Tuesday, May 11, 2010
8:00 PM
السلام عليكم ..
قبل فتره كنت اسولف مع مدمد واقولها ابي صابون طبيعي غير عن خان وبيت الصابون والخ من اللي جربتهم عاد قالت لي في محل بيبطلونه يديد وعقب اسبوعين تقريبا قالت لي انه حصلتهم بالفيس وطلبت منهم طبعا طلبت منها صفحتهم وطلعت اعرفها خخ خو كل احوس فيه بس شيشتني اطلب منهم طلبت السبت اللي فات ووصلني هالسبت ..
والحين ببلش موزوعي :)
هذي صورة جماعيه لمشترياتي منهم ماكثرت ..
وهذا صورتهم من صفحتهم اللي بالفيس بوك ..
Breeze Spa Salt Bar
(مادري شنو فايدته او تستخدم لشنو بس اسمها عجبني :) << عيب انه مو ذاكرين فايدة اغلب المنتجات او طريقة استخدامها
سعرها: 3 د.ك
Just for baby.
انا اسميها baby soap
مكتوب انها للبيبي انا خذيتها ع ابو انها تنعم وبتكون خفيفه ع الجسم لانه بشرتي وايد حساسه..
وهم سعرها ب3..
Shea and Sugar Scrub
غرامي السنفرات :)
واشوه هالمره كاتبين فايدتها واستخدامها تستخدم لجسم مو الويه وفايدتها تنعم وترطب ..
وسعرها ب3ونص..
والتوصيل بدينارين ..
هالنقطه بتحجى عنها مدمد طالبه قبلي فقايلين لها انه التوصيل ببلاش لي نص هالشهر عقب يصير بدينارين ..
انا طلبت تقريبا ب1\5 يعني المفروض ببلاش قالولي انه بدينارين لانه طلبي اقل من 20 د.ك !!
والاهم مدام التوصيل بفلوس وحتى لو ببلاش من الادب انه المندوب لي اتصل يكلمني مو يمالشقول رنه ويسكره !! عيل انا دافعه فلوس للتوصيل و فلوس للمكالمات بعد خل ادفع اقساط السياره والبانزين !!<< عيب
(مو سالفة فلوس سالفة مبدأ)
و انا كنت انطر الطلب من الساعه 3 لانه قالت لي بيلج من 3 لي 5 صارت 4ونص هالمحاري وماوصلني شي اتصلت ع رقمه محد رد كان عندي موعد المهم تميت لي ال5 ولبست وطلعت ع ال5 وربع انا بالطريج اتصل المندوب او سكر بويهي خخ وانا اتصلت يقولي مافي شارع بهالرقم بهالقطعه هو ياحافظ متى شالوا شارعنا توني طالعه منه اثر الاخ يفتر بالمنطقه اللي يمنا :\ قلت مادري احول طلب ع بيت رفيجتي اقرب له خخخ ..
المصيبه منطقتهم غير عن اسم منطقتنا كلش اساميهم مو متقاربه !!
وعقب اتصل يبي رقم بيتنا قلت بيه العنوان اللي طرشت لهم وينه !!
وعليه مالومه لي تاخر خخخ طلع يفتر ومضيع ..
وبالنسبه للمنتجات ماجربتها بجربهم اليوم ان شاءالله :)
بس شكلهم راقيين نظام عنجليزي يعني عقب ماطلبت دزولي ايميل يشكروني واذا عندي اي فيد باك ابلغهم :) << ميزة .. قرقت وايد :p
بس بلوقي عادي خخ..
ومع هذا نسيت :\
*صفحتهم بالفيس بوك *
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
20 comments:
اي والله بلوقج كيفج قرقي
على قولة هنيدي : البيت بيتنا والحته حتتنا لووول
شلونج رورو لج وحشه :*
الصوابين عجبوني على قولتج نظام عنجريزي ... جربيها وقوليلنا شيطلع معاج ^_^
وحبيتج رورو .. لانيأخيرا لقيت احد يفهمني لمن أقول " سالفة مبدأ" عبالهم بخيلة :\
اي والله ولا بعد بواقه اشكره مشكره ؟!!!
تذوبينهم بالعافية :)
يا حبكم للصابون انتي وميد ههههههه
عليج بالعافيه
جربيهم وقوليلي رايج فيهم
ترا مو بس اهوا الي يدق ويسكره في وايد لما تطلبين منهم المندوب يدق ربع رنه ساعات ما انتبه ان رن لان اصلا ما مداه يرن
واذا دقيت عليه يتحلطم يقول انا واقف عند الباب صارلي ساعه !!
انزين طق الجرس!! غبااااء
والمفروض يكتبون شنو فايدة الصابونه عشان تعرفين قبل لا تشترينها بالله شريتيها وطلع شي ما يناسبج
مشكوره :>
بالعافيه عليج وحمام الهنا مقدما وشفتهم ببلوق مدمد ودخلت صفحتهم بالفيس بوك واذا جربتوهم قلولنا النتيجه اوكي ولا خرطي :)
eshawgoon 3aleach bel3afya:)... w madre shno salfat elma7alat tara bs bel q8 el customer mala ay 8eema lo barra ybosoon ryolech 3ashan yarthoonech mu ratheen yet3alemoon:s
رورو انا شنو قتلج الله يهداج جان رطنتي عليهم ماسمعتي كلامي <<< نغزة ان شاء الله تفهمينها :P
وصابونة ام تريزا ماادري شسمها انا الي فهمته انها تسوي تقشير خفيف للبشره!
ومالت البيبي انتي خذيتي الي فيها ريحه ولا بدون ريحه؟
وانا كانوا دازين لي مسج بس ماشفته كنت قاعده اكلمج بالماسنجر ولا اسمع طقه جرس الباب حتى يومها كان مطر والله ماهقيت يوصلون!
لوووول بس بدع يوم يسكره بويهج امبييه شكو
وسبووح الهنا ان شاء الله
تتهنين فيهم ان شالله
شكلهم حلوات
بس انا ماحب الصابون الجاف
مادري ليش احس ان يجفف الجسم!
احب ماركه لوكستيان ،،، :) احلى شي!
وددي اقول كسر خاطري المندوب بس للاسف ماقدر اشفق عليه عاد يتصل ويسكر شهالبخل خخخ
يالله جربي وخبرينا بالنتايج ..احس صابون البيبي بيكون حلو ..مادري شكله عجبني ^^
دمت احلى ^^
هلا الوتين ..
خخ ..
الحمدالله بخير دامج بخير ..
ان شاءالله..
لا الحمدالله اغلب اللي حولي جذي :)
الله يعافيج ..
مشكوره..
هلا جايونه ..
خخ لزوم النزافه ..
الله يعافيج يارب..
ان شاءالله..
اي الاغلب جذي مادري ليش؟؟
وي جنه نطر منهم :\
اي صح المفروض ..
العفو ولو حياج الله..
هلا جيز..
الله يعافيج يارب مشكوره..
ان شاءالله..
وحياج الله..
هلا هير..
الله يعافيج يارب..
حرام الحق يقال خدمتهم مبدايا زينه اقولج نظام عنجريزي بس المندوب عيبه انه يتصل رنه ويسكر ..
وحياج الله..
هلا مدمد..
خخ رطنا مثل اللي بالج :)
اها بجربها واقولج نتيجتها ..
ليش في اكثر من نوع والله مادري طلبت اللي حاطه صورتها تبين لنكها ؟؟ وانتي ماخذه اي نوع ؟؟
اي اذكر خخ عيل انا من كثر مافتر راسه مادز لي شي خخ يمكن يو ع ابو مطر فتتسبحين بالسطح خخ..
اهو ماسكر بويهي مباشر سكر عقب رنه وحده خخخ << عشان مايتمرمط برستيجي..
مشكوره..
وحياج الله..
هلا ليل..
ان شاءالله مشكوره..
اهو ع حسب بس لسائل في ميزة انه انظف لانه مو مكشف و مايضر لي استخدمه اكثر من شخص ..
جربت منهم صابونه جنه بزبادة الشيا كانت زينه ..
وحياج الله..
هلا ام مدمد..
خخخ عاد وعليه محترم خخ..
ان شاءالله بلشت الحين بالسنفره وصابونة البيبي :)
اجمعين يارب..
مشكوره..
وحياج الله..
بلغينا بعد التجريب بس جربي اسبوع و قولي لنا و نبي تلفونهم و لا عليج امر
عيل يوم التوصيل نتفرغ لهم لوووول
و يعطيح الف عافية على الموزوع الحلو مثل راعيته
تصدقين ريحة الصابون وصلتني
*_^
هلا خاتون..
حاليا قاعده استخدم صابونة البيبي وجربت السنفره ..
اوكي ولا يهمج :
هذا رقمهم :
6690 6480
اي خخخ ..
الله يعافيج يارب ومشكوره..
اي مبخره البلوق فيهم خخخ..
وحياج الله..
عليك بالعافية غلاي
وبعدين أنا بالخدمة حياك بأي وقت :)
هلا كوكتيل..
بعد عمري الله يعافيج يارب..
واعرفج ماتقصرين..
مشكوره..
بالعافية .. واايد حبيته ..
وسيفتة عندي بالــ FAvorites
السنفرة شكلهاا وااااو
..وعلى سالفة دق بو نص هذي عااادي
هلا من اكون..
الله يعافيج يارب..
اي جربتها مرتين وحبيتها تنعم بشكل حلو ماشاءالله..
اي اغلبهم جذي :\
وحياج الله..