Tuesday, March 16, 2010
السلام عليكم ..

امس رحت لـ bubbles nail spa من زمان كان ودي اروح له بس اتكيسل هالمره بدون تخطيط كنت اسولف مع رفيجتي واهي مهوسة خلطات وكريمات وهالخرابيط مثل حالتي جان تقولي خل نروح له ..

لوحاته منتشره بالمجمع ..



وصلنا له


وطلع لازم موعد جان اقوله انزين متى فاضين قالت 12 ونص قالت اوكي قعدنا نحوس لي ال12 الا ربع ورحنا لهم تقريبا نص ساعه وردينا لهم ماكو مكان نقعد فيه :\


دقايق وقالت تعالوا نسوي لكم حتى 12 ماصارت ..

اول شي قالت لنا نختار لون وألوان تشوق ماشاءالله كا مقتطفات منهم ..

















وهم في عندهم كريمات وهالسوالف ..








واخترت هالنوع ..


مع خدمات اضافيه :
-فرنش عادي ..
- علاج تفتيح اليد ..

وهذا مكاني :)


وحطولي هالمخدتين ..



وهذي عطوها رفيجتي جان يشتغل النغر وقلت ابي عقب يابولي مثلها جان يبتلشون كلمالها طايحه ويردونها خخ ..


وعقب قالت لي شنو تشربين ؟فشفت منيو المشروبات في جاي اخضر نعنان – جاسمين تي- هوت جوكلت-كوفي-ماي وجنه كابتشينو..
اخترت هوت جوكلت ..


وهذي العده اللي باستخدمها ..


اول شي حطتلي سنفره وعقب ماسك وحطتلي نايلون ..



وفوق فوطه جنه تسوس..

وعقبها هذا ..(ولبسوني اياه مرتين )



وصلنا للصبغ خيرتني بين 3 الوان من الفرنش وقلت لها ابي التوب فيهم و حطتلي هذا ..

اسمه Madison

ولما خلصت يابولي هالجهاز ينشف الصبغ اسرع بس مليت لانه شغلته مرتين :\

واول شي الهوا باردد والاهم انا ماحب اثبت ع وضعيه معينه ماقدر احس جسمي يخدر جنه متكسره :\

دزيتها لما وقفت قلت خلصت و شاق الويه الضحك جان ترد الجهاز مره 2 تقولي بعد مره اهي اهي ..


خلصت اخيرا جان اقوم اصور وصورت الساعه لانها عاجبتني :\

ويابتلي هالجيس فيه عدتي ..


وهذا من داخل ..


قبل وبعد :)

احس فرق بسيط بس حلو ماشاءالله حبيت الاظافر وايد ..

وبالنسبه للتفتيح مو من اول مره يبين من جذي حجزتلي موعد الاسبوع الياي ..


الخلاصه :
حبيت المكان واللي سوت لي حليوه كنت بسالها عن اسمها بس ماكان في مجال حسافه ..

50 comments:

بدون تعليق said...

هذا موضوع حريمي والا مختلط : ) نقدر نعلق ؟؟

good luck ان شالله دوم healthy nails

انه اتعيييز اقص اضافري بالبيت بعد اروح محل يسويهم لي ^_^

Her said...

wow lots of shads and lots of zoya:) I'm gonna give it a visit... your nails are very nice mashalla:)

Anonymous said...

مرررره روعه الله يعطيك العافيه يالغلاا

تمنياتي لكي بالتوفيق والسعاده

mazyona said...

شكله يشوق وحلو
مشكورة رورو

Sn3a said...

ناايس عجبني شغلهم
ليش ماحطيتي عدتج عندهم كل مابتروحين تستخدمينها

Made n Q8 said...

ناايس مشالله وايد حلو

انا كنت بسوي التبييض بس قالتلي ماله داعي لاني كنت مسويه الفوندو

علييج بالعافية

الاوركيده said...

عليج بالعافية

شكله يشوق بس انا من أنصار كل شي اسويه في البيت ما أحب اروح إلا حق المساج

:)

لمار said...

مرحبا رورو ..وحشتيني وموضوعك عجيب حبيتة لأني احب هالسوالف والصبغ الي اخترتية حيل رايق وبلا مخاسير عندك الليمون والجلوسليد مافي زيه لليد :)اسمعي نصيحة مجرب يعني روحي وصوري لنا وفيدينا بس لا تسوين شي عندهم شكلي بنزف الحين ..وعلى فكرة تراني شفت موضوع تخرجك قبل كم سنة في منتدى كنتي حاطتة ولا توقعتة انتي لين شفته في مدوناتك :)ويسلموعلى هالتعب حبيبتي والله.

AuThoress said...

حلو .. بين فترة وأخرى ، منعش لليد :) ودي اجرب الاكريليك ..؟ كم سعره؟

daloo3a said...

حلووو والله ^^


يديااااتج حلوات خخخ =)

فاطمة الابراهيم said...

يعطيج العافيه رورو

ذكرتيني فيما مضى :(

عاد تدرين كنت اهب بهالسوالف حق تكرمين اظافر ريولي ليمن تورموا وتشوهوا ..!
والله واطريت يسويولي عملية جراحية و تجميلية ..!

من حزتها وانا اسوي حسب اللي وصف لي اياه الطبيب وحرمني من الصالونات ..

بس لا تدمنين عليه خليه من فتره و فتره احسن

:)

كوكتيل said...

عليك بالعافية غلاي :)

●• ۈحيدة بليآهُم•● said...

ناااااايــس

يعطييج العــافية ..

^_* اتخبـل ع الكريمــات وهالسوالف ..

سمو الأميرهـ ..ツ said...

حلووو ...
زين لو عندنا ...


تسلميين حبيبتي ع التقرير الحو (:

خاتون said...

يبيله روحه بس مو الحين يا بالعطلة يا وقت التخرج لأنه حسافة راح يخرب و لأنه الأيد تفحمت الله وكيلج من الشمس مهما نحط كريمات ما يزي شمسنا لاهوب
بس يمكن أروح بالعطله وناسة *_^

36uofa said...

woooooooooow wanasaaa wen mokanaa :P?

ebtsamh said...

عاد غرامي الاظافر ..

ونيو لوك حلو لأظافرج .. تتهنين ..

وشجعتيني اروح :)

شاي الضحى said...

شوقوني الاصباغ الوانهم تونس

ايدج بالنايلون ذكرتني بالجناط بالمطار لما يلفونهم هههههههههههههههه

بس ما شاءالله فرقت ايدج النيو لوك وايد احلى وشكلهم مرتبين

نعيما

مشكوره :)

عفره said...

وااي شخبوطه يتي بوقتج
صارلي دهر ما رحت حق اي مكان للنيلز
صارلي سنه وفوووق و طاري على قبل يومين اني بسوي عنايه كامله بدلع نفسي بس انطر ماي نيلز يطولون شوي :P

Anonymous said...

يبييييله


نعيما

Om Hrooby said...

يااااااااي وناسه ..احلى شي المنكيير الوان ..عاد غير لما حد يسويلج دلع على الاخر ..

نايس بوست

وديّ^^

رورو الشخبوطه said...

هلا اخوي عبدالله..

علق حياك الله ..

اجمعين مشكور..

خخ ان قبل فتره سمعت انه في للرياييل بع بس بدون صبغ طبعا بس مو قادره استوعب طريقته بالضبط :\

وشكرا..

رورو الشخبوطه said...

هلا هير ..

اي يشوقون الالوان ماشاءالله مره 2 عندي صبغ ببلاش شكلي بنحول مادري شاختار :\

صح يبيله خاصه انه تحبين هالسوالف ..

مشكوره :)

وحياج الله..

رورو الشخبوطه said...

هلا راندا ...

مرسي والله يعافيج يارب..

اجمعين يارب..

حياج الله..

رورو الشخبوطه said...

هلا مزيونه..

اي صح :)

والعفو ولو حياج الله..

رورو الشخبوطه said...

هلا سنعه..

ماقالت لي ..

ومايسوى كل مبرد وعصاة وفرشة بس المرات اليايه ان شاءالله ..

وحياج الله..

رورو الشخبوطه said...

هلا مدمد..

عيونج الحلو مرسي ..

اهو تفتيح ويصير بس الظاهر مالها خلق :\

الله يعافيج يارب..

وحياج الله..

رورو الشخبوطه said...

هلا دمعه ..

حلو ماشاءالله..

انا من انصار تجربة كل ماهو جميل ونظيف بس اللي تعرف حلاته اهي تسوي شغلها اضمن وانظف ..
والله يعافيج يارب..

مشكوره..

رورو الشخبوطه said...

هلا والله لمار ..

بجربه ان شاءالله شنو فايدتهم تنعيم وترطيب ولا تفتيح ؟؟

خخخ ماحب جذي اول شي فشله بعدين الموضوع حلاته مجرب..

اي حفلة تخرجي العام كانت :)

الله يسلمج يارب ..

وحياج الله..

رورو الشخبوطه said...

هلا AuThoress..

اي صاجه حلاته كل شهر مره ع الاكثر ..

وسوري بس شنو الــ الاكريليك ؟؟

واسعارهم موجوده اعتقد بالمنيو بصفحتهم بالفيس بوك ..

وحياج الله..

رورو الشخبوطه said...

هلا دلوعه..

ودي اقول عيونج الحلوه بس شريجتي ماقدر خخ..

اي شفتي شلون بركات شايبنا :p

وحياج الله..

رورو الشخبوطه said...

هلا لوتس..

الله يعافيج يارب..

وي سلامات ماتشوفين شر ان شاءالله ان ريولي ماعمري سويته لانه فيها مسمار لحم فاخاف مو ناقصني..

شلون الطريقه مايخالف تفيدينا ؟؟

اي بالضبط ع الاكثر كل شهر مره مابي اكثر ..

ومشكوره ع عرض تجربتج..

حياج الله..

رورو الشخبوطه said...

هلا كوكتيل..

الله يعافيج يارب..

مشكوره..

رورو الشخبوطه said...

هلا وحيده ..

الله يعافيج يارب..

ماتنلامين يشوقون :)

وحياج الله..

رورو الشخبوطه said...

هلا سمو ..

اتوقع عندكم وجان ماعندكم حياكم عندنا :)

والله يسلمج يارب..

مشكوره..

رورو الشخبوطه said...

هلا بالخريجه خاتون..

الله يسهل عليج يارب وتخرجين وتدلعين نفسج عفب16 سنه كراف ..

جربتي كريمات الحمايه للايد مع تسوس ؟؟

وحياج الله..

رورو الشخبوطه said...

هلا عطوف..

بالكويت \ش السور- برج جاسم ..

وحياج الله..

رورو الشخبوطه said...

هلا ابتسام..

مثلي :)

واي يشوق جربيه كتغيير..

ومشكوره ..

رورو الشخبوطه said...

هلا جايونه ..


اي يشوقون بس حيرون اذا بتختارين ..

خخ زين رقيتيها انا ذكرتني بالسمج النافق او اللي نكوده بالفريزر..

مشكوره :)

الله ينعم بحالج..

والعفو ولو..

حياج الله..

رورو الشخبوطه said...

هلا عفره..

خخ حلو..

حتى انا من فتره مو رايحه و من شهر كله بروح واجل ليما فجاءه ضبطت الحمدالله واشوه طلعت النتيجه حلوه ماشاءالله..

وهم بعد عندي ظفر انكسر ونطرته يطول :)

جربيه وان شاءالله يعجبج..

وياحلات الدلع ضروري ندلع نفسنا:)

حياج الله..

رورو الشخبوطه said...

هلا بنت جابر..

اي يبيله :)

الله ينعم بحالج..

مشكوره..

رورو الشخبوطه said...

هلا ام حروبي..

اي حده دلع ..

ومشكوره من زوقك :)

حياج الله..

bokeh of magic * said...

عااد حده بخاطري اسوي فرنش منيكير حق اضافري D:

شكلي بروحله ^^

يسلموو الاياادي

رورو الشخبوطه said...

هلا بينغ..

اي يونس حده حلو ..

انا 2 مره اجربه بس عندهم وايد احلى ماشاءالله من اول مره اللي كانت بصالون عادي ..

الله يسلمج يارب..

وحياج الله..

فاطمة الابراهيم said...

الله يسلمج يارب
وسلاماتج رورو من مسمار لحم

مم ماكو الدكتور قال اقرض اظافري بحيث أبّرد أطراف أظافري علشان لا يدش الظفر داخل اللحم ..!

الشغلة الأهم أن ما أنظف داخل الظفر لأن الصالونات شيسوون يوسعون الفجه فـ يدخل ميكروبانات وغيره
و طريقة تنظيف الصالونات غلط لأن لمن تنظف من داخل جزء منه يدخل داخل يعني تدخله وفي بنات يشتكون بعد مايسوونها أن أظافر ريولهم تكرمين تعورهم وتحمر ..!

أنا شصار لي أن أحمرت وأزرقت ..!

سويت عملية جراحية وشال الجزء الملتهب والمتضرر من اللحم و الظفر ، و سولي تجميل لأن الظفر تغير شكله عن وضعه الطبيعي ..!

لا يكون بس سديت نفسيتج ..؟
بس جد والله من حزتها و أنا أمشي على نصيحته و قمت أسوي حق روحي

:)

رورو الشخبوطه said...

ولكم باك لوتس..

الله يسلمج يارب ..

مشكوره ..

لا بعد عمري عورتي قلبي وزين نبهتيني كنت ناويه اسوي بس الحين بهون واذا سويت بنبها ..

ومشكوره ع التوضيح والتبيه..

MzAjYaH said...

نايس

حبيت الطرح

تسلمين حبوبه

'3ShMrGiaH said...

وناااااسه..

ودي اجرب.. بس ياحسره ما عندي ازاافر:p

رورو الشخبوطه said...

هلا مزاجيه..

الله يسلمج يارب..

ومرسي ..

حياج الله..

رورو الشخبوطه said...

هلا غشمرجيه..

تبين اسلفج اظافر ريولي خخخ :p

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads