Friday, June 4, 2010
السلام عليكم ..
من الحلو اللي احبه الجيز كيك واب الشغلات اللي تكون ميني لزوم التنويع ..
من العام تقريبا هبيت بهالمحل وكنت اخذه من جمعية الخالديه ..
الاسبوع اللي فات خذيت من اقرب فرع لنا وماشاءالله كبير وفيه طاولات قعده واول مره ادري انه عندهم كروسان حسبالي بس جيز كيك وكوكيز..
هذا اخر حصيله ..
جيكو ع الرهش وين واصله لما فتحته انصدمت انها متكوكسه رديته بس خلت بصمتها خخ..
والحلو فيه انه خفيف و نكهات متنوعه في الككاو (اكثر من نوع)و الستروبري والكراميل والاريو النكهات المعتاده وفي نكهات الغريبه اللي مو متوفره بكل مكان مثل الفيمتو وشعر البنات والرهش وكنافه وورد وايد انواع فواكهة ومكسرات ماشاءالله تحتارون شنو تختارون من كثرهم ..
هذا ماخذته من زمان من جمعية الخالديه ..
وهم باخر مره عجبني شكل غرشة الكوكيز ,كنت ماخذه منهم اول و كان ببلاستيك الخفيف بالاحرى النايلون مالوت الصمون مثل امريكان وهالطقه
الحين غيروه وزادوا نكهات ..

وللاسف ماتهنيت فيه :(
زلقت من ايدي :(


اهي اهي ماصفيت الا على المغطاة ..
عاجبني شكل الغرشه جنه مال السكاكر بالباباي ..
واذا ذقت ربع كوكيزه زين :(
ع فكره هالغرشه في منها حجمين هذا الصغير ب1.800 والكبير جنه ب2.400..

وكرتهم يونس هم عنونو :)

واهو موجود:
بجمعية الخالديه - جمعية الفروانية - المنقف - اسواق القرين -وبالجهرا بالخيمة مول ..

وهم موجود بموقع طلبات (
ميني ديلايتس )

39 comments:

~أم حرّوبي~ said...

اشتهيت اللي بالكاكاو والأوريو ..ماحب الرهش ..مار علي الاسم بس مادري وين !!

يمكن في حد خز الغرشة جان تطيح خخخخ

بالعافية ..حلو يحلي أيامج ^^

Anonymous said...

بالعافية ان شاءالله
و حسافة الغرشة والله قهر :(
توني ادري انه عندهم رهش ! بروح لهم ان شاءالله و اشوفه شنو اليديد :)

جاكليته said...

عليج بالعافيه
ولا تتحسفين على الغرشه ..شكثر بالبيت تلاقينهم .. :)

شوقتيني عليهم .. بحربهم ان شاء الله

Anonymous said...

عوافي ياااارب :)

أموت على جيزكيك ميني ديلايت
أحلى جيزكيك بالكويت

يقولون مايحسد المال إلا أصحابه
الظاهر من عينج طاحت الغرشه
لوووووووووووووووووووول

هديــل said...

عجبتني اللي ف الغرشة
جان اشوفها منكسرة :( وااعليه

يلا ما عليه ..

بالعاااافية عليكم =)

Anonymous said...

ماجربت منه كلش، بس وايد ناس ياخذون منه، شكلي بجربه وتوني أدري إنه يمنا في اسواق القرين. أما الغرشة الي انكرست مو مشكلة يمكن خيرة والي بالغرشة كان ممكن يمرضج، وبالعافية..

swera said...

shawaagtiniiiii :) bel3afia 3alekom ya rab :*

3ala fekra, tara kel ma abi a3aleq awal wa7da magdar, ella lama a7ad e3alleq yalla agdr a3alleq :/ madre lesh

Unknown said...

تدرين عاد قبل فترة كنا متيمعين و وحدة من البنات يابت وياها منه جيز كيك كلش ماعجبني حسيت جني اكل مطاط :\

ميمة السبيت said...

** اهو حلو بس خلاص راحت عليه صار قديم

بالعافية

شاي الضحى said...

اول ما فتح كنه نطلب منه

بعدها ملينه منه

قبل 3 اسابيه ببيت خالي كانوا يايبينه ولا طعمه متغير صاير يلوع الجبد ما ينوكل !


بالعافيه

الظاهر الغرشه فيها عين زين انها طاحت وما كليتيه ههههههه

:)

شارع الجهرا said...

يالله خيرة ...
طاحت الغرشه
والله أشوفه بس عمري ما جربته بس على مدحج راح اجرب .."خو أحنا بالعايله ما نحب المغامرة ..المحل الي متعودين عليه نشتري منه وما نغيره..عتيج الصوف ولا يديد بريسم ..بس دام في رهش نجرب"

V I E W said...

احب الجيييز كيك وهذا مو مجربته

بالعافيه انشالله
وانكسر الشر نفس مايقولون ..

خاتون said...

مدام في خدمة توصيل
فأقول
يبيــــــــــــــله
انزين شنو احلى الانواع اثق بذوقج لاني مجربته *_^ فعلميني و لا عليج امر ؟؟؟
و تشكرات من أعماق قلبي اليوعان
^_^ بس مو اللحين يوعان ههههههه

رورو الشخبوطه said...

لا ام حروبي..

انا هذيل ايبهم لخواتي .. يمكن الا اكيد بالنت..

خخخ الحمدالله انكسر الشر ع قولتهم وماتعور احد..

الله يعافيج واجمعين يارب..

مشكوره..

رورو الشخبوطه said...

هلا هوبيلس..

الله يعافيج يارب..

اي بس خيره ان شاءالله ع قولتهم انكسر الشر والحمدالله محد تعور ..

عندهم وايد نكهات من جذي تنحولين ماتدرين شنو موجود خخخ..

ان شاءالله..

مشكوره..

رورو الشخبوطه said...

هلا جاكليته..

الله يعافيج يارب..

اي بس مو مثلها والحمدالله انكسر الشر خخ..

ان شاءالله..

وحياج الله..

رورو الشخبوطه said...

هلا لوير ..

الله يعافيج يارب..

لا في احلى منه خخ بس اهو المتنوع والاترف والارق :p

خخ الحمدالله عيني مو حاره و انكسر الشر ولو كل شي احبه بينكسر ماراح اترقع..

حياج الله..

رورو الشخبوطه said...

هلا هديل..

اي عادي انكسر الشر وخيره ان شاءالله ..

وشكلها الغرشه يونس صح جنه مالت السكاكر خخخ..

الله يعافيج يارب..

مشكوره..

رورو الشخبوطه said...

هلا اخوي قلم..

ان شاءالله...

اي خيره ان شاءالله ..

المهم ماتعور احد لانه كنت بعطي ولد اختي منها فخفت يحوش القزاز ..

والله يعافيك يارب..

مشكور..

رورو الشخبوطه said...

هلا سويره..

الله يعافيج يارب..

امبيه ليش توها هالسالفه صح ؟؟

ومشكوره..

رورو الشخبوطه said...

هلا زبوطه..

وي ..

انا احر مره القوطي الصغير حسيت طعمه قل عن مستوى قبل بس هم زين ..

بس رقعتها انه الظاهر ماكان فرش..

وحياج الله..

رورو الشخبوطه said...

هلا ميمه..

حتى الاكل صار قديم ويديد خخخ..

الله يعافيج يارب..

مشكوره..

رورو الشخبوطه said...

هلا جايونه..

مثلي هبيت فيه بقوه بعدين مليت والحين رديت له..

حتى انا احس قل مستوى بس للحين اشوفه لاباس..


الله يعافيج يارب..

اي الحمدالله عيل خخ..

وحياج الله..

رورو الشخبوطه said...

هلا شارع..

اي خير ان شاءالله..

وان شاءالله يعجبج عكسي انا احب اجرب :)

وحياج الله..

رورو الشخبوطه said...

هلا سويتي..

الله يعافيج يارب..

وان شاءالله..

مشكوره..

رورو الشخبوطه said...

هلا خاتون ..

مرسو ع الثقه..

امم تقريبا اهما كلهم مثل الطعم بس اللي فوق يختلف ..

والوحيده اللي جربتها غير الككاو مو وايد حبيتها ..

احب الكيوي احسها بارده احب الفول السوداني هم الفراوله زين والكراميل ..

مجربه انواع بسيطه مو كلهم بس ودي اجرب اللي ع فيمتو واللي ع ورد وبرتقال ..

عفوات ..

وي مو معشيته :p

وحياج الله..

'3ShMrGiaH said...

شوقتينييي
ان شاءالله ان شاءالله بروحله اليوم ويارب مو زحمه

رورو الشخبوطه said...

هلا غشمرجيه..

ان شاءالله :)

وبالعافيه مقدما ..

ShaymoOona said...

كلما دخلت جمعية الخالديه و شفت المحل ..اقول عفيه عليكم ياشباب لكويت تقدرون اتسوون المستحيل ..:)

Samt♥AlbadoO said...

اللــــــه يسـآمحج يا رورو
خليتني اشتهي الجولكت

يوني بمنع عمري من اكل الحلويآت وآآيد

حلووو شكله
بالعـآآآآآآآآآآآآآآآفيـه عليـــــج

ويعطيج العافيه على البوست ^__^

رورو الشخبوطه said...

هلا شيمونه ..

هالدرجه تحبينه ؟

وحياج الله..

رورو الشخبوطه said...

هلا الطبع ..

خخخخ ..

عاد الككاو مو وايد حلو الباجي وايد احلى..

والله يعافيج يارب..

مشكوره..

Made n Q8 said...

حتى انا عبالي بس جيس كيك عاد مشاله صج يهبل تاكلين وحده ورى الثانية ماتحسين

ويفداج الكوكيز اشوه انه ما انكسر بايدج

وعلييكم بالعافية

رورو الشخبوطه said...

هلا مدمد..

اي ماشاءالله خفيف واحنا مشفح ماشاءالله خخخ..

بالعافيه علينا يارب..

بعد عمري مشكوره..

الله يعافيج يارب..

كوكتيل said...

صباح الخيرات :)

أنا أحبه إن صغير وتاخذين كذا نكهة :)

أحلى
والكوكي مالهم حلو وخفيف :)

رورو الشخبوطه said...

هلا كوكتيل :)

صباح الليرات ..

اي صاجه هذا ميزته حجمه صغير ونكهاته متنوعه..

الكوكي خبري فيه العام اول مره جربت معاج وهذي 2 مره بس ماتهنيت فيه اهي اهي ..

مرسو خيتو..

captain khalid said...

يسلموووو على المواضيع

captain khalid said...

يسلموووو على المواضيع

رورو الشخبوطه said...

هلا اخوي كابتن..

الله يسلمك يارب..

مشكور..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads