Sunday, March 14, 2010
10:15 PM
السلام عليكم..
امس عقب المطعم رحت محل الاكسسورات صوب جيان ابي شي ناعم كهديه لعروس مناسب لذوقها بنفس الوقت اهو مو الهديه الاساسيه اهو بس شي عساس اعرف شلون اقدم الهديه الاساسيه ..
المهم ماعجبني شي جان ادش لاش كان يمه ..
وفي ركن للهدايا وفي وايد مجموعات قلت لها لعروس رواتني اغلبهم هذا فيه احسن محتوى ماحب سوالف البانيو خبري البنت ماعندهم الا اذا بتقزرها بطشت هذا شي 2..
اخر شي استقريت ع هذي مع انه احس تغليفه مو لايق لعروسه بس ماكو قالت تبين اغلف لج اللي تختارينه عادي قلت ابي جاهز لانه مو خبره باغراضه اخاف انقي واوهق البنيه :\
وهم في ميزه انه حتى الريال يقدر يستخدمه مو بس للبنات ..
صورته من النت وع طاريه ..
والله فرق بالسعر بالسايت ب29.95 دولار تقريبا 10 دنانير انا خذيته ب18 ..
محتوياته مثل اللي بالصوره بس بدون اخر قوطي ع يسار مو معاهم وبداله زبدة ككاو..
هني بشكل اوضح :
Rock Star soap
up you gets emotibomb
suger babe suger scrub
Yummy Yummy Yummy 100g شاور كريم
whipstick lip blam
طبعا ماطلعت خاليه لازم اخذ لي شي خخخ ..
صابونه سودا ع حجي الفلبينيه زينه للاماكن الغامجة وترطب ..
ديودرنت اعتقد هالنوع لانه هذي اقرب صورة وتقريبا مثل محتويات ماثبت ع الاسم ..
عقب كل هالتخمط طلعت الكي نت خربانه قلت اسحب وارد رحت ولا كل اللي بالمجمع مختربين اهي اهي جان ادور جنعيه لقيت جمعيه الشرطة سحبت ورديت ولا اشتغلوا الكي نت خخخ..وقبل فتره كنت اسوي سيرج ولقيت سايت لهم بالعربي تبع السعوديه :
http://www.lush.com.sa/
اللي حابه تفيدنا بتجاربها :)
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
16 comments:
حلوة الطشت هذي فصلت عليها :)
احلى شي الطشت ههههههههههه
جربت شامبو نسيت اسمه بالبدايه كان زين بعيدن خله شعري يصير املح
وعندي جم صابونه ليلحين ما جربتهم
الي بالكويت وااااااايد غالي
اختي كله تشتري منه عندهم رخيص وكله يسوون عروض
مشكوره :)
حلوووو وايد تسلمين
مممممممم
كان عندي هدية عروس وهديه لبنوته
توها انولدت , بس يمكن عشان هذول قراب
مني فضلت هدايا غاليه ..
موضوع حلو ومفيد .. يسلمووا
بصراحه اول مره اسمع فيهم بس شكل منتجاتهم حلوه
والطشت "شي ..شي" :)
هلا كوكتيل..
حياج الله..
هلا جايونه..
خخخ ..
وي اهو سائل مو صابونه عاديه؟
اي جيكت بالسايت وخاصة سوالف الست ..
واغلب المحلات اللي من هالنوع اهو لوكستيان و هم المكياج برا عروض وسيل اهني لا :\
والعفو ولو..
حياج الله..
هلا مزيونه..
مشكوره..
والله يسلمج يارب..
هلا ابتسام..
انا احب الكاش ماني هدايا فماقدمه بروحه لازم معاهم شي..
بنفس الوقت ماحب احط يعطيني هديه كاش ماني :\
مشكوره..
والله يسلمج يارب..
هلا انجو..
انا من زمان سامعه فيه بس اول مره اشتري منه..
وحياج الله..
علييج بالعافية
الصابونة السوده اول مره اشوفها ،اظاهر يديده :)
هلا مدمد..
الله يعافيج يارب..
ماقلتي تجاربج خو هذا تخصصج خخخ؟؟
والصابونه السودا بالسايت مكتوب انه زبدة للجسم ..
وحياج الله..
هذا وين بالافنيو و إلا ؟
تصدقين أحنا عندنا عرايس بالعايلة يبيله نمر و بالمرا ندلع نفسنا ^_*
بكافئ نفسي بعد جهاد طويل بالدراسة ^_^
و مشكورة على الانقاذ *_^
هلا خاتون..
لا ب360 مول ..
وان شاءالله يعجبج..
والعفو ولو..
حياج الله..
لا مو سائل ولا صابونه
جنه سكرب بس شامبو
ولكم باك ..
جايونه..
اها ومرسي ع التوزيح..