Monday, April 26, 2010
10:36 PM
السلام عليكم ..
اذا ماتذكرون اذكركم عادي :)
رحت سبا تايم وسويت فيشل امبيه الاجواء تينن حده دلع صج اختيار موفق بيومي حسيت اني اميره وع قولت بنت خالتي مليته خخخ..
ولانه نتيجة الفيشل عجبتني خصوصا انه في جم نفره كانوا باطين جبدي اهما مارحوا بس خفوا وايد الحمدالله عقب الجلسه المهم راوتني كريماتهم فخذيتهم ..
*كل علبه من هالعلب فيها عينه هديه ..سعرهم 88 ..
وميزتهم انهم بدون كحول ..
س: تعرفون منتجات زينه للبشره بدون كحول ؟؟
و ع فكرة نوع بشرتي حساسه جدا جدا :(
نبلش بالمنتجات حسب استخدامها :
(1)
Balancing Lime Blossom Cleanser
*رايي فيه :
عادي جدا امم تقريبا من اللي جربتهم سوسكين احلى منه ..
(2)
Balancing Lavender Toner
Balancing Lavender Toner
*رايي فيه :حبيته خفيف العاده التونر جم يوم ويبلش يحرق بشرتي ويحرني هذا لا الحمدالله ..
(3)
(3)
S.O.S. Emergency Cream
*رايي فيه :
عيبه انه دبغ وايد بس ميزته وايد زين للنفر مايمنعهم بس لي طلعوا بسرعه يخفون منه ومايتركون اثر..
عيبه ال2 اهو تقريبا سعره جريب ال40 وحجه صغير بس 50 مل اهو الوحيد اللي خلص من منتجاتهم ..
*وطريقة استخدامه :
نقطه ع كل منظقه بالويه مع التركيز ع النفر (الحبوب -الدمامل)..
(4)
Herbal Lavender Repair Mask
*رايي :يعطي نظاره للبشره بشكل بسيط وهم احس زين للحبوب ..
*استخدامه :
مره او مرتين بالاسبوع ..
(4ونص خخ)
(4ونص خخ)
skin-buff
عينه ومادري ليش معطيني اياه اذا نتفه وباجي العلبه هوا جنه حالفين عليها جربتها مره مبدائيا ريحته مو حلوه ونتيجته ماكو :\
سايتهم :
س :خاطري الشهر الياي اسوي تنظيف بشره بس بالفواكهة تعرفون مكان زين ؟
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
28 comments:
عليج بالعافية و يعطيج الف عافية على النصايح:)
و بالنسبة لسؤالج والله ما عندي فكرة ليش ما احب و لا اثق بالعيادات و الحمدلله انا مو محتاجة له ..بس سألت أمي و قالت انها راحت لعيادة مركز الزهير الطبي بالسالمية عند وحدة تونسية اعتقد و الجلسة ب 45 لمدة ساعة و طلعت اشياء ما تتوفع من ويه امي لوول حبوب و مادري شنو بس تقول الوالدة ما حبته ( حدها مزاجية:))
I love pa time its the best spa in q8:) w 3aleach bel3afya dear
يعطيج العافية على نقل تجربتج
سبا تايم للحين مارحتله:S
انتي بشرتج حساسه نفسي بس انا مختطله دعله حدها مو اي شي يمشي معاها
وماركه سوسكن انا حبيت حمايتها جربت الغسول منهم بس عادي يعني
وحبيت فكره كريم رقم 3 بس علة قولتج دبغ انا ويهي بسرعه يدهن خصوصا التي زون
ويسلموو :)
أنا بعلق على سبا تايم كمساج عجبني
حيل وأحلى شيء الأجواء تشعرك بإسترخاء وهدوء سويت عندهم مساج وسويت فيشن بس المساج أحلى ما حسيت الفيشن مفيد :(
بس شالت الرؤس السوداء بس نضارة وإشراق لا :(
بس أكرر التجربة بالمساج العادي :)
ويعطيك العافية :)
** ماعندهم شي ينوم اليهال !!
حلو
شوقتيني لتنظيف بشره
علميني إذا لقيتي شيء حلو
عليج بالعافيه ..
كنت اروح حق فرعهم اللي بالمهلب وبعدين حرمت اروح لهم ..
(: (: (:
ما اعرف بصراحه عمري ماسويت فيشيل
مثلي بشرتي حساسه جدا جدا جدا بس اسنغربك دايم تستخدمين كريمات مختلفه ما تخافين على بشرتك تتاثر
وحبيت اسألك جربتي مرطب نهار ناسب بشرتك الحساسه؟؟
يعطيك العافيه
مملكة مبدعه
اختي رورو ممكن طلب صغيروون
بما انج ماشاء الله عليج تقزين واجد ممكن اعرف شنو افضل مطعم وهل هنالك مطاعم و اماكن مقترحه حق واحد يعشق الاكل ؟!
بجربها ان شاء الله الله يعطيك العافيه
على فكره هي منتاجتهم تناسب البشرة المختلطه اذا عندك خلفيه عنها
سلام ياعسل
عليج بالعافيه
صارلي جم يوم افكر ودي اعيش بسبا
ههههههههه
يسوولي كل شي وانا مرتاحه
ان شاءالله بجرب سبا تايم وبتدلع :q
هلا هوبيليس..
الله يعافيج يارب :)
الحمدالله عاد يقولون العيادات احسن من الصالون ..
اها خخخ ومرسي وماقصرت تنت :)
ومشكوره..
هلا هير.
انا ماجربت كلهم عساس احكم بس الاغلب يمدحونه ..
انت جربتي وايد غيره؟؟
والله يعافيج يارب..
ومشكوره..
هلا مدمد..
الله يعافيج يارب..
جربيه كتغير جو..
انا كل يوم يقولون بشرتي نوع مره حساسه جافه ومره حساسه مختلطة ومره حساسه عاديه :\
اي حمايتها حلوه ولونها حلو تنفع ككريم اساس ..
الغسول انتي لونه مخوضر صح ؟؟ انا ابيض الحلو فيه انه يرطب ماينشف البشره..
اي وما مال طلعه يبرق ويهج :\
الله يسلمج يارب ..
حياج الله..
هلا كوكتيل..
ماجربت المساج بس سوت لي حركات بسيطه وارتحت عليها وايد..
والفيشل اللي جربتيه نوع 2 بالفواكه غيري ...
اها مثل النتيجه اللي شفتها من اخر تنظيف بشره سويته ..
او جربي نوع 2 فيشل اذا حابه وشوقتيني ع المساج..
الله يعافيج يارب..
حياج الله..
هلا ميمه..
لا ينومونج انتي ..
يبي لي بنوتج انومها :)
وحياج الله..
هلا مزيونه..
ان شاءالله..
وحياج الله..
هلا ام اس..
الله يعافيج يارب..
ليش؟؟ انا جربت مال الافنيوز..
اها مرسي..
هلا مبدعه..
شلون تتاثر؟؟
انا اللي اعرفه انه لي استخدمتي نفس الكريم لفتره طويله تتعود عليه بشرتج وعقب ماينفعها..
بس انا ما حطيت وايد كريمات لويهي اغلب تجارب اللي اعرضتها لكريمات لريولي :)
لا والله مخصص لنهار بس لي الحين مو محصله :<
الله يعافيج يارب..
ومشكوره..
هلا اخوي عين..
@@ مافتر وايد :\
المهم بالنسبه لطلبك ماعرف ذوقك بس اخذلك فره بقسم لاكل بمدونتي بتلقى المطاعم اللي جربتها ..
وحياك الله..
هلا رندا..
الله يعافيج يارب..
لا والله بس شفتي السايت ؟؟
حياج الله..
هلا جايونه..
وحلاته كوخ ع البحر وجدام كوخج فيول خخخ..
وجربيه جو حلووو :)
والله يعافيج يارب..
مشكوره..
Try Obagi wayed creamata 7elwa o t9afi elbashra el set eb KD 100 we6awel taqreeban 4 months :D
هلا كريزي..
ان شاءالله..
وحياج الله..
تبين انصحج نصيحة اشتري منتجات شيسيدو للبشرة المختلطة بس قولي لهم حق امي علشان يعطونج ملوت الكبار احسن وايد
و بالذات الغسول عجيب أسم "كلينسينج فوم" وايد مريح للبشرة و ينظفها عدل و تظل طرية و سنفرته منه و فيه
و اخذي كريم مرطب لانكستر و سنفرتهم و تقدرين تاخذين السيروم كمعالج اضافي و ترف اكثر تحطينه قبل المرطب و بعدها تصير البشرة واو خلال اسبوع
و في عندهم كريم يفتح و يرطب اسمه"infinte white"بس مو تبيض صناعي بس يوازن لون البشرة و يرجع لونج الطبيعي الفاتح من لانكستر
و تستاهلين الدلع *_^
هلا خاتون..
وناسه عجبوني كريمات لانكستر مالت شيسدو من قريت انهم للكبار كشيت منهم خخخ..
بجربهم ان شاءالله..
مشكوره..
انتي وناااسه حيــل , انا احب هالسوالف سوالف السبا ..
شوفي جربي بوبل سبا .. اتوقع راح تستانسين عليهم .. لانه تنظيف البشرع عندهم حلو ويوقولون مافيه مواد كيميائيه
وبالتوفيق
هلا جاكليته..
اي لانه حده دلع..
ان شاءالله بجربهم الشهر الياي ومشكوره..