Sunday, June 27, 2010



السلام عليكم ..

قبل جم يوم مريت مكياجي لانه سمعت انه عندهم ست لوشنات وسنفرات ودلع..

وانا احب هالسوالف والصيف يبلج تحسين انج رفيرش ..

رحت هناك ولقيت طلبي في اكثر من نوع بس انا اخترت الفانيلا لاني احبها..



شور كريم ..


سنفرة (غرامي خذيت الست عشانها)



زبدة للجسم


زبدة ككاو لبراتمي ..



امس جربتهم كلهم لما تسبحت ماعدا زبدة البراتم مبدائيا نعومه بسيطه وريحه خفيفه طاغي عليها ريحة البرد ..

وسعرها حلو ب5 او 5 وشي كست اما كقطع يطلع اغلى جنه السنفره بروحها ب3 ..

وحجمهم راهي اذا لاحظتوا وفي اصغر للسفر سعرها ب3 بس بدون سنفره فماخذيتها..

بعد شنو بقول :\

نسيت :s

ابي سوالف حلوه ومنعشه للصيف من هالطقه ؟؟هاتوا مافي جعبتكم :)

27 comments:

swera said...

LOL jo3bati mafiha shay mo5i wagef hal 7aza fi edawam :S

bs bel3afia 3alech o nshallah njarebha :)

mazyona said...

حلو السنفره وهالسوالف
مفيده للصيف
مشكوره

~أم حرّوبي~ said...

حلوه هالشغلات من زمان ما طبيت مكياجي فماعرف شو يديدهم
..والله علمي من علمج
ماعرف الا منج على المنتجات اليديدة
مشكوره^^

شاي الضحى said...

اول مره ادري ان عندهم هالسوالف

امس رحت لاش مع زعفرانه عاد اهيا خبره بلاش لان هناك كله تستعمله

طلعتلي سوالف عجييييييييبه للجسم يرطبون وينعمون وفي للمساج وللشعر والبراطم وماسك للويه وللأظافر

وكلهم مجبرتهم وتقول حلوين

عاد ان شاءالله بروح مره ثانيه وباخذهم كلهم

عليج بالعافيه

:>

خدمات البحث العلمي said...

في الصيف جفاف مو طبيعي الله يعينا

ما حب خرابيط الجسم
اموت على كريمات والسنفره الوجه

Anonymous said...

واللي بشرتها دهنيه
وش تسوي طفرة
ما خليت سنفرة وغسول ومقشر
إلا وخذيت منه
مليت
انصحيني بمنتج حلو
.
.
.


كريستال

Anonymous said...

طفرة يعني ملل


كريستال :))

Anonymous said...

حلو بروح مكياجي وآخذ ان شاء الله من هالشغلات انا احب آخذ من بودي شوب ونكتارمشكوره رورو الله يعطيك العافيه

Anonymous said...

عليج بالعافيه

حلو إنج تغيرين نوعية
الشور جل والصنفره

تحسين نفسج فرش
؛)

Anonymous said...

صراحة أنا ما عندي شي معين!
أي شي جدامي أجربه بس أحب منتجات بودي شوب

Her said...

bel 3afya :) miss reading ur posts entay w chai :D ana ajareb kelshy w ared 7ag el body shop a7eb their shower gel ree7ta 8aweya w el body butter 3ajeeb

رورو الشخبوطه said...

هلا سويره..

وي الله يعينج يطول دوامكم :\

الله يعافيج يارب..

مشكوره..

رورو الشخبوطه said...

هلا مزيونه..

اهي عموما حلوه هالسوالف..

بس ميزتها بالشتا تبين ترطيب اكثر بسبب الجو اما الصيف يبيله انتعاش ..

العفو ولوو..

مشكوره..

رورو الشخبوطه said...

هلا ام حروبي..

مو شرط ملوت مكياجي من العموم اللي جربتيهم حتى لو من الجمعيه اي شي ريحته حلوه وينعش ينفع :)

العفو ولو..

حياج الله..

رورو الشخبوطه said...

هلا جايونه..

الظاهر يدد لانه اول مره اشوفهم بعد :\

لاش نسيته بس في عيب منتجاته بسرعه تذوب او تخترب مو الكل بس الاغلب

ونتيجتهم بسيطه مو وااو بس اذا جربتي شي حلو ومايخترب نقلدج شورانا خخخ..

الله يعافيج يارب..

مشكوره..

رورو الشخبوطه said...

هلا مبدعه ..

انا احب الاثنين بس ملوت الجسم اسهل لانهم مو يوميا ..

وحياج الله..

رورو الشخبوطه said...

هلا اختي كريستال..

هذيل للجسم اما الويه والله ماعندي فكره عن منتجات البشره الدهنيه ..

لانه بشرتي جافه وحساسه..

بس في شغلات تخفف الدهون اختي جربتهم لانه بشرتها مختلط..

سالتها عن اكثر من منتج بس كلهم تقول عاديين بس جانسون مال التحكم بالدهون من كثر مانشف الدهون جفف بشرتها خخخ..

وحياج الله..

رورو الشخبوطه said...

هلا رندا ..

ان شاءالله..

ماجربت نكتار بس يمدحونه بحطه بلستتي :)

والله يعافيج يارب..

والعفو ولو ..

حياج الله..

رورو الشخبوطه said...

هلا لوير..

الله يعافيج يارب..

صاجه بس مو حلو تتمادين مثل حالتي خخخ..

مشكوره..

رورو الشخبوطه said...

هلا هوبيلس..

بس جكيتج تفضلين ريحة لافندر خخ..

وحياج الله..

رورو الشخبوطه said...

هلا هير..

الله يعافيج يارب..

احنا بعد فقدناج من غير شر ولكم باك سويتي :)

انا زبدة الجسم ماجربت مالت بدي شوب بس يبيله ..

مشكوره..

Ms Botamba said...

ماركس سبنسر عندهم سوالف سنفره و كريمات تونس :))

Made n Q8 said...

اي صح اهما عندهم سيل ذكرتيني

عااد مااحب اروح المهلب بروحي لازم خواتي يودوني خل اشوف منو يتبرع ويوديني :D

عليج بالعافية

رورو الشخبوطه said...

هلا مس..

اي صح..

بس اخر مره رحت اللي ب360 كل مابي شغله مخلصه :(

ومرسوو..

رورو الشخبوطه said...

هلا مدمد..

موجود بالفنار بعد..

ومانتبهت اذا مسوي سيل او لا :\

والله يعافيج يارب..

مرسو..

خاتون said...

أنا غرامي الفناليا يمكن إذا رحت او أحد راح أوصيهم لانه حدي ما أقدر اطلع وايد الصيفي هالكني إهي إهي إهي بس إذا تحبين السنفرات و تبين شي منعش و مفعولة واو حسب وجهة نظري لانكستر عندهم سنفرات بقواطي صغار عجيبة بنكهة المشمش بس أكيد أغلى من مكياجي لكن النتايج تسوى للاسف نسيت السعر و إذا لقيت اشياءات واو و تسوى بقولج
جم رورو عندنا *_^
و تسلمين على مراسلاتج و اخبارج الفنلية ^_*

رورو الشخبوطه said...

هلا خاتون..

مثلي عيل بس هذا الغالب عليها ريحة البرد وحلاته انتي تروحين اخاف مايوالمج حرام تتكلفين ع الفاضي ..

وموفقه يارب بالصيفي ..

لانكستر ودي اجرب شغلات منهم ان شاءالله عقب فتره منها نتعشت ميزانيتي ومنها خلصت جزء من اللي عندي..

انا بس :p مرسي :)

الله يسلمج يارب..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads