Friday, February 26, 2010
السلام عليكم ..
قبل جم يوم اختي كانت تتصفح جريدتي المفضله جريدة الاعلان ولفت انتباها هالاعلان وقالت لي عنه قلت خوش فكره ماشاءالله..

اهو اعلان عن مصبغه وقفية واهي تعتبر الاولى من نوعها بالكويت..
خدمتها مثل المصبغات العاديه :
-غسيل بطانيات ..
-نظام اشتراك .
-غسيل سجاد .
-كوي ع البخار.
-تعطير الملابس.
-غسيل ع الناشف .
بالاعلان كان في كلمة للشيخ بدر الحجرف رئيس ادارة مبرة الاحسان الخيريه ..
بعنوان كلمة مضيئة :
من الصدقة الجاريه وقف مايمكن الانتفاع به مع ابقاء عينه كالدور و الدكاكين وغيرها مما يعود ثمره واجره على من وقف , هاهي سلسلة العلامتين تمد لنا يد العون لنحصل ع الاجر من خلال مصبغتنا الوقفية , قال جابر "لم يكن احد من اصحاب الرسول ذو مقدرة الا وقف" فجزاهم كل خير ونفع بهم وجعل الاجر لكل من بذل او دل او دعا لهذا المشروع .(يعني انا واختي معاهم :)
من الاعمال الوقفية التي قامت بها المصبغة (مثل ماهو موضح بالاعلان) انه تم التبرع بريعها الى :
-افطار صائم .
-التبرع لنصرة غزة .
-مشروع المسافر .
-مطبوعات رمضان .
وموجوده بالاندلس و خيطان ..
*رايي :
حبيت الفكرة وايد حلوه ومفيده باختصار 2 في 1 مو بس انظف اغراضي لا هم اساهم بالتبرع لاعمال الخير من اسهل الطرق للحصول ع اجر باذن الله .
بس حسافه مو بمنطقتنا ..

28 comments:

Engineer A said...

والله فكرة يديدة .. اول مره تمر علي :)

الله يجزاهم خير

ebtsamh said...

حلوة الفكره ما شاء الله ..

الله يعينا دائما على عمل الخير ..

والمسلمين اجمعين ..

يسلموا ع الخبر .. سويتيلهم دعايه كوول

عين بغزي said...

فكرة غريبه !!

ناقص نفتح بقاله ونسويها وقف
او اشرايكم نسوي مواقف سيارات وقف !!

ولكنها خطوة جريئه !!

ba6alah said...

hathy asameha tejara eb esem el deen

رورو الشخبوطه said...

هلا انجو..

ولنا بالمثل يارب..

حياج الله..

رورو الشخبوطه said...

هلا ابتسامه..

امين يارب..

الله يسلمج يارب..

وحياج الله..

رورو الشخبوطه said...

هلا اخوي عين بغزي..

غريبه بس مفيده ..

مواقف سيارات سوها وقف بلاش بتاخذ اجر :)

من ردك مبين اي :)

حياك الله..

رورو الشخبوطه said...

هلا اخوي بطالي..

انت بسوالف التجاره ابخص بس عموما كل واحد ونيته و بذمتهم :)

وحياك الله..

panadool said...

أغلب الاعمال التجاريه تصير خيريه اذا فيها ربح

بل هناك طريقة الكثير يتبعونها وهو تبرع نسبه من الربح مثلا 40 % الى 60 %
للعمال الخيريه

وبالتالى هو من أفضل المشاريع هو مشروع الله لأنه عمره ما يخسر ودائما مبروك ومربح

دمتم بود

شاي الضحى said...

حلوه الفكره

بس وايد بعيده

DoDoq8 said...

عسى الله يعطيهم على قد نياتهم

بوصلها حق للي قراب لهلمناطق

ثاانكس رورو

كوكتيل said...

حلو الفكرة الله يجزاهم الخير

ويعطيك الافية حلو البوست ومفيد


وإن شاء الله يفتحون عندنا :)

رورو الشخبوطه said...

هلا اخوي بندول..

مشكور ع التوضيح..

رورو الشخبوطه said...

هلا جايونه..

اي عيبها انه بعيده :\

وحياج الله..

رورو الشخبوطه said...

هلا دودو ..

امين يارب..

اي زين تسوين ..

ولكم ولو..

رورو الشخبوطه said...

هلا كوكتيل..

ان شاءالله..

والله يعافيج يارب..

حياج الله..

BookMark said...

وناسة حلوة الفكرة والله

الله يعطيهم على نياتهم ..

واذا افتحوا بمناطق أقرب عطينا خبر P;

رورو الشخبوطه said...

هلا بوك مارك..

امين ..

ان شاءالله :)

حياج الله..

LO NAN JO said...

حبيت الفكره مررررره

تسلمين

Made n Q8 said...

خوش فكره

الله يجزيهم خير

بس لا الاندلس ولا خيطان قريبين لنا

ShaymoOona said...

خوش فكره و الله ..الله يجزاهم خير :)

رورو الشخبوطه said...

هلا لو ..

الله يسلمج يارب..

وحياج الله..

رورو الشخبوطه said...

هلا مدمد..

امين يارب..

اي مثل حالتنا :\

وحياج الله..

رورو الشخبوطه said...

هلا شيمونه ..

امين يارب..

حياج الله..

rawan said...

ماشاء الله تبارك الرحمن ,
فكرة فريدة من نوعها ومُبتكره بالكويت

=) اعجبتني حيل , اييي هذي الهمة والافكار الي تشرح الصدر
رزق , وهم بركة بالرزق

الله يجزاهم خير .
وجزاج الله خير اختي ,
شرف لي اني زرت ع مدونتجْ :)
تستاهل من يقراها ,
لاعدمنا حرفج ..

أوركيـد said...

ماشالله عليهم .. حلوووة فكرتهم حيل ..
لهم الأجر ان شالله ..
لا وبعد في توصيل مجاني .. حددهم روعه ..
الله يكتب أجرهم :)

رورو الشخبوطه said...

هلا نبراس ..

اي ماشاءالله..

امين يارب ..

ولك بالمثل يارب ..

الشرف لي حياك الله ..

شكرا:)

رورو الشخبوطه said...

هلا اوركيد..

امين يارب..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads