Sunday, March 28, 2010
السلام عليكم ..
اليوم مارحت الدوام بس سويت انجاز :)
اول شي رحت موعدي الجلديه بس انصدمت انه مغيرين مكان العياده فرحنا للمكان ال2 والحمدالله ماطولت اقل من 10 دقايق دشيت كالعاده لازم رقم 4 يكون بحياتي :s
المهم دخلت مديت ريولي الجميله مثل سندريلا لما قايست حذاء الامير :p
والحمدالله الدكتور كان وايد زين والله يتمم عليه ..
سمعني وكل مابي شي سواه لي حتى لما قلت اضمده قال انه مافي دم مايحتاج بس كتب لي بوصفه بس مارحت مدام ماله داعي :)
اول شي حك لي المكان نسيت اقولكم راويته ريلي ال2 احتياط حاس فيه مشروع مسامر لحم وطلع صح اهو فحكلي ال2 وعقب يايبوا نفس مطفأة الحريق بس سلفر واهي الكوي البارد وكولي اياه والسستر قالت لي لا يحوش ريولج الماي لمدة ساعتين ,انا حسبالي بيصير اوكي وبيروح طلع لا في موعد 2 ويبيله علاج اللي اهو..
1- انقعها بماي حار كثر ماقدر استحمل وتم 10 دقايق امي قالت له مع ملح؟؟ قال احسن بعد جان اسالها عن الخل قال لا ..
والتنقيع يكون بالليل كل يوم ..
استانست انا الحين استخدم كريم يبيله انقع ريلي بماي قبل لا احطه وكنت مستثقله السالفه الحين اتشجع مدام له فايدتين..
2- الدواء اللي صرفوا لي اياه عباره عن محلول ع راس مسمار اللحم ماجيكت اذا موجود للي الحين او لا :\ ومعاه فازلين احطه دار مدار المسمار عساس المحلول ما يصير ع الاماكن ال2..
3- سالته عن البلاستر قال زين واحسن من المحلول بعد عاد خذيت لي هذا:
الصيدلي يقولي اقوى من الوردي بس جعوص بس في 4 حبات :\

وعندي هذا لي خلص شول باستخدمه ان شاءالله..


بالنسبه للعوار عوار بسيط يتحمل بس استغربت انه العوار بالريل ال2 اكثر من اللي انا رايحه مخصوص لها :\
وتذكرت سالته عن شغله رفيجتي قالتها لي ان المسمار يعدي (معدي)؟؟
قالي اي @@ يعني للي يلبس مثل الجوتي وانتي بكرامه احتمال يصير فيه و احتمال يرد يطلع مره 2 بنفس الريل :s
هم تذكرت شغله 2 شكله البوست ماراح يخلص اليوم خخخ استغربت لما الصيدلانيه كتبت ع المحلول انه ع راس الثالوث توني ادري انه مسمار اللحم اهو الثالول :\
وهذي تجربتي الاول والشهر الياي موعدي ان شاءالله..

36 comments:

iguiwaman said...

مدونة جميلة ومرتبة ومواضع مميزة شكرا لك اختي
الكريمة
شرفنا بزيارتك واقض معنا أوقاتا ممتعة

http://iguiwaman.blogspot.com

الاوركيده said...

ماتشوفين شر انشاء الله

أجر وعافية :)

BookMark said...

أجر وعافية :)

بس ضحكتيني على ريول سندريلا

وشسالفة رقم 4 حتى البلاستر 4 حبات؟؟

اخاف رقم الحظ عندج ;)

hoza said...

ههههههههههههه
ضحكنى رقم 4
ولله سلامات على رجولك وماتشوفى شر ان شاء لله

شاي الضحى said...

ان شاءالله يختفي من الوجود وتفتكين منه يارب

ما تشوفين شر

mazyona said...

مسكينه كسرتي خاطري الله يعينج ويشفيج
تسلمين

Anonymous said...

ههههههههههه الله يسعدك رورو

سلامتك يارب ماتشوفين شر.. واظبي ع العلاج.

الله يعطيك العافيه

Sami said...

اجر و عافيه

فاطمة الابراهيم said...

أجر وعافية رورو

الحين مسمار اللحم أهو الثالول ..؟
توني أدري ..!

أنا فيني ثالول بويهي ..!
صار لي ست أشهر من طبيب لي طبيب آخر شي قالوا لي ما ينفع لازم كي :/ !

وكل فتره فيه جلسة ..

الحمدلله على كل حال

ربي يشافينا من الثواليل

:)

ساره النومس said...

تدرين اني اموت عليج

اسم الله عليج خرعني البوست صراحة قاعدة اسولف عنج مع رفيجتي تقول لج ماتشوفين شر

ميمة السبيت said...

** سلامات و ماتشوفين شر يالغالية والله من كثر ماتلططيييين بهالكريمات طلعلج ..

قطي جواتيج كلهم سوي ميك اوووفر لهم

ba6alah said...

kha6aach el soo

لمار said...

ماتشوفين شر حبيبتي وانشالله ترتاحين بعدها منه ..ولا تنسين الموعد الجاي .

Om Hrooby said...

سلامات يالغاليه ما تشوفين شر ..عاد مسمار اللحم مو هين اعرف حد صابه واحسه يعور>< ..واي صج يعادي ..

ربي يشافيج ^^
دمت بعافيه ~

Made n Q8 said...

ماتشوفين شر ان شاء الله يا سندريلا ..بس ها بشري الامير مزيون ولا لاع؟ :P

اجر وعافيه ان شاء الله

وصج فاقدتج الصبح:(

رورو الشخبوطه said...

هلا اخوي اوتو..

مشكور ع الاطراء..

ان شاءالله ولا يهمك..

والعفو ولو حياك الله..

رورو الشخبوطه said...

هلا اوركيده..

الشر ماييج والله يعافيج يارب..

مشكوره..

رورو الشخبوطه said...

هلا بوك..

الله يعافيج يارب..

وامقاسي الريولي ساعات في 4 :)

هالرقم يحبني وماحبه لو اقولج شكثر احداث بحياتي لها علاقة فيه بتنصدمين :\

وحياج الله..

رورو الشخبوطه said...

هلا هوزا..

وردج بعد رقم 4 :p

الله يسلمج يارب..

والشر ماييج ..

مشكوره:)

رورو الشخبوطه said...

هلا جايونه..

امين يارب..

الشر ماييج ..

ومشكوره..

رورو الشخبوطه said...

هلا مزيونه..

لاعادي سهالات ان شاءالله امين يارب..

والله يسلمج..

مشكوره ..

رورو الشخبوطه said...

هلا رندا..

خخ اجمعين يارب..


الله يسلمج والشر ماييج وان شاءالله بهتم ..

الله يعافيج يارب..

وحياج الله.

رورو الشخبوطه said...

هلا اخوي سامي..

الله يعافيك يارب..

مشكور..

رورو الشخبوطه said...

هلا اللوتس..

الله يعافيج يارب..

حتى انا بس احس غلط شلون شكله مثل مسمار اللحم؟؟

ترا الكي عوار خفيف ومامنه مضره ان شاءالله المهم والله يشفيج يارب..

اي الله يسهل انا عندي موعد الشهر الياي بس مادري شنو بيسون لي كي بعد ولا مجرد فحص..

اي والله الحمدالله ..

امين يارب..

وحياج الله..

رورو الشخبوطه said...

هلا طموحه...

مادري شيردون خخ بس مرسي..

لا تخترعين اهو شي بسيط مو صعب ان شاءالله..

والشر ماييكم يارب مشكورين ..

رورو الشخبوطه said...

هلا ميمه ..

الله يسلمج والشر ماييج يارب..

تهقين خخخ..

لا ماعتقد لانه الاولي القديم موجود من زمان بيصير له فوق السنه وشي عشرة عمر :)

عيل يبيلي قرض خخ :)

وحياج الله..

ومرسوو..

رورو الشخبوطه said...

هلا اخوي بطالي..

خطاك اللاش..

ومشكور..

رورو الشخبوطه said...

هلا لمار..

الشر ماييج يارب ..

ان شاءالله..

ومشكوره..

رورو الشخبوطه said...

هلا ام حروبي..

الله يسلمج والشر ماييج يارب..

هالايام بالش يعورني من جذي رحت اعالجه ..

صج للحين مو مصدقه ان يعدي :\

امين ويعافيج يارب..

مشكوره..

رورو الشخبوطه said...

هلا مدمد..

الشر ماييج يارب لاع ماكو امير بالمره اهي اهي ابي امير خخ..

الله يعافيج يارب..

بعد عمري ماتفقدين غالي عاد صايره اشبك الصبح وماحصلج :(

ومرسو..

'3ShMrGiaH said...

اجر وعوافي يااارب

توني ادري انه معدي..ياكافي الشر

AM.SA.CHANNEL said...

شو يعني مسمار اللحم ..؟؟

رورو الشخبوطه said...

هلا غشمرجيه..

الله يعافيج يارب..

ماتوقع صج :\

ومرسوو..

رورو الشخبوطه said...

هلا شانيل..

امم ماعرف شنو مسمى 2 له.؟؟

بقوقل كاتبين انه يامسمار لحم او عين السمكه :\

وحياج الله..

خاتون said...

سلامات رورو عسى الله يشافيج و يعافيج
تصدقين الاسبوع اللي فات رحت للطبيب و كان رقمي أربعه و رحت بعد جم يوم جان يطلع رقمي أربعه شالسالفة
أتوقع اللحين ريلج صارت انعم من أيدج
يللا مزيد من النعومة و الجمال ما يضر
و ياشين الجلدية و مواعيدهم ممله أنا مرة على حبه صغيرة فيها شعيرات دموية راجعت 3 شهور ههههههههه
خرعتج مو *_^

رورو الشخبوطه said...

هلا خاتون ..

الله يسلمج واجمعين يارب..

الظاهر موحدين الرقم ان هالرقم بحياتي كلها موجود :\

خخخ جان زين الله يسمع منج ..

الله كريم..

وخخخ لا عادي انا اختي قالتلي امس انه راحت 3 مرات وعقب طنشتهم :\ عيب الجلديه مواعيدهم بعيده وكله الصبح :\

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads