Tuesday, June 1, 2010
3:12 PM
اليوم مو طبيعي الحمدالله اللي رديت صاغ سليم لبيتنا ..
الصبح وانا بطريج الدوام ماباقي شي واوصل له ماوعيت الا سايقنا شخط لي الحاره ال2 ودعم اللي جدمنا :\
امبيه ماستوعبت شي الا انه لزقت بالكشن اللي جدامي وصعلوك لزق بالسكان..
جان اقوله ليش جذي؟؟
قال الشرطه شخطوا عليه ولف عشانهم :\
انزين انزل شوف شصار اشكره مبين سيارتنا انعدمت من جدام ,واهو بيبطل الباب مايتبطل :\
عقب استوعبت اللي صار وقعدت ارجف جان اتصل ع رفيجتي بالدوام عساس تبلغهم وبجيت بجي امبيه :\
وماعندي احد امون عليه اكلمه امي ماابي اخرعها ولا ابيها تدري الا لما ارد , اختي الوسطيه بالامتحان , الكبيره تعبانه مو مال اصروعها مابيها تعرف الا بالزواره , ابوي كلمني وسكتني لما بجيت :\
ورفيجتي اجازه يعني نايمه :( ماكو احد ..
المهم سكت والا اييلي الشرطي ويحاجيني جني ياهل وانا بس اهز راسي ..
فقال للسايق حرك السياره مو راضيه تشتغل ياه اهو شغلها يما الوضع يخرع السياره تهتز تهتز تميت ادعي ليما وصلنا مكان نصفط فيه
المهم تميت انطر لي ما يالي ابوي وانا لزوم الستر مابقى بلوزه بيضا بالكبت مالبستها :\ فطست من الحر ..
عقب يالي ابوي قالي يابوج اليوم اجازه قلت لا بروح الدوام جان يقولي ليش انتي مسويه حادث يعطونج اجازه << قرار يديد من ابوي مفعوله ساري علي انا بس ..
وبعدين قالي بتاخذين اجازه !!<< اجازه اجباريه
المهم وصلت البنات يسلمون علي وتميت اسولف بالحادث من الساعه 9 لي الحين كلماله احد متصل ,واللي ضحكني اخوي يقول علاوي بيكلمج بس نايم خخ (علاوي ولده الله يحفظه عمره 10 شهور..)
امي كلمتني تسالني ليش تبين السياره ال2 قلت السياره اختربت..
المهم طلعت لقيت السياره ال2 برا ركبتها ولا ماتشتغل لا امبيه مو وقته اشوه عقب جم محاوله اشتغلت الحمدالله..
وعقب بالاشاره واقفين صارت خضرا كلهم مشوا الا احنا وسايقنا متنح يطالع القاع قلت بيه ليكون مات بعد :\
رديت البيت اول مره الباب ينفتح قبل لا اطقه والخدم يسالوني انتي بالسياره اقولهم اي وحده منهم تقول الله حفظج طبعا بالاشاره..
دشيت ولا امي درت وتبجي عورت قلبي وطبعا بلشت طقوس وحببتني وسلمت علي واللي ضحكني حسبالها طار شي من ويهي قلت لا ماكو الا نظارتي الشمسيه اهي اللي طارت..
الحمدالله الحمدالله الحمدالله اللي ماصارلي شي..
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
78 comments:
el7mdellah 3ala salamtech sweety o 5a6ach esow :*
سوي حلال مشاكل يوم الخميس
وحطي يامعه أو حرز مع أذان ديج عور (:
ماتشوفين شر
يااااااقلبييييييييي
الف الحمدالله على سلامتج..
خطااااج السووو
بلحدييد ولا فيج...
قدر الله وماشاء فعل
بس ضحكتيني على سالفة البلايز البيضه لووووووووووووووووووووول
جنج وحده اعرفهااا
بس جد الف الحمدالله على سلامتج
حبيبتي ما تشوفين شر
والحمدلله على سلامتج
زين إنها بالحديد ولا فيج
خطاج السوء يالغالية
الحمدلله ع السلامه ماما
ما تجوفيين شر حبيبتي
بنتج سمو
خطاج السو حمدلله على سلامتج
الحمدلله بالحديد ولا فيج:)
الحمدلله على السلاامه
و ما تشوفين شر
الحمدلله على السلامه ماتشوفين شر حبيبتي .. الحمدلله انها جات بالحديد ولافيك..
الله يعطيك العافيه وطولة العمر.
الحمد الله على سلامتج وخطاج السو
والله يحفظج من كل شر :*
حبييبتي الحمدلله على سلامتج خطاج السوو
أقرا ومادري أضحك ولا أبجي :')
بس سايقكم مسكين ماترقع p;
الله يحفظج
خطاج السو يا بعد عمري
الحمد لله بالحديد ولا فيكم يالحبيبة..
الحادث صعب! أنا سويت حادث قبل سبع سنين ليما الحين صوت الحادث يرن بإذني..
لكن ، الله الحافظ ، سبحانه..
الحمد لله على سلامتج يارورو
وما تشوفين شر..
الف الحمدللللللله ع السلامة ..
الحمدلله عدت وما صار فيج شي
يماي الحوادث تخرع والله وخصوصا اذا كنتي بروحج بالسيارة يبلش البجي :q
يلا خطاج السووو :)
الحمدلله عالسلامة
خطاج السو
في الحديد ولا فيج
يلا تجربة ما تنسي :)
الحمد الله على السلامة يا معودة في الحديد ولا فيج
دعاوي الوالدة أكيد ... الله يعينج عاد اللحين على الوصايا العشر بس همن مو تنسين تستغلين الوضع لمن أحد يطرشج قولي ما اقدر نفسيتي من بعد الحادث متأثره و هلم جرة
إلا تعالي لحد اللحين ما علمتي علاوي على اللي صار ترى ملزوم يدري بعد عمته يصير وياها حادث يطير نظارتها البريئة و اهو آخر من يعلم
عسى الله يحفظج و يخليج لأمج و أبوج و أهلج و حبايبج و رواد مدونتج و لي بعد *_^
في أمان الله
الله يحفظج
خطااج السووو
والحمدلله على سلامتج ..
والله يكافيج شر السيارات
حمدالله ع سلامتج وخطاج اللاش يبا
السيارة تتعوض المهم انتي ..
الحمد الله على سلامتج أختي. ماتشوفين شر إن شآء الله.
زين أنها يت جيه بس, الله ستر الحمد الله.
ودي وإحترآمي..~
خطااج الشر يا قلبي ..
في الحديد ولا فيج والله ..
اكيد ما ريقتو السياق عدل اليوم
وما تشوفين شر ياربي
وديري بالج .. صايرين هالايام السواق مطافيق لا حول الله
الحمدالله ع السلامة يدوو
^^
يحليلج ما تستاهلين ..
ماعليج الموهيم سلامتج
^^
سلااااااااااااااااامات
ماتشوفين شر حبيبتي
الحمدلله على السلامة، دفعي صدقة عن نفسج وتصدقي كل يوم وقبل لات طلعين من باب البيت اقري المعوذات والله الحافظ ان شالله..
خطاااج السو
والحمدلله على سلامتــج ..
خطاج السو بالحديد ولا فيج :**
ألف الحمدالله على السلامة والله عورتي قلبي وماتشوفين شر حبيبتي..
خاط السوو
بالحديد ولا فيج
ان شاء الله عدى على خير ؟
-----------
اسمحيلي اشيد بجمال
الهيدر روووعة ما شاء الله
----------
صباح الخير إلا دقيقة ..
الحمد لله ع السلامه
كله من كومار الأثول هالهنود من يشوفون دورية يسوونها بصروالهم
ومعوضين خير
الله يآجرج في مصيبتج ويخلفلج خير منها
salamaaaat :* matshoofeen shar enshalla lol tha7akteeny 3ala sayegkum:p
5a6ach esoo 7abeebty
الحمدالله على سلامتج
وهاذي اكيد دفعة بلا مسويتها ودفعت البلا عنج
صلي ركعتين واحمد ربج
خطااج السو والحمدالله على سلامتج اشوه ان في الحديد ولا فيكم
علامه عتريس الله يهداه شكان يفكر فيه ليكون شايف له فيلم هندي ومتنح عليه!
كل هذا من عيون الي ماتتسمى اعوذ بالله من شر عيونهم
اقري ادعيه الصباح وانتي بالسياره
والله يعدي هاليوم على خيير
ما تشوفين شر حبيبتي
قضاء مكتوب ان يصير حادث بس ربج لطف بلطفه سبحانه ..
الدعاء و الصدقة ماوصيج عليهم
@@
خطااااااااااج السووووو
ليش ما دقيتي علي وقلتيلي
:((
الحمدلله على سلاااااااامتج حبيبتي
والحمدلله ما صار فيج شي
** خطاج السو يامعودة الله حفظج الحادث يخرع والله
يوم انه اسم السايق صعلوك مير ما من وراه خير و غنيمة
الحمدلله على السلامة .. اشوه ماصار لج شي ..
حبيبتي والله ماتشوفين شر خطاج السو .. بس قرار ابوج الاجازه ضحكني :) والله يصلح يسير وزير :)
ماشاءالله كل البلوقات امسويت التاج السلطاني .. انا حاطه اسمج مادري انج امسويته :)
هههههههههههههههههههههههههههههههههههههههههههههههههههههههههههههههههههههههههههههههههههههههه
و الله أبوووج موتني من الظحك هووو و دريولكم نقعت من الظحك، ما أعرف يمكن إسلووبج كان يظحك .. ياربيييه ظحكتيني ..
بس الحمد الله شر و طار و الحمد الله ما يت فييج و لا فيه، و المهم سلامتج .. و تصدقي عشان الله يبعد عنج هالأمور ..
بس الحمد الله يت سليمة في السيارة و لا فيج ..
الحمدلله على السلامة .. في الحديد و لا في العبيد :)
الله يحفظج من كل شر ان شاءالله.
ياقلبييي عمووتي حمدلله على سلامتك ماتشوفين شر ..الحمدلله انها عدت على خير والله لايعوده من حادث ان شالله ..الله يحفظج لاهلج ان شالله يااااارب ..
هلا سويره..
الله يسلمج يارب..
وخطاج لاش..
مشكوره..
هلا اخوي بندول..
هذيل ماجنهم بدع :\
الشر ماييك يارب..
مشكور..
هلا غشمرجيه..
الله يسلمج يارب..
وخطاج لاش..
مشكوره..
خخ هذا ستايل معتمد عند الاغلب ..
هلا امواج..
الشر ماييج يارب..
والله يسلمج يارب..
وخطاج لاش..
مشكوره..
اهلين بنوتي..
الله يسلمج يارب..
والشر ماييج يارب..
مشكوره..
هلا لوير..
الله يسلمج يارب..
وخطاج لاش..
مشكوره..
هلا دلوعه..
الله يسلمج يارب..
والشر ماييج يارب..
مشكوره..
هلا رندا..
الله يسلمج والشر ماييج ويعافيج واجمعين يارب..
مشكوره..
هلا اوركيده..
الله يسلمج يارب..
وخطاج لاش..
واجمعين يارب..
مشكوره..
هلا بوك..
الله يسلمج يارب..
وخطاج لاش..
اهما 2 اللي سوا الحادث غير عن اللي خذاني الظهر:\
مشكوره..
هلا مي ..
اجمعين يارب..
وخطاج لاش اي الحمدالله..
وانا فيني فوبيا :\
والله يسلمج والشر ماييج يارب..
مشكوره..
هلا هديل ..
الله يسلمج يارب..
اي الحمدالله..
بروحج ارحم من معاج احد تمين تحاتينهم ..
وخطاج لاش..
مشكوره..
هلا اخوي حقوقي..
الله يسلمك وخطاك لاش..
الحمدالله..
خخ اكيد بس يارب ماتكرر ..
مشكور..
هلا خاتون..
الله يسلمج يارب اي الحمدالله ..
خخ لا انا مايطرشوني اهما مبتلشين فيني :)
اي مادري والله توني راده من الدوام لازم ابلغه بعد انا عمته حبيبته ..
امين يارب ويخليكم لي و يخلليلج اهلج وحبايبج يارب..
مشكوره...
هلا جاكليته..
اجمعين يارب.
خطااج لاش..
الله يسلمج ..
واجمعين يارب..
مشكوره..
هلا ابتسامه..
الله يسلمج يارب وخطاج لاش..
اي والله :)
مشكوره..
هلا ميوسه..
الله يسلمج واشر ماييج يارب..
الحمدالله..
مشكوره..
هلا من اكون..
خطاج لاش..
الحمدالله..
اي صاجه اهو اذا ما كله اين ..
الشر ماييج يارب..
اي قطع ..
مشكوره..
هلا وحيده..
عاد عظامي يعورني صج يدوه خخ..
الله يسلمج يارب..
مشكوره..
هلا مزيونه..
الله يسلمج يارب..
والشر ماايييج ..
مشكوره..
هلا اخوي قلم ومساحة..
الله يسلمك يارب..
ان شاءالله بسوي هالشغلات انا بالي بس دفعة البلا بس المعوذات نسيتهم ..
مشكور ..
هلا سويته..
خطاج لاش..
والله يسلمج يارب..
مشكوره..
هلا زبوطة..
خطاج لاش..
الحمدالله..
مشكوره..
هلا لمار..
الله يسلمج يارب..
والشر ماييج ..
مشكوره..
هلا اخوي نمول..
خطاك لاش..
اي الحمدالله..
مشكور من ذوقك :)
صباح النور..
وتسلم اخوي..
هلا اخوي ابو فلان..
الله يسلمك يارب..
لا هذا مو خواف :\
وامين يارب..
مشكور..
هلا هير..
الله يسلمج والشر ماييج يارب ..
لا والله مايضحك سواقته ضيم هذا اذا قصدج عن اللي سوا الحادث اما ال2 لا زين ..
وخطاج لاش..
هلا جيز كيك..
الله يسلمج يارب..
ان شاءالله تكون جذي بس ناويه ادفع..
والحمدالله ..
مشكوره..
هلا مدمد..
خطااج لاش والله يسلمج يارب واي الحمدالله..
مادري عنه شوماخر عصره :\
اي قطع فقر :\
ان شاءالله..
الحمدالله عدى بس اثره بلش يطلع علي..
ومشكوره..
هلا لوتس..
الشر ماييج يارب..
اي الحمدالله ..
قدر ولطف ..
ان شاءالله..
مشكوره..
هلا جايونه..
خطاج لاش..
وي الصبح ماتسوى اخرعج ..
الله يسلمج يارب..
اي الحمدالله..
مشكوره :*
هلا ميمه..
خطاج لاش..
الحمدالله ..
لا مو اسمه صعلوك اتطنز عليه :\
ومشكوره..
هلا اخوي بدون...
الحمدالله..
والله يسلمك يارب..
مشكور..
هلا فاتو..
الشر ماييج وخطاج لاش ..
حلاته يمسك الديوان :)
ومشكوره..
وي توني اشوفه صج مشكوره خل اضيف اسمكم بلستت اللي عطوني خخخ..
هلا شانيل ..
@@
الحمدالله والله يسلمج يارب..
ان شاءالله ..
مشكوره..
هلا هوبيلس..
الله يسلمج يارب..
واجمعين يارب..
مشكوره..
هلا ام حروبي..
الله يسلمج والشر ماييج يارب..
الحمدالله وان شاءالله..
امين ويحفظج يارب..
مشكوره..
تستاهلين السلامه
صدق موقف مب حلو
والغريب انج بعد تبين تداومين
هلا ليلي..
الله يسلمج يارب..
شسوي موقف وخلص اكيد بداوم ملتزمه بشغل ..