Wednesday, May 19, 2010
7:52 PM
السلام عليكم ..
قبل جم يوم وانا احوس بالبلوقات مريت بلوق ديوان 360 ولقيتهم حاطين عن وافل من زمان انا مشتهيه الوافل وكنت بجربه باخر 3 لما رحت المارينا مع جايونه بس كنت طافحه حلو خفت تصكني تخمه وتبتلش فيني البنيه خخخ وامس احن عليها ابي وافل ابي وافل وعليه ابتلشت فيني عاد اليوم رحت جربته (واخيرا :)..
بس ماتلاحظون هالايام منتشر الوافل بكل مكان بالجمعيات و هم بالمارينا ..
المهم هذا اهو الكشك واهو موجود بجمعية الفيحا فوق << هالمنطقه احبه من حبي الاهلها الله يجمعني فيهم بالجنه يارب ببجي:( بارت نكدي ..
واهو تحديدا موجود فوق جبال محل الاكسسورات ويم الدري المتحرك ..وعندهم وافل جاهز بنكهات متعدده..
بس انا خذيت الفرش قلت ابي ككاو انا قصدي الصولص طلع عندهم عينه من الككاو بعد ياحليلها جنها همبرغر خخ..
من قريب ..
سكر الجهاز سالته جم يبيلها وقت وتخلص ؟
قال 2 دقيقه ..
ترااا خلصت وعليه جنه لزقها بذمه وضمير خخخ..
والحين دور الصولص في انواع بعد بس انا اخترت الككاو ..
وكا يحطها (ع فكره صولصي مو من اللي فوق اهو كان تحت وحار يمي يمي )..
خلصت :)
قوطيها من برا ..
وسعرها بدينار ..
وطعمها زين المره الياي ان شاءالله بجربها بعينتها الاصليه اتوقع بتطلع احلى :)
Labels:
اكل
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
28 comments:
لوول مادري شسالفته هلوافلز بس والله حلوو لذيذ
عليج بالعافيه
waaaaaaaaaaaaaay shwayagtini gmt asa3bel LOL :P
bel3afia 3alech :)
بالعافية .. بس شوكوليت وافل و شوكولت صوص يسحن الكبد! المرة الياية جربي وافل القرفة أو السنومن مع صلصة الكاراميل مع قهوة أمريكية سادة :)
جربتي وافل دين و دلوكا؟ إحنا حاطين عنه بوست من فترة:
http://www.360dewan.com/?p=960
هذا فيديو أثناء تحضيرها:
http://www.360dewan.com/?p=2694
هلا دودو..
اتوقع هبه يديده :)
اي والله حلوو..
الله يعافيج يارب ..
مشكوره..
هلا سويره ..
لا وي امبيه وصختي بلوقي خخخ اتغشمر ..
وباجي نصها ماتغلا عليج :)
الله يعافيج يارب..
مشكوره..
هلا اخوي ديوان 360..
الله يعافيك يارب..
بالضبط شدراك خخ ليكون لقيت جبدي مسحونه عند باب الجمعيه خخ لا جد انا لما رديت شفت موضوعكم لقيت طلبكم احسن من الصوره بدون لا اقرا :\ وطلبي ماكملته كليته نصه وشبعت يعني هالطلب تاخذ واحد وتسون شروكه فيه خخ..
القرفه اهي الدراسين عدل انا ماكلها :\
ولا اشرب قهوه شوي عسره الا وايد عسره بالاكل بس بجرب النوع العادي من الوافل ماعرف شسمه مع الكراميل اتوقع الذ بوايد من طلبي..
لا والله ماجربته اهو جربته مرتين هالمره وقبل ايام التعش جربت مال هاجن داز..
خل اشوف البوست والفيديو مشكور ع الاضافه ..
وحياك الله..
شكله مااااااا يشوق كلش كلش
شفيها صارت جذي جنها محترقه
المفروض ما تحطين كاكاو بكاكاو وايد ثقيل
مع اني ما احب الوافل بس بجربها
شكلها هبه يديده :q
عليج بالعافيه
جربي الي بالشاميه مول ومرينا او الشعب
شكرا :)
هلا جايونه..
لا تعيبن ع وافلتي الظاهر من كثر الحنه احترقت خخ وترا اهو اجتهد انا ماكنت ابي هالعينه ..
اي صح ثقيله ..
خخ جربيها ..
يعافيج يارب..
ان شاءالله بجربهم بس هذا عن الوافل بسنه خخخ..
والعفو لو ..
حياج الله..
تصدقين حتى أنا أحب بعد جمعية الفيحا اول ما حبيتها علشان محل الاكسسوارات اللي عندهم خطير أنصحج تمرين عليه بالذات إذا عندج مناسبة و حتى الشيلات عندهم فوق و تحت حلوين وايد و أهلها على قولتج صج أوادم
و بما اني أمرها وايد فبجربها
ثانكس على التنبيه و يبيـــــــله وافل يبيـــــــــــله
*_^
بالعافيه يااارب
إن شاءالله إذا رحت جمعية الفيحا على يوم بجربه؛)
بالعافية عليج ، المرة الياية جربي الكشك اللي موجود بالشامية مول وفي واحد ثاني بالمهلب بعد وايد حلو طلبيه بالعجينة العادية وطلبي فوقها صوص نوتيلا يصبولج اياه حار :)
يبيله وافلز
الي صج يازت لي من هاجن ديز مع آيس كريم ياساتر على الخلطه D:
عوافي يبيله مشروع زياره بالقريب العاجل
الله لذييذ احبه .. جربيه بجمعيه قرطبه هم حلو :)
شكلها جنها همبرجر لووول
تعالي انتي امس رحتي جمعيه الفيحا ماشفتيني؟ :d
لا وي لحظه ضيعت انا امس رحت ولا قبل امس!!!
أنا أنصحك بالسادة مع صوص الكراميل :)
أو الساده مع صوص الشوكلت عشان لاتصير ثقيلة :)
وهني وعافية سويتي :)
عليج بالعافية :)
اعتقد جنه بعد بجمعية مشرف مادري الروضة نفس هالكشك؟؟ والله مادري شكلي راح اجيك واجربها
تسلمين :)
** بالعافية .. بس جربي اللي بالشامية ابيييييه مو صج طلبي معاه نوتيلا صوص
عليج بالعافية:)
من زمان مو مالكه وافلز عاد.
هلا خاتون ..
تانا احبها القديم الحين كل ربعه حاطين شي وصاير زحمه حده والمحل كنت احوس فيه قبل لا اشتري وافل احس يستهبل بالاسعار ومخترب عن قبل .. والملافع اختي خذت لها واحد ..
اكيد لانه اميمتي منهم خخخ ..
ان شاءالله..
ولكم وبالعافيه مقدما ..
هلا لوير..
الله يعافيج يارب..
ان شاءالله..
وحياج الله..
هلا زبوطة..
الله يعافيج يارب..
ان شاءالله :)
اشتهيته خخخ..
وحياج الله..
هلا اخوي معاذ..
جربتها قبل جم سنه ..
بس انا ماحب البرد :\
والله يعافيك يارب..
ان شاءالله..
وحياك الله..
هلا فاتو..
ان شاءالله..
وحياج الله..
هلا مدمد..
اي خخخ..
رحت الظهر وحسافه ماصادفتج ..
وي خخخخخخ..
وحياج الله..
هلا كوكتيل..
اي نفس ماقلت لج بجربه العاديه الذ واخف اتوقع..
والله يعافيج يارب..
مرسو..
هلا انجو..
اللي اعرفه بمشرف..
الله يعافيج ويسلمج يارب..
مشكوره..
هلا ميمه ..
ان شاءالله..
شوقتوني عليه..
والله يعافيج يارب..
مرسو..
هلا هوبيلس..
الله يعافيج يارب..
الحين طبي وتخيري بكل ربعه كشك وافل :)
وحياج الله..