Tuesday, April 20, 2010
السلام عليكم :)
امس رحت مع اختي سينما وطبعا لازم نمر مطعم ..
وهالمره الفيلم من اختيار اختي ولانه اخر جم مره كل انا اللي اختار المهم اهي من زمان بخاطرها فيلم رعب ..
وهذا اللي موجود..

القصة
في عام 2019 يصيب وباء معظم البشرية ويحولهم الى مصاصي دماء. وفي مواجهة تراجع امدادات الدم يقوم الناجين بالبحث عن طرق ابقائهم على قيد الحياة، وفي نفس الوقت يقوم باحث بالعمل مع فرقة سرية لإنقاذ البشرية.
مثل اللي مذكور بالسايت : الناس تتحول من بشر عاديين لمصاصين الدماء وانقراض البشر يعني اختفاء دمهم وبالتالي ياثر ع مصاصين الدماء وتطلع امراض غريبه وفيدورن حلول بديله عن الدم البشري , البطل اهو مصاص دماء ودكتور بمجال الدم وهالسوالف والقائم ع التجارب بنفس الوقت مايتناول الدم البشري ويساعد البشر لدرجة انه دور علاج معاهم له المشكله لازم اسكت ولا احرق الفيلم خخخ..
رايي :
الفيلم مايخوف كلش مو رعب بس في شغلات مقززه..
وعقب رحنا نتغدا ..
طاولتنا ..

المنيو البيج للمشروبات وال2 للاكل ..


الخبز..



الشوربه يابوها قبل المقبلات :\


المقبلات ..


ع قولتهم دولمة احنا نسميه ملفوف ..


كباب فيجيه اسمه شي جذي :)



باميه ..


وبس بالعافيه علينا :)

26 comments:

AM.SA.CHANNEL said...

يالله يوعتيييينيي هههههههه ...

و بالعـــــافية .. !! أنا لازم أسوي زيارة للكويت آكل و أرد هههه

شاي الضحى said...

الافلام هالايام مليقه ماكو شي يسوى :(


عوااااافي

عجيب جاردن انا كله اطلب سلطاني

وفي شيشلك (شي جذي اسمه)

والباميا مره طلبناه ما عجبنه الي تسويه امي احلى ههههههه

حتى الملفوف مو حلو


شكرا :)

أبوفلان said...

الأفلام اختربت :-)

وبالعافيه المطعم ان شاء الله

شسمه ؟
وين مكانه ؟
التقييم ؟

مايصير جذي شخبوطة لازم يكون في هدف من الأكل غير الشبع :-)

ebtsamh said...

مشكله اسوي دايت وادخل مدونتج اجوع

زيادة :(

عوافي ..

mazyona said...

اي شايفة الفيلم كلش ما عجبني
اما عن الأكل صج يوعتينه
الحين بروح آكل مع اني مسويه رجيم

DiPLoMaSY said...

اممممممممممممممممم
شي جميل زين والله قلتي لنا عن هالفلم
كنت حاس انه مليق وبالفعل طلع مليق
وعليكم بالعافيه وخاصة الدولما مادري شسمها حبيتها وايد :>~

Om Hrooby said...

الفلم من قصته مبين موشي ..اذكر فلم رعب دخلته بدل ما نخاف كنا نضحك ولا بعد الفلم نص ساعة مادري ليش

امم عيبني المنيو ههه شكله حلو مايبيعونه ..

بالعافية رورو الحلوه ^^

لمار said...

بالعافية رورو شكل الأكل يشهي .. بس حسافة احنا ماعندنا سينما حت لو الأفلام مقطعة عادي بس نبي سينما زي الناس :)توني اليوم رادة كنت مسافرة ابها الجو كان خيال يالله انشالله تزورينا في السعوديةوتصيفين في ابهابتعجبك أكيد.

رورو الشخبوطه said...

هلا شانيل..

خخ ..

الله يعافيج يارب..

واي حياج الله عندنا :)

رورو الشخبوطه said...

هلا جايونه..

حدها :(

الله يعافيج يارب..

جنه قريتهم بس ماذكر شنو اهما بالضبط..

صح بامية البيت احلى ولا اللحم حاطين قطعتين صغار ع قولة اختي حاسبينا وحاطين ع عددنا خخ..

الملفوف عادي انا ماكله اكل بس حشوته بس شكله مايشجع ..

العفو ولو..

حياج الله..

رورو الشخبوطه said...

هلا اخوي بوفلان ..

اختيارات السينما للافلام تكون فاشله..

الله يعافيك يارب..

غاردن

بالافنيوز اجبال وتر لمون ..

امم عادي جدا ماحب وايد هالنوعين من الاكل افضل الاكل الامريكي..

شنو مافهمت خخ؟؟

وحياك الله..

رورو الشخبوطه said...

هلا ابتسامه..

عيل بحط اكل رجيم :)

الله يعافيج يارب..

وحياج الله..

رورو الشخبوطه said...

هلا مزيونه..

اي مو ذاك الزود
خخخ وي شكلي بستاثم فيكم ..

وحياج الله..

رورو الشخبوطه said...

هلا اخوي دبلو..

اي مو ذاك الزود مايسوى تروح له..

الله يعافيك يارب ..

خلك ع الكويتي ملفوف ويخب خخخ..

وحياك الله..

رورو الشخبوطه said...

هلا ام حروبي..

وناسه هذا اي فيلم خخخ..

وبالعكس توقعته احلى انا شدتني نبذه السينما..

لا بس عادي تبوقينه خخخ..

الله يعافيج يارب..

حياج الله..

رورو الشخبوطه said...

هلا لمار..

الله يعافيج يارب..

الحمدالله ع سلامتج والافلام لازم تكون مقطعه بس العادة اسمع انه سعوديين يروحون البحرين للسينما جربيها..

وحياج الله..

Made n Q8 said...

الفيلم من البوستر ماله مبين خواره !

وعليكم بالعافية الاكل يشوق

رورو الشخبوطه said...

هلا مدمد..

خخخ لا في له اكثر من بوستر :)

الله يعافيج يارب..

مشكوره..

cheese 7cake said...

الأكل يشهي وأنا حدي يوعاااانه


هالمطعم بالأفينيو ..؟؟
يعطيج العافيه

رورو الشخبوطه said...

هلا جيز..

اي باالافنيوز..

والله يعافيج يارب..

مشكوره..

Anonymous said...

برايي الشخصي
غاردن أحلى مطعم إيراني بالكويت
أحلى من الإيراني إلي بالشيراتون وكراون بلازا

بالعافيه إختيار موفق:)

رورو الشخبوطه said...

هلا لوير..

انا اكثر عجبني الكباب ..

الله يعافيج يارب..

ومرسي..

كوكتيل said...

بالعافية حياتي شكلة حلو :)

رورو الشخبوطه said...

الله يعافيج يارب كوكتيل..

اقصوصه said...

الله

حتى انا خاطري من مده بعد

اشوف افلام رعب

بس عن نفسي افلام مصاصي الدماء

ما تعجبني ولا تستهويني بتاتا

المطعم شكله حلو

انا من عشاق الكباب :)

رورو الشخبوطه said...

هلا اقصوصة ..

عيل روحي مع اختي خخخ..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads