Saturday, July 3, 2010
10:20 PM
السلام عليكم ..
قبل فتره وانا احوس وافتر بربوع قوقل لفت انتباهي هالمنتج وكنت ناويه اليوم انزل بوست اسالكم عنه واذا تعرفونه شرايكم فيه وين اقدر احصله..
بس اللي صار اليوم الصبح طلعت مع خواتي ولد اختي وخدامتها وسايقنا خخ ..
عاد رحت وانا واختي صديقتي الصدوق شكلي بقولكم قصة حياتي خخخ المنصور ابي شغله منه راح اقولكم عنها عقب لما اجربها ان شاءالله ..
فشفت هالقوطي وطلع مثل فكرة اللي فوق اللي ادوره وابيه بس ماركة 2..
استانست :)
وفي نوعين منه ..
هذا الاول بدون اسيتون ..
وهذا ال2 عادي في اسيتون واهو اللي خذيته لانه الحجيه تمدحه تقول احسن من الاولي ..
ومسوين منه حجم صغير في 4 حبات بدينار كنت باخذه اجربه بس شفت انا الكرتون ارخص 10 بدينار ونص قلت اجرب 1 اذا عجبني اخذ ال2 مو ناقصني تكود :)
وهذي حبه الاولى اللي جربتها اليوم ..
واهني من داخل توقعتها غير توقعت مثل الكلنكس الخفيف المبلل طلع لا عباره عن قطعة جوخ حمرا ورطبه ..
*رايي :
زينه ومن الاول انا حابه فكرة انه كل قطعه بروح احسن مايختربون او ينشفون اذا حاشهم الهوا كل مابطلنا العلبه بس ويع ريحة الاسيتون ماصدقت افتك منها شكلي المره اليايه ان شاءالله بجرب اللي بدون اسيتون اتوقع مافيه ريحة تصك الراس ..
p.s : اهو مو اسمه مناديل الاسيتون انا سميته جذي اهو اسمه اللي مكتوب على العلبة polish off nail polish remover pads
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
32 comments:
أنا بعد من زمان أبيهم
بس ما تعبت عمري أدورهم^^ أو أسأل عنهم
زين لقيتيهم
وكتبتي بوست عنهم
*^
she is me
هلا رورو
فكرتهم حلوه وبسيطه
واتوقع اللي بدون اسيتون أحسن
تسلمين
بدون الاسيتون احسن بس ان شالله يعطونن نفس النتيجة
يعطيج العافية عمو ^^
حلوة فكرتهم وسعرهم معقول :)
يعطيج العااافية
اي جربهم وااايد حلوين
انا حاطتهم عندي بالدوام
ساعات يروح الصبغ من اضافرتي ويصير شكلهم مو حلوو
فالدوام اشيلهم
يا عيني على الذرابة
نفسي بالضبط خخخخخ
انا اسيتون و خلص نفسك
ههههههههههه
مفروض تطالبين بعمولة حق الدعاية و الاعلان اللي تسوينهم بصراحة
لانه وايد اماكن رحتها من ورا بوستاتج و اشياء شريتها و السبب اعلانج عنها
عساج عالقوة ^_^
اي صح وايد حلوة فكرته وتقدرين بعد اتحطينه بالجنطه بدون مايدمرها
علييج بالعافية
مشكورة شخبوطة انا حاطة عندي استون في الدوام وكله احاتي ينكت بس فكرتج ووايد حلوة واكيد باقرب فرصة امر واخذه
:)
هلا شي..
انا مادورتهم صدفه لقيتهم جدامي :)
وحياج الله..
اهلين مزيونه..
اهو احلى اذا مافي ريحة بس كمفعول مايندرا,,
والله يسلمج يارب..
حياج الله..
هلا ام حروبي..
اي من ناحية الريحه بس المفعول مايندرا اذا ين او لا..
الله يعافيج يارب..
مرسو :)
هلا هدوله.,
صاجه :)
الله يعافيج يارب..
مرسي ..
هلا من اكون..
اي حلوو وايد مفيدين :)
ومرسي..
هلا خاتون..
خخخخ..
مالنا غنى عن الاسيتون :)
خخ لا اسويها لله فالله نبي الاجر :p
الله يقويج يارب..
مشكوره..
هلا مدمد..
اي صاجه ماقالت هالشغله عشان ميمه ماتستغرب خخ..
الله يعافيج يارب..
مشكوره..
هلا سويت ..
العفو ولو..
ان شاءالله وهذا او الباد العاديين وايد اريح من الاسيتون ..
وحياج الله..
انا وايد اعااني من سالفة الاسيتون
اموووت عالصبغ اظافر بس اكره ما عندي لي شلته اتأزم نفسيا :/
وناااااسه يبييييله تصدقين والحلو ان كل واحد مجيس .. بروح :))
لااااا ضروري آخذ لي 3 والا 4 احتياطاً خوفج ينقطع والا شي ;p
هلا كوكو..
مثل حالتي من جذي ادورلي شغلات سهله عشان اوخره..
وحياج الله..
هلا سويتا..
اي هذي ميزته :)
وبالعافيه مقدما..
حياج الله..
رفيجتي يابتلي واحد نفسه
بس من ايران >مشهد ;)
بس ماجربته ليلحين كله انسى لول
حلوووه ريحة الاسيتون
احبها
هلا سويتي..
بالعافيه يارب..
انا هم اليوم نسيت استخدمه :\
خخ..
وحياج الله..
هلا دلوعه ..
خخخ انا تصدعني بسم الله علي رقيقه من جذي يحبني الشيبه :)
ومرسوو..
me5alif dawart a7ad yes2al maligayt ana ma3aref ween hatha elmansoor mal makeup?? ma3ara me3leesh
هلا اختي..
امم اذا تبين وين موجود اهو باكثر من مكان خل اكتبهم لج ..
بالجهرا فرعين (الخيمه مول -المنار)
-جليب الشيوخ
الفروانيه
الفحاحيل
السالميه
سوق الزل
سوق مورا
هذا اللي مكتوب ع الجيس..
واذا ماخب ظني موجود بالبيرق..
اي سوال امريني :)
وحياج الله..
هلا وخيتي
احلى مناديل لإزاله صبغ الاظافر
مناديل تحصلينها في زلزلة إلي في العربيد بلازا
على 300 فلس
او 400 والله ناسيه بس حده رخيص
و روووووووووووعه حتى احلى من إلي موجود في بوتس
راح تنصدمين من فعاليته
و على كل روائخ الفواكه رووعه الصراحه
و اتمنى افدتج
جربيه و ادعيلي
هلا اخيتي هبي..
انا مجربه انواع وايد لحظه احط لج الرابط ..
http://trendygirl87.blogspot.com/2010/06/nail-polish-remover.html
قصدج مثل الاخير ؟
ومشكووره :)
رورو أي صوب بالسالميه ؟
أنا هالماركه شاريتها من أمريكا من فتره و الحين خلص مخزوني وايد حلوة و قويه تشيل الصبغ عدل وما اذكر انها اتنشف الظفر
هلا الجودي..
بالسالميه خبري فيها من زمان سنين لما كنت بالثنوي :\
بس سويت لج سيرج وطلع موجود ..
جيكي ع هالروابط ..
http://www.q8yat.net/showthread.php?t=28195
http://www.q8yat.net/showthread.php?t=166520
وان شاءالله اكون فدتج..
مشكووووورة يا قلبي لا خلى ولا عدم يا حلوة
الحين أشوف السايت
:**
ولكم باك الجودي..
العفو ولو ماسوينا شي ..
ان شاءالله تجربينه ويعجبج :*