Sunday, July 18, 2010
 السلام عليكم ..

قبل فتره اختي نهار اهدتني هالتاج :)

ماذا ستكتب لنا لتعبر عن حياتك التي عشتها إلى الآن في كلمات قليلة ؟


حياة بسيطه روتينيه مع ناس بسطه لهم معزه كبيره بقلبي وبدونهم ماكنت اقدر اعيش 

من ستختار ليمسح دموعك ؟

مع اني بجايه بس كثر مااقدر ماابجي جدام احد ..



لو خيروك بين حبيبك وبين اعز صديق فمن تختار ؟



يعتمد ع موقف الي دعاني للاختيار بس افضل اوازن بينهم .



من يسكن قلبك؟



مادري والله طلوا وشوفوا خخخ اتمنى يكون عامر بالايمان وطاعة الرحمن ..

هل تعتقد أن حظك سيئ؟



هذا السوال ياجج مشاعري اللي يعرفني يعرف انه حظي اللهم لا اعتراض خايس الا شوي ..بس الله كريم وبيتعدل ان شاءالله..



.هل هزمك حزنك في يوما من الأيام؟



لا الحمدالله..



.((مستحيل أنساك)) لمن تقولها ؟



ديده .. << يدتي ام امي..

.(( اللي راح راح وما تفيد كلمة ياريت ))

إذا أردت أن توجه هذه العبارة لنفسك, فماذا تقصد بها ؟



لنفسي ..

.(( أنت كل شيء بحياتي )) لمن تقولها ؟



امي واهلي ..



متى أخر مره بكيت؟



امس

أي الدول تتمنى أن تزورها ؟



حاليا خاطري بجزيره بس حق الناس الحبيطه اللي اسمهم يبدي بجايونه ومدمد مابي فيلجا ابي هاواي او مالديف..

والعام كنت ابي ديزني امريكا ومايمنع اسوي كروز وعقب امر الشلالات واسوي ترانزيت وامر شرق اسيا وعقب اريح باي جزيره 2 وعقب ارد لحبيبتي الكويت وجان في اوربا ماعندي مانع بس مااحبها وايد ..



هل لديك الجرأة أن تقول عمرك أمامنا ؟



طبعا وبكل فخر 23 و5 اشهر واسبوع عساه ع قولت امي هدد مو عدد 



هل أنت راضي عن نفسك ؟



الحمدلله



هل تؤيد الزواج العاطفي أم الزواج التقليدي ؟ ولماذا ؟



مو المهم طريقته المهم الريل يكون سنع شالفايده افلام وحبني وحبك وعقب يطلع خياس :\

واساسا انا مااضبط لهالدور ولله الحمد دقه قديمه 

يعني عجبته وخطبني ياهلا بس نظام مكالمات موعد لا طبعا مابني ع باطل فهو باطل الله يجيرنا ..



ايهما أهم شهادتك الجامعية أم الزواج ممن تحب ؟

الشهاده وخذيناه والزواج لاحقين عليه سو الشهاده طبعا لو تخيروني بين ريل وماستر بختار ماستر ريل ودكتوراه باختار الدكتوراه ريل ودوام بختار الريل خخخ..





.هل تعترف بشيء اسمه الصداقة بين الرجل والمرأة ؟



لا طبعا وين قاعدين خلصوا البنات :\

العلاقه بين الجنسين حدها زمالة شغل وبس ..



.هل أنت مدمن تفكير؟



أي للاسف بشكل خايس :\





.من هو أكثر شخص تفكر فيه؟



متنوع وع حسب امة محمد كلها شطبتها خخخ..









إذا تم تعيينك ملكا لجميع البلاد العربية فما أول قرار ستتخذه ؟



الغي الواسطه واسويلي قصر مخصوصا للبيوتي تايم واعين حشم وخدم يفركوني ويهتمون فيني 

.هل تكره شخص بشده في حياتك ؟



لا

هل ملابس الشخص أمامك تؤثر فيك لتأخذ عنه انطباع ؟؟



لا بس عن التشخلع الزايد ..

ما الذي يلفت انتباهك بسرعة في الشخص لكي تعجب به ؟



شخصيته



إذا أحببت شخصا في الوقت الخطأ وفي المكان الخطأ فماذا تفعل ؟؟



مادري امم بس جنه مقفله وقت غلط ومكان غلط بس ناقصه يكون شخص غلط بس عموما اغمته بقلبي وادعي انه انسى مع اني مااحب بسرعه ولي حبيت مشكله ..

.حكمة تؤمن بها جدا؟؟



وايد ..



لا طاعة لمخلوق في معصية خالق..



ان انت اكرمت الكريم ملكته وان انت اكرمت اللئيم تمرده..

من جد وجد ومن عنده واسطه وصل :)



.عاده تفعلها دائما تتمنى أن تتركها ؟



التفكير السلبي..

ما هو أجمل اسم لولد وأجمل اسم لبنت من وجهة نظرك؟



صبيان احب اسامي الصحابه احسها مميزه مثل معاويه ويزيد ومعاذ و صهيب و الخ ..



البنات احب الاسامي القديم الداثره اسامينا منيره شيخه ..



وحاليا عاجبني اسم كنده بنت الجاسم الله يشفيها يارب..



.ماذا تفعل أول شيء إذا ربحت مليون ؟



انجلط او لا اصرفه اخاف يقولون مخربطين رديه خخخ لا استغفرالله ماصرفه الا اذا تاكدت انه لي مو ناقصني احط شي بذمتي..



.هل أنت من لديهم رغبة حب التملك وإذا تملك الشيء أصابه الملل منه ؟



حب التجربه وبسرعه امل بس لما اجرب او اشتري عاد اشتري لغيري ماعندي عقدة لابسه مثلي واي لا ..

.اعتذار تريد أن تقدمه لمن؟



أي احد غثيته او غلطت بحقه ترا من غير قصد ..



لمن تهدي هذا التاج من بعدك ؟
ماكو احد بالي الا مدمد اذا حابه كوكتيل هددتني ماتبي خخخ..


شكرا نهار :)






34 comments:

ChuBBy-Doll said...

ماذا تفعل أول شيء إذا ربحت مليون ؟

انجلط او لا اصرفه

Tha7aktini ana awal shy afaker feeh etha thag 5ilgi o yatni 7alat lekti2ab elmalion weshlon bafasfisa heheheheh :P~

le Koweit said...

اوله شهالتاج اشطووله
هذا عقاب مو تاج
لووووول

بس تعرفنا عليج اكثر :)

قواج الله

شاي الضحى said...

لوووول اهم شي الجزيره

شفيها فيلجا؟ هههههه

اي والله الي عنده واسطه وصل وحصد وشبع لما انتفخ

ويه @@

بسم الله عليج من الجلطه

خلاص اذا ربحتي المليون عطيني اياه ولا تنجلطين ههههههههه

:)

مهرة سالم said...

السلام عليكم ...
مشكووره الغاليه على قبول التاج
الصراحه إجاباتج تونس عسل
مب قادره أوقف ضحك
من جد وجد ومن عنده واسطه وصل
حلوووووه
..
أسأل الله أن يديم عليكِ نعمة الإيمان
ومخافة الله وأن يجمعكِ ومن تحبين في جنته
...
في حفظ الله

BookMark said...

قالوا دولة تزورينها مو رحلة حول العالم ;p

بس حلوة اجاباتج :)

هديــل said...

وعليكم السلام ..

يعطيج العافية ع الاجابات
وضحكتيني ناوية جولة حول العالم اهما قالوا دولة
بس اذا رحتي اخذيني معاج :>

وان شاء الله يا رورو تربحين مليون اليوم قبل باجر وبدون جلطات ولا هم يحزنون :p

مشكوورة

mese said...

مرحبا رورو..
وعليك السلام..

عسل إجاباتج يا عسل..
الله يجعل حظج دووم حلوو ويفتح لج أبواب رحمته يارب..

والله لا يكدر خاطرج أبد..

ألحين إذا صرتي رئيسه جيه بتسوين..عيل فلحتي ياستي الريسه :)

حلوه شخصيتج خيتي..
اسعدج الله دنيا وآخرة يارب..
ودي وإحترآمي..

Sami said...

فيج وايد من شاي الضحى..صح؟

ri7ana said...

محد ذابحج غير البيوتي
لو شتسوين لو تفكرين روحج بصخره شمس الكويت ماتخلييج مثل ماتبين
محترقه يعني محترقه :(

~أم حرّوبي~ said...

رورو روورو ويديني وياج لما تسافرين موتنسيني خخخ^^

خوش قرار الصراحة بيوتي تايم انا بكون ^^ذراعج اليمين

:)

ميمة السبيت said...

** أهم شي عن التشخلع الزايد والله ضحكتيني وانتي مايتعدل حظج إلا إذا هديتي هلكريمات و هالصابون اللي لاحس عقلج

mazyona said...

هههههههههههههه
عجبني ماستر ريل ودكتور ريل
تسلمين

alB6h said...

وعليكم السلام
وايد اشياء عجبني بكلامج واللي يدل ع شخصيتج..

واكثر شي انج ما تبجين جدام احد , احسن شي تسوينه لان الناس فيهم اللي يتشمت وفيهم اللي ستغل وفيهم اللي يحن واللي يمسح وتعاطف بس بكل احاول لا تزل دموعج جدام احد , وان شاء الله ما تنزل غير دموع الفرح

يعطيج العافية

Anonymous said...

من جد وجد ومن عنده واسطه وصل :)


والله صاجة ! و عورتي قلبي بعد ! اللي يشتغل و يدرس ماله حظ أبد، بس أنا مؤمنة إن الله ما يضيع التعب

حلو إن عرفنا عنج شغلات :)

خاتون said...

و عليكم السلام و الرحمة
اهم شي السفرة اللي ناوية عليها خطيرة
عينوج ملك مو كوين يعني ما في بيوتي كير يعني حكم
قلتلج سوالفج سوالف باربي
تصدقين قريت السؤال عدل مدام بلاد عربية أقول أخذي راحتج بس مو تنسين تعزمينا ههههه
أجاباتج عجيبة تونس و من قلب
"حلوة عبارة "عساه هدد مو عدد

ebtsamh said...

ان شاء الله بتلفين العالم

والحظ يصير ما كو احسن منه :)

Fishah said...

لووووول ضحكتيني على سالفة المليون :)

عبارة عساه هدد مو عدد ذكرتيني في يدتي الله يرحمها كانت تقولها :)

انزين مانبي بيوتي داي .. نبي عطلة زيديهم شويه .. والا اقولج .. زيدي ايام العرضي خخخخخ

انتي نفسي ماحب ابجي جدام احد .. ابجي واخلص واطلع من غرفتي جنه ماصار شي :) ماحب احد يدري

وياحلوو سفرتج .. انتي بخليج مستشارتي السياحيه اذا نويت اسافر ان شاءالله :)

رورو الشخبوطه said...

هلا دول..

خخ مو من الفرحه ومااح اصدق فهذا اللي اتوقعه بيصير..

خخ الله يرقج المليون والاهم منه راحة البال والصحه :)

حياج الله..

رورو الشخبوطه said...

هلا اخوي لو كويت..

خخ لا تخليني احوله لك اوهقك فيه ..

انا بالكتابه عادي مامليت بس التنسيق غثني مع انه بس تغير الوان ..

الله يقويك يارب..

مشكور..

رورو الشخبوطه said...

هلا جايونه..

خخخ مافيها شي بس مو طموحي اهي يوم ويخب ..

لي اهتموا فيها بتعنى لها :)

وفيها ينونوه وفيه شمس ماتغشمر تسدحني فيصير تان اجباري :\

الله كريم وماراح تدوم لهم ..

بعد عمري مرسي.
وي مامداج خفتي علي ع اقل عالجيني فيها خخخ..

وحياج الله..

رورو الشخبوطه said...

هلا النهار..

وعليكم السلام والرحمه ..

العفو ولو :)

اي والله اهي اهي هذا الصج شر ..

اجمعين يارب ..

جزاج الله خير..

وحياج الله..

رورو الشخبوطه said...

هلا بوك..

حلم حلم ..

ماصار كنت باخذج بس شكلي بهون :)

بعدين بو ببلاش كثر منه خخخ..

حياج الله..

رورو الشخبوطه said...

هلا هدوله....

الله يعافيج يارب..

باخذج دوله واردج عقب خخخ..


اجمعين يارب لا عيل باخذج الجوله كلها رضيت عليج عقب هالدعوه خخخ..

العفو ولو..

حياج الله..

رورو الشخبوطه said...

هلا ميوسه..

عاش من شافج من زمان عنج...

مرسي :)
اجمعين يارب جزاج الله خير....

خخخ لا بعين ناس كفء تستلم زمام الامور لانه مو كلشي انا افهم فيه :):)

مشكوره:)

واجمعين يارب.

حياج الله....

رورو الشخبوطه said...

هلا اخوي سامي..

قصدك من اي ناحيه من اي ناحيه ؟؟

بس احنا نتوالم :)

وحياك الله..

رورو الشخبوطه said...

هلا ريحانه..

عاد صارلي يومين متنحه ..

لا بس يفرق والشمس ماتصكني الا ويهي وايدي الله يسلم الحمايه ..

لا تحبطيني ..

اهي اهي..

رورو الشخبوطه said...

هلا ام حروبي..

اف عليج جم ام حربرب عندي :)

بالاثنين باخذج معاي سويتي ..

حياج الله..

رورو الشخبوطه said...

هلا ميمه..

صارلي يومين متنحه ماسوي بيوتي تايم :(

و ماله شغل بالحظ :)

الله يكبر حظي يارب..

وحياج الله..

رورو الشخبوطه said...

هلا مزيونه..

جنه فاهمتني غلط..

مو كل مرحله ريل :\

افضل الشهاده ع الريل ..

وحياج الله

رورو الشخبوطه said...

هلا بطوطه..

مرسي..

اي صاجه بس شي مو سهل واجمعين يارب..

بس تدري ساعات اذا ببجي احاول اضحك :\ وصج تخف مرارة الشي..


الله يعافيج يارب..

مشكوره..

رورو الشخبوطه said...

هلا هوبيلس..

ونعم بالله ..

اهو المشكله تقيم الاشخاص صار اهما منو وعيال منو وشكثر عندهم ..

مو شنو يقدر يسوي او جم حصل درجات اساسا الدرجات صارت تتقيم وتنحط ع الاصل :\

واكيد الله مايضيع تعبنا ومرده بنشوف نتايجه ..

اختي نادتني ونسيت شكنت بقول :\

الاحلى مروركم :)

حياج الله..

حلو إن عرفنا عنج شغلات

رورو الشخبوطه said...

هلا خاتون..

حياج الله معانا :)

لا بنوته اصير كوين والبيوتي له تايم والحكم له وقته واهم شي اعين الكفاءات :)
ودي اصير باربيه ..
اهي لانه ديرتنا لازم نطوره ونهتم بعمرنا مايضر خخ اي اف عليج حياج الله..

مرسوو :)

اي انتي تحبين هالعبارات لانه لاحظت اكثر من عبارة بوستاتج امي معتمدتهم خخخ..

وحياج الله..

رورو الشخبوطه said...

هلا ابتسامه..

اجمعين يارب..

مشكوووره ..

وجزاج الله خير:)

رورو الشخبوطه said...

هلا فشونه..

عاش من شافج ..

خخ بعد شسوي خخخ..

الله يرحمها يارب..

البيوتي حق مو لكم بس اللي تبي حياحها بس والله صج يبيله العرضي يزيدونه وهم ااعطي كل بنت عطله اسبوع كل شهر..

بس شي صعب :(

ان شاءالله :)

بجرب اكون مرشده اذا ضبطت اعتمديني :)

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads