Wednesday, April 21, 2010
11:23 PM
السلام عليكم ..
طبعا مالنا غنى عن الجمعيات وهالسوالف والحين بعد انتشرت محلات بمستواهم مثل كارفور ولولو هايبر ومركز سلطان و جيان وسيتي سنتر ..
انتوا من وين تحبون تشترون خرابيطكم ؟؟عن نفسي افضل :
لولو هايبر موجود بالري , احب اخذ منه الكريمات وسوالف سالي هنسن واحب قسم العروض مره خمطت منه سوالف تشوق وباسعار رخيصه .وعموما يعتبر ارخص من غيره .
ويشاطره المركز سلطان هم حلو وفي سوالف غريبه وفناتق سواء كريمات او مكياج او اكل والخ ,وهم من مميزات له اكثر من فرع اللي بشرق و السالميه والجابريه وفي مراكز للجمله جنه بالري والجهرا وفي افرع 2 بعد بس ماعرفها..
عقب باجي الاماكن :
موجود بالافنيوز , من زمان عنه واحس كل ماله ويصير ابيخ ..
موجود ب360 مول ,مارحت له الا جم مره وماحبيته ماحس فيه شي مميز..
له فرعين واحد بالسالميه وال2 بالشويخ ,و اغلب روحاتي له يكون فاضي :\ وطبعا مالنا غنى عن الجمعيات اللي كلماله تطور والحين اغلب الجمعيات يمها مجمع مطاعم وعندها مول ..
دوركم الحين تجاوبون :)
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
36 comments:
مركز سلطان اكيد مالنا غنى عنه كلشي الاقي فيه وقريب يم بيتي ،وهم جمعية القادسية حلوة وكبيرة وهاليومين قاعدة تنافس سلطان اغلب المنتجات اللي كانت حصرية بسلطان صرت الاقيها بجمعية القادسية:)
اممممم
انا شخصيا كل شغله من صوب يعني على حساب يعني سوالف اغذيه و اطعمه سوالف مخبز وحلويات او سوالف السويتس من الجمعيه ام سوالف الكريمات او الشغلات الخاصه بالعنايه الشخصيه لا مركز سلطان
بس فيه شغله انه فيه شغلات وااااااايد ما القاهم الا في سلطان السالميه :)
ثانكيو على الموضوع
والله بالنسبة لي اذا بجيل عدددل للبيت من الجمعيه عشان المساهمه
اما اذا اغراض ع الخفيف وتمشي اروح مركز سلطان
اما سالفة جمعية الحرس والرشطة هالوافدين مو مخلين لنا شي
انا احب جمعية القادسية والشامية ومركز سلطان الي بشرق غيره ماعرفله ماادري ليش ولولوهايبر وهم بعد جمعية الدسمه كشخه صارت :d
أنا أحب مركز سلطان كل شي غريب فيه
وعقب كارفور وجيان وستي سنتر
وبعدهم جمعية الشاميه
وجمعية مشرف
همممممم والله على حسب الي بشتريه
بعض المرات يكون الشي مو موجود الا بمركز السلطان او بلولو او او او
اغراض البيت العاديه والخضرا من جمعية الفيحا
التناتيف على حسب اذا كنت طالعه واقرب مكان لي اروح له
ماكو شي محدد :)
كارفور وجيان مو ذاك الزود
sultan center:)7ag el5arabee6 mostly:p
من الجمعيات .. هالشغلة من هالجمعية وهذي من هني وتلك من هناك .. يعني
لولو .. رحتله أول ما بطل مرة
سلطان .. حلو بس ما أحسه هايبر عني مو كل شي فيه .. بس فه الشغلات الي عليها رواج وجم شغلة بس
جيان.. زين بس أسعاره أغلى
كارفور .. كلش مو حلو وبضاعتهم عليها غبار وما ادري شنو ..
سيتي سنتر .. اقل من سلطان أعلى من كارفور
ما احس عندنا بالكويت هايبرات سنعة مثل الي نرحلهم برى الكويت .. ما أدري ليش ..
بدبي مثلا او البحرين تحسين صج انج داشه هايبر اما بالكويت جنهم جمعيات بس مساحتها كبيرة..
أمي تقول لان بالكويت في جمعيات ومساهمين واتحاد جمعيات تعاونة فلهالسبب أغلب الناس يشترون من الجمعية ..
عني انا ما اشوف هذا سبب يخليهم يهملون بضاعتهم وينسون انهم هايبر
أنا عني أفضل آخذ أغراضي، من سبينس، و أحس يوم أطلع منه أرخص حتى من الجمعية و أستغرب لأنه الجمعية أرخص، و عقب احب الجمعية، لكن كرهتها، لأنه كل يوم يدعسووون شي فيها، ف ما أحب أسيـــرلها، و أشيائهم مكرره عكس سبينس تلقطين أشياء مب موجووده و أشياء حلوة..
كــارفوور لأنه كبييييير فرااااسي يدوور منه، بس إذا حاطه شي في بالي سرت خذته و طلعت، ما أعرف ليش أضيع في الأماكن الكبيرة..
جيان عنا منه واحد كن بعيد، يمكن مرتين دخلته، حسيتبه نفس كارفوور، إلا في أشياء بسطية غير .. !!
انا عن نفسي أروح جمعيات
ما عندي مكان محدد أحب أغير
اكيد مركز سلطان بلا منازع حقي انا
يعني عادي حتى لو ضايق خلقي اروح اهناك حتى لو ماابي شي
بس اذا معه امي كل جمعيات واروح كارفور وجيان معاها
صدقج مالنا غنى عنهم نحن عندنا كارفور وهو نفسه بالسيتي سنتر ومثل ما قلتي كل شي موجود فيه وعندنا جمعية الشارقة التعاونية ..على قولة امي في اشيا معينة تاخذها من كارفور ارخص من التعاونية وفي اللي بالتعاونية ارخص من الكارفور ..هم ذولي اكثر شي نسير لهم وعندنا لولو هايبر بس عمري مادخلته ^_*
بس سؤال شوها الافنيوز ..تراني مثل الاطرش في الزفة كذا مرة ذكرتيه وانا ماعرف شو هو بالضبط مكان مول شارع ..ابي اشوف صورته اذا فيه شي مميز ^^
ودي~
ماجلة البيت من جمعيتنا
عشان الأرباح;)
بس إذا أبي فناتق وخرابيط
أروح مركز سلطان
أدلع نفسي بالأكل
هلا زبوطة ..
يبيله عيل جمعيه القادسيه :)
وحياج الله..
هلا اخوي مشاري ..
مثلي ..
وصح مركز السلطان متميز ببعض السلع ..
حياك الله..
هلا اخوي بوفلان ..
اي انت بعد اجيد منا انت معيل اسره احنا يالله نفسي :)
وبالنسبه للجمعيات الشرطة وغيره يمدحونه بس ماعمري جربت اخمط منهم مكانهم وترتيبهم مايشجع :\
وحياك الله..
هلا مدمد..
يمكن لانج متعوده عليه..
2 صوت لجمعية القادسيه شوقتوني اروح لها ..
وخخ اي مميزه لانها جمعيتكم ..
و حياج الله..
هلا جيز..
للحين الاغلب يمدح مركز سلطان..
وحياج الله..
هلا جايونه..
تقريبا مثل رايي ..
وحياج الله..
هلا هير..
اي خخ ..
حياج الله..
هلا شي از مي..
مشكوره ع الرد الوافي ..
وحياج الله..
هلا شانيل ..
سبينس مثل كارفور وجيان ولا غير؟؟
وصاجه فرق بسيط بين جيان وكارفور حتى الاقسام تقريبا مثل الشي ..
وحياج الله..
هلا مزيونه..
اها..
انا احب اماكن معينه عساس اكون عارفه ترتيبها فماضيع وقتي..
وحياج الله..
هلا دودو..
هم بعد مركز سلطان ماشاءالله شكله التوب بالنسبه لاغلبنا ..
وحياج الله..
هلا ام حروبي..
يعني مثلنا تقريبا ..
اهو مجمع بطلوه ب2007 ولي الحين خلصوا مرحلتين منه وباجي جنه 2 بعد ..
في سينمات واغلب محلات الشايع(زار -مانغو - والخ) وفي القسم اليديد للماركات يعني بضاعته بمختلف الاسعار في 7000 ستار بوكس خخخ وفي اغلب المطاعم اللي احطها وفي سبا ومحل للاظافر و مكان للالعاب واايد شغلات وهم بيفتحون في شغلات واهو من المجمعات الكبيره بالكويت واللي احبها ..
وهم بعد في ايكيا و كارفور واايد شغلات وفي محلات فاتحه اكثر من محل فيه مثل بودي شوب وبوتس و كليرز ..
في وايد صور عنه اهني..
http://images.google.com/images?rlz=1T4TSHB_enKW278KW278&q=%D8%A7%D9%84%D8%A7%D9%81%D9%86%D9%8A%D9%88%D8%B2&um=1&ie=UTF-8&sa=N&hl=ar&tab=wi
ان شاءالله تزورينا وتمرينا ..
وحياج الله..
هلا لوير..
اي زين تسون :)
ولازال ماشاءلله مركز السلطان متصدر ماشاءالله..
حياج الله..
لا سبينس غير، و حتى أغراضهم تقريبا غــير عن الجمعية و كارفوور ...
ولكم باك شانيل..
مشكوره ع التوضيح..
اللولو بلا منازع:)
هلا هوب ..
اي انا بعد احبه :)
وشكله ينافس مركز سلطان..
حياج الله..
ماكو غيره " مركز سلطان "
:)
هلا عطوف..
اي عجيب ماشاءالله..
حياج الله..
أنا أفضل
1) ستي سنتر
2) الشامية
3) الخالدية
4) مركز سلطان
ما ادري كل جمعية ولها منتجاتها الي تتميز فيها .. بس انا احب كارفور ولولو هايبر فيها اشياء اتونس
هلا كوكتيل..
خخ مابي اقول سركم مقطوط بسيتي سنتر :)
بس مره رحت له كلشي ماكو :(
والباجي نايس ..
حياج الله..
هلا من اكون..
صاجه ..
والاغلب محتار مركز السلطان او لولو ..
حياج الله..