ان حتى المرة الحامل يحطون لها موقف خاص .. لان ما شاء الله مجمعاتنا كبيرة والمصافط اكبر .. وي ع ماتوصلين عند الباب ينهد حيلج

قواج الله ^_^

Reem AlOnaizy said...

جميلة جداً
و يعطيهم ألف عافية اللي احترموا موقف الحامل



وعلى فكرة مو كل حامل زين لها المشي
يا كثر اللي يحوشهم نزيف و أشياء و مرات يمنعونهم حتى من الطلعة من البيت
و ينقمتون من الحبسة



لأني مريت بحمل صعب
أقف احتراماُ و تقديرا لديسكوفري
صج لفتة جميلة

:)

خاتون said...

حركة غريبة و وايد حلوة
الله يعطيهم العافية ما قصروا
حلاته شباب ايون و يا خذون الموقف
احلى شي ردت فعلهم لمن يتجمهرون الناس و يطيحون له خز فيهم
لووووووووووووووووووووووووول

رورو الشخبوطه said...

هلا مدمد..

لا خخخ مو خوش فكره :p

ومرسوو..

رورو الشخبوطه said...

هلا يابختي..

اي للحوامل..

اي انا هم شفته بس ماجربتهم ماتوقع يدخلوني له لانه مع سايق بس هم فكرته حلوه..

رايحه العب سايقنا خخخ لا اتغشمر اهو مو بس لليهال في الوطنيه وفي مطاعم فوق بعد ..

وحياج الله..

رورو الشخبوطه said...

هلا جاكليته..

خخ ليش حوله :p

واحد ويخب :)

حياج الله..

رورو الشخبوطه said...

هلا مرام..

الله يعافيج يارب..

اي حلوه الفكره واحلى الانضباط واذا انا وانتي وغيرج احترمنا يعني الاغلب احنا بنسوي اللي علينا والباجي لازم يلتزم ..

مشكوره..

رورو الشخبوطه said...

هلا سويره..

حركات مفيده :)

حياج الله..

رورو الشخبوطه said...

هلا هوبيلس..

ليش ظلم؟؟

وجان زين نلتزم بالقوانين..

وحياج الله..

رورو الشخبوطه said...

هلا كتكوته..

ان شاءالله..

مشكوره..

رورو الشخبوطه said...

هلا جايونه ..

اي مثلي عيل..

مرسو :)

رورو الشخبوطه said...

هلا ابتسامه..

ولك بالمثل..

مشكوره..

رورو الشخبوطه said...

هلا بطوطه..

اي ان شاءالله..

والله يعافيج يارب..

مشكوره..

رورو الشخبوطه said...

هلا قري..

صاجه هذا المفروض ..

يارب نكون جذي حزتها صج بنتطور..

مشكوره..

رورو الشخبوطه said...

هلا بوك مارك..

خخ تهقين موقف عائلي حشى دلاغ مو موقف خخ..

وحياج الله..

رورو الشخبوطه said...

هلا مبدعه..

صاجه..

حياج الله..

رورو الشخبوطه said...

هلا مزيونه..

باجي المواقف كلها لكم خخ..

لانه ماتوقع صبيان ايروحو له وايد..

وحياج الله..

رورو الشخبوطه said...

هلا لو كويت..

اي مجمع اغلبه محلات يهال وفي مطاعم وفي مكتب للوطنيه الطيران..

ليش توقعته شنو؟؟

وحياك الله..

رورو الشخبوطه said...

هلا اخوي قلم..

اي جان زين..

ولكم ..

حياك الله..

رورو الشخبوطه said...

هلا هدوله..

اي وايد زين..

العفو ولو..

حياج الله..

رورو الشخبوطه said...

هلا قلب..

امين يارب..

ويعافيج يارب..

حياج الله..

رورو الشخبوطه said...

هلا فدك..

اي احلى شي لونه خخ طبعا عقب الفكره..

صاجه..

يقويج يارب..

مشكوره.

رورو الشخبوطه said...

هلا ديم دام دوم..

حلو اسمج حبيته ..

الله يعافيج يارب..


اي واللي اعرفه انه المشي كثرته مو زينه لها باول الاشهر..



ان شاءالله حمالج الياي يكون سهل والله يحفظ ضناج يارب :)

حياج الله..

رورو الشخبوطه said...

هلا خاتون..

الله يعافيج يارب..

خخخ بيطلع شكلهم مصخره..

انا لما مريت حسبالي سايقنا واقف مكانهم كنت بنحاش واسوي روحي مااعرفه خخخ..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads