Tuesday, April 6, 2010
السلام عليكم ..
اليوم اختي الوسطية ورفيجتها يابولي ماكنتوش خخخ انا احبه وله ذكريات حلوه اول لما كنت اتفوق ايام الابتدائي لازم اوزع ع الناس ماكنتوش عقب كل شهاده .
فاختي قالت لي غمضي وراحت تطلعه من الجيس قلت لاه شفته (حسبالي حركاتنا قبل ع ابو مفاجئة غمضي عينج ومدي ايدج خخخ) المهم قالت لي لا غمضي ولفي ويهج ماوعيت الا حاذفه علي الككاو اح منو مطلع سالفة النون !! ترا تعور خخ ذكرتني هالحركه هم بالابتدائي بس هالمره بالتكريم قلت لكم هالسالفه من قبل هون (كان الموضوع في وايد ردود مادري علامه اونكل بلوق زعل علي وحذف كل الردود اللي بالمواضيع القديمه :(
الزبدة نرد لموزوعنا اللي استجد علي انه منزلين انواع يديد .. حطيت نيشان عليهم بس مو مبين لانه الصوره صغيره:\
هذيل اهما انا ذقت البنفسجيه بس حاسة التذوق خافه عندي حلجي صاير جنه عيادة اسنان احس طعم الدوا اقوى من الاكل فما استمتعت فيه ولا اقدر اكل ع راحتي اهي اهي يالله كله بسبيل الجمال :)
وطعمها احس مو يديد مار علي خخ طبعا مو طعم الادوا لا احس قريب من طعم المثلثه الخضرا او جواهر جلكسي شي جذي << اذا طلع طعم غير طوفوا خخ..

الصفرا(شكولاته بحشوة اللوز المقرمشة ).
البنفسجيه (شكولاته بكريمة البندق)
بس الصدمه الككاوتين اللي احبهم انقرضوا اهي اهي احب الحمرا ام فراولة والبرتقاليه ام البرتقال ولا وحده موجوده ليكون قطعوهم بعد :\



وبس ..


مرسي اخيتي مرسي صقيقة اخيتي تعيشون وتيبون لي يارب :)

24 comments:

صمت البوح said...

^_^ بالعااااااافيه

طرشيلنا نبا

ومشكووره ع الموضوع

Anonymous said...

السلام عليكم

بالعافية اختي شخبوطة..
هالككاو ..لة ذكريات ..
خص اول يوم كان في علبة معدن ودائرية..!!

كان يحي علية هواش وسواليف ..!!
ههههههههاي

واسف على انقطاعي عن التعليق..
جهاز الدوام رافض وحالف بالثلاثة وملغي خاصية التعليق..

بركة منة مخلينا نشوف المواضيع..


تقبلي اطهر تحية

شاي الضحى said...

عليج بالعافيه

اختج الله يهداها ما يابت لج الكاكاو الا لما سويتي اسنانج ؟

انا احب البنفسجيه والصفره الطويله

عاد الي انتي تحبينهم انا كنت اقطهم بزباله لوووول او ساعات اعطيهم امي كلش ما احبهم


مشكوره :)

Anonymous said...

ماكنتوش هههههه ذكرتيني نتهاوش انا واخواتي علي الحلاوه الصفراء الطويله واللي بالتوفي مين اللي تاخذها الاول خخخخ

علي قلبك بالعافيه رورو عساك ع القوة

ibnalsor said...

احلى ماكنتوش قريته اهنيه
بساطة في المعاني .. رقة في الاسلوب
مرح في الكلمات .. بصراحه ماكنتش
متوقع من هالبنت الشخبوطه تكون حروفها
احلى من الحلاوه اللي جابوه لها
روعه يابنت

Made n Q8 said...

رورو انتي عكسي تحبين الفراوله انا مااحبها احسها تلوع جبدي استغفر الله خخخخ

بس اموت عالبنفسجيه اهواش عليها لوول

والحين بعد في بنفسجيه والخضرا كباار يعني تشبعج لي يومين :)

Seema* said...

مو هينين ماكنتوش! ;P

بالعافية :)

أميـــــره said...

يمي يمي


شهيتينا .




مدونه جميله

ba6alah said...

mackintosh rulzz :]

رورو الشخبوطه said...

هلا صموته..

الله يعافيج يارب..

لا حياج عندنا ونهريج منه خخخ..

والعفو ولو..

حياج الله..

رورو الشخبوطه said...

هلا والله اخوي عناي..

وعليكم السلام والرحمه..

الله يعافيكم يارب..

اي عجيب خخ..

لا وي عادي حياك الله باي وقت ..

انا بلاب توبي اشبك بالدوام ماوصلني جهاز لي الحين :\

وحياك الله..

رورو الشخبوطه said...

هلا جايونه..

الله يعافيج يارب..

اي ع سلامتي واهي تاكله بدالي << هذا اللي قالت لي بس انا كنت ابي الحمرا مالقيتها دورت وحده لينه وكليتها..


خخخ عكسنا احنا الصفرا الطويله اهي والتوفي يتمون لي اخر شي ..


العفو ولو حياج الله..

رورو الشخبوطه said...

هلا راندا..

خخخ عيل عكسنا احنا نخليها محد يبيها ..

الله يعافيج ويقويج يارب..

مشكوره ..

وحياج الله..

رورو الشخبوطه said...

هلا احوي ابن السور..

مشكور ع الاطراء من ذوقك :)

وحياك الله..

رورو الشخبوطه said...

هلا مدمد..

خخ انا احبها لذيذه ..

البنفسجيه عادي بس تيب لي الحارج احس حلاها بزود..

خخ انا بروح لندن يقولون طريقتهم مثل الفكتوري سويت وناسه..

وحياج الله..

رورو الشخبوطه said...

هلا سيما ..

خخ من التراث..

الله يعافيج يارب..

وحياج الله..

رورو الشخبوطه said...

هلا اميره..

لا تستحين حياج مدي ايدج :)

الاجمل مرورج..

حياج الله..

رورو الشخبوطه said...

هلا اخوي بطالي..

حياك الله..

Anonymous said...

حسافة توني أدري إنهم مقطوعين !! أنا أحب هالثنتين نفسج :(

رورو الشخبوطه said...

هلا حنون..

مو اكيد انهم انقطعوا بس بها العلبه مو موجودين فاخاف انه قطعوهم :(

وحياج الله..

Crazy Girl in aGood Way said...

عليج بالعافيه

وترا في عاده شبه منقطعه بالنسبه للماكنتوش ..... زمان اول اذا طهرو الولد ييبوله علبه ماكنتوش على سلامته :)


شكرا

رورو الشخبوطه said...

هلا كريزي..

الله يعافيج يارب..

خخخخ صج مادري احنا بيتنا كله بنات بس كنا ناخذ الماكنتوش لسلامة احد او تفوق :)

العفو ولو..

حياج الله..

خاتون said...

ههههههههه
عجبتني سالفة التفلع بجربها مع خواتي
يحليلها اختج تونس شكلها مرحة
أنا أحب اللون البنفسجية و بالتالي البنفسجية احلى *_^

رورو الشخبوطه said...

هلا خاتون..

اي نحي التراث بالتفلع خخخ..

اي اختي تينن خخخ الله يخليها لي :)

البنفسجيه زينه بس تيب لي الحارج :\

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads