Friday, February 19, 2010

توني قبل ساعة تقريبا شفت فيلم اعلان حالة حب .

امبيه بعرف شنو الهدف منه ما ماكو مو محصله؟؟

الممثلين:

-تمثل فيه مشاعل الزنكوي اكثر من دور الدور الاول تكون اهي مطربه مبتدئة اما ال2 اهي العيوز يدة الصبي جراح..

-جراح اهو ممثل بحريني اللي شارك بستار اكاديمي دوره انه مهاوشجي و من كثر المشاكل انطرد من شغله و رفيجة ساعده انه يشتغل بمنتجع وهناك شاف رانيا (مشاعل الزنكوي).

-محمد رمضان اهو اللي يمثل دور الترف بو ريحة خايسه شكو هالشغلتين بعض مادري :\ اسمه بالفيلم شملان .

- الممثل المصري اللي بكل فيلم كويتي رازينه جنه اسمه علاء مرسي دوره انه مدير المنتجع ويبي يتزوج كويتيه.

-شهاب حاجيه دوره انه ابو رانيا مشاعل الزنكوي .

- فهد الزايد كومبارس ماله داعي .

-المصور الصحفي هم مادري شنو الحكمه من دوره :\ غير انه يلحق رانيا بيصورها ماهو قادر لا ويصور قلاصها او لوحه ويدزهم لمديرها شدعوه مايجيك عليهم قبل :\

- نواف نجم اهو منافس جراح بالشغل وبعلاقته مع رانيا ..

- اميره اسمها نوف خخ واهي بنت خفيفه ومطفوقه ورفيجة رانيا..

باختصار احس الفيلم مسوينه لمشاعل يبون يبرزونها باي شكل اهي محور الاحداث 2 يتهاوشون عليها و واحد عيز واهو يلحقها بيصورها دورين و طليقها مصعب اهو بعد بيبرز نفسه اهو المنتج والمؤلف والخ الخ الخ ..

http://www.aljarida.com/AlJarida/Article.aspx?id=104244

وضحكني بالخبر يقول المشاهد مترابطة :\

وفي عيب بعد انه اشكره دعايات لانسام الخلف و لمنتجع خليفه ولرشا شيك ..

وللي حاب يشوف دعايته ..

http://www.youtube.com/watch?v=6KE6offjLfg&feature=related

ونسيت اقول انه في قلة ادب بشكل كبير سواء بالافاظ او الحركات و ملاغة مو طبيعيه :\

فيني نومه وكتبته وانا غافيه خخخ فطوفوا البدليات والشطحات :)

هالبوست تغير عن الاكل :p

30 comments:

نمووول said...

شوفي فيلم بس يا بحر جم صار له
ابيض واسود ووقتها ماكان في التقنية والخبرات الموجودة حالياً ولا الامكانيات لقد ليلحين مو قادرين يسوون فلم كويتي بربع مستواه ..

اعتبر الافلام الكويتية الجديدة مشابهه لافلام الهواه في الغرب لكن مع شوية ملاقة وتقلقس ..

شكراً

Tekana said...

صار لهم اسبوع خابينا بدعاية هالفلم واللي يشوف الدعايه يقول الفلم كلش مسكت ....ماجنه نفس ما قلتي. زوج مشاعل الزنكوي السابق كان بيرز عمره اولا وزوجته ثانيا... شفت لقطه من الفلم وماقدرت اكمل ... بروحي ما اواطنها هالمشاعل

فاطمــه said...

مساالخير حلوتي

يعطيج العافيه على هالبوست الخفيف
=)

حسيتج في قمة البراءة لما قلتي
فيني النوم بس كتبته هذا

حدج كيوووووووووت

تقبلي تحياتي

ba6alah said...

lool shal naas ghaseb yabonha Kuwaitywood 3ala mood Hollywood

ebtsamh said...

آنا افلام مصريه ما اشوف

فمابالج بكويتيه .. مبين من البوستر

فيلم من غير هدف ,,

يلا هاردلك :)

mazyona said...

ياشينهم يوم يبون يقلدون الأفلام المصري
كلش مو لايق
تسلمين

شاي الضحى said...

الفلم كان ويع ارف لوعه ملاقه سخافه وصاخه قلة ادب ماكو قصه لسان طويل ماكو هدف

وهذا من متى صار مؤلف؟! منتج قلنه يمكن بعد مؤلف؟ باجر بيصير مخرج وممثل مره وحده

راز مشاعل ويايب بنته بعد تمثل

لا والي يضحك انع ميمع الافلام المصريه وماخذ من كل فلم فكره ويقول مؤلف ترا احنا مو اغبيه ينقص علينه

ومشاعل بدور اليده مقلده "الخاله نوسه" .. ولبسها يفشششششششل ما تستحي هذي؟ وريلها مادري طليقها مستانس على هاللبس؟ ولا لما تيي المنتجع مع لبسها وتكلم جراح وتكفخه بالشسمه عمه بعينها قليلة ادب

ودورها الثاني مع كشتها ولبسها

وييييع حدهم غاثيني ماكو احد سنع

وفهد الزايد متعب عمره طلع 30 ثانيه بس الظاهر معطينه ربع دينار على اللقطه المتعوب عليها

وهالترف قطع قطع شفتيه لما دش عند الدياي والبط يعل كرشه البط حسر فيهم حسبي الله عليه

جراح مسوي نفسه كلش مع هالشعر وعوووووو

بس بس ماني مكمله بكمل قهوتي احسن

ميمة السبيت said...

* حسافة على الساعة اللي طافت من وقتج على ملاقتهم

خلج على فلم خان الهندي وايد احسن

Made n Q8 said...

انا شفت البروموشن ولاعت جبدي شلون الفيلم بكبره!

فشلونا محسوب علينا فيلم كويتي :s

رورو الشخبوطه said...

هلا اخوي نمول..

انا ماشفت الفيلم بس اعتقد اللي ميزه اهو قدرات الستاف اللي مشتغل فيه ناس معتمده ع امكانيتها البسيطه..

هذيل عندهم امكانيات بس ماكو لا قصة ولا قدرات تمثيل ..

واذا بهالطريقه اكيد ماراح يوصلون الربع مستواه ..

الله يهداهم مافيهم ميزه ترقع لهم شغلهم :\

والعفو ولو..

وحياك الله..

رورو الشخبوطه said...

هلا تكانه ..

اي والله ..

مالوم السينما لما امنوعه خخخ..

وحياج الله..

رورو الشخبوطه said...

هلا فيونه ..

مساء النور :)

الله يعافيج يارب.=)

خخخ مرسي..

وحياج الله..

Engineer A said...

هههه زين سويتي وما حطيتيلنا شي ينوطل خصوصاً بالويك اند والزوارات والأطباق اللذيذة يعني مو ناقصين :))

وعلى لفيلم .. بالنسبة لي ما اتشجع اشوف اي فيلم خليجي مادري ليش؟! بس ما احب اشوفه << خل اشوف مسلسلاتهم اول وتالي أفلامهم :)

يعطيج العافية

بو ذياب said...

1- من متى مشاعل الزنكوي تعرف تمثل ؟
2- مع احترامي للاخوة البحرينين وصدقوني انه اموت عليهم بس هاردلك مو ملوت كوميديا :)
3- حرام عليج ضيعتي من عمرج ساعة على هالفلم :)
ومايصير بوست حقج مافيه اكل :)

رورو الشخبوطه said...

هلا اخوي بطالي..

لا جنه عرب وود بعد خخخ ..

عاد جان زين ع شي يسوى :\

وحياك الله..

رورو الشخبوطه said...

هلا ابتسامه ..

ماشفت البوستر الا عقب الفيلم :)

ومايصير احكم قيل ماشوفه خخ وكنت متوقعه انه سخيف بس مو هالدرجة..

وحياج الله..

رورو الشخبوطه said...

هلا مزيونه..

انزين ليش يقلدون ماعندهم افكار لايسون افلام خو مو غصب السالفه يفشلون :\

والله يسلمج يارب..

حياج الله..

رورو الشخبوطه said...

هلا جايونه ..

اي قطع من مجاميعوه مايترقع..

لا اهو مو مؤلف اهو مشروع مؤلف فاشل :\

اي ارخص دهنا بمكبتنا :)

اي من اول الفيلم تقليد ..

حسبالها تضحك حلايه الويه اهي شلون ترضى ع نفسها الله يهداها ولايبلانا يارب..

واي هلاقة جنها فزاعه او ع قولتنا خيال المائته ..


خخخ اي امبيه فهد الظاهر حلم حياته انه الناس تتيمع عليه جذي فيمكن رضى بالقطة بدون مقابل..

واي حده اللقطة مالها داعي ..

مستشوره بزنوبه انا خفت ينط له عرج من كثر ما اشتط ..

بالعافيه القهوة يارب ..

وحياج الله..

رورو الشخبوطه said...

هلا ميمه..

جان زين ساعه تقريبا من 10 ونص لي جريب ال1..

بشوفه ان شاءالله ناطره راي جايونه فيه ..

وحياج الله..

رورو الشخبوطه said...

هلا مدمد..

جان انبطت جبدج مثلنا..

اي والله هذا مو مال ينعرض :\

وحياج الله..

رورو الشخبوطه said...

هلا انجو..

خخ كنت دايخه مو مال ايوع تالي الليل ..
لانه للحين الاغلب سخيفين وماكو لا هدف ولا قصة ..
الله يعافيج يارب..

وحياج الله..

رورو الشخبوطه said...

هلا اخوي بوذياب..

1- من لما قام كل من هب ودب يخلونه يمثل :\
2- الصبي اي اما البنيه لا حرام اتوقع يطلع منها..
3- لا تحسسني بالذنب واهو مو ساعه جريب ال3 ساعات :\
خخ لاحرام عليك في وايد بدون اكل ..

وحياك الله..

خدمات البحث العلمي said...

والله كل شيء خليجي حالته صعبه
انا يجيني صداع ومغص حاد اذا شفتهم وخاصه الزنكوي هذي الحمدلله والشكر
اظاهر بيدخلون الجنه بحسناتي من كثر ما احكي فيهم

حياك الله شرفيني في مدونتي

Anonymous said...

اسمه فيلم كويتي و هو كله ايرانيين

المشكلة أن الناس يعتقدون أنه هذه ثقافة الكويتيين .. لأنهم محسوبين علينا كويتيين و يتكلمون لهجتنا و الناس برى ما تدري .

رورو الشخبوطه said...

هلا مبدعه..

خخخ المفروض نطور الاعلام ونخليه يعكس مجتمعتنا بشكل صح مو يشوه صورتنا ويرفع ضغطنا..

الله يحيج ولا يهمج بزورج ان شاءالله ..


ومشكوره..

رورو الشخبوطه said...

هلا غير معروف..

بغض النظر عن جناسي او اصول اللي يمثلون فيه اهو مافيه لاقصه ولا يعرض واقع مجتمعنا..

ولو بتشوف مو بس المسلسلات اللي يتكوتون حتى بالمجمعات كل من هب ودب يتحجى كويتي :\

وحياك الله..

كوكتيل said...

أنا ما شفته شفت دعايته بس كنت بموت من الملاغة أبي حده سخيف ولا لقطة من الأعلان إعجبتني

رورو الشخبوطه said...

هلا كوكتيل ..

اهو يبجي خخخ من الملاغه ..

حياج الله..

9mt al8lb said...

السلام عليكم ورحمه الله وبركاته

اتمنى اولا تقبليني في مدونتج

وبخصوص الفلم انا شفته مااقولج عجبني

بس ضحكني وااايد ههههه

لدرجه انه كل ماعادووه رجعت شفته بس عشان اضحك

ومثل ماقلتي يبون يبرزون مشآعل

تسلمين ع الطرح واتمنى تزورين مدونتي

رورو الشخبوطه said...

هلا 9mt al8lb

وعليكم السلام والرحمه..


حياج الله اخيتي..


انا من الدعايه و عاجبني بس شفته لاني ابي اضحك بعد خخخ..

زين طلع له فايده :)

اي وايد..

الله يسلمج يارب..

واي ان شاءالله ولا يهمج..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads